Архив
897   898   899   900   901   902   903   904   905   906   907   908  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Камчы Сарыбаев, актёр: «ЧӨП ЧАПКАНДЫ, ҮЙ КУРГАНДЫ МАГА АПАМ ҮЙРӨТКӨН»

№898 16-22-январь, 2020-ж.


Эне – бул өмүр. Сени жарык дүйнөгө алып келип, түмөн түйшүгүңдү көтөрүп, ысыгыңа күйүп, суугуңа тоңгон адам. Анын ар бир кыймылы, кийген кийими, жасаган тамагы, айткан кеби дүйнөдө сенден башка бир да адамда болбогон керемет сыяктуу. Өз жашоосундагы керемети, жыргалы, өмүр берген адамы тууралуу белгилүү актёр Камчы Сарыбаев айтып берди.

«АПАМ АТАМДАН 5 ЖАШ УЛУУ ЭКЕНИН КЕЛИН БОЛГОНДО БИЛИПТИР»

– Апам, Айна Деркимбаева 1950-жылы Ысык-Көл облусуна караштуу Ак-Суу районунун Отрадное деген айылында төрөлгөн. Үй-бүлөдө 9 бир тууган. 3 эркек, 6 кыз. Кийин бой жеткенде 6 кыздын үчөө дарыгер, үчөө эсепчи кесибин аркалашкан. Бүгүнкү күнгө чейин ынтымактуу, бири-бирин эркелеткен бир туугандар. Алардын ынтымагына суктанам. Бала чагында апам аябай тентек кыз болгон экен. Бир туугандарына болушуп, эркекче кийинип алып мушташкандарын айтып калат. Анан да кичинесинде жалаң орус тилинде сүйлөчү экен.

Апам менен атам экөө баш кошуп, 3 баланы: мени, инимди жана карындашымды тарбиялашты. Баса, атамдын апамды ала качып келгени да кызык. Атам эки досун ээрчитип алып, Москвич унаасы менен апама барышат. Ал «шустрыйланып» «50-жылы туулгам, экөөбүз тең экенбиз» деп апам менен таанышат да, ала качып кетет. Үйгө келишип, апам көшөгөдө отуруп калганда атамдын илинип турган костюму түшүп кетип, чөнтөгүнөн паспорту көрүнүп калат. Ачып караса эле "Соодагеров Төлөнбек Сарыбаевич, 1955-жылы туулган" деп турат. «Сен менден 5 жаш кичүү, жаш бала турбайсыңбы» деп апам атамды шылдыңдаса, атам «сен жашты эмес, көөдөндү кара» деп алып калган экен.

«ТАРТИПКЕ БЕКЕМ»

– Апам тартипке бекем адам. Кичине кезибизде «эмне болуп кетсе да калп айтпа» деп көп айтар эле. Анан да тазалыкты катуу талап кылчу. «Үстү-башың таза жүр, өзүңө-өзүң тың, бышык бол» деп турчу. Кол көтөрчү эмес. Катуураак тентектик кылып жиберген учурда чоң атам «атасынын оозун урайын, бери келчи» деп чакырып алып камчы менен тартып-тартып жиберер эле. Анан апам күйпөлөктөп камчынын изи түшүп, шишип калган жерлериме дары сүйкөп, бир нерселерди чаптап, «эркек деген ушундай болот. Муну да көрүш керек, ушинтип бышасың, ыйлаба. Ыйлагыдай сен кыз эмессиң» деп калчу. Апамдын бул сөздөрүн угуп кадимкидей чыйрала түшчүмүн.

«АТАМДЫН БАРКЫН БИЛБЕГЕНИМЕ ӨКҮНӨМ»

– Мен 9-класста окуп жүргөн кезде атамдан айрылып калдык. 90-жылдардагы оор заман. Иним менен карындашым кичинекей. Апам экөөбүз кыштын кыраан суугунда эки кишилик кол араа, балта-чотубузду алып, айылдаштардын атын, арабасын убактылуу сурап отун алганы барчубуз. Апам мени, мен апамды аяйм. Айтор, үйдү жылытуу максатында эртеден кечке отун аралап келчүбүз. Чоң чалгы менен чөп чапканды да мага апам үйрөткөн. Ал тургай курулуш иштеринде кирпич койгонду, шыбак шыбаганды да апамдан үйрөнгөм. Себеби атам, жарыктык, жүк ташуучу машина айдачу. Ал үйгө керектүү нерселерди ташып келип, короого киргизип бергенди гана билчү. Калганы апам экөөбүздүн моюнубузда эле. Ошентсе да атанын карааны эле бакыт экен. Жашоодо бир өкүнгөнүм, атамдын баркын убагында билбептирмин. Үйдө атам бар деп кыйын болуп жүрө берген экенмин. Азыр атамдын менден күткөн үмүтүн актап жатамбы деп көп ойлоном.

«АПАМ УНИВЕРСАЛ ДАРЫГЕР»

– Апам өзү эмчи айым болгону менен, өмүр бою айылдын универсал дарыгери болуп келе жатат десем жаңылышпайм. Гинеколог, стоматолог, педиатр, травматолог да боло берет. Кемпир-кесеги, бала-чакасы, ичи ооруганы, тиши ооруганы, ичкени, колу-буту сынганы, айтор, баары келе берчү. Апам болсо күн дебей, түн дебей чакырган жерден калчу эмес. Ийнесин сайып, жаны ооруган адамды дарылагандан тышкары төрөт кабыл алмайы да бар эле. Кээде апама боорум ооруп, «апа, эс алуу деген болуш керек. Тынчыраак уктаган күнүңүз болобу деги?» деп калар элем. Апам «чакырып жатса кантип уктап жатам?» деп кетип калчу. Жадакалса азыр деле тынч отурбайт. «Эми пенсияга чыгып калдыңыз, ооруканада атайын дарыгерлер иштеп жатышат, отура бербейсизби» десең да болбойт. Элди эмдеп жүрүп көнүп калган да, кээде үйдөгү мал ооруп калса деле дарылачу. Жаңы туулган козулар энесин эме албай жатканда оозуна арактан куюп, артынан сары май берип койсо козулар кадимкидей тыңып калышчу. Бир ирет мүчөлүү жашыма атам алып берген Ракс деген атым жөткүрүп ооруп калыптыр. Шыйрактары узун, атын айтып чакырсаң өзү чуркап келген үйрөтүлгөн ат эле. Элден уккан ыкма менен дарылайын деп тердетип келсем апам «тердетпей деле койсоң болмок, мен эле дарылап бермекмин» деп калды. Эмне менен дарылаар экен деп карап турсак, кадимки эле жөтөл дарыны алып келип жем менен берип жатпайбы. Ошондо апама аябай күлгөм. Ага болбой мен дагы укканымды жасап, сарымсакты майдалап марлиге ороп, ооздугуна таңып, атты таң атканча байлап койдум. Эртеси апам «көрдүңбү, бүгүн атың жөтөлбөй жакшы болуп калыптыр» деп жүрөт.

«СЕНДЕН КӨПТҮ ҮМҮТ КЫЛЫП ЖҮРСӨМ ДЕП КАТУУ КАПАЛАНГАН»

– 11-классты жаңы бүткөн кез. Ал убакта өзүңдү тим эле чоң киши сезип алат эмессиңби. Балдар менен жүрүп катуу майрамдап алып, кечинде үйгө келдим. «Эч ким угуп калбаса экен» деп шек алдырбай түз басканга аракет кылып бөлмөмө кирдим. Эне деген баскан дабышыңдан эле билет экен да, артымдан эле апам бөлмөгө кирип келди. Свет жарк күйдү да, апам бир саамга мени тиктеп туруп «сенден көптү үмүт кылып жүрсөм, сенин кылганың ушул» деп тескери бурулду да, жарыкты өчүрүп кайра чыгып кетти. Мен да баламын да, жатып уктап калдым. Эртеси эртең менен эрте турсам, кийимим тургай чачыма чейин ылай экенмин. Кийимдеримди кир жуучу машинага салып, апама жумуртка кууруп, чай даярдап, малды жайгарганга чыгып кеткеним эсимде.

«БУЛ ДҮЙНӨДӨГҮ ЭҢ БАКТЫЛУУ АДАМ МЕНМИН»

– Апам аман-эсен, буюрса, 15-январда 70 жашка толду. 10 неберенин бактылуу таене, чоң энеси. Айылдын кадыр-барктуу атуулу. Азыркы күндө деле айылга барганда өзүм үч баланын атасы экениме карабай кадимкидей апама эркелеп, башкача болуп калганымды байкайм. Алаканы менен маңдайымдан сылап койгону эле бейиш го. Апамдын колунан чыккан ар бир тамагынын даамы таңдайымдан эч кетпейт. Башкасын айтпаганда, жөн эле картошканы сууга кайнатып койгону бир керемет. Апам бар, андыктан бул дүйнөдөгү эң бактылуу адам менмин.

Чолпон Сүйүнбаева
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  7 
Комментарийлер(7)
20.01.2020. 09:20 
Тайпасы:
Жаран
Комментарийлердин саны:
2008
Катталган:
12-09-2017
Соӊку аракети:
04-04-2020 22:05
Жынысы:
Белгисиз
+7
Норма актёр,ден соолукта бол!
20.01.2020. 18:08 
Тайпасы:
Жаран
Комментарийлердин саны:
338
Катталган:
13-05-2017
Соӊку аракети:
04-04-2020 20:05
Жынысы:
Белгисиз
+13
Ар бир жандын аман болсун АПАСЫ
21.01.2020. 12:57 
Тайпасы:
Жаран
Комментарийлердин саны:
65
Катталган:
19-11-2015
Соӊку аракети:
04-04-2020 13:22
Жынысы:
Белгисиз
Калаасы:
кыргызстан
+3
Апаңыз чынында эле эки дүйнөдө бактылуу болчу айым экен.
21.01.2020. 12:58 
Тайпасы:
Жаран
Комментарийлердин саны:
65
Катталган:
19-11-2015
Соӊку аракети:
04-04-2020 13:22
Жынысы:
Белгисиз
Калаасы:
кыргызстан
+3
Камчы байке мыкты актер
23.01.2020. 02:57 
Тайпасы:
Жаран
Комментарийлердин саны:
52
Катталган:
14-11-2016
Соӊку аракети:
03-04-2020 04:28
Жынысы:
Белгисиз
Калаасы:
Кыргызстан
+2
Ээх бир дем менен окудум го, апанызга узак омур калаайм, мен да бактылуу адаммын анткени апам бар.
24.01.2020. 11:37 
Тайпасы:
Конок
Комментарийлердин саны:
5
Катталган:
22-01-2020
Соӊку аракети:
03-04-2020 20:30
Жынысы:
Белгисиз
+2
Мыкты актёр!
25.01.2020. 22:32 
Тайпасы:
Жаран
Комментарийлердин саны:
519
Катталган:
13-09-2016
Соӊку аракети:
05-04-2020 00:58
Жынысы:
Белгисиз
+1
Сизди ушул дуйного алып келген апанызга узун омур бекем Ден соолук эч качан апаңыз оорубасын бүт дүйнө жүзүндөгү апалар оорубасын
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23792;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: