Архив
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Бек Исраилов, ырчы: “ФИРМАЧ” СТАТУСУНАН ТҮШКҮМ КЕЛБЕЙТ”

№906 12-18-март, 2020-ж


Окурман, сиз кыялдар ишке ашарына ишенесизби? Кыялданыңыз, ырчы Бек Исраилов кыялынын баары ишке ашып келе жатканын айтат. Андан тышкары чыгармачылыктагы, жеке жашоосундагы жаңылыктары менен бөлүшүп маек берди.

– Бек, ден соолугуң жакшыбы, ооруп тургандай сезилип жатасың?

– Акыркы 2-3 айдан бери белим ооруп кыйналып жүрөм. Белимдеги сөөк жылып кетип, баскан, кыймылдаган оор болуп жатат. Жакында операция болдум.

– Эмненин кесепетинен белиңди оорутуп алдың?

– Бала кезден эле футболго кызыгам, ойноп жүрүп жаракат алган экенмин, залалы азыр тийип жатат. 16 жашка чейин машыгып жүрүп, жаракат алгандан кийин чыгармачылык жолду тандагам. Ошол боюнча ырчылыкта келе жатам. Жакында студия ачтым, жаңы ырларды жаздырып жатам. Кавер долбоор ачканбыз, дүйнөлүк хиттерди жана кыргыз тилиндеги эски ырларды башка ырчылар менен биргеликте ырдайбыз деп турабыз.

– Түрктөрдүн “O Ses Turkiye-2020” долбооруна катыша турган болдуң эле, ал эмне болду?

– Долбоорго өзүм тууралуу маалымат жөнөткөндөн кийин чакыруу алгам. Түркиядагы туугандарыбызга уюштуруучулардын телефондорун бергенбиз. Долбоордон үч жолу чакыруу алдык. Барып биринчи турдан өткөм. Эмне болуп кеткенин түшүнбөй калдык, экинчи туруна чакырабыз дешкен, бирок телефон чалуу болгон жок.

– Жандуу үн менен жакшы ырдайсың. Бирок шоу-бизнеске чоң кадам таштай албай жаткандай көрүнөсүң. Балким, бардык эле ырчылардай той менен чектелип калып жаткан жоксуңбу?

– Негизи ырчылыктын ар бир баскычынан өттүм деп эсептейм. Эл аралык чоң сынактарга катышып, кээде баш байге алып жаттым. Бир өлкөдөн келип, эки жумадан кийин кайра башка жакка учуп кетүүгө туура келген учурларым болду. Жарым жылда чоң төрт долбоорго катышкан кездер болду. Болгону хит ыр жарата албай жүрөм. Бул дагы Кудайдын сыноосу окшойт. Бүгүн популярдуу болуп, эртеси өчүп калчу хайп ыр жаратууну эмес, кыргыздын тарыхында жазылып кала турган белгилүүлүктү эңсеп жүрөм. Буюрса, ал дагы болот. Той деп кетпедиңизби, тойлорго барам. Бирок менин атайын “тойский” ырларым жок. Ырчыларда “фирмач” деген сөзүбүз бар. Ошол статусумдан түшкүм келбейт. Көп учурда англис, орус тилдеринде жана кыргыздын эски ырларын ырдап берем.

– Ырчы Анжелика айымдын концертинде ал ырдап жатканда капысынан сахнага чыга калып кошулуп ырдап кеттиң. Бул мурун чогуу ырдайбыз деп сүйлөшүлгөн беле же жардам берүү үчүн чыктыңбы?

– Сүйлөшүлгөн нерсе болчу. “Бактылуумун” деген ырын дуэт ырдайлы деп сунуш кылган. Болгону репетицияга катыша албай калып, даярдыгым жок болчу. Ошого элге импровизация сыяктуу көрүнүп калды.

– Атаң Жолдошбек Исраилов композитор, апаң Гүлмира Рыспаева акын эмеспи. Сенин ырчы болуп чыгууңа ата-энең өбөлгө болдубу?

– Балалыгым футбол менен өттү, кызыкканым ошол эле. Бирок үйдөн атам обон түшүрүп жатканын көрчүмүн. Үйгө атактуу инсандар көп келчү. Апама ыр, атама обон жаздырган атактуулар менен аралашып чоңойдум. 9-классты бүткөндө апам мени Мураталы Күрөңкеев атындагы музыкалык окуу жайга жетелеп келди. Ал кезде уялчаак болчумун, эл алдына чыгып ырдоо оор эле. Ичине киргенде эле коридордон азыркы досторумду көрүп таанышып калдым. Ырчылар Максат Садырбеков, Адилет Азимов, "Чоро" тобундагы Нурболот Теңизбек, Каныкей, Нурлан Насип, Кумар Асанов, Жонни, ушулардын баары бир-эки жаш айырма менен чогуу жүрүп окудук. Мен ошол мектепке келгенде болочоктогу кесибимди эле эмес, мыкты досторду тапкан экенмин. Азыркыга чейин дос болуп, үй-бүлөлүк катышта жүрөбүз. Айрымдар “бир жерден чөп жеп жаткандан кийин атаандашсыңар” дешет. Жок, ар бирибиз өз жолубуз менен кеттик. Ар түрдүү стилде ырдайбыз. Анан ооруп калып окууну таштоого туура келген. Бирок кийин музыкалык окуумду уланттым.

– Кыргызча эски ырларды аткарып жатканыңды угуп, бул атаңдын же апаңдын сунушу болсо керек деген ой жаралды...

– Түгөлбай Казаковдун “Карындашым” деген ырын ырдап жүрөм, бул атамдын сунушу болгон. “Перизатты” өзүм жактырып калып ырдагам. Негизи кыргыздын эски ырлары “фирменный ырлар” деп эсептейм.

– Обонуна маани бересиңби же сөзүнөбү?

– Биринчи обонуна, андан кийин сөзүнө маани берем. Эң биринчи ырым “Айжаз кыз” деген ыр. Обону атамдыкы, сөзү апамдыкы. Апама мен көбүрөөк кайрылам. “Ушундай обон бар” деп ыр жаздырып алам.

– Үч эркек бир тууган экенсиңер. Чыгармачылыкка ыктап кеткени сен эле болдуңбу?

– Улуу агам гитараны мыкты чертет. Анын черткенине кызыгып жүрүп үйрөнүп алгам. Бирок ал кийин техникага кызыгып кетти, унаалар тууралуу укмуш билет. Иним ырдайт, спортко кызыгат. Атам техниканы жакшы түшүнгөн, спортко кызыккан жана чыгармачылыкка берилген адам. Анын ушул үч касиети үч уулуна жуккан экен.

– Аялдардын эл аралык майрамынын эртеси сүйлөшүп отурабыз. Жашооңдогу эң кымбат аялзаты кимдер?

– Кечээ жашоомдогу маанилүү үч айымды куттуктадым. Биринчиси – жарыкка алып келген, төрөгөн апам. Учурда жашоомдо чоң роль ойноп жаткан келинчегим жана келинчегимдин апасы. Андан тышкары бардык кыргыз аялдарын да куттуктайм.

– Жубайың Айжаркынды “продюсерим, ырларымдын автору, стилистим” деп айтып каласың. Бир айым ушунча кызматты аткара алабы?

– Айжаркын аябай таланттуу адам. Үйдү кармаганга да, чыгармачылыкка да жетишет. Кээде илхом келип кеткенде ыр чыгарат. Бир жолу идиш жууп жатып “ушуну угуп көрчү, ыр чыгардым” деп калды. Аккордго дароо түшүрдүк, англис тилинде сөзүн да жазып жибериптир. Жакшы ыр болду, эми студияда анын үстүнөн иштейин деп турам. Кечирип коюшсун, азыркы көп ырчы кыздарга салыштырмалуу келинчегимдин үнү аябай жакшы, жакшы да бийлейт. Албетте, жарым жылаңач болуп алып ырдап чыкпайт. Эгер жан дүйнөсү үчүн ырдайм десе колдойм. Экөөбүздүн ырларыбыз бар. Тар чөйрөдөгү тойлорго чакырып калышканда экөөбүз барып чогуу ырдайбыз.

– Анда эки эсе төлөп калбайбы той ээси?

– Жок, андай оюбузга деле келген эмес. Той ээси чакырып, жаккан ырын суранса ээрчишип барып ырдап кете беребиз.

– Кыялыңдагы бардык нерсеге жеттиңби?

– Ишенесизби, бала кездеги кыялым майда-чүйдөсүнө чейин орундалды. Кээде таң калып кетем. Кызыгы, бала кезибизде “Элес” тобу популярдуу эле, ошол топ менен ырдасам дечү элем. Ал кезде бул кыялым ишке ашпай тургандай сезилчү. Бир жыл мурун “Элестин” курамына мен да кошулуп, 2-3 концерт бердик. Кыялданыш керек, бул ишке ашат экен.

– Маегиңе рахмат! Кыялдарың орундала берсин!

Нуржамал Жийдебаева
star@super.kg




"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -3 
Комментарийлер(7)
16.03.2020. 11:19 
Тайпасы:
Жаран
Комментарийлердин саны:
43
Катталган:
24-02-2020
Соӊку аракети:
09-08-2020 18:07
Жынысы:
Белгисиз
0
Азамат,уну жакшы,мыкты деңгээлде ырдайт.
16.03.2020. 11:19 
Тайпасы:
Жаран
Комментарийлердин саны:
117
Катталган:
20-04-2014
Соӊку аракети:
18-07-2020 13:54
Жынысы:
Белгисиз
+2
Бул дагы Даирге окшоп мактанчаак))
16.03.2020. 15:10 
Тайпасы:
Жаран
Комментарийлердин саны:
343
Катталган:
19-04-2011
Соӊку аракети:
08-08-2020 14:19
Жынысы:
Белгисиз
+2
90% врчыларга караганда мыкты ырдайт.Чыныгы музыканын адамы. Укмуш ырларды жаратчу инсан.
16.03.2020. 16:14 
Тайпасы:
Жаран
Комментарийлердин саны:
132
Катталган:
26-01-2016
Соӊку аракети:
09-08-2020 20:05
Жынысы:
Белгисиз
Калаасы:
Москва
+1
Мага аябай жагат ушу бала! Бактылуу бол келинчегин менен, коп коп балалуу болгула!
16.03.2020. 16:29 
Тайпасы:
Жаран
Комментарийлердин саны:
425
Катталган:
28-05-2012
Соӊку аракети:
08-08-2020 16:22
Жынысы:
Белгисиз
Калаасы:
нарын
0
Бул фирмачтын зит ыры барбы?
18.03.2020. 11:07 
Тайпасы:
Жаран
Комментарийлердин саны:
17
Катталган:
11-02-2012
Соӊку аракети:
03-05-2020 00:12
Жынысы:
Белгисиз
0
Нормально деле ырын жок
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
24248;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: