Архив
897   898   899   900   901   902  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Дөөлөт Сыдыков: «ЫРЫСКА АШЫК БОЛУП, 2 ЖЫЛ СЫРТТАН КӨЗ САЛЫП ЖҮРДҮМ»

№896 2-8-январь, 2020-жыл


Бүгүн биз «Жан шерик» рубрикабыздын алкагында манасчы Дөөлөт Сыдыков менен продюсер Ырыс Окенованын үй-бүлөсүнүн жаралуу тарыхына көз чаптырдык. Бүгүнкү күндө бул үй-бүлө ордолуу шаарга айланып, 4 баланын ата-энеси.

– Куш келипсиздер! Сиздерди элге төбөсү көрүнгөн, үлгүлүү жуп катары тааныйбыз. Маегибизди бири-бириңиздерди алгачкы ирет көргөн күндөн баштасак деп турам.

Дөөлөт Сыдыков: – Жакшы болот. Мен ал кезде консерваторияда окучумун. Ырыс телевидениеде иштечү. Ошол кезде Роза Аманова эжекебиз экөө салттуу музыка боюнча берүү даярдап жатышкан экен. Биздин окуу жайдан ырчы-чоорчуларды алып кетишти. Алардын арасында мен да бар элем. Тартуу иштери башталып жаткан маалда Роза эже камераны карап Ырыс Окенова деп тааныштырды. Ырчы Аскат Мусабеков менен жанаша отурган элем, аны акырын түртүп «Ырыс Окенова деген ушулбу?» деп сурап жатпаймынбы. Сураганда да башкача сурасам керек «эмне болду, жагып калды окшойт, ээ?» деп кайра-кайра сураганы эсимде. Адамды бир көрүп жактыруу деген бар эмеспи, ал күнү сырттан байкаштырып кетип калдым. Андан көп узабай Ырыстын «Чабыт» деген берүүсү эфирге чыга баштады. Ошондо да бир келип көрүп кеткем. Ашык болуп калып сыртынан 2 жыл байкаштырып жүрдүм. Көкүрөгүңдө олуттуу оюң болгон соң жүрүм-турумун, кулк-мүнөзүн карайт экенсиң. Ал арада атайын Ырыска арнап ашыктык ырларын жазып жөнөтө баштадым. Анан чечимимди бышыктап алгандан кийин «баш кошолу» деген сунуш айтсам бул макул болбой койду.

Ырыс Окенова: – Дөөлөттүн мага болгон мамилесин, анын көңүлүн байкаганымда аябай чочуркагам. Биринчи ирет Роза эже менен биргеликте тарткан берүүдө көргөнүмдө анын манас айтканына суктангам. Көрсөтүүнү монтаждап жатып да өзгөчө көңүл бурганым эсимде. Бирок кийин телефон номерлерибизди алмашкан соң колуна папка кармап алып, костюм-шым кийип, галстук тагынып тез-тез келе баштаганда, чынын айтуу керек, чочудум. Ал кезде Nokia деген телефон көтөрчү элем, күн сайын укмуш сонун ырлар жазылган СМСтер келет. Эски сөздөр менен «Сени ааламымдай жактырам» деген мазмундагы ырлар болчу. Алгач таң калып жүргөнүм менен, бара-бара көнө баштадым.

Д.: – Эң биринчи ырымдын эки сабы эсимде калыптыр:

«Узун көйнөк жарашып боюңузга, Баштагыдан башкача сулуу болуп» деп башталар эле.

Ы.: – Ошол телефонумду кийин таксиде унутуп калып жоготуп алгам. Ушундай сонун ырлар бар эле, эстесем бүгүнкү күнгө чейин ичим ачышат. Чакан китепче кылып чыгарганга жете тургандай ыр саптары бар болчу.

Д.: – Балким, ошол такси айдаган мырзага ал ырлардын пайдасы тийип кыздарга жөнөткөндүр (күлүп).

– Анан үй-бүлө куруу деген олуттуу кадамга багытты кандайча алдыңыздар?

Ы.: – Жакындан тааныша баштадык. Манасчы десе кээде ичимден коркчумун. Ал манас айтып жатканын карап отуруп катуу таасирленгенде космостон келген кишидей көрсөм, кээде келечектин адамындай, кээде өткөн жашоодон түшө калгандай туюлар эле. Манас айтып жаткандагы образы, үнү, кыймылы мени арбап алды. Анан да аян алган жаш манасчы өзүмдүн кичи мекеним Тоң районунан болуп чыкты. Айтор, сөздүн, ырдын күчү менен менин жүрөгүмдү жибитти. Ошентсе да менде чочулоого себеп бар болчу. Ал экөөбүздүн ортобуздагы 4 жаш айырма. Мен Дөөлөттөн 4 жашка улуумун. Бул айырма азыркы күндө таптакыр сезилбейт. Ошол кезде менин балам бар эле. Бул тууралуу башында эле айтылган. Баламдын атасы каза болгондо кош бойлуу калгам. Дөөлөт айкөл адам экен «мен сенин балаңа ата болом» деди. Мен андай сөздү эч кимден күткөн эмесмин. Балама ата керек деп да ойлобоптурмун. Жумушка баш отум менен кирип кетип, бир сызык менен жүрүп калгам.

Д.:«Болбойт» дей бергенинен, бир жолу анда башка жактан деле байкаштырып көрөйүн деп чечип, бир кыз менен сүйлөшүп көрдүм. Бир аз убакыттан кийин кайра эле буга барып алдым (күлүп). Каадаланып жүрүп акыры макул болгон.

– Экөөңүздөр чечишип алгандан кийин ата-энеңиздер тараптан каршылык болгон жокпу?

Д.: – Апама барып баарын өзүм айтып бердим. «Мен жашайм, эл чечпейт, мен чечем, менин жашоом» дедим. Эмне, ала турган кыз жок беле? Эки жакты карасаң толтура да, бирок жүрөк сүйгөн адамга баш кошуу бул башка нерсе. Биринчиден, муну нике кайып дейт, экинчиден, арзуу деп коёт, үчүнчүдөн, колдоп жүргөн ата-бабалардын, башкача айтканда, кайыптардын да тандоосу.

Ы.: – Менин ата-энем алгачкы ирет укканда эле кубанышкан. Себеби мен жеке жашоону таптакыр ойлочу эмесмин. Сезимдерим бышыкталганда гана ата-энеме айткам. «Манасчы жигит күйөө балабыз болот» деп ошондо кандай кубанышкан болсо бүгүнкү күндө андан эки эсе кубанышат. «Касиет карманган бала биздин күйөө балабыз» деп сыймыктанышат, төргө отургузуп сыйлашат. Ушундай күйөө мени өзү издеп таап келгенине Кудайга ыраазымын (күлүп). Бирок эл Дөөлөттү мен өзүм таап барып тийип алгандай ойлошот.

– Айым мырзадан улуураак болсо эле ошентип ойлой беришсе керек да.

Ы.: – Ооба, ошентишет. Жаш деген бул жөн гана паспорттогу цифра экен. Чыныгы жашоодо Дөөлөт мага көп кеңеш берет.

Д.: – Мени укпай калганда эле бир нерсе болот анан.

Ы.: – Сериалды токтот дегем дебейсиңби (күлүп).

Д.: – Айткам да.

– Ырыс эже, айтсаңыз. Манасчынын жубайы болуу – бул...

– Бул эң биринчи жоопкерчилик. Азыр го сурап, байкаштырып жатып оюн таап алам. Башында көп учурда түшүнө албай калар элем. Анын үстүнө өзүм режиссёр болгонгобу Дөөлөттөн образдарды издей берчүмүн. Уктап жатса башка киши, манас айтып жатса башка киши, санжыра айтып отурса башка адам. Ал эми анекдот айтышып отурса таптакыр башка киши көзүмө көрүнө берер эле. Бир жолу өзүнө «ар учурда ар башка адам экенсиң» дегем.

Д.: – Манасчы манас айтып жаткан учурда эле манасчы да, башка учурда жөнөкөй эле адамбыз.

– Үй-бүлөдөгү романтика жөнүндө сүйлөшөлү...

Ы.: – Дөөлөт өтө романтик. Бул сапаты мага башынан аябай жагат. Кандай гана себеп болбосун гүлсүз калтырчу эмес. Зер буюмдардын түрүн белекке берген. Ысымым чегерилген алтын-күмүшүнөн баштап кийиз шакекке чейин берди. Кычырап кийинет, галстук тагынат, кооз кутучага ирети менен салынган белектерди берет, айтор, баары жайында. Атайын сценарий жазып алгандай (күлүп).

– Учурда, канча уул-кыздын ата-энеси болдуңуздар? Манасчы менен режиссёрдун тандеминен куралган үй-бүлөдө бала тарбиялоо жаатында кандай өзгөчөлүк бар?

Д.: – Үч уул, бир кызыбыз бар. Илгертеден эле бала тарбиялоо – бул эненин иши. Эркек кишинин эби жок да. Отурчу, турчу, басчы деп катуу айтып коюшу мүмкүн. Ошон үчүн «атанын сөзү ок» деп айтылган да. Атага наристени катуу жакшы көрүүгө да, катуу урушууга да болбойт. Бизде деле ошол, Ырыс баарын теске салып тарбиялайт.

Ы.: – Өзгөчө кыз баланы атасы эч урушпашы керек. Ал кыздын келечек бактысы үчүн. Анан башынан эле Дөөлөттүн бала тарбиялоодогу башкы талабы кыргыз тилдүү мектепте окутуу болду.

– Маегиңиздерге рахмат! Бактылуу болуңуздар!

Чолпон Сүйүнбаева
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  6 
Комментарийлер(9)
06.01.2020. 16:03 
Тайпасы:
Жаран
Комментарийлердин саны:
4
Катталган:
03-04-2017
Соӊку аракети:
18-02-2020 11:27
Жынысы:
Белгисиз
+3
Бактынарга коз тийбесин
06.01.2020. 18:29 
Тайпасы:
Жаран
Комментарийлердин саны:
23
Катталган:
31-08-2017
Соӊку аракети:
20-02-2020 19:49
Жынысы:
Белгисиз
+2
Бактылуу болгула
06.01.2020. 20:12 
Тайпасы:
Жаран
Комментарийлердин саны:
4
Катталган:
06-10-2017
Соӊку аракети:
12-02-2020 16:20
Жынысы:
Белгисиз
+2
Окуп алып аябай толкундандымго өзумчөле бактылуу брлунуздар көз тийбесин
07.01.2020. 11:20 
Тайпасы:
Жаран
Комментарийлердин саны:
119
Катталган:
13-06-2016
Соӊку аракети:
20-02-2020 09:44
Жынысы:
Белгисиз
+1
Бактылуу болгула!
07.01.2020. 16:16 
Тайпасы:
Жаран
Комментарийлердин саны:
8
Катталган:
11-04-2014
Соӊку аракети:
20-02-2020 14:21
Жынысы:
Белгисиз
+1
Дөөкү алтын жигит да бактылуу болушсун!
08.01.2020. 03:46 
Тайпасы:
Жаран
Комментарийлердин саны:
150
Катталган:
04-06-2019
Соӊку аракети:
20-02-2020 19:04
Жынысы:
Белгисиз
+1
Жакшы маек болуптур
08.01.2020. 12:44 
Тайпасы:
Жаран
Комментарийлердин саны:
58
Катталган:
15-07-2018
Соӊку аракети:
20-02-2020 15:06
Жынысы:
Белгисиз
0
Любовь по расчёту, однозначно...
08.01.2020. 18:27 
Тайпасы:
Жаран
Комментарийлердин саны:
24
Катталган:
21-11-2016
Соӊку аракети:
20-02-2020 14:58
Жынысы:
Белгисиз
+1
Кыргызча мектепте окутуу талабы мага майдай жакты
10.01.2020. 14:31 
Тайпасы:
Жаран
Комментарийлердин саны:
7
Катталган:
18-01-2019
Соӊку аракети:
10-01-2020 16:20
Жынысы:
Белгисиз
+1
Уй булолук бакыт каалайм
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23623;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: