Архив
897   898   899   900   901   902   903  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

КЫРГЫЗ ФУТБОЛУНУН ФАНАТТАРЫ

№899 23-29-январь, 2020-ж.


Футбол фанаттары “Барселона” же “Ювентуста” эле десеңиз жаңыласыз. Накта күйөрмандар Кыргыз футболунда да көп. Алар “Ак шумкардын” 90 мүнөттүк оюнун көрүү үчүн миңдеген чакырым жол басууга, стадиондо үнү чыкпай калгыча кыйкырып атмосфера жаратууга даяр.

ЭСЕННУР АЛМАЗБЕКОВ 23 ЖАШТА.

Футболго бала кезинен тарта кызыгат. Учурда Кыргыз улуттук курамасынын накта күйөрманы, аны иш жүзүндө көрсөтүп келе жатат.

– Салам, Эсеннур. Футболго канча жашыңда кызыгып, качан фанатизм доору башталды?

– Футболго кызыгуум бала чактан башталды. Ал эми бул оюнга фанатизм 7-класста күчөдү десем болот. Ал кезде теңтуш балдар “Реал Мадрид” жана “Барселона” клубдарына күйөрман болушчу. Аларга кошулуп мен да футбол ааламын башка боёктор менен көрө баштагам.

– Алгачкы жолу Кыргыз курамасынын оюнун стадиондо көргөнүң эсиңдеби?

– 2013-жылы 19-ноябрда Бишкекте Кыргызстан – Азербайжан беттеши өткөн. Ушул күнү биринчи жолу Кыргыз курамасынын оюнун стадионго барып көргөм. Анда 17 жашта болсом дагы фанаттардын секторун түзүп, улуттук курамга жогорку деңгээлде колдоо көрсөтүүгө аракет кылганбыз. Анда стадионго азыркыдай көрүүчү келчү эмес. Абдан эле аз болчу.

– Кыргыз курамасынын чет өлкөдөгү оюндарын көрүү үчүн автостоп менен чет мамлекеттерге барып жүрөсүң. Ушул тууралуу сүйлөшсөк...

– Биринчи жолу 2016-жылы автостоп менен Тажикстан – Кыргызстан беттешин көрүү үчүн Дүйшөмбүгө баргам. Жолго чыгарда “сапар кандай болот, ата-энеме эмне деп айтам?” деп коркком. Эртең жөнөйм деген түнү уктай албай, аябай ойлонуп чыктым. Эртең менен кийимдеримди сумкага салып, үйдөн чыгып баратсам апам “балам, кайда бара жатасың?” деп сурап калды. “Досумдун кийимдерин берип келейин” деп чыгып кеттим. Бишкектен чыгып кеткенден кийин гана үйдөгүлөргө футболго кеткенимди айткам.

Үч күн дегенде Тажикстанга жеттим. Биринчи күнү Ошко жетип түнөдүм. Эртеси Чоң-Алайда, Кыргыз-Тажик чек арасына жакын Кара-Мык деген айылда жатып калдым. Үчүнчү күнү Дүйшөмбүгө бара жаткан КамАЗ чыгып калды. Аны менен 300 чакырым жолдо 22 саат жүрдүк. Башкысы, оюнга жетишип бардым.

– Андан кийинки сапар Азербайжан, Бириккен Араб Эмираттары болуп уланды...

– Ооба, 2018-жылы Кыргызстан Баку шаарында Азербайжан менен ойнойт дегенди угарым менен ал жакка барууну чечтим. Чөнтөгүмдө 8 миң сом гана бар болчу. Бакуга жетүүнүн эң арзан жолун издедим. Адегенде Бишкектен Алматыга, андан ары поезд менен Атырауга бардым. Автостоп менен Астраханга, Грозныйга жеттим. Ал жактан Грузиянын борбору Тбилисиге, Тбилисиден Бакуга жөнөдүм. Ошентип 8 күн дегенде Бакуга жетип, оюнду көрдүм.

2019-жылы Бириккен Араб Эмираттарында өткөн Азия Кубогуна баруу үчүн да акчам жок эле. Бирок каалоом аябай күч болчу. Визаны жана учакка билетти рассрочкага алып, учуп кеттим. Чөнтөгүмдө 70 доллар гана бар, атүгүл жатаканага төлөөгө акчам жок. Бирок бул мага тоскоол боло албады. Ал жактан Чолпонбек деген байкени жолуктуруп калдым. Аны менен сүйлөшүп алып, анын 3 жылдыздуу хостелдеги номеринде 5 күн эч кимге билдирбей түнөп жүрдүм.

Тайпалык баскычтын акыркы оюну Филиппин менен эле. Кийинки оюнга менде билет жок болгондуктан кетүүгө камынгам. Бирок ал жактагы кыргыз байкелер сен командага жакшы дем-күч берет экенсиң деп оюнга билет алып беришти.

– Өлкөдө фанаттардын кыймылын өркүндөтүү үчүн кандай иштер жасалышы керек деп ойлойсуң?

– Клубдарды алсак, ар бир футболдук клуб күйөрмандар менен тыгыз иштеши керек. Күйөрмандар футболго эмне үчүн келет? Алар майрамдык атмосфера үчүн келишет.
А бизде андай жок, жадакалса Кыргыз Премьер-Лигасы өтүп жатканы тууралуу элде маалымат жок.

– Улуттук курамдын былтыр күздө Япония жана Тажикстан менен өткөргөн оюндарына кандай баа бересиң?

– Япония менен абдан жакшы ойношту. Ушул сымал мыкты командалар менен ойноо биздин курамга жакшы тажрыйба болот. Ал эми Тажикстан менен оюнду утуш керек эле. Бирок жеңишке жетүүгө эмне жетишпей калды айта албайм. Ал оюнду мен толук көргөн жокмун. Себеби стадиондо атмосфера жаратуу үчүн кыйкырып жатып, оюнду толук көрө албадым.

– Кыргызстан жакынкы жылдары Дүйнө чемпиондугунун финалдык баскычына чыга алабы?

– Реалдуу карасак, жакынкы 10 жылда Кыргыз курамасынын Дүйнө чемпиондугуна катышуу мүмкүнчүлүгү аз. Бирок биздин курама команда Азия Кубогуна стабилдүү түрдө катыша турган командага айланышы толук мүмкүн.

– Автостоп менен футболдук беттештерге барам деген күйөрмандарга кандай кеңеш бересиң?

– Бул кадамга барам деген күйөрмандарга чечкиндүү болгула, эч нерседен коркпогула дейт элем. Дүйнөдө жакшы адамдар көп, эч качан жолдо калбайсыңар. Албетте, кыйынчылыктар, ыңгайсыздыктар болот. Бирок сен чындап фанат болсоң, стадиондун өзүнө барып, футболдук атмосфераны сезгиң келсе, анда акчаңдын жоктугу көйгөй эмес. Автостоп менен барып келүү дайыма мүмкүн, бир гана каалоо керек. Динде “үч түрлүү кишинин дубасы кабыл болот” деп айтылат. Ошол үч кишинин бири – сапарга чыккан адам.

АЛИ ИФЛАЗОГЛУ

Кыргыз курамасы ойногон беттештерде дайыма Кыргызстан жана Түркиянын желегин көтөрүп алып күйөрмандарга дем берип келет. 2019-жылы Али мырзаны Футбол федерациясы “Мыкты күйөрман” деп таап, ага ыраазычылык кат тапшырды.

– Али мырза, канча жылдан бери Кыргыз курамасына күйөрмандык кылып келесиз?

– Беш жыл болду. Кыргыз өлкөсү Австралия курама командасы менен беттешкенден бери күйөрманмын. Анткени Кыргыз-Түрк элдери бир тууган.

– Ар бир беттешти калтырбай көрөсүзбү?

– Ооба, калтырбай көрөм. Билети жок стадионго кире албай калган бир туугандар да болот. Колумдан келишинче 5-10 билет сатып алып, аларга берем. Чогуу кирип стадиондо Кыргыз курамасын колдоп турабыз. Кыргызстан менен Түркиянын желегин кармап 90 мүнөт кыйкырып турам. Албетте, колум талыйт, оюндан кийин тамагым ооруп, үч күн үнүм чыкпай жүрөт. Кыргыз курамасы үчүн буга да кайылмын.

– Желек көтөрүп алып сүрөө фанат катары сиздин өзгөчөлүк окшойт?

– Антсе да болот. Күйөрмандарга дух бериш керек да. Футбол эмес, кино көрүп жаткансып үнсүз отура беришет. Аларга дух, энергия берип жандандырыш керек. Рахмат, бир туугандар стадиондо жакшы колдоп башташты. Буюрса, Кыргыз курама командасынын келечеги алдыда.

– Көп жылдан бери фанатсыз. Кыргыз курамасында сиз жактырган оюнчу ким?

– Мен Кыргыз курамасынын оюнчуларын да, машыктыруучусун да баарын сыйлайм. Анткени биз бир командабыз, бир тууганбыз. 11 футболчу ойнойт, 8и алмашууга даяр турат. Эң башкысы – улуттук команданын формасын кийген ар бир оюнчу мен үчүн Кыргыздын намысы.

Кубан Жумамидинов,
Алтынай Тынышова
sport@super.kg



Кыргыз футболунун фанаттары сүйлөйт

Автор: Алтынай Тынышова
Оператор: Батырбек Зарлыков, Элчибек Кыштообаев

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(2)
27.01.2020. 12:39 
Тайпасы:
Жаран
Комментарийлердин саны:
663
Катталган:
04-07-2017
Соӊку аракети:
28-02-2020 23:49
Жынысы:
Белгисиз
0
"суперчилерде" деле коп мындай олкобуздун фанаттары мен билгендер Дембеле84 Таласцска дегендер бар биз ар кимибиз Европанын ар кайсы клубдарынын куйормандары болушубуз мумкун бирок Кыргыз улуттук курамма учун биз биргебиз алга кыргыз куйормандары
28.01.2020. 11:10 
Тайпасы:
Жаран
Комментарийлердин саны:
10
Катталган:
26-08-2015
Соӊку аракети:
20-02-2020 12:10
Жынысы:
Белгисиз
+3
бар экен го, ушундай жаны, жакшы макалаларды,чыныгы керектүү макалаларды чыгаргылачы.
Антпесе, акыркы кезде такыр эле кызыгы кеткен болчу, бул жанылык болду, класс !!!!
Модератор admin_portal түзөттү 2020-01-28 14:24:01
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23651;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: