Архив
897   898   899   900   901   902  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ЗАЛКАРЛАРДЫН ТАЛАНТТУУ УРПАКТАРЫ

№899 23-29-январь, 2020-ж.


Талант көбүнчө адамга кан аркылуу өтөт дешет эмеспи. Элибизде "канында бар да" деген сөз бекер айтылбайт. Бүгүн Кыргыз маданиятына өчпөс из калтырып, элдин жүрөгүнөн орун алган атактуу залкар инсандардын таланттуу урпактары тууралуу кеп козгойбуз.

ТӨКМӨ АКЫН ЭСТЕБЕС ТУРСУНАЛИЕВДИН НЕБЕРЕСИ ТОЛА ТУРСУНАЛИЕВ

1931-жылы Турсуналы аттуу комузчу менен жубайы Арпаян аттуу жомокчу, кошокчунун үй-бүлөсүндө кадимки ак таңдай акын, СССРдин Эл артисти Эстебес Турсуналиев жарык дүйнөгө келген. Бул залкарды Кыргыз эли бүгүн "Эстеке, Эстекем" деп сөз кылат. Төкмөлүк өнөрдүн үлкөнү болчу. Бул улуу инсандын урпагынан өнөрлүү бирөө чыкпаса болбойт эле. Небереси Тола Турсуналиев учурда музыкант, эстрада жана жаз ырчысы катары элге өнөр тартуулап келе жатат. Тола Турсуналиев чоң атасын минтип эскерет:

– Чоң атам Эстебес Турсуналиев аябай жөнөкөй адам эле. Кичине кезимде жанында көп жүрдүм. Концерттерге барганда комузун көтөрүп алар элем. Бирок ал кезде анын талантына анча деле маани берчү эмес экенмин. Мындай талант жөнөкөй адамдарга бериле бербейт тура. Азырынча үй-бүлөбүздө чоң атамдын жолун жолдоп төкмөлүк өнөрдү аркалагандар чыга элек. Бирок каныбызда бар да, бир күнү чыкса керек деп ойлойм. Өзүм дипломаттык кесипти тандагам, бирок чыгармачылык, ыр, музыка баары бир жан дүйнөмө жакын. Чоң атам да менин чыгармачылыкка жакындыгымды байкап “менин ырчы уулум” деп элге тааныштырып, сыймыктанып калчу. Азыр ырларымдын сөзүн өзүм жазып жүрөм. Демек, канымда аз да болсо чоң атамдын талантынын учкундары болсо керек.

АТА ЖОЛУН УЛАГАН АКТЁР АЗИЗ БЕЙШЕНАЛИЕВ

Таланттуу атанын таланттуу уулу Азиз Бейшеналиев атактуу кыргыз актёру, Кыргыз Республикасынын Эл артисти, маркум Болот Бейшеналиевдин уулу. Ата жолун жолдогон чыгаан актёр Азиз Бейшеналиевди эл орус тасмаларынан, сериалдарынан жана казак тасмаларынан улам жакшы тааныйт. Анын “Көчмөн” (Рагбаттын ролу), “Параграфф 78” (Пайдын ролу), “Мустафа Шокай” (Мустафа Шокайдын ролу) жана башка тасмалардагы ролдорун баса белгилөөгө болот. Атасы Болот Бейшеналиев уулунун актёрлук кесипти аркалоосуна катуу каршы болсо да, көкүрөгүндө, канында жаткан таланты оргуп чыгып Азиз Бейшеналиев бүгүнкү күндө дал ушул кесиптин ээси. Бул тууралуу актёр маектеринин биринде мындай деп айтканы бар:

– Ата-энем 3 жашымда эки ажырым жолго түшүшүп, таенемдин колунда Өзбекстанда чоңойгом. Атам менен 18-19 жаш курагымда кайрадан тааныштым. Мамилебизди бат эле жөнгө салып алдык. Бирок ал киши менин ата кесибин улантышыма караманча каршы чыккан. Ташкенттен келип, атама кубанычымды кабарлаган күн эсимден кетпейт. “Кытай тили филологиясын таштап, театралдык студияга тапшырдым. Мен эми актёр болом” деп кубанып алгам. Бул кабарым менен атамды аз жерден өлтүрүп ала жаздагам. “Сен эмне, жиндисиңби?!” деди алгач. “Мен Совет доорунда актёр болуп иштедим. "Мосфильм" жылына 60 тасма тартчу. Дайыма мага окшогон жылчык көздүү актёр керек эле. Азыр сени ким тасмага тартат? Кино тартуу токтоду, Орус драма театрына сенин келбетиң жарабайт. Кыргыз театрында иштейин десең кыргыз тилин билбейсиң” деп таң калып бүтпөйт. Экөөбүз таң атканча отурдук. Атам бир бөтөлкө арак ичти. Бирок көздөрүндөгү нес абалы азайган жок. Эртең менен атама “мен сизди түшүндүм, бирок өз оюмдан кайтпайм” дедим. Ошондо атам колун бир шилтеди да, “мен сыяктуу жинди окшойсуң” деп койду. Бул сөзү мага комплимент катары жагымдуу болду. Кийин эң биринчи ролумда “Бүйүк Амир Темир” тасмасында атам экөөбүз ата-баланын образын жараттык. Болгондо да баш каарманды ойноп жатканым атама жагымдуу болуп, ал ичинен сыймыктанып турганын көздөрүнөн байкадым.

НУКУРА ТАЛАНТ ТОКОН ЭШПАЕВДИН "ЭКИ КАНАТЫ"

Кыргыз Республикасынын Эл артисти Токон Эшпаевди ким билбейт? Аккордеондун коштоосунда созолонткон “Ай, эжеке”, “Акманым”, “Жаштык”, “Ак тилек” жана башка чыгармалары кыргыз музыкасынын тарыхында түбөлүк сакталып калды. Бул залкардын таланты кыздарына өткөн. Бүгүнкү күндө ата жолун улап, өнөрүн аздектеген кыздары Акмаанай жана Акзыйнат Эшпаевалар эл алдында ырдап келишет. Кандагы талант, ырчылык чыйыр тууралуу атасынын кыздары мындай дешет:

Акмаанай Эшпаева: “Атамдын өнөрүн улап келатканым сыймык”

– Музыкалык мектепке мени атам менен апам чогуу жетелеп барышкан. Алардын колдоосу менен ушул күнгө чейин ырдап келе жатам. Атам мени ар тараптан колдоп турчу. Апам Инабат Эшпаева Маданиятка эмгек сиңирген ишмер, көп жылдан бери Оштогу Саид Бекмуратов атындагы музыкалык мектепти жетектеп келаткан чыгармачыл инсан. Эки тараптан тең таланттуу инсандардын кызы катары ырчылык өнөрдүн ээси болгонума кубанам. Ата-энем мени чоң сахнадан көргүсү келчү. Буюрса, акырындык менен аракет кылып келе жатам. Атактуу инсандын кызы болуу оңой эмес. Мен бул нерсеге өтө чоң жоопкерчилик менен карайм. Түз басып, жакшы иштеп, "Токон Эшпаевдин кызы" дедиртип атамдын атын даңазалагым келет.

Акзыйнат Эшпаева: “Атам менин ырдаганымды көрбөй кетти”

– Атактуу инсандардын кызы болуу арыжоопкерчиликтүү да, ары сыймыктуу. Ата-эненин өнөрүн аркалап баштаган соң жогорку деңгээлде ырдап, элдин талабына, үмүтүнө төп келиш керек деп ойлойм. Ошого аракет кылам. Кичинемде аябай уялчаак кыз болуп, атама ырчылык өнөрүм бар экенин деле көрсөтпөптүрмүн. Ал кезде менде ырчы болом деген ой жок эле. Апамдын тарткан азаптарын көрүп ырчы болбойм дечүмүн. Мындан эки жыл мурун апам (ред.: ырчы Лира Раимбекова) концерт берип калды. Ошондо биринчи жолу эл алдында ырдап, сахнанын даамын таттым. Ошондон кийин ырчылыкка кызыгуум күчөдү. Мен Мукаш Абдраев атындагы музыкалык мектепте скрипка классында окугам. Ошондуктан атам мага чоң музыкант болот деп үмүт артчу. Бирок ырдаганымды көрбөй кетти.

Чолпон Сүйүнбаева
star@super.kg



Залкарлардын таланттуу урпактары

Автор: Амирбек Исмаилов
Оператор: Руслан Алыбаев

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Комментарийлер(4)
27.01.2020. 12:42 
Тайпасы:
Жаран
Комментарийлердин саны:
59
Катталган:
04-07-2017
Соӊку аракети:
17-02-2020 17:52
Жынысы:
Белгисиз
+2
Болот Бейшеналиевдин уулу кыргыз тасмаларына тартылса балким жакшы болмок
28.01.2020. 12:42 
Тайпасы:
Жаран
Комментарийлердин саны:
62
Катталган:
13-04-2013
Соӊку аракети:
17-02-2020 15:13
Жынысы:
Белгисиз
+2
Дагы көп го мындай инсандар. Уландысын күтөбүз.
31.01.2020. 09:23 
Тайпасы:
Жаран
Комментарийлердин саны:
Катталган:
14-04-2016
Соӊку аракети:
17-02-2020 15:26
Жынысы:
Белгисиз
Калаасы:
Түп айылы
0
Азиз Бейшеналиев орустардын атактуу "Побег" сериалына да тартылган.
01.02.2020. 23:11 
Тайпасы:
Жаран
Комментарийлердин саны:
66
Катталган:
28-07-2019
Соӊку аракети:
15-02-2020 18:33
Жынысы:
Белгисиз
+1
Акжолтой Канат уулун эстеп кеттим
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23591;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: