Архив
897   898   899   900   901   902   903   904   905   906   907   908   909   910   911   912  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Алтынбек Максүтов, Кыргыз Эл артисти: “МИНИСТР БОЛГОНДО 6 АЙ АБДАН КЫЙНАЛДЫМ”

№900 30-январь-5-февраль, 2020-ж.


Токтогул Сатылганов атындагы Улуттук филармониянын көркөм жетекчиси, III даражадагы "Манас" орденинин ээси, Кыргыз Республикасынын Эл артисти Алтынбек Максүтов менен баарлаштык. Ал бир жыл ичинде мамлекеттик деңгээлде Чыңгыз Айтматовдун 90 жылдыгы, Сауд Арабиясында өткөн “Көчмөндөр ааламы” долбоору, “Дүйнөлүк эпостор V” фестивалы, Сүймөнкул Чокморовдун 80 жылдыгы сыяктуу бир топ маданий иш-чараларды ишке ашыруудагы аткарган иштери тууралуу кеп салды.

– Саламатсызбы? Кыргыз Эл артисти наамыңыз кут болсун! Мындан ары дагы көптөгөн ийгиликтерди багынтып, элге кызматыңыз сиңе берсин.

– Рахмат. Чыгармачылыкка аралаша баштагандан берки эмгегибизди мамлекет да, эл да баалап, жыл жаңырар алдында президентибиздин кубанычтуу жарлыгы чыгып, мага Кыргыз Эл артисти деген наам ыйгарылды. Бул наам элдин, мамлекеттин алдында чоң жоопкерчилик артат. Сыйлык меники болсо, сыймыгы элдики. Наам алгандардын баарын куттуктайм. Бизден да көп жыл иштеп, жогорку деңгээлде эмгегин өтөп, бирок баалана электер бар. Ошондой инсандардын эмгектерин эске алып, дыкат карап чыгып наам, сыйлыктарды ыйгарышыбыз керек. Бирөө наамды эрте, бирөө кеч алат экен.

– Өзүңүз кандай ойлойсуз, сизге наам убагында ыйгарылдыбы?

– 2016-жылы мага III даражадагы “Манас” ордени берилген. Бул менин мамлекеттик алгачкы сыйлыгым эле. Быйыл минтип Кыргыз Эл артисти болуп отурам. Балким, эрте, балким, убагы келгендир. Эми аны эл айтсын. Мени тарбиялап-өстүргөн Кыргыз Эл артисти Арсен Өмүралиев деген атактуу актёр атабыз 23 жашында Эмгек сиңирген артист, 35 жашында Эл артисти наамын алган.

– “Менин жараткан ийгиликтеримдин артында апам турат” дедиңиз эле...

– Ооба. Апам атымды койгон күндөн баштап эле мени чыгармачылыкка багыттаган экен. Мен төрөлөргө жакын Тогуз-Торого ырчы Алтынбек Сапаралиев концерт коюп барыптыр. Ал кезде биздин аймакка чоң артисттер чанда келишчү экен. “Ушундай таланттуу адам болсун” деп ниет кылып, апам кайненесинен сурабай атымды Алтынбек деп коюптур. Төрөтканадан чыгып келгенде “атын врачтар коюп салышты” деп айтыптыр. Ата-энем дайыма шарт түзүп, музыкалык мектепке окутушту. Аккордеон, комуз өңдүү аспаптарды кайдан болбосун таап берип туура жолду көрсөтүштү. Кийин Таалай эжеңерге (ред.: актриса Таалайкан Абазова) жолугуп, баш коштук. Андан аркы чыгармачылыгымдын өнүгүшүнө өмүрлүк жубайым өбөлгө түзүп келатат.

– Таалайкан айымга Москвага окууга жөнөп жатып аэропорттон жолуккан экенсиз. Андан да кызыгы, апаңыз болочок жубайыңызга “балама көз салып, карай жүр” деп табыштаган экен...

– Ооба, ошондон бери карап келатат (күлүп). 1989-жылы айылдан келип түз Москвага учуп жатпаймынбы. Орус тилин билчү эмесмин. Анан эненин жүрөгү кандай болорун билесиңер да. Кабатырланып мени Таалайканга тапшырган экен.

– Эки чыгармачыл инсандын бир үй-бүлө болгону өсүп-өнүгүү үчүн эң жакшы шарт болсо керек?

– Чындыгында эң жакшы шарт. Көптөр “эки кочкордун башы бир казанда кайнабайт” деп калышат. Тескерисинче, ортодо түшүнүшүү болот. Мен анын кесибин, ал менин кесибимди жакшы түшүнөбүз. Ушуга чейин бири-бирибизди колдоп гана келе жатабыз. Бири-бирибиздин ишибизге кеңешибизди, сыныбызды айтып, жакшы жерин жакшы деп, ашыкча болуп кетсе аны да айтып турабыз.

– Москвадан окууну бүтүп келгенден кийин музыкалык окуу жайдан билим алган экенсиз?

– Музыканын тили жок. Бардык адам түшүнө алат. Көңүлүбүз чөксө да, көтөрүлсө да музыка угабыз. Бул дүйнө мага кичинемден тааныш. Москвада окуп жүргөндө эл мени чоң комузчу деп ойлошуп, “комузчу бала” деп коюшар эле. Кыргызстанга келгенде Арсен Өмүралиев атындагы Жаштар театрында кыргыздын эң кыйын деген музыканттары менен бирге иштешип калдым. Ошолордон шыктанып музыкалык билим алышым керек деген тыянак чыгардым да, Мураталы Күрөңкеев атындагы музыкалык окуу жайдын үйлөмө аспаптар бөлүмүнө тапшырдым. Алгач фагот музыкалык аспабын тандадым. 1 жылдан кийин классикалык флейта аспабына которулдум. Чогойно чоор, чопо чоор, сыбызгы жасаганды үйрөнүп, үйлөмө аспаптарга кызыгып жүргөн убагым болчу. Анын үстүнө биздин заманда бир гана актёр, режиссёр болуу аздык кыларын түшүнүп, дагы бир кесиптин ээси болууну көздөдүм. Кийин сүрөт өнөрүнө кызыгып, 15 жыл сүрөтчүлөр менен иштештим. Кол өнөрчүлүктү өздөштүрүп, чоподон буюмдарды, музыкалык аспаптарды жасоо, көркөмдөө иштери менен алектендим. “Ала-Тоо” аянтындагы сүрөт галереясында да иштедим. Айтор, бир эле учурда бир топ жумушта иштеп, үй-бүлө багуу менен алектендим. Ал жылдары элдин баары эле ошентип иштеп калышкан. Колунан келгенин жасап жан багуунун убарасында жүрүшчү. Үй-бүлөм шаар сыртындагы үйдө, мен болсо бул жакта иштеп жүрүп, кичүү кызым мени тааныбай калган күндөр да болгон.

– Режиссёр, актёр, музыкант, сүрөтчү, кол өнөрчү. Дагы кандай өнөрүңүз бар?

– Жер иштетип багбанчылык кылам, мындан ырахат алам. Анын үстүнө балдарым эмгекке көнсүн деген аракет.

– Режиссёрдук эмгек жолуңуз тууралуу сөз кылсак...

– Бул жаатта алган негизги билимимден тышкары АКШ, Европага чейин эмгектери көрсөтүлгөн атактуу режиссёр Марк Вайлдан сабак алдым. Ошондон кийин режиссёрдук өнөрүмдү уланттым десем болот. Ал эми тасма жаатында болсо 2004-жылдан бери Төлөмүш Океев атындагы киностудиянын алдында студиям бар. “Макал арт” деген чыгармачылык топ түзүп, видеотасма, клип, кыска метраждуу тасмалардан тарта дүйнөлүк иш-чараларга чейин тартып эбегейсиз эмгек кылып келатабыз. Кичинекей компания болсо да I, II, III Дүйнөлүк көчмөндөр оюндарына кошкон салымы чоң. Андан тышкары тил маселесин козгоп макалдардын маанисин чечмелеп берген кыска метраждуу тасмаларды тартып келебиз. Арсен Өмүралиев атындагы театрда актёр, музыкант, режиссёр болуп 20 жыл иштедим. “Айлампа”, “Ыйык Курманжан” деген спектаклдерди коюп, алгачкы эмгектеримди ошол театрдан элге көрсөткөм. Андан кийин филармонияга келип режиссёр катары концерттерди коё баштадым. “Кийиз дүйнө” фестивалында 2 жыл режиссёрдук ишимди алып бардым. Андан кийин маданият чөйрөсүндөгү иштерди улантып маданият, маалымат жана туризм министри болуп иштеп калдым. Учурда Улуттук филармониянын көркөм жетекчисимин. Жылына 30-40ка жакын эмгек жаратууга аракет кылабыз. Алардын ичинде филармониянын, мамлекеттин иш-чаралары, жеке буюртмалар да бар.

– Баскан-турганы, сүйлөгөнү, ою эркин адам, мамлекеттик кызматка, болгондо да министр катары барып, протокол менен иштеп калганда өзүн кандай сезди?

– Туура белгилеп жатасыз. Бул кызматка барууга макулдугумду берген күндөн тарта эркиндиктин жетишсиздигин сездим. Анткени узун чачымды кесип, сакал-мурутумду алып, костюм-шым кийгизип койгондо өзүмдү буталган, дүмүрү эле калган дарактай сездим. Жумушта алгачкы айлар абдан кыйын болду. Анткени чыгармачылык менен мамлекеттик кызматтын айырмасы асман менен жердей экен. Бири башка куштардын, экинчиси башка куштардын тили менен сүйлөгөндөй сезилди. Ал дүйнөнүн тилин түшүнүү 6 айга чейин азап болду. Ошентсе да ал жактан чоң тарбия алдым. Ага чейин өкмөттү, бийликти сындап келсем, мамлекеттик иштин кандай татаал экенин түшүндүм. Бир ишти бүтүрүш үчүн жылдап убакыт кетерин билдим.

– Эл арасында чиновниктин креслосу укмуш сүрөттөлөт. Анда отуруу жана андан кетүү сезимдери кандай экен?

– Менимче, көпчүлүгү “көзгө көрүнүктүү бир иш жасашым керек” деп намыстанып кеткиси келбейт болуш керек. Мен министр болуп иштеп отуруп андай деле ырахатты сезген жокмун. Ийнеде отургандай болосуң. Стабилдүү жашоо жок. Мамлекеттик кызматта иштеп жүргөн инсандарга “эмнеси кызык? Адамды өзүнө тартып, креслого жабыштыра турган нерсени көрбөй жатам” деген суроо берчүмүн. "Сиз ушинтип ойлочу элеңиз, эми жон териңиз менен сезип көрүңүз" деп күлүп калышчу. Чындыгында оңой эмес.

– Маегиңизге рахмат!

Чолпон Сүйүнбаева
star@super.kg



Алтынбек Максүтов: "Министр болгондо 6 ай абдан кыйналдым"

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -3 
Комментарийлер(7)
03.02.2020. 09:25 
Тайпасы:
Жаран
Комментарийлердин саны:
8
Катталган:
20-09-2019
Соӊку аракети:
02-06-2020 22:39
Жынысы:
Белгисиз
+3
Админ айжандын номурун бергилечи
03.02.2020. 13:22 
Тайпасы:
Жаран
Комментарийлердин саны:
342
Катталган:
19-04-2011
Соӊку аракети:
01-06-2020 18:14
Жынысы:
Белгисиз
+1
assanov97, инстаграмда бар
03.02.2020. 09:28 
Тайпасы:
Жаран
Комментарийлердин саны:
8
Катталган:
20-09-2019
Соӊку аракети:
02-06-2020 22:39
Жынысы:
Белгисиз
+5
Келатат эмес келе жатат болот келтат деп койгула
03.02.2020. 13:21 
Тайпасы:
Жаран
Комментарийлердин саны:
342
Катталган:
19-04-2011
Соӊку аракети:
01-06-2020 18:14
Жынысы:
Белгисиз
0
Биздин замандын залкары.Жогорку денгээлде уюштурат
03.02.2020. 18:05 
Тайпасы:
Жаран
Комментарийлердин саны:
13
Катталган:
18-09-2018
Соӊку аракети:
03-06-2020 12:10
Жынысы:
Белгисиз
+1
Деги ичим жылыган жок министрге. Ушу министрге
03.02.2020. 18:37 
Тайпасы:
Тартип бузгандар
Комментарийлердин саны:
13
Катталган:
02-02-2020
Соӊку аракети:
05-05-2020 22:34
Жынысы:
Белгисиз
-3
Министрликтин рахатын татпадым, дейтко, ал жерге силер эмне рахат алыш үчүн барасыңарбы? Элге кызмат кылуу үчүн барышыңар керек эле блиндер, ал жер курорт эмеско рахат алгыдай.
04.02.2020. 11:11 
Тайпасы:
Жаран
Комментарийлердин саны:
10
Катталган:
13-02-2015
Соӊку аракети:
03-06-2020 13:17
Жынысы:
Белгисиз
+2
Таможник болсон сезмексин ырахатты)
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23968;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: