Архив
897   898   899   900   901   902  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

АЗА КҮНҮ ЖИЛИККЕ ТААРЫНГАНДАР ЖЕ МАРКУМДУ ЖЕРГЕ БЕРҮҮДӨГҮ ЫСЫРАПЧЫЛЫК КАЧАН ЖОЮЛАТ?

№897 9-15-январь, 2020-жыл


Өлүм улук. Канчалык байлык топтобо, бийликте турба, даңкың чыкпасын, дүйнөнү өзгөртүп бурулуш жасасаң да тирүүлүккө түркүк боло албайсың. Кыргызда өлүм каадасын жасоодо түшүнүксүз, ысырапка ашыкча жол берген жөрөлгөлөр бар. Тогуздап мал союп, түрлөп салат жасап дасторкон жайып тойдогудай чачылабыз. Төмөндө маркумду жерге берүү каадасындагы ысырапчылык тууралуу сөз болот.

«АДАМЗАТЫ МАТЕРИАЛДЫК ЖАКТАН БАЙЫП, РУХАНИЙ ЖАКТАН ЖАРДЫЛАНЫП КЕТТИ»

Филология илимдеринин доктору, профессор Сыртбай Мусаев маркумду жерге берүүдөгү жөрөлгөлөр мурда жана азыр кандай жүргүзүлгөнүнөн кеп салып берди:

– Эсимде, бала кезде жамандык болсо дасторкондо боорсок, нан, шарты келсе сары май, кант, сокудай-сокудай нават коюп коюшчу. Ошондой дасторкон менен сөөк коюу, кара ашы, жылдык ашы деле өтчү. Азыркылар «ал кезде жашоо-шарт ошондой болчу» деп айтышы мүмкүн. Туура, азыр майкөл-сүткөл заман. Бирок канчалык адамзаты материалдык жактан байыган сайын руханий жактан жардыланып кеттик. Кыргыздын туулганы дагы, өлгөнү дагы өзүнө түйшүк. Илгери бала туулса айланасындагы кошуна-колоң, тууган-уругун чакырып, ырымдап бата алып койчу. Азыр жүздөгөн кишини чогултуп алып килейген ресторанда жентек беришет. Адам кайтыш болсо да 300дөй кишини чакырып, дасторконду дүйүм тамакка толтуруп ресторанда куран окутушат. Бул маркумга куран окутуп сооп алуу эмес эле коммерциялык бир иш-аракет болуп калды. Өлүк ээси куран окулуп бүткөндөн кийин ооздо элди узатып турганда ар бирибиз чөнтөгүбүзгө сала барган конвертибизди колуна карматып чыгабыз. Ал дагы кийин сенин алып барганыңа жараша жооп кайтарат. Муну менен биз соопту же башка баалуулуктарды акча менен баалап калдык десек болот. Кыргыз кедей жашагандан, эки жүздүүлүктөн, кошоматчылык кылуудан, ыплас нерселерди жасоодон уялбайт. Бирок "баланча 300 киши чыкырып той берди, мен 350 киши чакырып той беришим керек" деп куру намыстанат, ошондон уялымыш этип атаандашат.

«СОЮЗ МЕЗГИЛИНДЕГИ ЫСЫРАПКОРЧУЛУКТУН АЗАБЫН ТАРТТЫК ГО?»

– Үйүндө жакыны каза болуп жатса, мындай чыгып алып «канча жылкы союптур?» деп кеп кылышат. 3 жылкы союптур десе, «аа, жакшы, канча эли чыгыптыр?» деп сурашат. Кыргыз кишинин өлгөнүнө кейибейт, сойгон малынын майы канча эли чыгыптыр дегенге кейийт. Бүгүнкү күндөгү биздин рухий маданиятыбыздын, байлыгыбыздын көрүнүшү ушул.

Кошуна мамлекеттерде бийлиги, өкмөтү баш болуп ысырапкорчулукту жоюу үчүн иштерди жасап жатышат. Мисалы, казактарда улуулатып устукан-жилик тартпайт. Алар бир столго бир жиликти коюп, калганын майдалап таратып берип коёт, эч ким таарынбайт. А кыргыз устуканга таарынат. Үйдөн сөөк чыгып, адамдан айрылып жатса уча, жамбаш, куйрук албай калдым деп таарынат.

Өзбектерге келсек, алардын бийлиги ашыкча чыгым кылып, көп эл чакырып той берсе, той ээсин мыйзамдын негизинде жоопко тартат. Бизде болсо министр, депутаттын баары ишин таштап коюп тойдо жүрөт майланышып.

Биздин муун СССРдин доорун сүрдүк. Килейген Союз ыдырап, жоюлуп кетерин билбей, жетиштүү турмушта жашап жүргөн эл тамак-аштын баркын билген жок. 24 тыйынга нан сатып барып итке берчүбүз. Тамак-ашты чочко жеди. Ошондой ысырапкорчулуктун каарын кыргыз 10 жылдан ашык тартпадыбы. Бүгүнкү ысырапкорчулуктун запкысын эртеңби, бүрсүгүнүбү, дагы тартабыз.

«КОЛУНДА БАРЛАР БАШТАШЫ КЕРЕК»

– «Аш көп болсо каада көп» дейт. Айрымдары көпкөнүнөн ашын төгүп жатса, айрымдары куру намыска алдырып «эл эмне дейт?» деген нерсе менен башын оорутуп тапкан-ташыганын төгүп жатат. Кыргызда «үйүндө бир кашык айраны жок, уулунун аты Жууратбек» деген сөз бар. Эл эмне демек эле? Элдин эмне иши бар? Айтып-айтып кала берет, сен өзүңдүн ишиңди өзүң билесиң да.

Жамандык болобу же жакшылыкта болобу, 2-3 баш мал союп, 300 киши чакырып той берип, жилик тартканды токтотууну кимдир-бирөө башташы керек. Бул нерсени жарды адам эмес, колунда бар, бардар киши башташы керек. Аны жоктугунан жасабай койду деп эч ким айтпайт. "Бул ысырапкорчулукка жол бербей туура кылып жатат" дейт. Ал эми колунда жок киши жасаса, кыргыз өзү бирөөгө тыңсынганды жакшы көрөт эмеспизби, «аа, бечара, колунда жок да ошон үчүн мал соё албай калды» дешет. Бирок мен айткан нерсени байлардын бири да жасарына көзүм жетпейт. Элди жолдон чыгарып, ысырапкорчулукка түрткөндөр – элдин ырыскысын жеп байып алгандар, алды түрмөдө отургандар, арты минтип заңгыраган тойканаларды салып коюп элдин ырыскысына семиргендер. Алар элге туура жол көрсөтүп, жакшы жөрөлгө баштап бере тургандар эмес.

«МАЛ СОЮУ ДИНДЕ ТАЛАП КЫЛЫНБАЙТ»

Кыргызстан мусулмандарынын дин башкармалыгынын диний маселелер бөлүмүнүн адиси Бактияр Токтогазы уулу маркумду көмүү шарты тууралуу айтып берди.

– Ислам дининде маркумду акыркы сапарга узатууда бардык жол-жобосу так көрсөтүлгөн. Пайгамбарыбыздын хадистеринде «качан адам баласы жаны үзүлүп, тиги дүйнөгө кеткенде, тирүүлөр, жаназасын тездеткиле» деп айтылат. Демек, тезирээк жайын казып, жаназасын окуп маркумду узатуу – бул диндин талабы. Эгерде маркум өз жеринен алыс жүрүп көз жумса, анын сөөгүн мекенине жеткиргенге убакыт керек болушу мүмкүн. Бирок ал жактагы туугандары жайын казып даярдана берүүсү шарт. Кыргызстандын кээ бир аймактарында мурда сөөктү сөзсүз түрдө 3 күн кармашчу. Азыр элдин аң-сезими өзгөрүп, бул нерсе азайып баратат. Маркумду канчалык эрте жерге берсе, ошончолук сообу көбүрөөк болот. Ошондой эле маркум менен коштошуу жүрүп, аза күтүлүп жаткан үйдө тойдогудай абал жаралбашы керек.

Ислам дининде эгерде алыстан туугандары, жатарга жери жок адамдар келсе, анда жакын кошуналары же жакын жашаган туугандары дасторкон даярдап, урматын көрсөтүшү керек деп айтылат. Сөзсүз түрдө мал союлушу керек деген талап жок. Кыргыздын каада-салты, менталитетине сиңип калган «үчилик», «жетилик», «кыркылык», «кара аш», «жылдык аш», «бейит башы» деген жөрөлгөлөр динде жок. Аларды жасоо, аткаруу шарт эмес. Мисалы, үйдүн багуучусу каза болуп, анын балдары, аялы жетим-жесир калган болсо, келген эл үй-бүлө сойгон малды же тамак-ашын түгөтүп, мындайча айтканда, ырыскысын жеп кеткен болот. Бул чоң күнөө, жетимдин акысын жегенге барабар нерсе. Маркумду жерге берүүдөгү ысырапкорчулукту жоюу 1 күндө эле жасала калчу иш эмес. Биз атайын фатва (жобо) иштеп чыгып, аймактардагы мечиттердин имамдарына жайылтып, сөөк коюу каадасын шарияттын негизинде жасоо боюнча үгүт иштерин жүргүзөбүз. Түшүнүү менен кабыл алып, маркумду 3 күнгө жеткирбей жерге берип жаткандар бар.

МАРКУМДУ ЖЕРГЕ БЕРҮҮДӨ КАЙСЫ ЖӨРӨЛГӨНҮ АШЫКЧА ДЕП ЭСЕПТЕЙСИЗ?

Арзыкан Момунтаева,Талас облусу:

– Таласта чыгымды көп тарткан жагы бар. Абдан жакпаганы: килемибизди көтөрүп алабыз, кыздары метрлеп материал, аял- кишилер чапан-жоолук, шайы-шалбырттарды көтөрүп барышат. Кара мал союу азыраак, бирок дасторкон жасалат. Тууган-уругу күйүп, ыйлагандын ордуна тамак ичип төрдө отурганы туура эмес деп эсептейм.

Медина Турусбекова, Нарын облусу:

– Маркумдун кийими салынган сандыкты ачып алып, кездемелерди таратып, кайра кийит алып келишкени ашыкча. Анан "жакалуу пальто жаппаптыр" деп сөз кылгандарычы. Жаш эле эркектер мүрзөдөн келгенден кийин «биз кайсы үйгө киребиз?» деп эт жеш үчүн ошол жерде каз катар тизилип алышканы да уят көрүнүш.

Аман Калыбеков, Чүй облусу:

– Аза күтүүгө убактың жок, эл тамак жедиби деп сарсанаа болуп жүрөсүң. Анткени бир нерсе туура эмес болуп калса таарынышат. Той менен жамандыктын айырмасы жок. Мисалы, дунгандардын үйүндө дасторкон жайылбайт. Алыстан келген туугандарын кошуналары гана коноктоп узатып коюшат.

Гүласал Алиева, Ош облусу:

– Бул жакта киши көз жумуп, кайгы болуп жатса, бери жакта дароо кой союлуп, аш демделип шаан-шөкөт башталат. Дасторкон тойдогудай жасалгаланып, куда-сөөк кийит кийгизишет. Ушул сыяктуу ашыкча жөрөлгөлөр менен өзүбүздү-өзүбүз кыйнап өйдө боло албай жатабыз.

Айсулуу Бакыт кызы, Ысык-Көл облусу:

– Аза күтүп жаткан үйдө мал союлуп, дасторкон жасалышы кошумча чыгым. Ошондуктан буга мамлекеттик деңгээлде тыюу салынышы керек. Чыгымдардын көп болушу үй-бүлөлүк каатчылыкка алып келет. Жыйынтыгы мамлекетке да кедергисин тийгизет. Анткени үй-бүлөнүн жакырданышы мамлекетке зыян.

Аэлита Жолчиева, Жалал-Абад облусу:

– Бизде айыл аксакалдары тыюу салган, бирок ага эч ким деле баш ийбейт. Мурда аялдар чүпүрөк-чапырак, себет алып келишчү, азыр акчалай беришет экен. Куран окуткан жерге барсаң тамак ичилгенден кийин дасторконду талап, баштыкка салып, адамдын кайгысын бөлүшүүнү унутуп да калышат.

Талантбек Мамытов, Баткен облусу:

– Баткенде маркумду 1 эле күн кармап жерге берет. 40 күндүк, жылдык, көк кийди, ак кийди деген ашыкча салттарыбыз бар. Негизи шариятта мындай нерселер жок. Жамандык айтып келбейт, ага атайын даярданып турбагандан кийин, шартка жараша сөөк коюу каадасын жасай берүү керек.

Гүлжан Асанкожоева
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(15)
13.01.2020. 12:21 
Тайпасы:
Жаран
Комментарийлердин саны:
202
Катталган:
16-02-2018
Соӊку аракети:
17-02-2020 15:29
Жынысы:
Белгисиз
Калаасы:
Бишкек
+10
Туура,азыр куда куткондой эле даярданып калышты го. Туулганындан да олгонун кымбат ,жакындарынды туйшукко саласын олуп баратсан да!
13.01.2020. 13:10 
Тайпасы:
Жаран
Комментарийлердин саны:
13
Катталган:
26-09-2017
Соӊку аракети:
20-02-2020 18:51
Жынысы:
Белгисиз
-1
Ай ким билет оной мн жойулбайт го айрыкча айылда .....
13.01.2020. 20:47 
Тайпасы:
Жаран
Комментарийлердин саны:
37
Катталган:
26-01-2012
Соӊку аракети:
20-02-2020 21:03
Жынысы:
Белгисиз
Калаасы:
бишкек
+2
Толук кошулам аза күтпөй эле келген эл таарынбай кетсе экен деп кайгырасың.Жакыны каза болуп атса боз үйдө алып келген баштыгыңды көз кыйыгынан карап сындап отурган эже,жеңелер да бар.Алкымды тыйыш кыйынго ушу нерсеге чек койулаарына ишенбейм
14.01.2020. 00:22 
Тайпасы:
Жаран
Комментарийлердин саны:
411
Катталган:
28-09-2011
Соӊку аракети:
20-02-2020 16:58
Жынысы:
Белгисиз
+4
Чындап ашыкчада иий. Олгондо патыр путур болуп эч кимге конул бура албалык деп 40ашын бергенде укмуш тойго даярдангандай даярданабызго. Кылбайын десен элден калассынбы дешет. Аза кутбойсун кечке ошону ойлоп журосун. Атамда да апамда да ошондой болгон анан каттуу стресс болгом. Ыйлап жоктоп ттурганга убауыт болбой кечке чай демде дасторкондк кара аш алып кел уй жыйна болуп журуп
14.01.2020. 12:50 
Тайпасы:
Жаран
Комментарийлердин саны:
322
Катталган:
14-11-2016
Соӊку аракети:
20-02-2020 19:06
Жынысы:
Белгисиз
+2
Өзү ашыкча чыгымдын кереги жок, мусулманчылыкта кандай болгон ошондой кылып өткөзүп койсо болот, ал үчүн жогорку жактагылар мыйзам кабыл алып, ошону катуу көзөмөлдөш керек.
14.01.2020. 16:51 
Тайпасы:
Жаран
Комментарийлердин саны:
1
Катталган:
14-08-2011
Соӊку аракети:
20-01-2020 19:58
Жынысы:
Белгисиз
Калаасы:
россия
+1
Eldin peili onolmoiuncha bul nerse boloberet
14.01.2020. 17:31 
Тайпасы:
Жаран
Комментарийлердин саны:
62
Катталган:
09-04-2017
Соӊку аракети:
20-02-2020 16:47
Жынысы:
Белгисиз
+7
Макалада, сурамжылоодо, коментарийде баардыгы каршы экен. Бирок эч ким баш тартып аткаргылары келишпейт. Айтылып эле кала бере турган иш.
15.01.2020. 01:28 
Тайпасы:
Жаран
Комментарийлердин саны:
2
Катталган:
24-10-2016
Соӊку аракети:
12-02-2020 14:11
Жынысы:
Белгисиз
+6
Адам отоору менен аны кантип жерге коебуз деп ойлонбой, каяктан мал апкелип соёбуз, базарга кимди соодага жонотобуз, канча уйго конок киргизебиз, кимден карыз алып турсак экен деп жакындары шайы оойт.Уйдон соок чыга элек казан кайнап, эт бышыргандар шарактап каткырып казан башында, келиндер боорсок бышырып той башталат, ырас олду дегенсип. Депутаттар Мыйзам долбоорун иштеп, Мыйзам менен тыйбасак кыргыз качан эле озу билип кыскартчуле? Ашса ашат кыскарбайт оз алдынча
15.01.2020. 01:32 
Тайпасы:
Жаран
Комментарийлердин саны:
2
Катталган:
24-10-2016
Соӊку аракети:
12-02-2020 14:11
Жынысы:
Белгисиз
+5
Кок кийди деп келин-кесек кок жоолук,кок кездемелерин которуп келишет,эч нерсеге жарабаган 2 метр кок кездеме ошол боюнча туйунго туйулуп башка бироо олсо ал жакка жонойт.Анан ак кийди деп ак кезедемелерди ташымай, ак кийгизмей.Актык деп ашырып пальто, джемпер, комплекттерди же алтын такмай модага айланган. Кок кийди, ак кийди деген шумдуктуу салт бир эле кыргызда болсо керек. Жылкы союп шопосу кучтуу келет деп эч ким ичпей тогулот, устукан,чучук, пакет талашмай.
15.01.2020. 01:39 
Тайпасы:
Жаран
Комментарийлердин саны:
2
Катталган:
24-10-2016
Соӊку аракети:
12-02-2020 14:11
Жынысы:
Белгисиз
+4
Анан да эркек отсо батаага келгендерге 1 даанадан жайнамаз, аял киши отсо 1 даанадан чыны же самын, полотенце таратмай салт бар. Кеминде 200 адам келсе 200 чыны же жайнамаз. Бул канчалаган расход? Себет киргизет аялдаргабашка,эркектерге башка. Болгонун болуп кетмей жок.Эркектер уялбай ай нан жетпей калды, дагы мынча нан, мынча жайнамаз бергиле деп суратышат.Бул жакта жакынын жоготкондор менен эч кимдин иши жок.Тойго келгендей уйдо каткырып отуруп,дасторкон талап чыгып кетишет.
15.01.2020. 19:22 
Тайпасы:
Конок
Комментарийлердин саны:
50
Катталган:
08-12-2019
Соӊку аракети:
20-02-2020 20:22
Жынысы:
Белгисиз
+1
Адам каза болгондо союш союу туура эмес.
Бир киши ата-энесини жакшы карабай,акча топтоп уйунон кабар алчу эмес.Качан гана ата-энеси 1 кундо каза болгондо,тируусундо сыйлай албаган,калын тошокторго отургузбаган,жылуу жумшак жууркан,жастыктарга башын коюп уктабаган ата-энеси (подушка).Досторуна,бизнес чойросундогулорго уят болбоюн деп кыска убакыттын ичинде уйдогу эски тошокторду жок кылып,жаны тошоктор менен толтуруп койду.
МЕН ЭМНЕНИ АЙТКЫМ КЕЛДИ.
Эл козуно гана ата-энеге куйг
15.01.2020. 19:28 
Тайпасы:
Конок
Комментарийлердин саны:
50
Катталган:
08-12-2019
Соӊку аракети:
20-02-2020 20:22
Жынысы:
Белгисиз
+4
Ашыкча нерселерден баш тарталы.
Калпак,чапан,эркектердин койногу,жоолук,материал (баары кытайдын товарлары) буларды эч ким кийип колдонбойт.
Колдон колго отуп конулго тиет.
Тойлордогу ашыкча чыгымдарды дагы азайтсак жакшы болмок.
Adil18 түзөттү 2020-01-15 20:11:35
17.01.2020. 16:12 
Тайпасы:
Жаран
Комментарийлердин саны:
2447
Катталган:
11-01-2017
Соӊку аракети:
20-02-2020 19:58
Жынысы:
Белгисиз
0
Мен жаш кезимде чон ата чон энемдер кээде ошондой кара аштан бир аз эт алып келип калчу, бирок оздору вообще жечу эмес жаш балдарга берчу жеп койгула силердин тишинер менен тушуп калат деп.
17.01.2020. 17:47 
Тайпасы:
Жаран
Комментарийлердин саны:
66
Катталган:
28-07-2019
Соӊку аракети:
15-02-2020 18:33
Жынысы:
Белгисиз
0
бизде да ушундай болду.кайнатама кайгырганга убакыт тийбей кечке оокаттан.морально жеп коюшат экен келинди.боюмда да бар эле.мээ чарчап отказ берип калган
17.01.2020. 21:29 
Тайпасы:
Жаран
Комментарийлердин саны:
115
Катталган:
20-09-2013
Соӊку аракети:
11-02-2020 17:18
Жынысы:
Белгисиз
+1
Карап отурсак бир да эл ашыкча чыгымды,өлүм болгон күнү мал союлуусун каалабайт.Анан " кимдер эле бул салттарды чыгарып жатат?" деген суроо туулат.Өз кулагым менен көзүм менен көргөнүмү айтайын 70ке чыгып,кругозору бийик эле бир адам өлүмгө барып келип:"Дасторконго эч нерсе койбоптур"-деп келгенин көрдүм.Демек бул салт каныбызга сиңип кеткен деп ойлоп калдым.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23623;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: