Архив
897  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Айсалкын Эсенбаева, улакчы Манас Ниязовдун апасы: «МАНАСКА КӨЗ ТИЙБЕСЕ ЭКЕН ДЕП ТИЛЕЙМ»

№892 5-11 декабрь, 2019-жыл


Бир үй-бүлөдөн төбөсү көрүнгөн бир эмес, беш улакчынын чыгышы бекеринен болбосо керек. Мунун кандай сыры бар? Бул тууралуу белгилүү бир тууган улакчылар Ниязовдордун апасы Айсалкын Эсенбаева айтып берди.

"18 ЖАШЫМДА ЭНЕ БОЛГОМ"

– Учурда 65 жаштамын. Ата-энем мектепти бүтөрүм менен турмушка берип коюшкан. 18 жашымда эне болдум. Биз үйлөнгөндөн кийин 3 ай өтүп жолдошум аскердик кызмат өтөгөнү кетти. Кеткенде да деңиз флотуна түшүп үч жыл кызматта болду. Ошол себептен тун уулубуз Жаныш төрөлгөндө жалгыз болдум. Андан кийин Чолпон, Чынара аттуу эки кызыбыз бар. Кыздардын артынан Байыш, Баяман, Кыяз, анан Манас төрөлдү. Баарын тең оорутпай, ден соолугу чың, аман-эсен чоңойттук. Уулдарыбыздын бешөө тең Кудайдын буйругу менен атасынын жолун улап улакчы болушту. Балдарымдын бул турмушта өз ордуларын таап, кыргыз элине аздыр-көптүр төбөсү көрүнүп жүргөндөрүнө эне катары Кудайга шүгүр келтирем.

“БУТУНУН СӨӨГҮ ЧЫГЫП ЖҮРСӨ ДА КӨК БӨРҮГӨ БАРАМ ДЕП...”

– Бир ирет улуу балабыз Жаныш үйлөнгөндө элдин батасын алалы деп улак тартыш уюштурдук. Үйдөн жаңы эле жөнөп жатышканда Байышым бир тайга мине койгон экен ал үркүп, балам жыгылып түшүптүр. Бутунун канап жатканына карабай башка атка минип алып кеткени жатат. Жанына барсам буту сынып, сөөгү оркоюп чыгып калыптыр. Аны көрүп туруп деле барам дегенин койбойт, урушуп жатып араң алып калганбыз. Мындай кырсыктардан Кудайым өзү сактасын деп тиленип отурам. Жашым өткөн сайын көк бөрүнү сыналгыдан да көрүп отура албай калдым. Жүрөгүм чыдабайт. Балдарымдын буттары, колдору чыгып кетип же бети-башы жарылып келген күндөрү көп эле болот.

“КЕСИП ТАНДООНУ БАЛАНЫН ӨЗҮНӨ КОЮШ КЕРЕК ЭКЕН”

– Алгач жакшы эле кийлигишип илимдүү, билимдүү болушсун деп улуу балабызды жогорку окуу жайга өткөргөнбүз. Бирок жүрөгү каалабаган ишке баланы байлап коюу мүмкүн эмес экен. Бир жылдан кийин окуусун таштап кайра айылга келип алды. Мектепте баары тең эле орто окушту. Бир гана Манас жалаң бешке окучу. Кийин сырттан окуп билим алды. Ошого карабай бүгүнкү күндө өзү тандаган жол менен баратат. Интернеттен көргөн чыгарсыңар, эч ким жерден көтөрө албай жаткан 120 килограммдык торпокту көтөрүп, бир айлантып койду. Мындай ийгиликтерин көргөндө толкунданып деле кетпейм. Болгону ичимден “Кудайым жаман көздөн, жаман сөздөн сактай көр” деп тилейм.

“МАНАС ЭРКЕЛИК ДЕЛЕ КЫЛГАН ЖОК”

– Манасым кичинесинен эле абдан токтоо, жоош бала болду. Ашыкча шоктонуп, тентектик кылганы деле эсимде жок. Кенжетайыбыз болуп эркеликтин доорун жакшы деле сүргөн жок. Себеби Манас 2 жарым жашка чыкканда эле неберелүү болуп калдык. Күчтүүлүк жагынан бала кезинен эле башка балдардан айырмаланып турчу. Өзү 6-класста окуп жүрүп, 8-класстагы балдарды багындырып, аларга үстөмдүк көрсөтүп койгон учурлары болду. Бирок ошол убактан бери эле бирөөгө жаман сөз сүйлөбөйт, өзүнүн дарегине да элден жаман сөз укпайт. Кээде үй-бүлөлүк маселелер болуп калса, акырын гана сүйлөп коёт, агалары баш болуп баарыбыз унчукпай калабыз. Манас башынан эле абдан баласаак, агаларынын балдарына да ар дайым үзүлүп түшүп турат. Азыр өзү уулдуу болду.

“ЖАНЫШТЫН АКЖАЛ ДЕГЕН АТЫ 100 МИҢ ДОЛЛАРГА САТЫЛГАН”

– Балдарым жашоодо өз багытын тапкандыгы ушунда, жалаң ат үстүндө улак чаап, аргымак аттарды багып саяпкерлик менен алектенип, ошондон ырахат алышат. Кудайдын берген ырыскысын дагы ушул тармактан гана таап келишет. Эсимде, Манас 17 жашында баш байгеге автоунаа утуп келген. Ага чейин деле улуу балдарым бир топ байгелердин ээси болушкан. Андан бери далай машиналарды, далай-далай төө, жылкы, тай сыяктуу утуштардын ээси болуп жүрүшөт. Мына, кечээ жакында эле Манас Өзбекстандан бир төө жана 400 доллар утуп келди.

Улакчылыктан тышкары саяпкерлик да кылып жүрүшөт балдарым. Көздөрү көнүп калган, жакшы аргымак чыкчу аттарды бир көрүп эле билишет. Аны сатып алып багып, таптап, улакка чабууга ылайыкташтырып тарбиялашат, кийин ээси чыкса кайра сатып жиберишет. Жакшы аттардын баасы азыркы күндө миллиондон да ашат экен. Жаныштын Акжал деген аты 100 миң долларга сатылган.

“ЫНТЫМАК БАР ЖЕРГЕ ЫРЫСКЫ УЯЛАЙТ”

– Ынтымактуу болууга кичинесинен тарбиялаганбыз. Уулдарыбыз бири-бири менен урушканын көрсөк же бири экинчисине сөгүнгөнүн угуп калчу болсок катуу жазасын алчу. Улуусу кичүүсүнүн же кичүүсү улуусунун жүрүм-туруму тууралуу арызданып келсе да какыс-кукус кылып жазалап койчумун. Кудайга шүгүр, ынтымактары бекем. Бир эле күндө бири-бири менен эки сааттан кийин кайра көрүшүп калышса беттеринен өөп учурашышат. Силер бир боорсуңар, учурашканда көкүрөгүңөрдү тийгизип кучакташып учурашып жүргүлө деп үйрөткөнбүз. Азыркы күнгө чейин ошентип саламдашышат. Биздин берген тарбиябызды улантып азыр балдарым балдарына ошондой таалим-тарбия берип келишет. Уулум Кыяз Бишкекте милиция кызматкери болуп иштеп, ошол жакта жашайт, калгандары баары бир айылда. Ынтымак бар жерге ырыскы уялайт.

Чолпон Сүйүнбаева
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  6 
Комментарийлер(9)
09.12.2019. 09:13 
Тайпасы:
Жаран
Комментарийлердин саны:
9
Катталган:
18-09-2018
Соӊку аракети:
17-01-2020 22:28
Жынысы:
Белгисиз
+12
Коп жашаныз. Бактылуу болгула.
09.12.2019. 12:02 
Тайпасы:
Жаран
Комментарийлердин саны:
100
Катталган:
26-01-2016
Соӊку аракети:
19-01-2020 16:36
Жынысы:
Белгисиз
Калаасы:
♡♡♡ОШ♡♡♡
+9
Чыныгы эркектерди тарбиялап эрезеге жеткирген ата-энеге даңк!
09.12.2019. 12:17 
Тайпасы:
Жаран
Комментарийлердин саны:
66
Катталган:
15-07-2018
Соӊку аракети:
13-01-2020 23:00
Жынысы:
Белгисиз
+5
Ата-эненин балага берген татыктуу тарбиясынын жемиши ушул го. Кыргыздын уулу кылып тарбиялапсыздар, бар болушсун!!!
09.12.2019. 12:31 
Тайпасы:
Жаран
Комментарийлердин саны:
471
Катталган:
28-09-2011
Соӊку аракети:
17-01-2020 18:54
Жынысы:
Белгисиз
+10
Мага Ниязовтодун атасы менен апасынын создору жагат Жанышым, Байышым, Манасым деп суйлошот. Аябай жакшы тарбия беришкен.
09.12.2019. 15:00 
Тайпасы:
Жаран
Комментарийлердин саны:
131
Катталган:
25-04-2012
Соӊку аракети:
09-12-2019 15:16
Жынысы:
Белгисиз
Калаасы:
Ош, Узген.
+6
Ушул балбандар кыргыз журттун намысына бир торолушту. Мындай балбандар кылымда бир торолсо керек!
10.12.2019. 20:30 
Тайпасы:
Конок
Комментарийлердин саны:
1
Катталган:
03-12-2019
Соӊку аракети:
25-12-2019 04:40
Жынысы:
Белгисиз
+6
Сизге омур берсин Аллахым
11.12.2019. 06:35 
Тайпасы:
Жаран
Комментарийлердин саны:
43
Катталган:
04-06-2019
Соӊку аракети:
19-01-2020 14:59
Жынысы:
Белгисиз
+4
Бычака сап болчудай уул-кыздарды таап, татыктуу тарбиялап-остургон сиздерге алкыш!
11.12.2019. 11:37 
Тайпасы:
Жаран
Комментарийлердин саны:
28
Катталган:
24-12-2011
Соӊку аракети:
06-01-2020 13:54
Жынысы:
Белгисиз
Калаасы:
Ош
+3
Мен да жумушум аркылуу үйүнө барып калгам. Учурашкандарын көргөм, чын эле кучакташып, өбүшүп саламдашышат. Анан аябай ынтымактуу үй бүлө.
12.12.2019. 18:57 
Тайпасы:
Жаран
Комментарийлердин саны:
7
Катталган:
26-02-2017
Соӊку аракети:
28-12-2019 16:20
Жынысы:
Белгисиз
+1
Арабызга даңк чыныгы кыргыз уулдарды өстүрдү
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23471;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: