Архив
897   898   899   900   901   902   903   904   905   906   907   908   909   910   911   912   913   914   915   916   917   918  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Сенден кийин... (Эки аялдын таң калычтуу тагдырын баяндаган сериал)

№911 21-27-май 2020-жыл


(Башы)

 

Аял көздөрүн ачты. Бөлмөдөгү терезе ачылып калган экен. Таң агарып баратканда чыйрыкканынан улам ойгонуп кетти. Үстүндөгү жука төшөктү жаап кымтыланымыш болду. Бирок баары бир жылыган жок. Туруп барып терезени жаап, же үстүнө дагы жууркан жамынып алганга кудурети жок болгон кандай жаман? Аял оор үшкүрдү. Ыйлагысы келди. Бирок ыйлай да албай койду, куду көз жашы кургап калгандай сезилди. Жол кырсыгына кабылып баспай калганына 5 айдын жүзү болду. Бүтпөгөн үмүттөр, бүтпөгөн дарылануулар, жалгыздык, айласыздык, коркуу... Мына ушул сезимдер менен жашады ал. Түбү көрүнбөгөн туңгуюкка түшүп кеткендей эле. Эсине уулу келди.

– Эрбол!

Дабыш болбоду. Кайра кыйкырды. Эч жооп жок. Баласы ойгонсо "терезени жаап койчу" деп суранайын деген. Бул убакта ал кайдан ойгонсун? Түндө кимдир бирөөлөр менен келгендей болду. Күлкү, шыбырашып сүйлөшкөндөр ашкана тараптан угулуп жаткан. Бара-бара үндөр катуулай баштады. Бул үйдө бир ооруган аял бар экенин унутушкандай музыканы коюп бакылдап сүйлөшкөнгө өтүштү. Кыздардын кылыктанган үндөрү угулду. Аял эмне кылмак, ичинен ызага муунуп жата берди. Аны уулу эле эмес, бүтүндөй дүйнө унутуп калгандай эле. Кана кечээ курчаган достору? Кимиси алын сурады? Кимиси телефон чалды? Күйөөсү экөө да ушундай шаан-шөкөттүү дос-курбуну көп күткөн немелер болчу. Ушинтип шарактап келип отуруш уюштурган күндөрү да болду. Бала уядан эмнени көрсө, учканда ошону алат деген чын окшобойбу. Эрболдун да эси-дарты достору, шаан-шөкөт эле. Ойлонуп жатып баласын түшүнгөнгө аракет кылды. "Эмне кылсын, жаш да" деди ичинен.

Мындай учурда уйку келсечи. Көздөрү чакчаят да турат. Астын-үстүн түшкөн дүйнөсүн бириктире албай, жүрөгүндөгү ызасын жеңе албай убара. Баш жагында күндөлүгү турган, колдорун созуп аны алды да, энтиге отуруп калды. "Адам оор абалда күндөлүк жазуусу керек" деп өзү психологиялык семинарларда көп айтканын эстеди. Бирок жазуу канчалык оор экенин жон териси менен сезгенде гана түшүндү. Жөнөкөй эле булгаары китепче. Ак барактары менен. Эмнени жазат? Кимди жазат? Алар жазууга татыктуубу? Дал ошолордун күнөөсүнөн минтип айласыз отурган жокпу?

Аял чымыркана колуна калемин алды. “Жаз” деди өзүнө-өзү. “Эмне болсо баарын жаз, балким, ошондо бул түйүндү чечүүгө мүмкүн болор”.

“Сенден кийин...” деп жазды барактын башына. Анткени анын жашоосу дал ушул эркекти жолуктурганда башталган сыяктуу эле. “Мисалы, өз окуяңды кайсы жеринен баштамаксың?” деп бирөө сураса ал “Искендер менен жолуккан күндөн” деп айтмак. Ооба, дал ушинтип айтмак.

– Сенден кийин... Сен! Менин тагдырыма өзүңдү чоң тамгалар менен жаздың. Эсимде, кичине кезимде жерди кыра бор менен бир аттарды жазып ойночу элем. Колумдагы бор ушаланып бүткөнчө кыра-кыра жазчу элем. Сен болсо дал ошентип менин жашоомо атыңды жазып кеттиң. Биз таанышкан күндү эстедиңби?

Асанбай тараптан келе жаткан троллейбуста элем. Үстүмдө бир гүлдөрү чачыраган көйнөгүм бар эле. Сен ошол көйнөгүмдү өтө жакшы көрчүсүң. “Биз таанышканда үстүмдө эмне бар эле?” деп сураганымда, “үстүңдө гүлдүү көйнөк, бутуңда такалуу туфли, кичине сумкаң бар эле. Чачтарыңдын өрүмү калың, анан тармал болчу. Маңдайыңа түшүп турган бир тал чачың да сага жарашып тургандай эле. Троллейбустун эшигинен киргенимде сени көрдүм. А сен мени байкаган жоксуң. Терезени тиктеп тургансың. Ууртуңдан күлкү эми чыга калчудай болуп көзүң жайнап турган. Тиктедим да каттым. Шаарга келгени сендей сулуу кызды биринчи көрүшүм”. Сен биринчи таанышканыбызды ушинтип сүрөттөчү элең. Дүйнөдөгү эң сулуу сөздөрдү терип сүрөттөгөндөй болчусуң. Менин маңдайыма түшкөн бир тал чачыма чейин сүрөттөчүсүң. А менин эсимде жок. Үстүңдө эмне бар эле, кийимдериңдин да түстөрү эсимде жок. Эсимде калганы көздөрүң эле. Бирөө тиктеп турганын сезгенимде сен тарапты караганда көздөрүңдү көрдүм. Сонун тиктеп турупсуң. Терең тиктеп турупсуң. Куду ичиңден элжиреп тургандай мээрим менен тиктеп турган экенсиң. Дал ошол көз карашың калды. Мен күлүп койдум. Сен да күлдүң. Улам бири-бирибизди тиктеп көздөрүбүз чагылганда күлүп коёбуз. Жол бою ушинтип бардык. Мен түшө турган аялдамага келгенимде алдыга жылдым. Сен да менин артымдан жөнөдүң. Мен түштүм. Сен да аркамдан келе жатасың. Токтоп эмнеге ээрчип алганыңды сурагым келет. Бирок жүзүңдү карасам эле күлкүмдү токтото албачудаймын. Күлкү... Сен менин күлкүмө ашык болгонсуң, эсиңдеби? “Канча аялды көрдүм, бирок күлкү сага жарашкандай эч бир аялды көрбөдүм” дечүсүң.

Эмнени айтып жаттым эле? Аа, эстедим. Же артта калбай, же жаныма келбей кетип бара жаттың. Чыдамым кетип токтоп калдым. А сен мага бута атым жетпей токтодуң.

– Эмнеге ээрчип келе жатасың?

– Жөн эле, чынында сени ээрчиген жокмун, үйүм ушул тарапта,- дедиң.

– Мейли анда.

Терс бурулуп басып жөнөдүм. Ызаландым окшойт. Үйү ушу тарапта болсо болгондур. Мен да кызыкмын күлүп койсо өзүмө ала берген. Жинденип баратып ушуну ойлодум. Сен үйгө чейин ээрчип келдиң да мен подъездге кирип кеткенде башка жакка бурулуп кеттиң. Демек, чын эле үйү ушул тарапта окшойт.

Эртең менен туруп университетке жөнөп баратсам аялдамада кайра сен. Кой ай, ушундай да болмок беле? Тааныбаган кишидей бурулуп кеттим. Сен да эч нерсе дебедиң. Медакадемиянын аялдамасынан түшкөнүмдө сен да түшүп калдың. Кайра эле эки метр аралыкта аркамдан келе жатасың. Аябай жиним келди.

– Эмне ээрчийсиң?

– Ээрчиген жокмун, өз жолум менен кетип бара жатам.

– Мен ушул жерде окуйм.

– Мен дагы.

Таң кала тиктеп туруп калдың. Күлүп жибердик. Көрсө, чын эле бир райондо жашайт экенбиз, бир окуу жайда окуйт экенбиз. Сен хирургия бөлүмүндө, мен психотерапия бөлүмүндө.

– Искендер,- дедиң колуңду сунуп.

– Айтурган.

– Атың жакты.

– Рахмат.

Экөөбүз эми жанаша бастык. Ошол кадамдан баштап биздин ар бир кадамыбыз чогуу эле. 18 жашта жолуктум сага. Ошол убактан баштап байландым. Көзүмө сенден бөлөк бир да эркек көрүнгөн жок. Бул жүрөк сен деп какты. Сенден кийин жок дегенде токтойт дегем. Жок, кайрадан бул кургур сен деп кагууда. Өлүм менен өмүрдүн ортосунда жатам. Каргышка калган бул жүрөк кайра эле сен деп эзилип жатат. Сенден кийин да жаным тынч албады. Балким, сени эч ким менен бөлүшпөш үчүн өлтүрүп алгандырмын. Сени өлтүрүп алдым...

Аял колдорун карады. Калемди кыса кармаганы үчүн талып кетиптир. Аркасына чалкалай берди. Энтиге дем алды. Суу ичкиси келди. Каргыш алгыр, жардамчы кызга баш жагына дайым суу кой деп айтат, унутуп калган тура. Сыйпалап жатып тумбочканын үстүндө турган рамкадагы сүрөткө колу урунду. Таң агарып келе жаткан. Сүрөттү жакшылап тиктеди. Өзү жана күйөөсү Искендер. Көздөрү балбылдаган күйөөсү жарашыктуу күлүмсүрөп турат. Адатынча келишимдүү. Дал өзүн шылдыңдап тургандай. “Менден баары бир кутулбайсың. Менсиз баары бир жашооң жок” деп жаткандай. Рамканы бар күчү менен дубалга урду. Айнеги бырчаланып жатып калды. Аял өлгүсү келди. Оңой өлүүнүн жолун ойлой баштады.

Дарыларын карады. Арасында ичип алса өлүп кала турганы жок. Турганга да мүмкүн эмес. Сөлдүрөгөн денесин эптеп терезе түбүнө алып барса боюн таштай алат беле? Кайрадан көздөрүнө жаш толо аргасыз шыпты карады. Шыптан да күлүмсүрөгөн Искендер көрүндү.

(Уландысы кийинки
сандарда)

 



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -3 
Комментарийлер(2)
26.05.2020. 20:46 
Тайпасы:
Жаран
Комментарийлердин саны:
290
Катталган:
15-08-2017
Соӊку аракети:
12-07-2020 21:02
Жынысы:
Белгисиз
+1
Сонун чыгарма экен! Админ рахмат силерге
26.05.2020. 23:48 
Тайпасы:
Конок
Комментарийлердин саны:
13
Катталган:
18-04-2020
Соӊку аракети:
14-07-2020 20:15
Жынысы:
Белгисиз
+1
Коп коптон жазгылачы
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 2 колдонуучу (Катталган: 1, коноктор: 1) бул макаланы окуду:

zaika.tvo9.1990

Макалалардын саны:
24155;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: