Архив
897   898   899   900   901   902   903   904   905   906   907   908   909   910   911   912   913   914   915   916   917  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

БАЛДАРГА КАТ

№912 28-май 3-июнь 2020-жыл


“Ата-эне жыл сайын балдардын келечегине насаат айтып кат жазып турушу керек” деп психологдор кеңеш беришет. Балаңыз бой жеткенде окуй турган катка анын кызыктуу, жагымдуу окуяларын, кыйынчылыктарын, тилектерин жазсаңыз болот. Албетте, балаңызга болгон сүйүүңүздү жазганды да унутпаңыз. Жыл сайын жазган каттарды сактап коюп, балаңыз 18 жашка чыкканда белек кылыңыз. Бул каттар сиздин сүйүүңүздү жана анын балалыгын эстетип турган баа жеткис белек болот. Биздин жылдыздар да 1-июнь – Балдарды коргоонун эл аралык күнүнө карата балдарынын келечегине кат жазышты.

Каныкей, ырчы: «БИРИНЧИ КЕЗЕКТЕ ЖАКШЫ ОКУГУЛА»

– Уулум, кызым! Бул жашоодо силерге каалаарым – жаркын келечектин жана таттуу балалыктын кучагында болсоңор экен. Силерге айтар насаатым – эч качан бирөөнүн оокатына жана ооматына көз артпагыла! Кудай ар бир инсанды өз ырыскысы менен жараткан. Ошондуктан бирөөнүн маңдай тери менен табылган оокатына ээлик кылууга ашыкпагыла! Анткени буюрбайт! Адам эмгектен куралат жана эмгек аркылуу өзүн табат. Биринчи кезекте жакшы окугула. Анткени билимдүү адам эч качан кыянаттык кылбайт. Бой жеткени жумуш кылуудан качпагыла. Канчалык эмгектенсеңер ошончолук пайдасын көрөсүңөр. Эң негизги айтарым – “эч ким көрбөйт” деп катачылык кылуудан алыс болгула. Анткени Кудай бардыгын көрүп турат. Анан ата-эненин сөзүн ар дайым уккула. Ошондо бардыгы жакшы болот.

Актан Рыскелдиев, шоумен: «АПАҢАР ЭКӨӨБҮЗДҮН ҮМҮТҮБҮЗ СИЛЕРСИҢЕР»

– Уулдарым. Куйруктарым. Көлөкөлөрүм. Билинбей чоңоюп келе жатасыңар. Бири-бириңерди ойнотуп, күлдүрүп, кайра ыйлатып, кайра жарашып күнүңөр өтүүдө. Ушул күндөр бат өтүп жатканы өкүнүчтүү.

Бирөөңөр “атам меники!” дегенде экинчиңер “жок, меники!” деп. Мен болсо “мамаңар меники!” десем экөөң тең мени унутуп “жок, мама меники!” деп апаңарды кучактай калганыңарчы.

Азыртадан мээримдүүсүңөр, тил алчааксыңар, зээндүүсүңөр. Ушул сапаттардан Жаратканым айрыбасын, тескерисинче, дагы кошсун. Мейли, ар нерсе менен сынасын, ысык-суукту көрсөтсүн, чындык менен чыйралтсын. Эң башкысы, силер бой жеткиче адам кылып даярдасын.

Мен силерди азыр кээде катуу урушам, тентексиңер да. Ыйлайсыңар, таарынасыңар. Мен урушкандан ырахат албайм, кыйраттым дебейм. Ичим өрт болот, жүрөгүм канайт. Мен урушуп жатып алдыдагы жагымсыз нерселердин алдын алам деп ойлойм. Ошондуктан таарынычтан айткан “ата, сен жамансың!” деген сөзүңөр мага майдай жагат!

Силер биз үчүн эч нерсеге милдеттүү эмессиңер. Болгону таалайыбызга, тагдырыбызга берилген белексиңер. Силердин амандыгыңар эле биз үчүн баа жеткис, өлчөмү жок бакыт. Ошондуктан өзүңөр үчүн жашайсыңар, багытты өзүңөр тандайсыңар, өзүңөр ойлонуп, чечим чыгарып кадам таштайсыңар.

Оңой жашоо болот деп эч ким кепилдик бербейт. Эх, күтүлбөгөн сюрприздер, таң калтырган окуялар, жанды сууруган санаалар, ар кандай адамдар күтүп турат алдыда. Бардыгына даяр болгула! А бирок кандай болгон күндө да Жараткандын ыраазычылыгына умтулгула. Ошол нерсе адамды адам кылат!

Апаңар экөөбүздүн оюбуз, тилегибиз, үмүтүбүз силерсиңер. Жаныбызда бейкапар уктап жатып дагы бакыт тартуулайсыңар. Ушунча миллиард адамдардын арасынан биздин тагдырыбызга, таалайыбызга берилгенсиңер. Жашообуздагы эң башкы жетишкендигибиз, тапкан байлыгыбыз силерсиңер. Силер менен биз чыныгы адамбыз. Бизди күнүгө оңдоп, тарбия берип, туура жолду көрсөтүп жатканыңарды билбейсиңер. Силерге сүйүүбүз чексиз!

Назира Айтбекова, алпаруучу: «УУЛУМ, ЭЧ КИМДЕН КӨЗ КАРАНДЫ БОЛБО»

– Уулум, жарыгым, балдай таттуу балам, данегим, жашоомо келгениң үчүн рахмат! Периште жыттуум, турмуш оңой нерсе эмес. Таттуусун да, ачуусун да сунуп турат. Миң ирет мүдүрүлүп жыгыларсың. Миң ирет тизең канаар. Миң ирет башың шылкыйып, кадам таштоого каалооң жоголор, бирок, балам, билишиң керек болгон нерсе, оор күндөр алар чынында сонун күндөр. Ошол күндөр башыңа келген учурда чын жүрөгүңдөн рахмат айт! Алар сага жөн келген жок. Сабак үйрөтүү үчүн, сени чоңойтуш үчүн, сага бир нерсени айткысы келген үчүн келди. Кадам шилтей албай жатканда чуркатыш үчүн, рухуңду чоңойтуп, бышырыш үчүн келди. Жаман-жакшы деп адам баласы гана бөлүп алат. Чынында, андай нерсе деле жок. Баары нейтралдуу. Ага болгон көз карашыбыз гана бар. Ар кыл адам болот жаныңда. Бир күнү досуң кас болот, касың доско айланат. Көңүлүңдү оорутканы, канатыңды кайрыганы да болот. Аларды жашооңдун мугалими катары кара. Алар жөн гана сенин жакшы болушуңа, күчтүү болушуңа себепкер. Уулум, жарыгым, бүгүн жаныңда бармын. Тизеңди канатып келген сайын үйлөп, боорума басам, бирок апаң өмүр бою антпейт. Бир күнү уядан учар мезгилиң келет. Эркиндиктин даамы абдан сонун, балам. Ырахат алып, бийик уч! Жашоонун сонунун гана чыпкала. Бул дүйнөгө ырахат алыш үчүн, жыргаш үчүн келдиң! Мүңкүрөбө. Бул дүйнөнүн жарык тарабын көр. Даамын тат. Эч кимден көз каранды болбо. Апаңдан дагы. Эч кимден. Өзүңдүн ыңгайыңды түз. Сен каалагандай жаша! Жашооңдун барагына башка бирөөнүн сүрөт тартып кетишине уруксат бербе. Өзүң ээлик кыл жана өзүң сүйгөндөй кооздо. Оку, балам. Өзүңдү изилде. Сен чоң ааламсың. Ордуңду, максатыңды, жашооңдун маңызын тап. Сүй! Мен сени шартсыз, бар болгонуң үчүн сүйгөндөй, Жаратканды, өзүңдү, дүйнөнү, адамдарды, жаратылышты сүй. Көңүлүңө, көкүрөгүңө кир жугузба. Арамдык катпа, балам. Тазалыгыңды, аруулугуңду бийик тут! Адамгерчиликтүү бол! Мен сени жакшы көрөм, уулум! Ырас эле жашоомду кооздогону, мени эне кылып бактылуу кылганы, жытыңды жыттап, бейишке чыгарганы келипсиң! Сенсиз жашоо маанисиз, супсак болмок экен.

Расул Багышбаев, телеалпаруучу: «КАНДАЙ УЧУР БОЛБОСУН СИЛЕРДИН ЖАНЫҢАРДАМЫН»

– Мен жаралган дүйнө менен кошо жаралган, өмүрүмдүн тиреги, таалайымдын түнөгү болгон эки канатым, демим, данегим уулдарым Нурдан менен Султанга...

Менин ак сүйүүмдүн тамчылары, махабатымдын жемиши, Жараткандын берген белеги, асылдарым, балдарым.

Кыргызда баланын тулку боюнан жакшы дагы, жаман дагы касиеттерди байкаса, эң оболу ата тарбиясын көргөн, теги жакшы адам окшойт деп сыпаттайт. Анткени атасынын баласына калтырган эң чоң мурасы – анын жакшы тарбиясы. Атанын мектебинен учкан бала элине жамандык жасабашы керек. Ошондуктан мен силерге кайрылып, келечегиңерге кат жаздым.

Ата-эненин бере турган сүйүүсү силердин келечегиңер үчүн өзгөчө деп ойлойм. Анткени махабаттын эмне экенин сезип, бой жетсеңер, болочок жарыңар менен менин неберелеримди дагы ушул сезимге бөлөйсүңөр деп ишенем. Ааламга аралашкан алгачкы күнүңөрдөн эле ыйманыңар бийик, оюңар асыл, эмгегиңер адал болсо экен деп күн сайын Жараткандан тилеп келем. Акыл берейин, адеп берейин, максат, ишеним, дем, күч берейин деген аракетим ар күн сайын күчүндө. Силердин жалгыз эмес экендигиңерди күн сайын сездирип, кучагыма кысып, моюнуңардан жыттап эркелетем. Силер ата-теги, тууган-уругу, эли-жери, салты-наркы, тили, маданияты бар улуу элдин урпагы экениңерди кулагыңарга куюп келем.

Силердин жаштайыңардан жоопкерчиликти сезип, ийгиликтерге жетишиңерди каалайм, ал үчүн баарын жасайм. Кандай учур болбосун “мен сиздин үмүтүңүздү актай албадым” деген ой жебесин. Анткени мен силерге ар дайым ишенем.

Силерди башкалардын балдары менен эч убакта салыштырбайм. Бүткүл өмүрүңөрдү дагы өзгөлөрдөн ашып түшүүгө аракет кылып, жумшабагыла. Эл ичинде бир болгула. Бала бакчадан ыр жаттап келсеңер да, жаңы тамга үйрөнүп, сөздөрдү окуп калсаңар дагы мактанам, кичинекей ийгилигиңер үчүн дагы кубанам. Андыктан келечекте дагы мактоого арзыган ишиңер көп болсун.

Динара Абдыкадырова
star@super.kg




"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -2 
Комментарийлер(3)
01.06.2020. 11:01 
Тайпасы:
Жаран
Комментарийлердин саны:
171
Катталган:
26-01-2016
Соӊку аракети:
09-07-2020 21:55
Жынысы:
Белгисиз
Калаасы:
♡♡♡ОШ♡♡♡
-1
Кандай сонун сөздөр!Бала бакыт!Бала жашоо! Жакшы идея экен мен да кызыма ар жылы жакшы сөздөрүмдү жазып турам эми.
06.06.2020. 16:11 
Тайпасы:
Конок
Комментарийлердин саны:
4
Катталган:
21-05-2020
Соӊку аракети:
09-07-2020 22:18
Жынысы:
Белгисиз
0
Бала бакыт, бала тирек, козумдогу эки карек уулум, кызым силерди берген Аллахыма чексиз шугур, чексиз шугур Аллахым бар болгула эки дуйно бактылуу болгула канаттарым
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
24125;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: