Архив
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ДӨҢГӨЛӨК БАЙЛАНЫП КОРДОЛГОН АЯЛ. СУЗАКТАГЫ ОКУЯ КООМЧУЛУКТУН ҮРӨЙҮН УЧУРДУ

№915 18-24-июнь, 2020-ж.


Өткөн аптада Сузак районунда болгон окуя – бир аялдын күйөөсү тарабынан ырайымсыз кордолгону коомчулуктун үрөйүн учурду. Интернет желесине тараган видеодон күйөөсү колу байлануу аялынын моюнуна унаанын 2 дөңгөлөгүн илип, башынан ылдый чакалап суу куюп, жаакка чаап жатканын көрүүгө болот. Окуя аталган райондун Бек-Абад айылында болгон. Бул окуя үй-бүлөлүк зомбулук, аялдардын укугун коргоо темасын кайрадан талкууга чыгарды.

“ЖАБЫРЛАНУУЧУ КҮЙӨӨСҮН КЕЧИРИП, ТОСМО АРЫЗ ЖАЗДЫ”

Аталган окуя боюнча Жалал-Абад ОИИББинин басма сөз кызматы буларды билдирди:

– Интернеттеги социалдык тармактарга аялынын моюнуна дөңгөлөк байлап, чакалап суу чачып жаткан видео тараган. Бул окуя 2020-жылдын 8-июнь күнү Сузак районундагы айылдардын биринде орун алган. Сузак районунун 1969-жылы туулган тургуну Б.З. өз үйүндө 1973-жылы туулган М.Д. аттуу аялынын моюнуна дөңгөлөк байлап, үстүнө чакалап суу куйган.

Бул окуя Сузак РИИБи тарабынан Кылмыштардын жана жоруктардын бирдиктүү реестрине Кыргыз Республикасынын Жоруктар жөнүндөгү кодексинин 75-беренеси (үй-бүлөдөгү зомбулук) жана Жазык кодексинин 144-беренеси (уруп-согуп кыйноо) менен катталып, сотко чейинки өндүрүшкө алынган. Жабырлануучунун күйөөсү Б.З. 11-июнда Сузак РИИБинин убактылуу кармоочу жайына киргизилди.

2020-жылдын 13-июнь күнү Б.Знын баш коргоо чарасы каралып, Сузак райондук соту тарабынан 15 күнгө камакка алуу чарасы тандалган. Белгилей кетүүчү жагдай, жабырлануучу күйөөсүн кечиргендигин билдирип, тосмо арыз жазган.

“ВИДЕОНУ КӨРҮП, НЕС БОЛУП КАЛДЫМ”

Жабырлануучунун жакындарына байланышып, окуя тууралуу маалымат алдык. Атын жарыялоону каалабаган эжеси буларды айтат:

– Окуя болгондон бир күн мурун неберемди сүннөткө отургузгам. Сиңдим үйгө конокко келген. Кеч болуп кеткенинен “бүгүн жатып кет, сүйлөшүп отуралы. Эртең менен эрте таксиге салып жиберем” деп калдым. Чынында өзү деле бир шылтоо менен үйүбүзгө жылына бир-эки жолу эле келет. Аңгыча күйөөсү телефон чалып “эки сааттын ичинде келип кал” деп калды. Мен сиңдимден телефонду алып “эртең менен барсын, азыр саат тогуз болуп калды, Оштон Жалал-Абадга жеткиче качан?” дедим. “Жок, 2 сааттын ичинде келип калсын” деп болбой койду. Мен “бир ачууңду мага бер, кетем дегенинен жатып кет деп мен алып калдым эле” десем, “мен бир сүйлөйм, 2 сааттын ичинде келип калбаса сиңдиңиз сизге белек, анда бул үйдө орун жок” деди. “Кой, андай дебе, эртең менен эрте барат” дедим. Эртеси жети жарымдарда үйүнө кеткен. Анан ушул окуя болуп жатпайбы.

Арызды мен жазайын десем, мыйзамга туура келбейт экен, өзү жазды. Күйөө бала бирөөнү чакырып келип видеого тарттырып, анан “эжеңе сабак болсун” деп телефондон мага жөнөтүптүр. Видеону көрүп эле нес болуп калдым. Ыйлап-сыктап такси менен Жалал-Абадга жетип бардым.

Экөөнүн ортосунда бойго жеткен бир уулу бар. Ал ошол эле түнү жумушунан келди. Атасына барып урушуп, апасына келип ыйлап, “ооруканага жаткырайын” деди эле апасы болгон жок. Ага чейин “Тез жардам” чакырып, райондук ооруканага алып бардык. “Мээси чайкалган, ооруканага жатсын” дешти. Сиңдим жатпайм дегенинен капельница жазып берди. Дарыларын алып келип үйдөн сайдырдык.

Кайын журту “тосмо арыз жаз” деп жатышкан. Өзү да “ортодо балабыз бар” деп жазып бериптир. Өткөндө соту болуп, тосмо арызга карабай күйөө бала 15 күнгө камакта калды. Камалгандын эртеси ага жолуктум. Менден кечирим сурады. “Кечирбейм, сен эжеңе сабак болсун дедиңби, эми мен сага сабак өтөм” дедим.

“АТАМ КЕЧИРИМ СУРАП, АПАМ КЕЧИРДИ”

Үй-бүлөнүн 23 жаштагы уулу атасы болуп өткөн окуя үчүн өкүнүп жатканын билдирди:

– Мен үйдүн жалгыз уулумун. Болуп кеткен окуяга ишене албай турам. Ата-энем менен эле жашап келгем. Мурда-кийин үйдө уруш-талаш болуп, атам апама кол көтөргөнүн көргөн эмесмин. Көрбөй калдым дегидей деле үйдөн алыс болбойм. Мен Жалал-Абад шаарында иштейм. Жумасына бир жолу үйгө келип турам. Бул иш кокусунан болуп кетиптир. Атам мындай кылганы үчүн абдан өкүнүп жатат. Окуя тууралуу чындыкка дал келбеген ар кандай маалыматтардын тарап жатканы туура эмес болууда. Учурда апамдын абалы жакшы. Үйүбүздө тиричилигибизди кылып жатабыз. Атам менен апам жолукту, атам апамдан кечирим сурады. Апам кечирип, тосмо арыз жазып берген.

“ТОСМО АРЫЗ ЖАЗБАШЫ КЕРЕК ЭЛЕ”

Гүлнур Омошова, Сузак райондук Эмгек жана социалдык өнүгүү башкармалыгынын Үй-бүлөнү колдоо жана балдарды коргоо бөлүмүнүн кызматкери:

– Окуя болуп, күйөөсү камакка алынгандан бери "бошотуп алышпасын" деп айланчыктап жүрөбүз. Барганыбызда жабыр тарткан аял биз менен сүйлөшкүсү келген жок. Бир туугандары менен сүйлөштүк. Жабырлануучу мурун медайым болуп бейтапканада иштептир. Жүрөгү ооруп операция жасатып, 2-топтогу майыптыгы бар экен. Эже бир туугандары каршы болгонуна карабай күйөөсүн кечирип, “аны менен жашай берем, ортодо балабыз бар” деп жатат. Уулу өз үйүнө алып кетем деп жатыптыр. Видео интернетке эмне болуп тарап кеткенин эч ким билбейт. Тосмо арыз жазбай, аял өз укугун коргошу керек болчу. Ушул жок болсо мен күйөөсүз калам деген ойдон алыс болуу зарыл. Балам бар деп балким, баласын аяп жаткандыр? Бүгүн каматып, эртең кайра бошотуп жиберсе сабак болбойт да. Бул нерсе ушуну менен токтойт деп ким кепилдик берет? Дагы да ушундай жагдайга кептелсе, бул аялдын арыз-муңун ким угат?

ҮЙ-БҮЛӨДӨГҮ АЯЛЗАТЫНА ЖАСАЛГАН ЗОМБУЛУКТУ КАНТИП ЖОЮУГА БОЛОТ?

Бермет Наралиева, психолог:

– Үй-бүлөдөгү зомбулук кыргыздарда эле эмес, дүйнө жүзүндө бар маселе. Эмоционалдык, психологиялык зомбулуктар да бар. Аны жок кылуу мүмкүн эмес. Мындай зомбулуктар үлгүлүү үй-бүлөдө деле болот. Зомбулукту колдонуу үй-бүлө мүчөлөрүнүн билим-маданиятынан, социалдык деңгээлинен, алган тарбиясынан көз каранды. Аялдын дүйнө таанымына, туюмуна да байланыштуу болот. Өз тагдырын ар бир адам өзү чечет. Турмушунда зомбулуктун кайталанып жатышына аял өзү себепкер. Болбосо ага чекит коюп, башка жашоону өзүнө ыраа көрбөйт беле? Ар бир үй-бүлөнүн өзүнө тиешелүү мыйзамы бар. Ал сыртка чыгарып, талкууга ала турган тема эмес. Сузактагы аял “өз турмушум, кийлигишпегиле” деген бүтүм чыгарды. Сазга баткан жашоосунан чыга албай келет. Анын тамыры өтө тереңде.

Алмазбек Акматалиев, саясат таануучу:

– Жоюу үчүн бир топ шарт керек. Аялдар өз укуктарын коргоого даяр болуш керек. Күнүгө токмок жесе да унчукпай жүрө берсе, алардын укугун ким коргойт? Мамлекет, өкмөт мыйзам аркылуу бул маселеге катуу талаптарды коюшу шарт. Тосмо арыз жазса да ал каралбай, аялга зомбулук көрсөткөн адам сөзсүз түрдө жазаланышы абзел. Аялзатынын коомдогу ролу өтө ыйык жана бийик болуусу зарыл деген нерсе улуттук идеологиянын маанилүү бир бөлүгү болушу керек. Кыздарга мыкты билим алганга, коомдук иштерге активдүү катышканга өкмөт кепилдик бериши шарт. Үй-бүлөлүк тарбияда кыздарга өзгөчө көңүл бөлүнүп, кыз ыйык, кызга жасалган мамиле – бул улуттун келечегине жасалган мамиле деген коомдук философия үстөмдүк кылыш керек.

Мыктыбек Арстанбек, коомдук ишмер:

– Кыздар атасы берген эрге тийиши керек. Атасы билет да, анан коргойт. Өзү шыйпаңдап, сүйдүм-күйдүм деп тийип алат, анан таяк жейт. Милицияга барып арыз жазат, эртеси кайтарып алат. Зордук-зомбулукту милиция менен токтото албайсың. Зомбулук муштум менен болбосо сөз менен болот. Аял киши алсыз да, кандай болбосун кемсинтет. Атасы кызына күйөө боло турган баланын ыйманын, тегин карап берет. Эгер атасы болбосо агасы, таякеси бар дегендей. Эркектин урган себеби – кыздар бейбаш. Эмне үчүн мен аялымды урбайм? Келесоолугумданбы, коркоктугумданбы? Жок, ал ура турган эч нерсе кылбайт. Түбү бар, теги бар, сурап алар кишиси бар. Нарк болушу керек, көчөдөн алпарып эле отургузуп койсо аялымын деп отуруп калса баркы болбойт да.

Улан Үсөйүн, жарандык активист:

– Эркек-кыз дебей, билим жаатында чоң иштерди жасоо абзел. Кыздардын экономикалык жактан эркин болушун камсыздап, укугун билүүгө үйрөтүү керек. Кыздарга “күйөөсүз жашай албайсың, күйөөң жок эч жакка батпайсың” деген болбойт. Кайда барам деген суроого колу-буту байланып калган. Аял кандай кылмыш кылса да уруп-сокконго укугубуз жок. Замандын агымы менен тең укуктуулукка үйрөнүү керек. Акылыбыз, тилибиз жетпей калганда эркектер күч колдоно баштайбыз. Эркек деген үйдүн ээси, эркек сүйлөп жатканда аял сүйлөбөшү керек деген стереотиптик эски ойлор сакталып калган. Эркектер эч качан өзүбүздөгү кемчиликти көргүбүз келбейт. Бизде толеранттуулук, улуулук жок калды, майдаланып кеттик.

Динара Акимова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -4 
Комментарийлер(12)
22.06.2020. 15:37 
Тайпасы:
Жаран
Комментарийлердин саны:
3
Катталган:
29-10-2019
Соӊку аракети:
11-07-2020 21:00
Жынысы:
Белгисиз
0
Күйөөнү башынан эле катуу кармаш керек экен. Меники дагы кичине бассам эле аландап турат.
22.06.2020. 16:51 
Тайпасы:
Жаран
Комментарийлердин саны:
383
Катталган:
18-09-2018
Соӊку аракети:
13-08-2020 11:12
Жынысы:
Белгисиз
+5
Башка киши суйлосо да мыктыбек арстанбек суйлобой эле койсо. Эми эле ыймандуу Боло калганын
22.06.2020. 17:15 
Тайпасы:
Жаран
Комментарийлердин саны:
22
Катталган:
23-12-2017
Соӊку аракети:
10-08-2020 11:42
Жынысы:
Белгисиз
+4
Мыктыбек жон эле койбоптур дапдырап суйлогонун
22.06.2020. 18:38 
Тайпасы:
Жаран
Комментарийлердин саны:
159
Катталган:
29-11-2010
Соӊку аракети:
13-08-2020 11:17
Жынысы:
Белгисиз
+5
Мыктыбек Арстанбекти мурун жакшы көрүп көрчү элем, барган сайын алжый баштады.
22.06.2020. 18:51 
Тайпасы:
Жаран
Комментарийлердин саны:
159
Катталган:
29-11-2010
Соӊку аракети:
13-08-2020 11:17
Жынысы:
Белгисиз
+11
Теги жок, туугандары болушпаган кыздарды тебелеп кетиш керекпи.
23.06.2020. 02:39 
Тайпасы:
Жаран
Комментарийлердин саны:
214
Катталган:
23-05-2015
Соӊку аракети:
12-08-2020 15:30
Жынысы:
Белгисиз
Калаасы:
Ордолуу Ош
+1
Куйоосун катуу суйот окшойт,ал камалса ким менен жатам деп да ойлошу мумкун. Эмнеге ал аялды кыйнайсынар
23.06.2020. 17:00 
Тайпасы:
Жаран
Комментарийлердин саны:
7
Катталган:
19-03-2020
Соӊку аракети:
13-08-2020 11:17
Жынысы:
Белгисиз
+7
Мыктыбек Арстан байке суйлоордон мурун ойлонду бекен? Кыздар мал беле каалаган адамга бере салгыдай.Тагдыр насип деп койот. Буйруган болсо картайганча чогуу болот да. Атасы озу каалаган кишиге куйоого бергендердин баары эле бактылуу болуп кеткенин коро элекмин. Сен бергенсин, тийбейт болчумун деп, бир баласын кучактап атасынын алдында отургандарды коруп эле журом
24.06.2020. 00:16 
Тайпасы:
Жаран
Комментарийлердин саны:
8
Катталган:
03-04-2020
Соӊку аракети:
03-08-2020 15:10
Жынысы:
Белгисиз
+6
Атасы жок кыздар кантет?? Соз депеле урдура бериш керекпи
25.06.2020. 06:23 
Тайпасы:
Жаран
Комментарийлердин саны:
66
Катталган:
14-01-2015
Соӊку аракети:
20-07-2020 18:45
Жынысы:
Белгисиз
+5
Мыктыбек Арстан торкунуно бир кун туноосо ошо бей баштыка киреби? Же бул аял секелек беле сизге?
25.06.2020. 07:52 
Тайпасы:
Жаран
Комментарийлердин саны:
4
Катталган:
25-10-2019
Соӊку аракети:
12-08-2020 22:06
Жынысы:
Белгисиз
-5
Усойунов майдаландык деп айтпа.аялдар жеткизип провокация кылып жатат...чужая семья темный лес
28.06.2020. 12:12 
Тайпасы:
Жаран
Комментарийлердин саны:
23
Катталган:
14-12-2019
Соӊку аракети:
12-08-2020 23:47
Жынысы:
Белгисиз
+1
Мына молдолордун жузу Мыктыбек Арстанбек! Аялымды урбайм меники укпайт таги туптуу жакшы жердин кызы дептир. Ата энеси жок жетим кыз турмушка чыкса локуйгон кучу мн урса болобереби эркек сорой? Шайтандан отот коомго аралаштырбай эле коюш кк Бактияр ажымишти анан ушуну!
28.06.2020. 21:51 
Тайпасы:
Жаран
Комментарийлердин саны:
214
Катталган:
23-05-2015
Соӊку аракети:
12-08-2020 15:30
Жынысы:
Белгисиз
Калаасы:
Ордолуу Ош
+1
Мыктыбек Арстанбек эркектер тубу бар теги бар жердин кызына уйлонуш керекпи,ошондо кыз бала ата теги кембагал болсо эч ким албайбы,ошол кыз куноолубу,ушундай уй-булодо торолгондугу учун Илгерки карангы сабаты жок бай-манаптардын созун суйлоптурсуз
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 1 колдонуучу (Катталган: 0, коноктор: 1) бул макаланы окуду:

Макалалардын саны:
24280;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: