Архив
897   898   899   900   901   902   903   904   905   906   907   908   909   910   911   912   913   914   915   916  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

АЛЕКСАНДР ВОЛКОДАВ – КЫРГЫЗЧА ЫРДАГАН “САРЫ КЫРГЫЗ”

№916 25-июнь-1-июль, 2020-ж.


Александр Волкодав – кыргызча ырларды катыра аткарган биздин мекендешибиз. Ал музыка дүйнөсүнө 15 жылдан бери аралашып жүрсө да, коомчулукка Алла Пугачёванын «Любовь, похожая на сон» ырынын кыргызча версиясын аткарып чыккандан кийин тааныла баштады. Мукам үнү менен кыргыз ырларын созолонткон таланттуу ырчы менен таанышып алыңыз.

АЛЕКСАНДР ТУУРАЛУУ:

Туулган жылы 1989-жыл, 27-март

Туулган жери Бишкек шаары

Билими – Кыргыз-Орус Славян университетин жана Мураталы Күрөңкеев атындагы музыкалык окуу жайдын эстрада-вокал бөлүмүн бүтүргөн

Бою – 180 сантиметр

Салмагы – 84 килограмм

Спортко кызыгуусу – күрөш, самбо, эрежесиз эр уруш, сууда сүзүү менен машыгат

– Александр, саламатсызбы! Сиз коомчулукка “Махабат” ырыңыздан кийин көбүрөөк таанымал боло баштадыңыз окшойт. “Любовь, похожая на сон” ырынын кыргызча версиясы кантип жаралды?

– Бир күнү шоумен Максат Тынаев “Саша, мен “Любовь, похожая на сон” ырына ремейк жазып жатам. Аны сен аткарып чыгышың керек” деп чалганда дароо макул болдум. Бул ыр котормо эмес, ремейк болгону аябай жакты. Максат ырдын мазмунун, мелодикасын сактап, башка текст жазыптыр. Жыйынтыгында ыр сонун чыкты. Анткени бул ыр эне тилибизде жакшы чыгарын эч ким күткөн эмес.

Бул ыр былтыр эле чыккан. Бирок азыр популярдуу болуп жатат. Бир күнү телефонумду ачсам эле социалдык тармактагы баракчама достук жөнөткөндөр жайнап калыптыр. Карап, “эмне болгон?” деп түшүнбөй калдым. Көрсө, ыр Фейсбуктагы бир группага жүктөлгөндөн кийин жакшы карала баштаптыр. Көпчүлүк бөлүшүп, ырга экинчи өмүр берилди.

“Эне жүрөгү” аттуу автордук ырым аймактарда аябай жакшы кабыл алынгандыктан Оштон, Жалал-Абаддан чалып, келип ырдап берүүмдү суранышты. Тойлорго барып ырдап бердим.

– Автордук деп калдыңыз. Ырдын текстин да өзүңүз жаздыңызбы?

– Бул ырдын тексти кандай болушун, кандай сөздөр камтылышы керектигин Акбар Кубанычбеков аттуу акынга түшүндүрүп бердим. Текстте эне жүрөгү уулун канчалык жакшы көрөрү, сүйүүсү аны жолдон чыгарбай, коргоп жүрөрү тууралуу сөздөр камтылды.

Учурда “Сары кыргыз” деген ырым жазылып жатат. Ырдын жаралуу тарыхына кайрыла кетейин. Мен анда ырчы Актан Исабаевдин студиясында иштечүмүн. Балдар ыр жазып, аны “Кара кыргыз” деп аташыптыр. "Мен кара эмесмин го” десем, “анда сары” дешти. Ушундан улам “Сары кыргыз” болуп калды. Ырдын тексти күчтүү, патриоттук сезимди ойготуп, рухуңду көтөрөт. Азыр карьерам ушинтип кыргыз тилиндеги ырлар менен өнүгүп баратат.

Жакында кыргызча ырларымдын жыйнагын чыгарып, анын алкагында Кыргызстанды кыдырып концерт берейин деген планым бар. Анткени мени Бишкек шаары жакшы билгени менен, аймактарга анча тааныла элекмин. Ал жактан да өз аудиториямды табайын деп максат кылып жатам.

– Кыргыз тилин жакшы билесизби?

– Азырынча кыргызча сүйлөй албайм. Жакшы деңгээлде сүйлөй ала турган болгондо баарын таң калтырайын деп жатам. Кыргызча оюмду жакшы билдире албайм, бирок түшүнөм. Досторум да жардам берип сөздөрдү туура айтканды үйрөтүп, тилимди жатык кылып жатышат. Мисалы, “Эне жүрөгү” менен “Махабат” ырларын угуп көрсөңүздөр сөздөрдүн айтылышында айырмачылык бар. Бул өзүмө аябай байкалды. “Эне жүрөгүндө” акцент болсо, “Махабатта” тилим жакшырыптыр. Ал эми “Эс ал” ырымда өзүмө чакырык таштадым. Анткени ырда рэп бар. Башында “кыргыз тилинде рэп айта аламбы?” деп ойлодум. Анткени сөздөрдү туура, бат айтышым керек да. Жадакалса кыргыз тилдүү эстрада ырчылардын көбү рэп айта алышпайт. Мен кыргыз тилинде рэп айтууну максат кылдым да, ырды жаздырдым. Жакында бет ачары болот, күтүңүздөр.

– Кызыктырып койдуңуз. Анда кепти музыкалык карьераңыздын башталышы тууралуу улабайлыбы?

– Кичинекей кезимде эле ырдап баштагам. Хорго катышып, гитарада ойночумун. 16 жашымда “К52” аттуу топ түзгөм. Убакыттын өтүшү менен топтун курамы да алмашты. 2014-жылга чейин өз алдымча кавер аткарып жүрдүм. 2015-жылы актриса Замира Сатыбалдиева Актан Исабаев менен тааныштырды. Актан байке “Асман Ала-Тоо” ырын жаздырып жаткан экен. Замира эже “Саша, тезинен студияга келе кал. Ырдашың керек болуп жатат” деп чалып калды. Актан Исабаев мага чоң таасир берди. Экөөбүздүн мүнөзүбүз төп келип, тил табышып, дос болуп кеттик. Актан байке “кел, чогуу иштешүүгө аракет кылып көрөлү” деп “Гори” аттуу ырын белек кылды.

Ошол жылы Москвада өткөрүлгөн эл аралык “Арт-футбол” сынагына катыштым. Футбол ойногон ырчылардын арасында өткөрүлгөн сынакта 16 мамлекеттин арасынан мыкты вокалист катары 2-орунду алдым. Кыргызстандын желегин көтөрүү чоң сыймык болду, колум титиреп турганы эсимде.

Актан байке экөөбүз жараткан ырлар коммерциялык эмес болчу. Ал музыканы тар чөйрө гана түшүнчү. А мен массага таанылууну кааладым. Ошондуктан ал “мен сени коё берейин. Коммерциялык багыттагы ырлар меники эмес” деди.

Актан байкеден кеткенден кийин өз алдымча кафеде ырдап, иштеп жүрдүм. Кийин өзүм кафе ачып, иштетип көрдүм. Чыгармачылык менен бизнести чогуу алып кетүү оор экен. Азыр ишкерликти токтоттум, эми чыгармачылык менен 10 жылдай тыгыз иштеп, КМШ өлкөлөрүнө чыгайын деп жатам.

– Музыкалык сынактарга катышайын деген максаттарыңыз барбы?

– Ооба. 2 жыл мурун Москвада өткөн “Голос” долбооруна катышып, башкы 2 этабынан өткөм. Калыстар тобу катышуучуларды тандап коюшкандыктан кезекте турган мен, дагы 30дан ашуун катышуучу кийинки жылга калып калганбыз. Кийинки жылы “Песни на ТНТ” сынагына чакырып калышты. Барып тандоодон өтпөй калдым. Буга кабатыр болгон жокмун, болгону ушул сынак үчүн “Голосту” өткөрүп жибердим. Бул жылы да “Голос” сынагына катышайын дегем, пандемияга байланыштуу тилегим орундалбай калды.

– Караоке клубдарга барып каласызбы?

– Кээде барып калам. Бирок ал жерде ырдагандан тартынам. “Өзүн көрсөтө албай мактанып жатат”, “сенден кийин ырдабайм” деген сөздөрдү укпаш үчүн отуруп алып ырдайм. Кээде таанып калышат. Тааныбагандар жаныма келип, “жакшы ырдайт турбайсыңбы. Музыка менен алектенишиң керек экен. Сахнага чыгып ырдап көрбөйсүңбү?” дешет. Жанымда отурган досторум “Саша, чын эле сахнада ырдап көр да. Балким, оңунан чыгып калат” деп каткырып калышат. Айрымдары “Махабатты” сен ырдайсыңбы?” деп сурашат. Бир жолу караокеден 4 жолу “Махабат” ырымды ырдадым. 4 жолу тең туруп алып кол чаап колдошту. Орус жигиттин кыргызча ырдап жатканына таң калышты окшойт.

– Ата-энеңиз тууралуу да айтып бериңизчи...

– Атам Мураталы Күрөңкеев атындагы музыкалык окуу жайды бүтүргөн. Баянда жакшы ойнойт. Атам турмуш-шартка байланыштуу жеке ишкерлик менен алектенет. Азыр “топ түзүп, сахнага чыгууну кыялданчумун. Сен менин кыялымды ишке ашырдың. Сени менен сыймыктанам” деп калат. Ата-энем менин дайымкы угармандарым. Клибим, маектерим телевизордон көрсөтүлүп калса “сени көрсөтүп жатышат” деп чалышат. Ушул үй-бүлөдө төрөлгөнүмө ыраазымын.

Апам да жакшы ырдайт. Атам “мүмкүнчүлүк болсо, апаң менен чогуу ыр жаздырып көрчү” деп айтып калат. Буюрса, бул идеяны ишке ашырам.

Атам музыкант болгондуктан чыгармачылыгыма сын көз караш менен карайт. Мурда ырларымды угузганда “балам, окшошпой калыптыр” деп бетке айтып салчу. Башында жүрөгүмө жакын кабыл алып, таарынып калчумун. Бирок кайра иштеп чыгып, атам туура багыт бергенин аңдап калар элем. Кудайга шүгүр, азыр музыкалык деңгээлим өсүп, жакшы жазылган ырларды угузуп калбадымбы.

Атам досторунун WhatsApp`тагы группаларына “уулумдун ырын угуп койгула” деп жөнөтүп жыргай берет. Ошентип чыгармачылыгымдын өнүгүшүнө жардам берип жатат (күлүп). Мисалы, “Махабат” ырымды дүйнөнүн жарымы угуп койду окшойт. Анткени достору ар кайсы өлкөдө жашашат.

– Сөз соңунда сизге ашык болуп жаткан кыздарга жооп алып берейин. Жүрөгүңүз бошпу?

– Жүрөгүм бош эмес, сүйүктүүм бар.

– Маегиңизге рахмат! Чыгармачылыгыңыз өркүндөй берсин!

Динара Абдыкадырова
star@super.kg




"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(6)
29.06.2020. 10:09 
Тайпасы:
Жаран
Комментарийлердин саны:
441
Катталган:
06-08-2015
Соӊку аракети:
06-07-2020 01:39
Жынысы:
Белгисиз
+5
Чыгармачылык ийгилик. Город 312 тобуна окшоп атагын чыксын. Дуйного тааныл. Биз сыймыктанып Кыргызстандык, менин жердешим деп сыймыктанып айтып журо турган бололу.
29.06.2020. 12:59 
Тайпасы:
Жаран
Комментарийлердин саны:
5
Катталган:
28-09-2011
Соӊку аракети:
05-07-2020 23:36
Жынысы:
Белгисиз
+4
Саша, ишине ийгилик!
29.06.2020. 17:05 
Тайпасы:
Жаран
Комментарийлердин саны:
106
Катталган:
31-05-2013
Соӊку аракети:
01-07-2020 09:41
Жынысы:
Белгисиз
Калаасы:
Шибер
+2
Махабат ыры аябай сонун жазылган. Молодец!!!
01.07.2020. 17:48 
Тайпасы:
Жаран
Комментарийлердин саны:
530
Катталган:
01-03-2018
Соӊку аракети:
06-07-2020 02:12
Жынысы:
Белгисиз
+3
Кыргызча үйрөнүп таң калтырайын деп жатам дейт. 30 жыл кыргыздардын арасында жашап уйронбогон өзүңдүн кызыгуун жок да. Америкада эки жыл жашасан англис тилин үйрөнүп алмаксын. Анын үстүнө өзүбүз кунолуубуз ушулардын тили менен баарлашкан. Мамбеттер чыгат кыргыз болуп туруп каалагандай суйлойбуз деп жооп жазып
01.07.2020. 21:52 
Тайпасы:
Конок
Комментарийлердин саны:
1
Катталган:
07-05-2020
Соӊку аракети:
05-07-2020 18:55
Жынысы:
Белгисиз
0
Mamiev,Мамбеттер дегенин жакты. Экообуз кантип жостошсок болот???
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 2 колдонуучу (Катталган: 1, коноктор: 1) бул макаланы окуду:

sumaya

Макалалардын саны:
24093;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: