Архив
897   898   899   900   901   902   903   904   905   906   907   908   909   910   911  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Разия Өсөрова, Көк-Таш айылынын башчысы: «ТАЖИКТЕРДИН ҮСТӨМДҮГҮ ЖЫЛ ӨТКӨН САЙЫН КҮЧӨП БАРАТАТ»

№910 14-20-май 2020-жыл


Баткенде Кыргыз-Тажик чек арасында жаңжалдардын чыгышы, таш ыргытуу, өрттөө, ок атышуу адатка айланып баратат. Кейиштүүсү – ар бир чырда жергиликтүү эл жапа тартып, адам өмүрү кыйылган учурлар көп. Эл бийликтен чек арадагы абалды, коопсуздукту жакшыртууну талап кылууда. 2020-жылдын 8-майында да Баткен районуна караштуу Көк-Таш айылында чыр чыгып, Тажик тарап аткан октон Кыргыздын 3 жоокери жарадар болду. Коңшу өлкөнүн чек арачылары Көк-Таштын бир тургунунун үйүн өрттөп жиберишти. Окуя кантип башталып, кантип токтогонун жергиликтүү жашоочулар айтып беришет.

«БИР АЙЫЛДАШЫБЫЗДЫН ҮЙҮН ӨРТТӨП ЖИБЕРИШТИ»

8-майдагы чыр дыйканчылык иштерден улам келип чыккан. Жергиликтүү калктын айтымында, чырды тажик тарап баштаган. Нурлан, 34 жашта, Көк-Таш айылынын тургуну:

– 8-май күнү мен жумушта болчумун. Үйдөгүлөр телефон чалышып, «чек арада чыр чыгып, атышуу болуп жатат» дешти. Дароо үйгө чуркадым. Үйгө жакындаганда ызы-чуу, атылган октордун үнү угула баштады. Кыргыз-Тажик чек арасында таштан тургузулган дубал бар. Ошол дубалдын ылдый жагы тажиктердин, ал эми өйдө жагы кыргыздардын огороду. Таш дубалдан 200 метр өйдөдө биздин үй жайгашкан. Сураштырсам, тажик тарап алгач мергенчилик куралдан ок чыгарыптыр. Анан огнемёт менен атыптыр. Октор биз тарапка чейин жетип жатты. Биздин чек арачылар турган жер окоп же жашына турган эч нерсе жок ачык болчу. Тажиктер болсо ортодогу таш дубалдын ар жерин тешкилеп, ошол жерден куралдарын чыгарып алып атып жатышыптыр. Чек арага жакын жайгашкан үйдөгүлөр атышуу башталганда эле бала-чакасын алып башка жакка качышты. Бир маалда биздин чек арачы 3 жигитке ок тийип, жерге кулап түшүштү. Атылган октордон коркуп аларды алып келүүгө эч ким даай албай калды. Жоокерлер ар жерде кансырап, 30 мүнөттөй жатышты. Аңгыча Кыргыз чек арачыларынын бири тажик чек арачысы менен ортодогу чектен жолугуп сүйлөштү. Ошондо гана ок атуу токтоп, ок тийген 3 жоокерди ооруканага алып кетүүгө мүмкүнчүлүк түзүлдү.

Менин угушумча, чырдын башы ортодогу таш дубалга жакын жердеги огородуна айылдашыбыз жүгөрү тикмек болуп жатканда башталыптыр. Тажик тараптагылар «бул аянт бизге тиешелүү, керек болсо документтери бар» деп чыр салышкан. Былтыр деле ал жерди айылдашыбыз иштеткен. Анан тажиктер кайсы документти айтышканын билбейм. Кыргыз өкмөтү талаш жерлерди алмаштыруу тууралуу айтып чыгышпады беле. Сыягы, ошондон улам тажиктер эми ал жерди өздөрүнө тиешелүү жер аянты деп алышкан окшойт.

«ТАЖИК ЖАРАНЫ КЕЧИНДЕ КЕЛИП ТАЛКАЛАЙБЫЗ ДЕП КЕТИПТИР»

Разия Өсөрова, Көк-Таш айылынын айыл башчысы. Ал дайыма мындай жаңжалдарда тургундардын алдында жүрүп, элдин таламын талашат.

– Тажиктер биздин ата-бабаларыбыз жашап келген жерди талашып жатышат. Илгерки заманды айтпай эле коёюн. Бул жер такталбаган аймак катары саналып келе жаткандан бери биздин эл жашап, колдонуп келе жатканына 50 жыл күбөмүн.

Чыр эртең менен саат 10дордо башталды. Айылдашыбыз өзүнө тиешелүү делген жерди иштетмек болот. Аны көргөн тажиктер келип каршылык көрсөтүшөт. Тиги айылдашыбызды таш менен уруп, сабап да салышкан. Таш анын башына тийип, эси ооп кулайт. Аны ооруканага алып кетишет. Кыргыздар чогулуп алып барса, тигилер токтобой, чыр күчөйт. Эки тараптан тең асманга ок атылгандан кийин тарап кетишкен. Тажиктердин арасынан бирөө «силерди кечинде келип талкалайбыз» деп эскертип кеткенин айтышты.

Чыр кайра кечки саат 6да башталды. Баягы жүгөрү айдамак болгон айылдашыбыздын жерине тажиктер топтолуп келип, тракторду киргизет. Аңгыча эле ок атуу башталат. Чектеги таш дубалга жашынган тажик чек арачылары кыргыздарды көздөй ок атат. Атышуу 1 сааттан ашык болду. Чек арачы 3 жигитибизге ок тийип кулап, октон жалтанган эл аларды дароо алып чыгып кете албай калышты. Эсен деген айылдашыбыздын үйүн өрттөп жиберишти. Алардын документи, кийим-кечеси, буюмдары баары күйүп кетти.

Айта кетсем, кыргыздар тажиктерге карай таш да ыргыткан жок. Тажиктердин үстөмдүгү жыл өткөн сайын күчөп баратат. Тынч жашайлы десең, алар жан койбос болушту. Эгер чек ара маселеси чечилбесе, биздин Көк-Таш айылыбыздын эли башка жакка көчүп кетсе, анда Ак-Сай айыл өкмөтүнө караган башка айылдар, Лейлек району кошо анклавга айлануу коркунучунда калат. Андыктан өкмөт чек ара маселесин тез арада чечип берип, биздин айыл элин көчүп кетүүгө жеткирбеши зарыл.

ОККО КАБЫЛГАН 3 ЧЕК АРАЧЫНЫН АБАЛЫ КАНДАЙ?

Учурда октон жаракат алган 3 жоокер ооруканада дарыланууда. Алардын абалы оор деп баалангандыктан Бишкекке алып келинген.

Дөөлөс Муратов, Улуттук госпиталдын 2-нейротравма бөлүмүнүн врач нейрохирургу:

– Үстүбүздөгү жылдын 9-майында биздин врачтарга атайын көрсөтмө болуп, дайындалган врачтар Баткенге жөнөп жаткан өкмөт мүчөлөрүнө кошулуп атайын борт менен учуп бардык. Чек ара чырында негизинен 4 адам жаракат алган. Үчөө чек ара кызматкери, бирөө башынан жаракат алган Көк-Таш айылынын тургуну. Ал жаранга медициналык жардам көрсөтүлгөн соң амбулатордук дарыланууга чыгарылган.

Чек арачыларды Баткен облустук ооруканасына барган соң текшерүүдөн өткөрүп, жолго алып чыгууга даярдадык. Эртеси 10-майда Улуттук госпиталга алып келип жаткырдык. 25 жаштагы С.М. аттуу жоокердин диагнозу: курсак жана жамбаш сөөгүндө кыр аркадан көкүрөк тушка ок атуудан алган жаракат. Ок тийип тешип кеткен ичегилерине Баткенде операция жасалган. Жамбашындагы октон үзүлгөн венасын жамап тигишкен. Баш-аягы ал жигиттен 5 литрдей кан кеткен. Октон зыян тарткан жүлүнүнө жана ичегилерине операция жасоо пландалууда. Келгенден бери кайра жандандыруу бөлүмүндө, абалы өтө оор.

Кийинки жабырлануучу М.А. 1995-жылы туулган. Диагнозу: Ок көкүрөк булчуңунун бир жагынан кирип, экинчи жагынан чыгып кеткен. Абалы орточо оор. Баткендин ооруканасынан жаракатын тазалап, тигишкен. Учурда ириң хирургиясында дарыланууда.

Үчүнчү бейтап Т.Ч. 1996-жылы туулган. Диагнозу: көкүрөк булчуңун тешип өткөн октон алган жаракат. Баткендеги ооруканада жаракатты тазалоо жүргүзүлгөн. Абалы туруктуу. Учурда ириң хирургия бөлүмүндө дарыланууда.

«БИР АСКЕРДИН АБАЛЫ ООР БОЙДОН КАЛУУДА»

Миталип Мамытов, нейрохирург, медицина илимдеринин доктору, академик:

– Чек ара кызматкери С.М. аттуу жигит кызмат нөөмөтүндө окко кабылган. Көкүрөктөн ылдый бел тушка атылган ок омурткага тийип, жүлүндү иштен чыгарып салган. Кирген октун чачырандылары жүлүндө калган. Жүлүн жабыр тарткандыктан 2 буту иштебейт. Кичине заара, чоң заараны башкара албайт.

Ок омуртка, жүлүн тарапка өтүп баратканда ичегилерин 2-3 жеринен тешип кеткен. Баткенде ооруканада ичегилерине операция жасап, тешилген жерлерин кесип салып, кайра улашкан. Ичегилеринин абалы бул жактан да текшерилүүдө. Дагы бир ок жамбашына тийип кан тамырын үзүп кеткен. Кан көп кеткен. Ооруканадан кан тамырды байлап, кан агууну токтотушкан.

Абалы оор. Колдору иштейт, сүйлөй алат. Белден ылдый иштебейт. Ок жүлүнгө катуу тийген. Ал жерден окту алабыз. Операция качан жасалары бейтаптын абалына жараша 3-4 күн ичинде билинет.

Канымжан Усупбекова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -4 
Комментарийлер(10)
18.05.2020. 12:26 
Тайпасы:
Жаран
Комментарийлердин саны:
718
Катталган:
09-04-2017
Соӊку аракети:
27-05-2020 17:48
Жынысы:
Белгисиз
+6
Чек араны тезирээк чечип беришпейби! Эмне себептен саналуу контрабандистердин кызыкчылыгы учун Кыргыз эли жапа чегиш керек
18.05.2020. 14:48 
Тайпасы:
Жаран
Комментарийлердин саны:
62
Катталган:
24-03-2013
Соӊку аракети:
29-05-2020 09:33
Жынысы:
Белгисиз
+3
Бул чек ара чынын чече албастык биздин окмоттун алсыздыгы Исфаранинский райондун Шах аттуу Начальник милициясы таджиктерге дух берип полностью оружие менен камсыздаган а бизде тескери текшерип камашат
18.05.2020. 21:31 
Тайпасы:
Жаран
Комментарийлердин саны:
44
Катталган:
23-05-2015
Соӊку аракети:
29-05-2020 12:51
Жынысы:
Белгисиз
Калаасы:
Ордолуу Ош
+5
Жоокер балдардын убалы жетсин ошо чыр чыгаргандарга,жоокерлерге шыпаа берсин Аллахым
Birimdik5555 түзөттү 2020-05-18 21:32:48
19.05.2020. 05:40 
Тайпасы:
Конок
Комментарийлердин саны:
7
Катталган:
28-04-2020
Соӊку аракети:
27-05-2020 21:58
Жынысы:
Белгисиз
+7
Жанагы галустукчу Акрам Мадумаров деген ВПМ болуп келди элего, Баткенде Губернатор болуп иштегем, мен кыйратам деп, андан үн-сөз жокко. Биринчи интервьюну ошодон алыш керек, кантип атасың чегара боюнча деп ёлый!
19.05.2020. 19:16 
Тайпасы:
Конок
Комментарийлердин саны:
2
Катталган:
19-05-2020
Соӊку аракети:
29-05-2020 06:40
Жынысы:
Белгисиз
+5
Кыргыздын бактысына журогу кыргыз деп соккон башчылар келмейинче чек ара чечилбейт окшойт тетиги элиталар болсо кайдагы шайлоонун босогосун чече алышпай атат аттин
20.05.2020. 01:47 
Тайпасы:
Жаран
Комментарийлердин саны:
5
Катталган:
22-07-2016
Соӊку аракети:
29-05-2020 16:14
Жынысы:
Белгисиз
+5
Мына ушуларга бериш керек баатыр деген наамды, каяктагы бийлик үчүн күрөшкөн жегичтерди ээрчиген 7-апрелдегилерге эмес.
21.05.2020. 12:35 
Тайпасы:
Жаран
Комментарийлердин саны:
0
Катталган:
08-12-2019
Соӊку аракети:
25-05-2020 10:16
Жынысы:
Белгисиз
+2
futboler,
Эн туура айтасыз.Мына ушуларга ай сайын 100.000сомдон пен
20.05.2020. 05:35 
Тайпасы:
Жаран
Комментарийлердин саны:
2
Катталган:
26-01-2020
Соӊку аракети:
25-05-2020 22:44
Жынысы:
Белгисиз
+2
Урматтуу чиновниктер чек ара масалесини чечип бериниздер.Эл жок болсо силер кантип шайланат эленер.
21.05.2020. 16:05 
Тайпасы:
Жаран
Комментарийлердин саны:
60
Катталган:
27-06-2012
Соӊку аракети:
29-05-2020 07:53
Жынысы:
Белгисиз
+3
Баткендин Элине Курал беришкерек Мамилекет чегарыны коргой албаса Эл озу коргоп алат Баткен Чон алайда Кыйын мергенчилер бар !
24.05.2020. 17:38 
Тайпасы:
Жаран
Комментарийлердин саны:
139
Катталган:
07-10-2015
Соӊку аракети:
29-05-2020 15:49
Жынысы:
Белгисиз
0
Мамилекеттин масаласин чече албайт окшойт азыркы бийлик. Тажиктер чек арасын жылдырып эле келе жатат. Эки уч контробондистер учун ушунча элди неге кыйнайсынааар...
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23946;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: