Архив
897   898   899   900   901   902   903  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Нургазы Сыдыгалиев, актёр: «АК КЕМЕДЕ» БУТУМ КҮЙГӨН ЭПИЗОД ТАРТЫЛГАНДА КОРККОМ»

№896 2-8-январь, 2020-жыл


Чыңгыз Айтматовдун повестинин негизинде тартылган “Ак кеме” тасмасында кичинекей Нургазы эсиңиздеби? Учурда ал таята жана музыкант. Ал эмнеден улам киного тартылууну улантпай, музыкага ыктап кеткенин, “жылдыз оорусу” менен ооруганын, үй-бүлөсүндөгү кыйынчылыктарды жана жакында тартылган тасмадагы ролу тууралуу айтып берди.

– Нургазы агай, жакында эле тасмага тартылдыңыз. Көп жылдан кийин тасмага кантип кайтып калдыңыз?

– Кичинемден музыка жаатына басым жасагандыктан Мукаш Абдраев атындагы мектеп-интернатты аяктап, кийин Мураталы Күрөңкеев атындагы окуу жайды бүтүрдүм. Андан соң Улуттук консерваторияны бүтүрдүм. Музыкалык билим алганым менен, жан дүйнөм киного жакын болчу. 10 жыл мурун Данияр Абиров деген оператор, режиссёр жигит менен таанышып калдым. Экөөбүздүн тасмага болгон табитибиз, искусствого болгон көз карашыбыз дал келип, ысымдарыбызды бириктирип “Нурдан” аттуу студия ачып чогуу иштеше баштадык. Буюрса, автордук кинолорду тартып, чет жакта фестивалдардан сыйлык алып жатабыз. Жакында "51+" тасмабыз Байкоңурда өткөн эл аралык фестивалда "Мыкты тасма" деп табылды.

– “Ак кеме” тасмасына тартылганда канча жашта элеңиз?

– 6 жашта болчумун. Кичинемде аябай тентек, бир орунга тура албаган бала болчу экенмин. Апам мени 4 жашымда бий ийримине бериптир. Бийлеп чарчап келсин десе мен, тескерисинче, ого бетер энергиям ашып-ташып кетчү экен. Ошол учурда “Дом пионеров” деген мекеме болчу эле. Ал жерге бий ийримине барчумун. Григорий Павлович деген адам бар эле. Ал “сен өзгөчө бала экенсиң, бийчи болбойсуң, солист болосуң” деп ырдатып койгон. Ийримде орус балдардын арасында эки кыргыз бала бар болчубуз. Кыргыз бала да кетип калганда жалгыз калгам. Мени режиссёр Болот Шамшиев ошол жерден көрүп жактырып калган экен. Фотопробага чакырышып, жактырышып алып калышты.

– Тасмага тартылуу сизге кыйын болду беле?

– Жок, кыйынчылык деле болгон эмес. Оюмдун баары оюн болчу. “Тартыла калып анан ойнош керек” деп так, жакшы аткарганга аракет кылчумун. Ал кезде актёрлукту үйрөтө калган курстар жок. Азыр тасманы карап баланын ролун ойнобой эле, өзүмдү ойносом керек деп ойлойм. Повестте сүрөттөгөндөй өзгөчө дүйнөсү бар бала болсом керек. Мени үйрөтүп деле тердеп- кургашкан эмес. Ашып кетсе эки-үч дубль менен тартып жатышты. Бир эпизод бар, машинелер тоодон кубалашып келе жатканда мени күйгүзүшөт. Бала болсом да ошол жерди аткаргандан коркуп “мен күйүп кетпейминби?” деп сураганым эсимде. “Күйбөйсүң” дешип от өтпөгөн кийим кийгизип тартышкан. Бирок баары бир бутумду күйгүзүп алгам. Болот Шамшиев психолог болчу, кайсы учурду кантип тартышты билчү. Алдап, сооротуп жатып кыйынчылыксыз тартты. Сабира Күмүшалиева апабыз жанымда болчу. Чай берип, жанымда уктап, тартуу учурунда мага эне болуп жүрдү. Сууга сүзгөндү билчү эмесмин. Суучулдардын жардамы менен тартылгам.

– Кичине кезде жылдыз болуу түйшүк болсо керек. Атактуулукту кантип көтөрдүңүз?

– Фильм чыккандан кийин мен Кыргыз өлкөсүнүн эле жылдызы болгон жокмун. 15 өлкөнүн жылдызы болдум. 15 республикадан сырткары да чет өлкөлөргө чыгып жүрдүк. Бир жолу Алла Пугачёва, София Ротару, Муслим Магомаевдер чыга турган чоң фестивалды ачып бергем. Алып баруучу сахнага чыккандан кийин мен чыгып колумдагы текстти окуп ачкам. Атактуу адамдар менен бир столдо отуруп, алар мени эркелетип жүрүштү. Албетте, “жылдыз оорусу” менен ооруган учурларым болду, атактуулукту чоң адамдар көтөрө албайт. Мен кичинекей элем да. Жаман жагы – сабактарымдан начарладым. Окубай эле фестивалдарга каттап жүрчүмүн. Атайын окусун деп жаныма мугалимди кошуп беришчү. Бирок алар мени окутпай эле, дүкөн кыдырып кетишчү. Эми чет өлкө аларга деле кызык да. Келгенде эле кайра “эки” алып калам. Бирок кичине болсом да атактуулукту татыктуу көтөрдүм.

– Кийин тасмаларга эмнеге тартылган жоксуз?

– Кийин жакшы роль чыкпады. Чакырып жатышты, бирок ата-энем “кичинекейинен элге көрүнгөн жакшы эмес, балабызды бузуп албайлы” дешип мени көп жибергилери келбей жатты. Анан 6-7-класста окуп жатканда Рафаэль Сарлыков деген агай жолугуп калып, мени музыка дүйнөсүнө таасирлентип жиберди. Ошону менен ал жаатка ооп кеттим. Кийин Союз кулаганда такыр эле кино тартылбай калды.

– Аслан Исабаев, Ырыскелди Осмонкулов менен бир класста окуган экенсиз...

– Ооба, Асландын ата-энеси менен менин ата-энем жакшы мамиледе болуп катышып жүрчүбүз. Ошол учурда ансамбль түзүп ырдап баштаганда окуучу болчубуз. Эсимде, Ырыскелдини эле ырдата берчүбүз. Мага келгенде “ырдабайм, барабанды ким чертет, сен ырда” деп болбой койчумун. Баарыбыз эле ырдаганды ага жүктөп салчубуз. Ырыскелди көп ырдачу, бизге окшоп ырдагандан каччу эмес. Аслан экөөбүз көбүрөөк музыкалык аспаптарга жакын элек. Мен барабан, сурнай, кларнет, бардык аспапта ойнойм. Азыр пенсиядамын, бирок үйдө кичине балдарга сабак берем. Аслан ошол кездеги “Эсимдени” азыр да Америкада чертип жүрөт (күлүп). Былтыр жайында сүйлөшүп ал-жай сурашканбыз.

– Сүйүктүүңүздү кантип, кайдан жолуктуруп калдыңыз эле?

– “Ыйман” деген менчик театр ачкам. Гастролдо жүргөндө Балыкчыдан таанышып калдык. Ал деле музыка жаатында билим алыптыр. Менден 3 курс өйдө окучу экен. Театр аркылуу таанышып калдык. Бир чөйрөнүн адамдарыбыз. Төрт баланы тарбиялап чоңойтуп, турмуштун ысык-суугун чогуу тартып келе жатабыз.

– Балдарыңыз тууралуу айтып берсеңиз...

– Улуу кызым турмушка чыгып, бизди таята-таене кылган. Андан кийин үч уулум бар. Адилет, Жоомарт, Байтилек. Жоомарт деп уулумдун атын Чыңгыз Айтматов агабыз койгон. Телефондон ага сүйүнчүлөсөм “аты Жоомарт болсунбу? Ушул ысым жактыбы?” деди. “Сиз кандай ат койсоңуз да жарашат” деп баламдын атын Жоомарт койгонбуз. Ушу баламдын атын сыймыктанып айтып жүрөм.

– Өзгөчө баланын атасы экенсиз, кыйын болгон жокпу?

– Бул эми тагдыр. Кичүү балам Байтилек 12 жашта. Даун синдрому менен төрөлгөн. Өзгөчө балдар окуган мектепте окуйт. Мен буга чейин жашоодо мындай балдар бар экенин деле билбей жүрүптүрмүн. Коомдо мындай балдар аябай көп экен. Азыр колубуздан келишинче ушундай балдарга жана ата-энелерине жардам беребиз. Келинчегим да көп жылдан бери балам окуган мектепте социалдык педагог болуп иштейт. Балам басат, түшүнөт, тамагын өзү жейт. Ал эми мектепте мунун бирин кыла албаган балдар да бар. Аны көрүп да шүгүр деп калабыз. Булар кадимки эле балдардай, болгону жашоону башкача кабыл алышат. Мисалы, балам берки эки уулума караганда эмгекчил. “Ташыба” десе болбой бир нерсени ташыйт. Адам өз башына келмейинче эч нерсени билбейт тура. Азыр ден соолугунун мүмкүнчүлүгү чектелген балдар үчүн көп концерт уюштурам. Ата-энелер колунан келгенин кылып келишет, учурдан пайдаланып мамлекет да бир көңүл бөлсө деп айтат элем. Мындай балдар көздү жумуп койсо эле жок болуп кетишпейт. Андыктан аларды жашоосуна жеңилдете тургандай мүмкүнчүлүктөрдү түзүү керек.

– Жомоктун аягы жакшы бүтүшүн күткөндөй эле, эл дагы кичинекей Нургазынын жашоосу бактылуу болгонуна ишенгилери келет. Сиз бактылуу турмуш кечирдиңизби?

– Аябай бактылуу турмушум болду. Эң ириде бул үчүн ата-энеме рахмат. Анткени бизди жакшы тарбиялады. Мени музыкант, инимди мыкты шахматчы кылып чоңойтушту. Турмушубузда өз ордубузду табуу үчүн жан үрөштү. Тилекке каршы, ата-энем, жалгыз иним кайтыш болуп кетти. Эжем, карындашым бар.

Искусство акчасыз, баркталбаса деле жашай берет экен. Азыр бизде бааланбаган чыгармалар чет өлкөдө дүңгүрөп бааланып жатат. Андыктан искусствонун бир өкүлү болгонум үчүн ыраазымын.



"Ак кемедеги" кичинекей Нургазы кайрадан тасмага кайтты

Автор: Нуркыз Курманбекова
Оператор: Айбек Алимов

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Комментарийлер(3)
06.01.2020. 13:27 
Тайпасы:
Жаран
Комментарийлердин саны:
194
Катталган:
20-04-2014
Соӊку аракети:
24-02-2020 21:47
Жынысы:
Белгисиз
+7
Эч эле маданият чойросу онукпой, бааланбайт экенда.
Жаны министирлерден канчоо алмашып, жаныланса деле озгору жок..
Агайга ден соолук, ийгилик! Мага дагы деле "ак кемедеги" тентек Нургазы коруносуз))
07.01.2020. 01:01 
Тайпасы:
Конок
Комментарийлердин саны:
44
Катталган:
06-12-2019
Соӊку аракети:
02-02-2020 20:02
Жынысы:
Белгисиз
+3
Актердук кесипти дальше улантып кеткенде дагы далай рольдорду жаратмак экен. Омурунуз узун болсун! Уулунузга Кудайым узун омур, шыпаа берсин
Модератор admin_portal түзөттү 2020-01-07 10:50:01
Super TV
07.01.2020. 12:46 
Тайпасы:
Жаран
Комментарийлердин саны:
315
Катталган:
18-09-2018
Соӊку аракети:
26-02-2020 17:41
Жынысы:
Белгисиз
0
Поздно уже
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23651;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: