Архив
897   898   899   900   901   902   903  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

"ЭC АЛУУ КҮНДӨРҮН АЛМАШУУ"

№896 2-8-январь, 2020-жыл


Жаңы жыл. Бул сыйкырдуу күндү көпчүлүгүбүз үй-бүлөбүз менен жаңы жылдык дасторконду жайып алып сыналгынын алдында тосот эмеспизби. Жыл сайын кайталап көрө бергенден тажабаган жаңы жылдык тасмалар бар. Бирибизге “Тагдырдын тамашасы же жеңил парыңыз менен” тасмасы жагат, экинчибизге “Үйдө жалгыз”, үчүнчүбүз “Карнавалдык түн” фильмин жактырабыз, дагы бирөөлөр советтик доордон калган салт менен "Шуриктин окуяларын", "Иван Васильевич кесибин алмаштырат" өңдүү тасмаларды көрүп чыгышат. Айтор, табитке жараша тандап алмай. Эгер сиз Голливуд жылдыздары Кейт Уинслет менен Кэмерон Диаз башкы ролдо ойногон “Эс алуу күндөрүн алмашуу”(“Отпуск по обмену”) жаңы жылдык тасмасын жактыргандардын катарына кирсеңиз, анда төмөндөгү маалыматтарга көз чаптырыңыз.

Аталышы – “Эс алуу күндөрүн алмашуу”(“The Holiday”, “Отпуск по обмену”)

Тарткан өлкө – АКШ

Чыгарылган жылы – 2006-жыл

Тарткан режиссёру жана сценаристи – Нэнси Мейерс

Бюджети – 85 миллион доллар

Жанры – Жаңы жылдык мелодрама, романтикалык комедия

Башкы ролдордо – Кэмерон Диаз, Кейт Уинслет, Жуд Лоу, Жек Блэк

Тасманын узактыгы – 1 саат 38 мүнөт

Дүйнөлүк прокаттан чогултканы – 205 миллион доллар

РОМАНТИКАГА СУГАРЫЛГАН ТАСМА

Тасмадагы каарман Лондондун “The Daily Telegraph” гезитинде үлпөт бурчун жазган Айрис Симпкинс (Кейт Уинслет) аттуу бийкеч шаар четиндеги чакан айылда, кичинекей коттеджде жашайт. Тилекке каршы, анын жүрөгүн багындырган адам башка айымга ашык. Ал эми Айрис менен болгон мамилеси жеке кызыкчылыктарына байланыштуу. Бул тууралуу Айрис жаңы жылдык майрамдоо учурунда билет.

Айристен таптакыр алыс, АКШда Түштүк Калифорнияда Аманда Вудс (Кэмерон Диаз) аттуу айым жашайт. Ал өтө популярдуу рекламалык агенттиктин ээси. Кинотасмаларга рекламалык роликтерди, трейлерлерди даярдайт. Аманданын да жеке жашоосу туңгуюкка кептелип, сүйгөн адамы башка бийкечти жандап жүргөнүн билет. Бири-бирин тааныбаган, дүйнөнүн эки башка жеринде отурукташкан, тагдырлары окшошуп калган эки айым интернет сайттары аркылуу башка өлкөдөн убактылуу жашоого үй издеп жатышып баарлашып калышат. 10 миң чакырым алыстыкта жайгашкан үйлөрүн жаңы жылдык эс алуу күндөрү бүткөнчө алмаша турушуп, жеке маселелеринен алысыраак эс алууга кетүүгө бел байлашат. Тасманын жүрүшүндө Айрис Аманданын үйүнө барып Майлз (Жек Блэк) аттуу композиторго жолугат. Ал эми Аманда Айристин агасы Грэм (Жуд Лоу) менен табышып чыныгы сүйүүлөрүн кезиктиришет.

Атактуу актёр, актрисалардын башын кошкон бул тасма чындыгында романтикага сугарылган. Жаңы жылдык кече же жөн эле кышкы эс алууда жылуу үйдө, жумшак диванга ыңгайлуу жайгашып алып көрө турган тасма десе болот.

ТАСМАНЫН ЭКИ ТАРАБЫ

Кандай гана чыгарма же тасма болбосун анын эки тарабын өз жашообузга, жашаган жерибизге, менталитетибизге, алган тарбиябызга жараша көрөт эмеспизби. Ошондой эле бул тасманын да эки тарабынан карап көрүүгө болот. Адамга өзүн-өзү баалоону үйрөтүү жакшы нерсе. Муну Айрис жүрөгүндөгү Жасперге (Руфус Сьюэлл) болгон сүйүүсүнө карабай, намысы үчүн андан баш тартып кетип калганынан байкоого болот. Айриске тагдыры окшоп калган Аманданын окуясы дагы көрүүчүлөргө сабак. Тасма жардамга муктаж адамга кол сунууга үндөп турганын байкоого болот. Мисалы, карылыгы келип тагдырына моюн сунуп отуруп калган кошунасына мотивация берип элге аралашууга түрткү болгон Айристин окуясы. Андан тышкары адамдар менен мамиле түзүү, ар бир көз ирмемди баалай билүү, кандай гана маселе болбосун андан чыгуунун жолу бар экендигине ынануу сыяктуу бир топ тарбиялык мааниси бар.

Ошондой эле тасмадан биздин менталитетке туура келбеген нерселерди да байкоого болот. Алкоголдук ичимдиктерди ичүүнү көрсөткөн эпизоддор абдан эле көп. Кыязы, тасманын жаратуучулары үчүн бул нерсе көнүмүш эле көрүнүш. Ажырашуу, кубануу, кайгыруу, майрам уюштуруу, таанышуу, жолугушуу, айтор, бир канча себептер менен ичимдиктин ичилип жатканын көрөсүң. Терс адаттардын дагы бири тамеки тартууну чагылдырган эпизоддор да арбын. Керек болсо кичинекей балдар менен ойноп жаткан Грэм дагы чылым тартып жаткан түр көрсөтүп койгон жери бар.

ТАСМА ТУУРАЛУУ КЫЗЫКТУУ ФАКТЫЛАР

  • Тасманын сценарийи атайын баш каармандар Кэмерон Диаз менен Кейт Уинслетке арналып жазылган.
  • Америкалык атактуу актёр Дастин Хоффман тартылган кыска эпизод бар. Аны тасмага тартуу алдын ала пландалган эмес. Болгону тартуучу топ менен актёр кокустан жолугуп калышкан.
  • Тасманы чындыкка көбүрөөк окшоштуруш үчүн режиссёр Кэмерон Диаздан эркин болууну суранган. Кааласа сценарийден чыгып импровизация кылууга уруксат берген.
  • Айристин сүйгөнү Жасперди аткарган актёр Руфус Сьюэлл менен Кейт Уинслет бир кездери кыз-жигит болушкан.
  • Сценарий боюнча кээ бир кадрларда сыртта кар жаап туруш керек эле. Ошол себептен тартуучу топ атайын кар жаадыруучу аппаратты камдашкан. Бирок дал ошол бөлүктү тартуу күндөрү табият тартуучу топко жардамга келип 3 күн бою кар жаап турган.
  • Шаар сыртындагы Айристин чакан үйү чыныгы жашоодо жок болчу. Тартуу иштери үчүн ээн талаага эле куруп коюшкан.
  • Аманданын үйүнүн ичи студияда тартылган. Анын ичин эмеректер менен жабдууга 1 миллион доллар кеткен.
  • Айрис Аманданын үйүнө кирип келгенде бийлеп жаткан эпизод бар. Ал бөлүк сценарийде болгон эмес. Бул Кейт Уинслеттин жеке импровизациясы.
  • Тартуу иштери бүткөн соң Кейт Уинслет: “Ишенип койгула, Жек Блэкке ашык болуп калуу кыйынга турган жок” деп айткан.

Чолпон Сүйүнбаева
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23651;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: