Архив
897   898   899   900   901   902   903   904   905   906   907   908   909   910   911   912  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

OТИТ– КУЛАКТЫН СУУКТАН ЖАНА ИНФЕКЦИЯДАН СЕЗГЕНИШИ

№896 2-8-январь, 2020-жыл


Кулак ооруларынын ичинен эң көп кезиккени отит дарты. Убагында дарыланбаса кулактан ириң агып, угуу төмөндөп кетет. Аталган оору айрыкча кышында күчөйт. Бул жолу Улуттук госпиталдын Отоларингология бөлүмүнүн врачы Төрөкул Сулаймановго кайрылып, отит оорусу тууралуу маалымат алдык.

КАНДАЙ ТҮРЛӨРҮ БАР?

Вирус козгогон отитте бактерия да кошулуп, ооруну татаалдаштырат. Отит дарты сырткы, ортоңку жана ички кулактын отити болуп 3кө бөлүнөт. Көп жолукканы ортоңку кулактын отити. Ошондуктан ушул түрү тууралуу сөз кылабыз.

Оорунун курч кармаган түрүн убагында дарылабаса өнөкөт түргө айланат. Отиттин көп кармаган учуру жылдын суук мезгилдери.

КЕЛИП ЧЫГЫШЫНА ЭМНЕЛЕР СЕБЕП БОЛОТ?

  • Суукка урунуу. Суукта жылаңбаш жүрүү, мончодон чыгып баш кийим кийбей коюу.
  • Бактериялар: пневмококк, стафилококк, гемофилдик таякча, ириң жаратуучу таякча (синегнойная палочка) жана башкалар
  • Вирустар: грипп жана ОРВИни козгоочу аденовирус, риновирус, коронавирус, кызамык оорусун козгогон PHK-вирус
  • ЛОР оорулары: ринит, гайморит, полип
  • Кулакка чоочун заттын кирип кетиши. Мисалы, топчу, буудай, нокот, оюнчуктардын майда бөлүкчөлөрү жана башка. Бирок мындай көрүнүш сейрек учурайт.
  • Кулакка кир суу киргизип алуу

ИНФЕКЦИЯ ОРТОҢКУ КУЛАККА КАНДАЙЧА ӨТҮП КЕТЕТ?

  • Грипп, ОРВИ, полип ооруларын дарылабаганда же толук дарылабаса, оору өтүшөт да вирус жана бактериялар чүчкүргөндө, жөтөлгөндө, чимкиргенде каңылжаардан угуу түтүкчөсү аркылуу ортоңку кулакка өтүп кетет. Анткени каңылжаар угуу түтүкчөсү менен байланышып турат.
  • Адамда грипп жана кулак, мурун оорулары жок учурда деле ооз, мурун аркылуу кирген бактерия, вирустар каңылжаар менен барып угуу түтүкчөсүнүн (евстахиева труба) былжыр кабыгын сезгентип, шишитип, угуу түтүкчөсүнүн жолун жаап калат. Бул ортоңку кулак менен каңылжаардын ортосундагы аба алмашууну бузуп, ал жерде бактерия, вирустардын көбөйүшүнө шарт түзүп берет. Эгер адам дарыланбаса анда оору өтүшүп баштайт да вирус, бактериялар каңылжаардан угуу түтүкчөсү аркылуу ортоңку кулакка өтүп, андагы көңдөйчөдө былжырлуу суюктуктун, ириңдин жаралышын шарттайт. Көңдөйчөгө топтолгон ириң чыгууга жол издейт. Кээде калыңдыгы 0,1 миллиметр болгон кулак тарсылдагы ириңдин айынан жукарып барып тешилет. Кулактын тарсылдагы өтө кичине болуп жарылса кээде өзү бүтүп калат. Эгер бүтпөй калса кулакты улам сезгенүүгө, угуунун төмөндөшүнө жеткирет. Кайра-кайра ириң ага берет. Ошондуктан кыргыздар илгертеден өнөкөт отит оорусун "булак" деп атап коюшчу. Эгер ортоңку кулактын көңдөйчөсүндө топтолгон ириңден кулак тарсылдагы тешилбесе, анда ириң баш мээни көздөй жылат. Баш мээнин чыкый бөлүгүнүн абсцессине же менингиттин пайда болушуна жеткириши мүмкүн.

ОТИТ ӨТҮШҮП КЕТСЕ...

Ириң мээге чаап кетсе төмөнкү оорулар күтүлөт:

  • Менингит, энцефалит
  • Баш мээнин абсцесси
  • Бет нервинин неврити
  • Кереңдик

ДАРТТЫН БЕЛГИЛЕРИ

  • Оору курч кармаганда кулак лукулдайт, сайгылашып ооруйт. Түнкүсүн ооруганы күчөйт. Оорутуу чыкыйга, жаакка, желкеге да тарашы мүмкүн.
  • Дене табынын көтөрүлүшү (39°С же андан жогору), чыйрыгуу
  • Кулактын чуулдашы
  • Кулак тарсылдагы жарылса ириң агышы мүмкүн. Ириң ага баштаганда ооруганы басаңдайт, дене табы төмөндөп, адамдын абалы жакшырат.
  • Угуунун төмөндөшү (тарсылдак жарылса да, жарылбаса да). Адам ооругандан кийинки күндөрү кулагынын начар угуп жатканын сезет. Айыккандан кийин кээ бирлердин угуусу калыбына келсе, айрымдардыкы калыпка келбейт.
  • Шалдыроо, тамакка табиттин жоголушу
  • Баштын оорушу жана айланышы
  • Тең салмактын жоголушу

ДИАГНОЗ

  • Акуметрия (врач сөз, тыбыштарды сүйлөп, шыбырап айтып, аны оорулууга кайталатуу менен угуусунун даражасын текшерет)
  • Угууну аудиометрия аппараты менен текшерүү
  • Компьютердик томография

ДАРЫЛОО

Консервативдүү дарылоо ыкмасы

  • Оорутууну басуучу, сезгенүүнү кетирүүчү, дене табын түшүрүүчү дары-дармектер
  • Антибиотиктер
  • Кулакка тамчылатуучу дарылар
  • Антигистаминдик дары (сезгенүүдөн улам пайда болгон шишикти кетирет)
  • Физиодарылоо

Хирургиялык дарылоо ыкмасы

  • Ириң мээге чаап кеткенде ортоңку кулакка радикалдык тазалоочу операция жасалат. Ириңдеген жерлер тазаланат.
  • Кулак тарсылдагы жарылгандан угуу төмөндөп, кереңдиктин келип чыгуу коркунучу жаралса жана консервативдүү дарылоо жардам бербесе, анда угууну калыбына келтирүүчү пластикалык операция-тимпанопластика жасалат. Операцияда кулактын арт жагы ачылып, баш сөөктүн былжыр кабыкчасынан кичине кесилип алынат да, аны менен кулактын тарсылдагы жамалат.

ӨЗ АЛДЫНЧА ДАРЫЛАНБАҢЫЗ!

  • Кээ бирлер кулактан ириң агып жатканда ысытуучу компресс же жылуу грелка басышат. Бул ооруну баспайт, тескерисинче кулактагы бактериялардын көбөйүшүн ылдамдатат. Жылытуучу компресс ириң жок кезде гана колдонулат.
  • Кулакка түрдүү тамчылатма дары, май же спиртти да куюуга болбойт. Алардын таасиринен оорутуу көбөйөт, анын үстүнө сезгенүүдөн улам жукара баштаган тарсылдак жарылып калышы мүмкүн.

АЛДЫН АЛУУ

  • Кулак, тамак оорусунун белгилери билинер замат врачка көрүнүү, дарылануу
  • Кулактын гигиенасына көңүл бөлүү
  • Суукка урунбоого аракет кылуу
  • Грипптен чала дарылануу менен инфекцияны кулакка өткөрүп жибербөө
  • Сууга түшкөндө, башты жууганда крем сүртүлгөн кебезди кулакка тыгып алуу


Канымжан Усупбекова
densooluk@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(3)
07.01.2020. 14:26 
Тайпасы:
Жаран
Комментарийлердин саны:
98
Катталган:
06-02-2019
Соӊку аракети:
05-06-2020 11:13
Жынысы:
Белгисиз
+1
Кулакка тарсылдак жамматыш үчүн канча акча сарпталат экен
08.01.2020. 17:55 
Тайпасы:
Жаран
Комментарийлердин саны:
37
Катталган:
11-10-2014
Соӊку аракети:
24-05-2020 12:16
Жынысы:
Белгисиз
0
Менинда оң кулагымдын тарсылдагы жарылган ириң чыкпайт бирок зуулдаган ун бар операцияга канча кетет жана канча убакытта өзүнө келет толук маалымат алып бериңиздерчи супер инфо өзүм чет өлкөдө болгондуктан так маалыматты билип ошого даярданып барсам
13.01.2020. 08:42 
Тайпасы:
Жаран
Комментарийлердин саны:
2
Катталган:
07-06-2018
Соӊку аракети:
13-01-2020 08:43
Жынысы:
Белгисиз
0
Саламатсынарбы Операцияга примерно 1000 доллардын тегереги кетет операция эки этап менен отот экен биринчиси анан экинчиси 6 айдан кийин болуп. Экооно эки болок сумма толонот частный клиникаларда коп экен Бишкекте мен кылдырдым да
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23968;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: