Архив
897   898   899   900   901   902   903   904   905   906   907   908   909   910   911   912   913   914   915   916  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Саадат Шералиева, жалгыз бой эне: “ДАРЫГЕРЛЕР КЫЗЫМДЫН ТАГДЫРЫН ТАЛКАЛАШТЫ”

№916 25-июнь-1-июль, 2020-ж.


Оору менен 4 жарым жылдан бери күрөшүп төшөктө жаткан Жанара учурда 26 жашта. Кызынын азабын тартып жаткан апасы Саадат Шералиева Жанаранын азыркы абалга келишине дарыгерлер күнөөлүү дейт. “Жөн гана профилактикалык дарыланууга ооруканага кайрылганбыз. Дарыгерлер ойноп-күлүп жүргөн кызымды төшөктөн тургус кылып коюшту. Алардын шалаакылыгынан улам ушундай күнгө туш болдук” дейт эне.

“ДАРЫГЕР БИЗГЕ АЙТПАЙ ЭЛЕ БЕЛИНЕН, ДАЛЫСЫНАН ПУНКЦИЯ АЛЫП САЛЫПТЫР”

– Биз Чүй облусунун Чүй районуна караштуу Кош-Коргон айылында турабыз. Жолдошум экөөбүз 1 кыз, 1 уулдуу болгонбуз. Кызымдын оорусу менен алпурушуп калам деген кантип ойго келсин?

Кызым Кыргыз улуттук университетинде окучу. 2014-жылы окуудан чыгып келе жатканда машина сүзүп кеткен. Катуу деле жаракат алган эмес, ошентсе да башын томографияга тарттырдык, колу сынып кетиптир. 10 күн дарыланып чыккан. Дарыгерлер “жылына бир текшертип тургула” дешкен.

2016-жылы февралда сессия тапшырарда “башым ооруп жатат” деп калды. Эки окууда окучу, кыйналып калды го деп “эжейиңе айталы, ооруканага жаткыралы, дарылан” дедим. Анткени баягы дарыгерлердин айтуусу боюнча 2015-жылы да бир ирет текшерүүдөн өткөргөм. 10 күн профилактикага жаткыра коёлу деп дароо Чүй райондук ооруканага алып барып 100 доллар төлөп жаткырдык. Кызым “апа, анализдерим жакшы экен” деп жаткан. Эртеси кечке маал барсам “башым басылбай эле күчөп жатат, шалдырап жатам” деди. 3-күнү эрте бардым, аябай тердеп жатыптыр. “Апа, жүрөгүм да ооруп баштаптыр, врач айтты” дегенинен дарыгерден сурасам, “мен сага Кудай эмесмин, 10 күн жатат, айыгат да!” деп кыйкырып берди. “2 маал дары куйсаңар күчтүүлүк кылат го, студент ачка-ток жүрөт, көтөрө албай калбасын, жүрөктүкүн сайбай тургулачы” деп тызылдап жаттым. 7 күн жатты, кечке жуук кызым “келип алып кеткиле, жуунуп келейинчи, аябай тер жыттанып, жүдөп кеттим” деп чалды. “Жиберсе макул” деп атасы экөөбүз барып алып келдик. Барсак палатада чын эле эч ким калбай калыптыр. Баары үйлөрүнө кетиптир, эртең менен обходго чейин келип калышат экен. Үйдөн мончого түшүп уктады, ошону менен эртең менен турбай калды. Жүгүрүп эле ооруканага алып жөнөдүк. Ошондо эле комага түшүп калыптыр. Неврологияга барып эле “эмнеге минтип калды?” деп врачка кыйкырдык. Ал коркуп кетип эле бир тамчылатма дары сайды. Кызымдын оозу көгөрүп, денеси кызыл болуп чыкканда системди сууруп салды. Жандандыруу бөлүмүнө алып жөнөштү. Бизге айтпай эле белинен, жүлүндөн пункция алып салыптыр.

“КАНТ ДИАБЕТИ ДЕП ЭЛЕ ДАРЫЛАЙ БЕРИШИПТИР”

– Жандандыруу бөлүмүндөгү анализинен кант диабети дешти. Диабетке дары ала баштадык. Казакстандан 28 000 сомго Глюкоген деген дары алдырып жаттык. Комадан чыкпаганынан кайталап дары саябыз дешти. 3 күндөн кийин дагы алдырдык. 7 күн неврологияда дарыланган, 8-февралдан баштап 10-апрелге чейин кант диабети деп дарылашты, күнүнө 4-5 миң сомго дары алып келип жаттык. 2 жолу Бишкектен санавиацияны жалдап келдик. Жаш, тажрыйбасы жок немелер экен, бир нерсе деп деле тыянак чыгарышкан жок. Токмоктогу дарыгерлер бизден кутулгусу келип “Бишкекке алып кеткиле” деп жатышты. Рак дешкенинен 2 жолу текшерттик. 5000 сомго Бишкектен бир профессорду жалдап келдик. Ал “жол жүрүүгө болбойт, ушул жакта болсун, мээсине доо кетиптир, томографияга тарттыргыла” деди. “Тез жардам” жалдап Бишкекке алып барып томографияга тарттырдык. Мээсине кычкылтек жетишпей калыптыр (ред.: постгипоксическая и токсико-метаболическая энцефалопатия деген диагноз коюлган). Күчтүү уколдорду сайып кызымдын мээсин күйгүзүп салыптыр.

Медик эжебиз бар. Ал “кызың кант диабети менен оорубайт" деп Бишкектен врач алып келди. Ал анализдерин карап чыкты. Чүй райондук оорукананын башчысы кызымды дарылап жаткан врачты, баарыбызды чогултуп “бул кызды эмнеге кант диабети деп дарылап жатасыңар, акылыңар жайындабы? Неврологияда жаткан неме кантип кант диабети болмок эле?” деп урушту. Ошондо дарылап жаткан врач “кабыл алганда кандагы канттын деңгээлин караган эмесмин” деп күнөөсүн моюндады. Кызым мурун да ооруканага жаткандыктан анализин толук карабай, “бул кызды тааныйм” деп эле күчтүү уколдорду сая бериптир, көтөрө албай, “жүрөгүм лакылдап жатат” десе жүрөктүкүн сайып, кыскасы, мээсине доо кетириптир.

Эртеси Жандандыруу бөлүмүнүн сыртында отурсам ошол жакта иштеген бир келин келип, “Жанара Сарыгулованын апасы болосузбу? Документтерин жасап жатышат” деди. Кызың өлөт дей беришип нес болуп турган жаныбыз башка нерселерге маани берүүгө чамабыз болгон эмес.

“КЫЗЫМДЫН ДЦП ЭМЕС ЭКЕНИН ДАЛИЛДЕЙМ ДЕП ЖҮРҮП ЖОЛДОШУМ КАЗА БОЛДУ”

– Жандандыруу бөлүмүнүн керебетинен бери беришип врачтар бизден эптеп эле кутулалы дешти. Жанара ошондо 21де болчу. 4 жарым жылдан бери оору менен күрөшүп келе жатабыз. Башында морфий сайып жаттык, 2 жыл уколдун жардамы менен уктап жүрдү. Люксембург айылында бир кытай дарыгери бар, ошого алып бардым. Ал дагы “бул дарыгерлердин катачылыгы, мээсин дары менен күйгүзүп салышыптыр” деди. 4 жылдан бери анын дарыларын колдонобуз, дарыгерлер өлөт деген кызым жашап келе жатат. "Ушул кыздан биринчи мени ал" деп жатып сопсоо жүргөн кайненем каза болду.

Таанышыбыздын балдызы Америкадан келиптир, врач экен. Оору тарыхын көрүп, “кызыңардын мээсине кан куюлду беле, эмнеге операция жасатпайсыңар?” деди. Томографиянын кагазын көрүп, “оору тарыхына да мээ күйдү дебей, кан куюлду деп жазып коюптур” деди. Андан бери Орусия, Түркия, Казакстанга, кытайлык дарыгерлерге көрсөттүк. Алар “кыр аркага, жүлүнгө доо кеткен, ошого кыймылдабай калган. Мээни күйгүзүп салган үчүн көрүү, сезүү, тамак ичүү органдары иштен чыккан, бул дарыгердин катасы” деп айтышты.

Дарыгерлер кызымдын тагдырын талкалашты. Майып кылып колума беришти. Жолдошум да 2 жыл мурун адилеттүүлүк издеп, чыркырап жүрүп каза болуп калды. Өзүм 2 жолу инфаркт алдым. Чүй райондук сотко арыз жаздык. 4 жылда канча тергөөчү алмашты? Ишти улам эле "мөөнөтү өтүп кеткен" деп жаап коюшат. Жолдошум Бишкектен бери соттук-медициналык эксперт алып келди.

"ВРАЧТЫН КҮНӨӨСҮ" ДЕП ЭЛЕ КЕТИШЕТ, СОТТОН ТЫЯНАК ЧЫКПАЙТ"

– Кантип күйбөйм, документин жасашканы ушул да. Соо жүргөн кызымды ДЦП менен төрөлгөн деп жазып коюшуптур. Биздин айылдагы дарыгер кызымдын кичинекей кезиндеги медициналык китепчесин Чүй райондук ооруканага архивге өткөрөт. Биригип алып баягы документке ДЦП деп жазышыптыр. Айылдагы медайым менин аяшым болчу. Ага “сен эмнеге ДЦП деп жазасың?” деп нааразы болдум. Ошондо ал “Саадат, кечирип койчу, мени дагы мажбурлашты” деп ыйлады. Күйөөм каза болгондон кийин ал дагы айтканын танып чыкты.

Такма жалаягын алмаштырыш керек. Убагы менен блендерден өткөрүп, түтүкчө менен тамагын берем. Жерибизди, мал, унаабызды, болгон оокатты сатып бүттүк. Азыр 24 жаштагы баламдын тапкан акчасын карап отуруп калдык. Менин кызым менен уулумдай курактагы балдар ойноп-күлүп жүрүшөт. Жакында эле кайнагам чуркап жүрүп кызыма 4700 сом жөлөк пул чектетип берди. Убагы менен түтүктөрдү алмаштырыш керек, дарылар да кымбат. Бир күндө 3-4 такма жалаяк колдонобуз.

Кызымды туура эмес дарылаган врач күйөөм барда 80 000 сом, анан 3 таңгак такма жалаяк берген. Күйөөм ар кайсы эшикти каккылап жүрсө корккон окшойт. Бир жолу үйгө келип сурап койгон жок. Врачтар көпкө жашабайт деп ойлошкон. Кудайга шүгүр, жашап келе жатат. Дарыларды, витаминдерди берип жакшы караганга өзү уктап, өзү ойгонуп, көздөрүн ирмеп калды.

ДЦП деп жазып салып документин бурмалап салышты. Индиялык врачтар арзандатуу менен 8-10 миң долларга дарылап көрөбүз деп жатышат. Жалпы 20 миң доллардай кетет дешкен. Менде мынча суммадагы каражат жок. Орусиядан бир дарыгер менен сүйлөшкөнбүз. Ал "10 миң долларга чейин арзан баада дарылайбыз, Саламаттыкты сактоо министрлиги аркылуу багыттама кагаз ал" деди. Министрликке барып чоо-жайын айтсам, ДЦПга берилбейт, соттошсоңор да диагнозду алмаштырыш керек деди. Кайдан соттошом, мөөнөтү өтүп кеткен иш деп эле жаап коюшат. Соттошуп жыйынтык чыгара албай койдук.

“ДЦП МЕНЕН ООРУЧУ ЭМЕС”

Гүлүм Абылкасым кызы, Кош-Коргон айылындагы Туйту Каракеев атындагы орто мектептин окуу бөлүмүнүн башчысы:

– Бул үй-бүлө менен кошунабыз. Жанара баламдын классташы. Кичинекейинен көз алдымда чоңойду. Мектепте жакшы окучу. Жогорку класста окуп жүргөндө биология боюнча облустук олимпиадага катышып, алдыңкы орундарды алып келген. Аябай аракетчил, зирек кыз болчу. Жалпы республикалык тестирлөөдөн да жакшы упай алып, рейтинг боюнча 3-орунду ээлеген. Эч кандай ДЦП байкалчу эмес, болбосо ал дарт кичинесинен эле билинмек да. Биз деле таң калып жатабыз. Мындай тыянакты кайсы дарыгердин колу барып жазып берди? “Менин кызымдын андай оорусу жок болчу” деп, ошону далилдейм деп жүрүп инфаркт алып жапжаш атасы каза болуп калды. Көрүп жатабыз да, жерлерин, мал-жанын, үй ээсинен калган унаасын сатышты.

Мен бир-эки жолу барып жуунтканга жардам берип калдым. 26га чыккан кызды көтөрүп караган деле кыйын экен. Саадат жеңе өтө бекем. “Менин кызым минтип калды, жардам берип койгула” деп бир да жардам сураган жок. "Баары жакшы" деп бизге деле эч нерсе билгизчү эмес, эми эле элге кайрылууга аргасыз болуп отурат. Акыл-эси жайында жакшынакай кызды минтип оорукчан кылып коюшту, кандай гана аянычтуу?

Жардам берүүнү каалагандар үчүн реквизиттер: "Бакай Банк" БИК 124004 Шералиева Саадат Асакеевна

банктык эсеп: 1242020108675268

Элсом: 0703140860

Динара Акимова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Комментарийлер(5)
29.06.2020. 11:02 
Тайпасы:
Жаран
Комментарийлердин саны:
9
Катталган:
02-02-2016
Соӊку аракети:
05-07-2020 15:35
Жынысы:
Белгисиз
+8
Эх тозокто куйгурлор,айдай кыздын убалына калыпсынар!
29.06.2020. 11:09 
Тайпасы:
Жаран
Комментарийлердин саны:
286
Катталган:
26-01-2016
Соӊку аракети:
06-07-2020 02:29
Жынысы:
Белгисиз
Калаасы:
♡♡♡ОШ♡♡♡
+8
Чырактай кызды убалына калыпсыңар! Аллах шыпаасын берсин
29.06.2020. 11:59 
Тайпасы:
Жаран
Комментарийлердин саны:
25
Катталган:
12-08-2019
Соӊку аракети:
06-07-2020 06:25
Жынысы:
Белгисиз
+7
Ооба мен да ушундай тагдырды жакын эле бироодон кордум. Туура эмес диагноз менен оорутуп коюпсунар го. Даарылар Бир жеринди айыктырган менен экинчи жеринди талкалайт. Врачка ишин тушпосун да.
29.06.2020. 19:55 
Тайпасы:
Жаран
Комментарийлердин саны:
60
Катталган:
16-12-2013
Соӊку аракети:
04-07-2020 17:35
Жынысы:
Белгисиз
+8
Кыргызстанда врачка баргандан деле коркосун адам
29.06.2020. 21:57 
Тайпасы:
Жаран
Комментарийлердин саны:
26
Катталган:
18-07-2019
Соӊку аракети:
05-07-2020 20:10
Жынысы:
Белгисиз
+8
Жап жаш кыздын тагдырын сындырышыптыр,акмактар!Эжеге ,кызыга бекем ден-соолук ,тэзирээк айыгып кетишин Кудайдан тилеп дуа кылалы.Колунуздардан келген инсандар аздан болсо да жардам берелик.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 7 колдонуучу (Катталган: 0, коноктор: 7) бул макаланы окуду:

Макалалардын саны:
24093;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: