Архив
897   898   899   900   901   902   903   904   905   906   907   908  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Фархат Мусабеков, футболчу: “ФУТБОЛ ҮЧҮН БҮТҮРҮҮ КЕЧЕСИНЕН КЕТИП КАЛГАМ”

№907 19-25-март, 2020-ж.


Кыргыз Премьер-Лигасы. 1-тур. “Дордой”–“Илбирс” беттеши. Оюндун алгачкы 10 мүнөтүндө Фархат Мусабеков өнөктөштөрүнө 2 ирет голдук пас чыгарып берсе, 31-мүнөттө айып белгисинен керемет сокку узатты. Гоо-ол... Кыргыз Премьер-Лигасынын мыкты футболчусу Фархат Мусабеков биздин маек төрдө.

Футболчу тууралуу:

Туулган жылы, күнү – 1994-жыл, 3-январь

Туулган жери – Бишкек шаары

Бою – 175 сантиметр

Салмагы – 68 килограмм

Амплуасы – жарым коргоочу

Ойногон клубу – “Дордой”

Катар саны – 21

Учурда – Кыргыз курама командасынын оюнчусу

Ойногон клубдары – 2010-2016 – “Абдыш-Ата” (Кант), 2016 – “Академия” (Молдова), 2016 – “Тавария” (Крым), 2017-жылы – “АГМК” (Өзбекстан), 2018 – “Илбирс” (Бишкек) 2018-жылдын июнунан тартып “Дордой” клубунда ойноп келет.

– Салам, Фархат. Сезон кандай башталды? "Илбирстин" дарбазасына мыкты сокку узаттың. Бул голду карьераңдагы эң кооз гол десе болобу?

– Жаңы сезон жакшы башталды. Алгач күчтүү командалардын бири "Нефтчи" менен оюн кызуу болуп, биздин команда 2:1 эсебинде жеңишке жетиштик. Ал эми "Илбирс" менен болгон оюнда машыктыруучунун көрсөтмөлөрүн так аткарып жакшы ойнодук, 6:1 эсебинде утуп алдык. Карьерамда мындан кооз голдор бар, муну да алардын катарына кошсо болот. Чемпиондуктун оюндары али алдыда. Кооз голдорду жаратууга аракет кылам.

– Быйыл Кыргыз чемпиондугунда атаандаштык курч болот өңдөнөт. Жаңы түзүлгөн “Каганат” командасы легионерлерди курамына топтоп, жеңебиз деп максат коюп жатат. Силерде жаңы сезонго даярдыктар кандай?

– Быйыл оюн өтө машакаттуу, кыйын болчудай. Жаңы чыккан командалар курамын легионерлер менен толуктап жатат. Алар күчтүү атаандаш болот деп ойлойм. Ушинтип командалар көбөйө берсе, Өлкө чемпиондугунун деңгээли өсөт жана жаш оюнчуларга дагы стимул болот. Буюрса, өлкөбүздө футбол өсүш жолунда. Биз бир айдан ашык Түркияда машыгуудан өтүп келдик. Курамыбызда жакшы оюнчулар бар, өзүбүзгө ишенебиз. Буюрса, чемпион болууга аракет кылабыз. Андан тышкары АФК Кубогуна да биринчи тайпадан чыгабыз деген жакшы максаттарыбыз бар. Азыр коронавирустан улам АФКнын оюндары токтоп калды.

– Өткөн жылдын жыйынтыгы боюнча Кыргыз Премьер-Лигасынын Мыкты футболчусу аталдың. Бул көрсөткүчтүн артында канчалаган эмгек турат, күттүң беле?

– Футбол үчүн аракет кичинекей кезибизден эле башталган. “Абдыш-Атадан” чыккан балдар жаштар командасы менен көптөгөн достук турнирлерге катышып, 17-18 жашыбызда 21 жаштан жогоркулардын арасында ойноп жүрдүк. Менин өсүшүмө “Абдыш-Ата” клубунун салымы чоң. Ага Бразилиядан мыкты машыктыруучулар келди. Мирлан Байышбекович Испаниядан окуп келип, жаңы ыкмаларды үйрөттү дегендей. Күттүм деп айта албайм. Кыргыз чемпиондугунда гана эмес, АФКнын турниринде жакшы оюн көрсөтөлү деген аракеттин үстүндө болдук. Андан тышкары улуттук курамдын оюндары болуп жатты.

– Спорттун башка түрү эмес, эмнеге футбол?

– 1-класста дене тарбия сабагынан бизди жөн эле жүгүртүп койчу. Футбол ойноп жаткан чоң класстагы балдарды көрүп, кызыгуу пайда болду. 2-класста биз дагы ойной баштадык, бир ирет 3-класстын балдарына каршы ойномой болдук. Футболго барып жүргөн балдар бар экен. Алар бизди утуп алышты. Ошондо мен дагы ушулардай жакшы ойношум керек деп футболго бара баштагам. Андан кийин футболго болгон сүйүү күндөн-күнгө, жылдан жылга күчөдү. Түнкү 2-3кө чейин ойной берчүбүз.

Кийин агайыбыз Николай Самсонович мен курактуу балдарды чогултуп, мен дагы кошулдум. Андан кийин агайым “Абдыш-Атанын” машыктыруучусу болду. Анан “Абдыш-Атада” ойноп калдым. Бишкектеги Фучиктен Кантка 3 жолу маршрутка которуп барчумун. Кыйналып кеткенде барбай калдым. Бирок өнүгүү үчүн “Абдыш-Атага” барышым керек экенин түшүндүм. Алыс болсо да барам дедим. Бир жылдан кийин бизди автобус менен алып кете баштады.

– Тандооңду жакындарың башынан эле колдоштубу?

– Ооба, ата-энем тандоомду колдоду. Кээде үй иштерине жардам берип, машыгууга барбай калганда ыйлачумун. Негизи эле футбол менин жашоомдо пайда болгондон бери биринчи орунда болуп келет. Эсимде, 11-классты аяктап, бүтүрүү кечеси болуп жатканда мага бир агент чалып, “эртең Түркияга кетесиң” деп айтты. Оюмдун баары Түркиядагы футболго бурулуп, бүтүрүү кечесинен кетип калгам. Ошентип эртеси күнү Түркияга кеткем.

– Алгачкы жолу Улуттук курам менен оюн талаасына чыккандагы сезимдер азыркыга чейин унутулбаса керек?

– Унутулбайт го. Кичинекей кезимден эле Улуттук курамда ойнойм деген кыялым бар болчу. Биринчи жолу курамга чакырылганда Бангладешке каршы ойногонбуз. Ошондо алмашууга чыккам. Жеңишке жетишкенбиз, кубанычымда чек жок эле. Андан кийин Бишкекте Австралия курама командасына каршы ойнодук. Биринчи жолу Дөлөн Өмүрзаков атындагы стадионго көрүүчүлөр жык толуп, күчтүү оюн болгон. Утулуп калганыбыз менен, мындай ири масштабдагы оюн Бишкекте алгач ирет болгону үчүн менин эле эмес, бардык футбол күйөрмандарынын эсинде калды деп ойлойм.

Эң чоң жоопкерчилик бул курама командада сезилет. Өлкөңдүн желегин коргоп жаткандан кийин санааркап турасың. Кыргыз эли, ата-энең, досторуң үмүт артып турат. Ар бир оюнда жеңиш үчүн болушунча аракет кылабыз. Кээде ийгиликтүү болсо, бирде окшошпой калат. Утулуп же тең чыкканда өзүбүздү жаман сезебиз. Колдоп турган күйөрмандардан кечирим сурагың келет. Маанайыбыз түшөт. Оюн көпкө чейин башыңдан кетпейт. Бул жерден мындай, тиги жерден тигиндей кылсам болмок экен деп өзүңдү жей бересиң.

– Чет элдик клубдарда ойноо планыңда барбы?

– Буюрса, бул жылы АФК Кубогунда финалга чейин чыксак деген максаттар бар. Бул сезондо да Өлкө чемпиондугун жеңип, Европа тарапка кетейин деген ниеттер бар. Ден соолук болсо, кийинки жылы көрөбүз.

– Футбол ааламындагы баалаган командаң жана футболчуң?

– "Реал Мадрид", "Ливерпуль", "Ювентус", "Бавария". Ал эми өзүмдүн позициям боюнча Тьяго Алькантара, Лука Модрич, Филиппе Коутиньонун оюндарын көрүп, ыкмаларды үйрөнүүгө аракет кылам. Баарындай эле Месси, Неймар, Роналдуну баалайм.

– Үй-бүлөң тууралуу да кеп кылалы...

– Уулум чоңоюп жатат. Буюрса, 1 жарым жашка чыгып калды. Жубайым мени колдоп турат. Ага рахмат.

– Үй-бүлө күткөн Фархат менен мурунку Фархаттын айырмасын байкай алдыңбы?

– Мурун машыгууга барып, балдар менен футбол ойноп, эч шашчу эмесмин. Үй-бүлөң болгондон кийин шашып калат экенсиң. Эртеден кечке көчөдө жүрө берген жаш бала эмессиң. Жумушуңа да, үйдөгү иштерге да жетишип, балага убакыт бөлүп ойнотушуң керек дегендей. Негизи эле жоопкерчилик көбөйөт экен. Мурда бүгүн болбосо эртең кылам десем, азыр ар бир оюнду жакшы өткөрүүгө тырышам.

Футболчу Дидье Дрогба балалуу болгондон кийин профессионал футболдогу деңгээли өсүп, дүйнөлүк жылдызга айлаган. Ал “балам үчүн иштешим керек. Ошондуктан машыгууларды күчтөп, дайыма эмгек үстүндө болдум” дейт. Чынында анын айтканы туура экен.

– Футболчу болгусу келген өспүрүмдөргө эмне деп айткың келет?

– Футболду сүйсөң, футбол дагы сени сүйөт. Күн сайын аракеттенип, окшошсо да, окшошпосо да машыга бериш керек. "Аракет кылсаң берекет" деген кыргыздын макалы бекеринен айтылбаптыр. Кайрат Жыргалбек уулу экөөбүз бир райондо жашап, чогуу машыкчубуз. Классташтар дискотека, кечеде жүрсө, биз футбол ойночубуз. Оюбузда футбол эле болчу. Кыйын футболчу болдук деп мактанбайм. Улуттук курамдын, “Дордойдун” оюнчусу болуу да көптөгөн эмгектин аркасынан келди.

Динара Акимова
sport@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23792;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: