Архив
897   898   899   900   901   902   903   904   905   906   907   908   909   910   911  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

КҮЙӨӨСҮ АЯЛЫ МЕНЕН БАЛАСЫН БЫЧАКТАП, ӨЗҮ АСЫНЫП АЛДЫ

№906 12-18-март, 2020-ж


6-мартта Бишкекте үрөй учурган окуя орун алды. Күйөөсү аялына жана баласына бычак сайып, андан соң өзү асынып алган. Каргашалуу окуяда бүтүндөй бир үй-бүлө кыйрап, ата-эне жерге берилсе, 9 жашар баласы учурда ооруканада.

БИШКЕК ШИИББи: “ОКУЯ ТЕРИШТИРИЛҮҮДӨ”

Бишкек шаарынын Октябрь РИИБинин маалымат кызматы кылмыш тууралуу төмөнкүчө маалымат берди:

– 6-март күнү саат 12:00 чамасында Бишкек ШИИББинин нөөмөт бөлүмүнө 5-кичи райондо үй-бүлөлүк чырдан улам күйөөсү аялына жана баласына бычак сайгандыгы тууралуу маалымат келип түшкөн.

Окуя орун алган жерге барган Октябрь РИИБинин ыкчам тергөө тобу көп кабаттуу үйлөрдүн биринен бычактан жаракат алган аялдын жансыз денесин жана ваннадан эркек кишинин асынып алган абалдагы денесин табышкан. Ал эми “Тез жардам” кызматы 2010-жылы туулган өспүрүмдү бычактан алган жаракаты менен оор абалда №3 балдар ооруканасына жеткирген.

Бул факт кылмыштардын жана жоруктардын бирдиктүү реестрине Кылмыш-жаза кодексинин 130-беренеси (адам өлтүрүү) менен катталып, сотко чейинки өндүрүшкө алынды жана керектүү экспертизалар дайындалды. Окуя териштирилип жатат.

“БУЛ ҮЙ-БҮЛӨДӨ МЫНДАЙ ОКУЯ БОЛГОНУНА ИШЕНЕ АЛБАЙ ТУРАМ”

Окуя болгон үйгө барганыбызда кошуналары бул үй-бүлөнү жакындан тааныбастыгын билдиришти. Көп кабаттуу үйдүн жашоочулары "окуя болгон үй-бүлө тууралуу толук маалыматыбыз жок, бир нерсе айта албайбыз" деп жатышты. Айрымдары “жакшы жашоо шартта жашаган үй-бүлө болчу. Сыртынан карап мындай нерсе орун алганына ишене албай турам. Үй ээси интеллигент киши болчу. Аялы, менимче, соода-сатык кылчу. Бала аябай сүймөнчүк, элпек бала. Эми ага ден соолук тилейбиз” дешти. Кошуналарынын айтымында, маркумдардын сөөгү башка жакта жерге берилген.

Бул үрөй учурган окуядан жабыркаган 9 жаштагы баланын абалы тууралуу «Учурда бала эсине келген, бирок жандандыруу бөлүмүндө. Алдыга жылыш бар. Керектүү дарыланууну алып жатат. Бардыгы жетиштүү» деп билдирди Саламаттыкты сактоо министрлигинин басма сөз кызматы.

ОКУЯДАН УЛАМ ПАЙДА КӨРГҮСҮ КЕЛГЕНДЕР БАРБЫ?

Айрым маалымат каражаттарына жана интернет булактарына “бычактан жаракат алып ооруканада жаткан жабырлануучу баланын такма жалаягына акча керек” деген маалымат тараган. Анда каражат топтоону “Балдардын укугун коргоочулар лигасы” коомдук фонду демилгелегени айтылат. Ал эми фонддун директору Назгүл Турдубекова жабырлануучу өспүрүмгө акча чогултуу токтотулганын маалымдады.

“Бизге жеткен такма жалаяк керек деген маалыматтан улам жардам иретинде чогултуу иши башталган. Ага “Элсом” капчыгы ачылган болчу. Бирок баланын жакындары байланышты, өспүрүмдүн дарылануусуна каражат керек эместигин, бардык медикаменттер жетиштүү экенин билдиришти. Андыктан жардам чогултуу эсебин дароо жаптык”,- деди Турдубекова. Бирөөнүн күйүтүнүн үстүнөн пайда көргүсү келген шылуундар жок эмес. Турдубекова акча чогултулуп жатканы тууралуу маалыматтын баарын басылмалардан жана социалдык тармактардагы жарыялардан өчүртүп жатканын кошумчалады.

"ТАМАКТЫ ТЕЗ ЖАСАБАЙСЫҢ" ДЕГЕН ЖАҢЖАЛДАН АЯЛ КАЗА БОЛГОН

Үй-бүлөлүк чыр-чатак жана зордук-зомбулуктан өмүрлөр кыйылган окуялар көп болууда. 12-февраль күнү Сокулук районунун аймактык ооруканасына “Тез жардам” кызматы менен Сокулук айылынын 42 жаштагы тургуну денеси күйгөн абалда жеткирилгендиги жана бир күндөн кийин жандандыруу бөлүмүндө каза болгондугу боюнча маалымат тараган.

Окуя боюнча чогултулган иш кагаздар Сокулук РИИБине катталып, сотко чейинки өндүрүш иши башталган. Натыйжада аталган кылмышка шектүү делип каза болгон аялдын 46 жаштагы М.А. аттуу күйөөсү кармалган. Ал Кылмыш жана жаза кодексинин 130-беренесинин негизинде шектелип, убактылуу кармоочу жайга киргизилген.

Окуя боюнча маалыматка таянсак, ал күнү маркум келиндин күйөөсү М.А. үйүнө түштөнүү үчүн келип, аялына тамак жасап берүүсүн сураган. Мас абалында болгон жаран аялынан тезирээк тамак жасоосун талап кылып, ортодо уруш чыгып кеткен. Шектүү бөтөлкөнүн жарымынан турган бензинди аялына чачып жиберген. Ошол учурда аялы газ-плитаны жандырам деп ширеңке чакканда өрт чыгып, аялдын денесине от жабылган.

Учурда сотко чейинки өндүрүш иши улантылып, кылмышка шектелип кармалган адам 2 айга камакка СИЗО-1ге киргизилгенин Чүй ОИИББинин басма сөз кызматынан кошумчалашты.

Мындай окуялардын байма-бай болуп жатканы өкүндүрөт. Үйлөнүп, бирок жоопкерчилигин моюндабаган, баалуулугун сезбеген адамдардын айынан жалпы коомго көө жабылып келет. Бири-бирин аярлабаса же өсүп келе жаткан баланын келечеги эске алынбаса, урушуп-талашып, балдарды коркунучта өстүрө турган үй-бүлөнүн курулушунун канчалык кажети бар?

Динара Акимова
koom@super.kg



Бишкекте күйөөсү аялын, баласын бычактап, өзү асынып алды

Автор: Кызжибек Раимова
Оператор: Элчибек Кыштообаев

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -4 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23946;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: