Архив
897   898   899   900   901   902   903   904   905   906   907   908  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Кенже Дүйшеева, Кыргыз Республикасынын Эмгек сиңирген артисти: “ЭМГЕК СӨЗСҮЗ БААЛАНАРЫНА ИШЕНДИМ”

№897 9-15-январь, 2020-жыл


Жыл жаңырар алдында бул ырчы айымды жагымдуу жаңылык кубанычка бөлөдү. Сыйлык акыры өз ээсин тапты. 26 жылдан бери маданият айдыңында талыкпай эмгектенип келаткан Кенже Дүйшеевага Кыргыз Республикасынын Эмгек сиңирген артисти наамы ыйгарылды. “Эмгек бааланат турбайбы” деп кубанып турган ырчыны маекке тарттык.

– Кенже эже, саламатсызбы? Жаңы жылды кандай өзгөчөлүк менен тосуп алдыңыз? Жаңы жылдык ырым-жырымдарды колдоносузбу?

– Cаламатчылык! Жаңы жылды Алматы шаарында тосуп алдык. Сонун маанайда, жакындардын курчоосунда тостум. Өзгөчөлүгү, бир туугандарым Алматыда болушкандыктан чоң үй-бүлө болуп майрамды белгиледик. Ырым-жырымдарды колдонбойм. Эң негизгиси кубанычта жүрдүм.

– Өтүп кеткен жыл сиз үчүн кандай болду? Пландарыңыз орундалдыбы?

– Ар бир чыгармачыл инсандар өткөн жылга саресеп салат болуш керек. Мен үчүн жаман жыл болгон жок. Сыртта байкалбаганы менен, ички чөйрөбүздө, жакындарыбыздын арасында кубанычтуу күндөр арбын болду. Чыгармачылыктан сырткары баса белгилегенде, үй-бүлөгө арналган жыл болду. Жыл керемет кубаныч менен аяктады.

– Чындыгында жагымдуу сюрприз менен кубантты окшойт. Сыйлыгыңыз кут болсун! Жаңылыкты укканда кандай сезимдер болду?

– Күтүүсүз кубаныч адамды бакытка бөлөйт эмеспи. Оюмдун баары Жаңы жылда болуп Алматыга сапар тартып жатканбыз. Эртең менен Эркин Рыскулбеков (ред.: телеалпаруучу) чалып куттуктап калды. Чынында ишене алган жокмун. Бир топко ордумдан жылбай туруп калдым. 1 сааттан соң телефонума тынбай чалуулар келип, социалдык тармактагы өздүк баракчамда куттуктоолор жайнай баштады. Эң кызыгы, менден өткөн элдин кубанычын сөз менен жеткире албайм. Маданиятка эмгеги сиңген ага-эжелеримдин куттуктоолору кубанычка бөлөп салды. “Демек, мен татыктуу экенмин” дедим. Бир заматта чыгармачылык жолум кино сымал көз алдымдан өттү. Ак кызматым, адал эмгегим, бут тосууларга моюн бербегеним ушул күндөргө алып келди. Эмгек сөзсүз бааланарына ишендим.

– Эл арасында “наамдар таатыктууларга берилбей жатат” деген нааразы пикирлер көп. Сиз сыяктуу маданиятка эмгегин эбак сиңиргендер наамга татыбай, сахнага келгенине 2-3 жыл болгон ырчылар алып жатканына кандай баа бересиз?

– Бир жылдары ушундай нааразычылыктар, ой-пикирлер күч алган. "Калк айтса – калп айтпайт" дегендей, көптүн арасында мен дагы өкүнүч менен кабылдагам. Кыргыз маданиятына зор салымын кошкон улуу инсандарга наам берилбей, чар-жайыттык өкүм сүргөн учур болгон. Акыркы жылдары дыкат талдоо менен татыктуулар сыйлык алып жатышат. Маданиятка аздыр-көптүр көңүл бөлүнүүдө. Ал үчүн президентибизге да ыраазычылык айтышыбыз керек. Коомдогу ой-пикирлер өзгөрүлүп элибиз дагы бул нерсени кубануу менен кабылдап жатышат. Мындан улам бардык чыгармачылык инсандарда “эмгек бааланат турбайбы” деген ишеним күч алды деп ойлойм. Алардын арасында мен дагы бар элем. “Демек бир күнү эмгек бааланат экен” деп жүргөм.

– Наам алышкандар “мамлекеттик наам бизге стимул берет” дешет. Сизгечи?

– Чындыгында эмгек бааланып турса, чыгармачылыкта эргүү пайда болот. Башкалардан айырмаланып чыгармачыл инсандардын жүрөгү назик болот эмеспи. Мага да эргүү берет деп чын дилден ишенип турам.

– Кенже эже, акыркы убакта чыгармачылыкта тыныгуу алгандайсыз. Бул эмнеге байланыштуу?

– Тыныгуу деп айта албайм. Өткөн жылы жакшылыктарда көп кызмат өтөдүм. Бош күнүм болгон жок. Чын-чынына келгенде “Жебе” тобунун жаңы курамын даярдоого да убактым жетпеди. Тыгыз графикте иштедим. Кудай буюрса, жаңы жылды “Жебе” тобунун жаңы курамын даярдоо менен баштайм деп турам.

– Сөз баккан, сөздүн гүлүн терип сүйлөгөн адам экениңиз байкалат. Китеп көп окуйсузбу?

– Китепти бала кезимден бери көп окуйм, кызыгам. Өзгөчө тарыхый чыгармаларды жактырам. Акындардын мыкты ырларын чогултам. Айрыкча заманбап акындардын ырларын көп окуйм. Адамдар менен баарлашканда бат эле байкап коём. Китепти көп окуган адамдын жан дүйнөсү терең, кызыктуу, ой жүгүртүүсү да башкача болот. Айта турган оюн көп сөз айтпай бир маңыздуу сүйлөп жеткирип коёт. Бүгүнкү күндүн дагы бир кесели көп окубаганда деп ойлойм. Убакытты бекер коротушат, көп укташат. Максаттары жоктой сезилет. Биздин улуттук баалуулуктарыбыз, анын ичинде патриоттук идеологиябыз жетишсиз. Биз көбүрөөк окушубуз керек. Айыл жергесинен баштап балдардын жан дүйнөсүн китепке кызыктыруу кажет. Салт-санаабызды, адабий чыгармаларды нукура кыргыз тилинде окутуу керек дегенге мен дагы түйшөлөм.

– Саякаттоону адам жаратпайт, адамды саякаттоо жаратат деп айтылат. Бул ойго кошуласызбы?

– Саякаттоо мага аябай жагат. Айрыкча жаратылыш коюнунда. Убакыт өткөн сайын бардык жакта үй-бүлөң менен бирге эс алууну каалап калат экенсиң. Адам чарчаган убакта эс алса күчкө толот. Жаңы идеяларга кадам таштайт. Мындай учурлар менде көп эле болгон. Эң негизгиси адамдын жан дүйнөсү тынч болуусу зарыл. Эгер тынч болбосо эс алуу да жардам бере албайт. Идеяларга бай адам ар бир күндү саякатка, шаңга, майрамга айлантып салат эмеспи. Ушул сапаттан мен дагы куру эмесмин.

– Коомдо болуп жаткан терс көрүнүштөргө кайдыгер карабайт болушуңуз керек. Кайсы жагдайларга зээниңиз кейийт?

– Балдардын жакындары тарабынан зордук-зомбулукка кабылып жатышканын өкүнүү менен кабыл алам. Ошол жаатта мыйзамдар катуу иштесе дейт элем. Ушундай боло берсе келечектен эмнени күтөбүз? Карыларга, наристелерге, жаш балдарга кылган зомбулукка карата мыйзам иштеп чыгып, "атууга кетиребиз" дешсе да макул болот элем.

– Келечекте сизди саясаттан көрүп калышыбыз мүмкүнбү? Эгер саясатка барып калсаңыз, өнүктүрүү программаңыздын негизин эмнелер түзмөк?

– Патриот жаштардын саясатка келишин чын дилимден колдоор элем. Жаштардын күчүн колдонуп, аксакалдар сырттан карап акыл айтып турчу убакка жеттик деп ойлойм. Бизде сөз көп, иш азыраак. Саясатта эски көз караш, мамлекетке караганда жеке кызыкчылык үстөмдүк кылып жатканы даана байкалып турат. Саясаттан дымагы күчтүү, өз пикири бар, коркпогон, жалыны бар, намыстуу, жүрөгү мекен, кыргыз деп соккон жаңы жүздөрдү көргүм келет. Мен эле эмес, жалпы элдин каалап турганы ушул болсо керек. Мени жакындан билген адамдар “эже, саясатка барбайсызбы” деп көп айтышат. Аны убакыт көрсөтөт. Мамлекетти дүйнөгө спорт жана маданият таанытат эмеспи. Маданиятта көп көйгөйлөр бар. Эгер саясатка барып калсам ошол көйгөйлөрдү чечүүдөн баштамакмын. Бирок саясатка барбай деле улуу, алгылыктуу иштерди жасаса болот.

– Маек соңунда сизге эркин микрофон. Окурмандарга каалоо-тилегиңиз.

– Кирип келген жылда мекенибиздин желеги көктө желбиреп турсун, мамлекетибизде тынчтык болсун! Чыгармачылык инсандар жакшы чыгармалар менен элибиздин жан дүйнөсүн жыргатып туралы!

– Тилегиңиз ишке ашсын! Маегиңиз үчүн рахмат.

Динара Абдыкадырова
Адилет Бектуров
star@super.kg



Кенже Дүйшеева: "Эмгек сөзсүз бааланарына көзүм жетти"

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -2 
Комментарийлер(12)
13.01.2020. 09:47 
Тайпасы:
Жаран
Комментарийлердин саны:
354
Катталган:
18-09-2018
Соӊку аракети:
04-04-2020 22:56
Жынысы:
Белгисиз
+12
Наамга татыктуу айым. Ишенимдуу айта алам.
13.01.2020. 10:44 
Тайпасы:
Жаран
Комментарийлердин саны:
109
Катталган:
30-04-2013
Соӊку аракети:
31-01-2020 00:17
Жынысы:
Белгисиз
+12
katerina.li, Сизден жагымдуу, позитивдуу билдируу окусак болот экенго;)
13.01.2020. 23:38 
Тайпасы:
Жаран
Комментарийлердин саны:
330
Катталган:
04-12-2018
Соӊку аракети:
04-04-2020 19:52
Жынысы:
Белгисиз
Калаасы:
Москва
+5
aibars,Ошону айтсан, мен да ушул никтеги адамдан биринчи жолу жакшы соз угуп жатам
13.01.2020. 10:39 
Тайпасы:
Жаран
Комментарийлердин саны:
71
Катталган:
06-05-2014
Соӊку аракети:
04-04-2020 02:53
Жынысы:
Белгисиз
+6
Кандай эле кутуусуз болсун. Алдын ала документ тапшырасынар
13.01.2020. 23:31 
Тайпасы:
Жаран
Комментарийлердин саны:
336
Катталган:
19-04-2011
Соӊку аракети:
01-04-2020 14:14
Жынысы:
Белгисиз
+5
guli-1980,жылда улам жанылап,документ тапшырышат.Анан министрликтен чалат,приказ чыкты.Мынчанчы куну аласын деп.Анан Эле кутуусуз деп калп айтышат.
13.01.2020. 10:48 
Тайпасы:
Жаран
Комментарийлердин саны:
92
Катталган:
04-04-2015
Соӊку аракети:
30-03-2020 08:28
Жынысы:
Белгисиз
Калаасы:
Бишкек
+5
Сыйлык кут болсун Кенже айым!
13.01.2020. 10:49 
Тайпасы:
Жаран
Комментарийлердин саны:
4
Катталган:
28-07-2019
Соӊку аракети:
08-03-2020 11:03
Жынысы:
Белгисиз
+5
Наам кут болсун, мындан кийин ийгиликтерди каалайм.
13.01.2020. 18:09 
Тайпасы:
Жаран
Комментарийлердин саны:
143
Катталган:
26-01-2016
Соӊку аракети:
04-04-2020 20:31
Жынысы:
Белгисиз
Калаасы:
♡♡♡ОШ♡♡♡
+6
Кыз буракта жүргөндө катуу иштеген.Азыр Сайкалдан башкасын тааныбайм.
14.01.2020. 12:32 
Тайпасы:
Жаран
Комментарийлердин саны:
80
Катталган:
17-05-2017
Соӊку аракети:
04-04-2020 23:00
Жынысы:
Белгисиз
-6
emgegi singendei emne kildi ele
14.01.2020. 12:55 
Тайпасы:
Жаран
Комментарийлердин саны:
65
Катталган:
19-11-2015
Соӊку аракети:
04-04-2020 13:22
Жынысы:
Белгисиз
Калаасы:
кыргызстан
+10
негизи кыз буракты кыз бурак кылган Кенже эже эле.Аны чычалабай эле кабыл алышса болмок. Ушул созду укканда Гулшайыр эже баш болуп чычалайт. Сайкалдын ордуна кайрадан Кенже эжени алып келсе ошол жандантмак. Наамга 100эсе татыктуу. Кошулам. Сыйлайм ушул эжени
14.01.2020. 16:43 
Тайпасы:
Жаран
Комментарийлердин саны:
24
Катталган:
01-10-2019
Соӊку аракети:
04-04-2020 21:35
Жынысы:
Белгисиз
+7
Туура наам берилди. Жаштыгыныз Кыз бурак мн отуп кетти го... За то эмгек баланы. Ийгилик!
17.01.2020. 16:21 
Тайпасы:
Жаран
Комментарийлердин саны:
165
Катталган:
04-01-2014
Соӊку аракети:
04-04-2020 19:12
Жынысы:
Белгисиз
Калаасы:
азыркы убакта Москва шаарында жашайм
+3
Сыйлык ээсин тааптыр,эчак берилиш керек болчу!Эл катары мен да кут болсун демекчимин!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23792;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: