«Жылдын супер дебюту»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Абир Касенов, ырчы: «КЫРГЫЗЧА ЫРДАБАЙСЫҢ ДЕГЕН СЫНДЫ УГУУ МАГА ОҢОЙ ЭМЕС»

№887 31-октябрь-6-ноябрь, 2019-ж


Бул жолку каарманым чыгармачылыкка баш-оту менен кирип, ырларынын сапатына көңүл бургандардын бири. Ал ар бир ырынын үстүнөн жылдап иштейт, купулуна толбой калса, элге чыгарбайт. «Ты у меня одна», «Принцесса», «Жаным» жана башка 60тай ыры ошентип жаралган. Анда айтылуу актёр, режиссёр, төкмө акын, Кыргыз Республикасынын Эл артисти Орозбек Кутманалиевдин небереси, ырчы Абир Касеновдун чыгармачылыгын, жан дүйнөсүн, сүйүүсүн, кыялдарын камтыган ааламга саякаттайбыз.

– Абир, кош келипсиз! Сиз «Жылдын супер ырчы мырзасы» наамына, «Принцесса» деген ырыңыз «Жылдын супер ыры» наамына талапкер болду, кабарыңыз барбы?

- Ооба, кабарым бар. Мени буга чейин да ушул сыяктуу номинацияга көрсөтүшүп, бирок утулуп калгам. Мен ар бир артистти сыйлайм. Ошондой эле өз ырларымдын дараметин билем. Ырларымды эл угат. Анан ырың 10 кишинин 9у уга элек ырдан артта калса, жаман болот экенсиң. Мен өзүмө-өзүм добуш бере албайм. Элге «мага добуш бергиле» деп да айта албайм. Эл өз көңүлү менен тандашы керек.

– Жакшы. Кайсы ырчылардын ырын угасыз, чыгармачылыгын баалайсыз?
- «ПБЛ 75» тобун Кыргызстандагы рэп маданиятынын туу чокусу деп эсептейм. Мирбек Атабековдун, Арсендин иштегени жагат. Өздөрү жазбай, ырды сатып алгандар бар. Сатып алса, анда аны жогорку деңгээлде аткарышы керек деп ойлойм. Дүйнөлүк легендалардан Фредди Меркурини алсак, ал өзү да ыр жазган. Бирок негизги хит ырларын ага жазып беришкен. Карагыла, кандай деңгээлде аткарган. Ошол эле Майкл Жексон, Фаррелл Уильямс, Жастин Тимберлейк. Кандай гана жакшы ырдашат. Бизде Атабеков жакшы ырдайт. Мага «Барам сага», «Ильяздын ыры» Атабековдун аткаруусунда жагат. Көпчүлүк учурда ырларды автордун жан дүйнөсүн сезип аткаруу кыйын. Мындан тышкары Фрэнк Синатра, Бобби Хебб, Пафф Дэдди, Тупак жана башкалардын ырларын угам.

– Сиздин ырларыңыз кандай жаралат?
-Мен алгач обонун жазам. Обон жаралгандан кийин ага кандай текст жазылышы керек экенин өзүм билем. Орусча текстти өзүм жазам, кыргызчаны башкаларга жаздырам. Ырды 2-3 күн бир бөлмөдө жалгыз отуруп алып чыгарам. Ал учурда мага эч ким тоскоолдук кылбашы керек. Эшик тыкылдаса эле эргүү качып кетиши мүмкүн. Мен түндө ойгонуп гитара кармап отуруп калышым мүмкүн. Анткени эргүү ар кайсы убакта келе берет.

Бир ырды 1 жылда жазып бүтөм. Мисалы, «Принцессаны» 2018-жылы кышында жаздыргам. Аны элге чыгарбай өзүм угуп жүрдүм. Анан жай мезгили келгенде ал ырым өзүмө жага баштады. Жайдын таасири болду окшойт, ырды маанайга жараша угабыз да. Өзүмдүн купулума толо баштаганда гана элге чыгардым. Мен ар бир ырымды жаздырып алып, жумалап, айлап же жарым жылдай өзүм угуп жүрөм. Анткени ал ырды кайсы бир эмоциянын алдында жазган болушум мүмкүн. Ал эмоция өтүп кеткенден кийин деле ырым өзүмө жагып жатса, анда ал жакшы чыгарма, элге чыгарса болот. Жакпай калса чыгарбай коём. 2018-жылдын башынан бери жазылган 10 чакты ырым өз сандыгымда катылып жатат.

– Сизге кандай сын көп айтылат?

-Ырларың, аткарганың окшош дешет. Ооба, ошондой. Анткени ар бир аткаруучунун өзүнүн өзгөчөлүгү, стили болот. «Эл ырларың окшош деп жатат, өзгөртөйүн» деп Тупак «Кызыл өрүктү» ырдап салса, кандай болот? Ошол эле Александр Розенбаумду алсак, анын ырлары да бири-бирине окшош. Анткени ал Розенбаум. Башкача ырдаса, ал Розенбаум болбой калат. Абир Касенов да «Кызыл өрүктү» ырдаса, анда ал Абир Касенов эмес.

– Чыгармачылыктан тышкары эмне менен алексиз?
-Акыркы беш жыл чыгармачылык менен гана алекмин. Чыгармачыл адам толук түрдө чыгармачылыкка берилип, башка ишке алагды болбошу керек деп эсептейм.

– Анда чыгармачылыгыңыз сизди багып жаткан экен да?..
-Мен мурда тойго чыгып акча тапса болорун билчү эмесмин. MTV каналын көрчүмүн. Ал жакта тойлорду көрсөтпөйт да. Сахнага чыгып ырдаган ырчыларды көрсөтөт. Аны көрүп, сахнага чыгып ырдоону кыялданчумун. Ал учурда өзүм үчүн гана ыр, музыка жазып жүрдүм. Кийин үй-бүлөмдү багыш керек болду, соода-сатыкка өтүп кеттим. Азыр тойлорго чакыруу болгондо барам. Анткени биз, артисттер, тойдон гана акча таба алабыз. Концерттен жакшы акча таба албайбыз. Анткени бизде 6 миллион гана жаран бар. 20 миллион болсок, элди кыдырып концерт берип, тойго чыкпай коймокмун.

– Сизге кыргыз тилинде жакшы сүйлөй албагандыгыңыз боюнча көп суроолор берилсе керек?
-Ооба. Мага бала бакчадан эле орус тилде пайдубал тургузуп коюшкан, дүйнөнү орус тилинде тааныдым. Мектепте, жогорку окуу жайында орусча окудум. Азыр бир аз үйрөнүп калдым. Бирок оюмду толук жеткире албайм. Тилди бала бакчадан баштап үйрөтүп, аң-сезимге сиңириш керек. Өлкөдө жалаң кыргыз тилинде иш алып барып, кыргыз тилинде сүйлөөгө милдеттендиребиз дешсе, мен биринчилерден болуп бул демилгени колдоп чыгам. “Кыргызча ырдабайсыңбы” деген сынды угуу мага оңой эмес. Кыргызча ырдай алам, бирок ал ырда эмоциямды жакшы бере албай калышым мүмкүн. Мен таза кыргызмын, жан дүйнөм кыргыз. Кыргызча сүйлөй албаганыма жаман болом.

– Чоң атаңыз, Кыргыз Эл артисти Орозбек Кутманалиев тууралуу айтып бериңизчи. Аны менен көп эле сүйлөшчү белеңиз?
-Чоң атамдын 9 баласы бар, неберелери да көп. Балаң көп болсо аларга сүйүүнү бөлүштүрүү да кыйын. Экөөбүздүн мамилебиз бардык чоң ата-неберелердикиндей эле болчу. Сүйлөшчүбүз, ал мага ар кандай окуяларды айтып берчү. Чоң атамдын Кыргыз ССРинин Эмгек сиңирген артисти наамын алганына сыймыктанам. Мен ар бир Кыргыз ССРинин Эл артисти, Эмгек сиңирген артисти наамынын ээлерине таазим этем. Ал учурда наам алыш оор болчу да, азыр оңой. Бир ырчынын бир чоңдун тоюнда ырдап, Эмгек сиңирген артист наамын алганын уктум.

Мен да Эл артисти наамын алууга умтулам. Бирок документ тапшырып аракет кылбайм. Эгер мен татыктуу болсом, мени өздөрү таап, колума тапшырышат. Башка артисттерге да ушундай кеңеш айткым келет, наам үчүн өзүңөр чуркап документ тапшырбай, татыктуу болгула, эл өзү силерди ошол наамга көрсөтүшү керек. Негизи баракка жазылган наам эмес, мен үчүн элдин баасы кымбат. Мага «рахмат, ырларыңыз жагат» деп айтышса, ошол баарынан бийик.

– 4 балалуу экениңизди билебиз. Кандай атасыз?

-Кээде жаман, кээде жакшы. 5 жаштагы улуу балам такыр сөз укпайт, аябай тентек. Кээде урушуп коём. Ал менден гана коркот. Балдар үйдө бирөөдөн коркуп турушу керек деп ойлойм. Мен да атамдан коркчумун. Азыр да атама унчуга албайм. Бул туура тарбия деп ойлойм. Уулум да мени угуп, мага каяша айтпашын каалайм.

– Сүйүү өтүп, жубайлар бара-бара бир туугандардай болуп калышат дешет. Ошондой бекен?
-Бул туура салыштыруубу, билбейм, бирок телефонго көнүп калгандай эле бир адамга көнүп, байланып калабыз, ансыз жашай албайбыз. Телефон го техника, алмаштырса болот. Адамды алмаштыра албайсың. Экинчи адамдын жан дүйнөсү башка. Мен кээде жубайымды жаңыдан сүйүп калам. Кандай учурда мындай болот, өзүм деле түшүнбөйм. Келинчегимди карап туруп эле сүйүп калам. Ал сезим бир канча убакыт жүрөт, асманда учуп калам. Бир убакта кайра көзүм ачылат, тиричилик көрүнө баштайт. Келинчегиме көнүп калдым. Ал да мага көнүп калган.

– Бактылуу болгула! Чыгармачылык ийгилик!

Перизат Музуратбекова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(16)
04.11.2019. 09:19 
Тайпасы:
Жаран
Комментарийлердин саны:
237
Катталган:
18-09-2018
Соӊку аракети:
22-11-2019 12:49
Жынысы:
Белгисиз
+1
Баягы эле орусча окугам,орус мунозмун,орусча ойлоном деген эле создор. Мен деле орусча окугам. Орустар менен чонойгом. Кыргызча эле суйлойм. Ишенбейм ушундай адамдардга. Дилин сатып,тилин сатып коцгондорго. Орустарга каршы эмесмин,бирок озум тилим тушунбойм дегендерди мен да тушунбойм.
04.11.2019. 09:50 
Тайпасы:
Жаран
Комментарийлердин саны:
46
Катталган:
26-05-2013
Соӊку аракети:
22-11-2019 05:37
Жынысы:
Белгисиз
0
katerina.li,Ырыскы дегендин орусчасы эмне анда))
04.11.2019. 10:02 
Тайпасы:
Жаран
Комментарийлердин саны:
237
Катталган:
18-09-2018
Соӊку аракети:
22-11-2019 12:49
Жынысы:
Белгисиз
+5
Muzik, средства к существованию, хлеб насущный
katerina.li түзөттү 2019-11-04 10:03:11
04.11.2019. 11:35 
Тайпасы:
Жаран
Комментарийлердин саны:
124
Катталган:
02-07-2019
Соӊку аракети:
22-11-2019 01:10
Жынысы:
Белгисиз
+3
katerina.li,орусча окуп, чөйрөсүндө кыргызча суйлогондор болсо кыргызча эле суйлошо бересиң. Абир сыяктуу жалаң орусча чөйрөдө чонойгон балдар толтура. Айрыкча 90-жылдарга чейин кыргыз тилине көңүл бурулган эмес. Мамлекеттин күнөөсү ал. Менин агам бишкектен Казакстанга көчүп кеткенде мектеп курагындагы балдары кыргызча суйломок тургай түшүнчү эмес. Кийин казакча суйлоп калышыптыр. Демек ал жакта мамлекеттик тилге жакшы көңүл бурулат экен деп ойлоп калдым. Азыр деле толтура кыргызча билбеген балд
04.11.2019. 11:41 
Тайпасы:
Жаран
Комментарийлердин саны:
2
Катталган:
08-12-2018
Соӊку аракети:
22-11-2019 13:27
Жынысы:
Белгисиз
+7
Мага ырлары абдан жагат
04.11.2019. 12:34 
Тайпасы:
Жаран
Комментарийлердин саны:
113
Катталган:
03-12-2018
Соӊку аракети:
21-11-2019 21:03
Жынысы:
Белгисиз
+9
Жакшы интервью бериптир,ото чыгармачылыгын баалаган адам экен.Кеттим [moderated]ка,Абирдин ырларын угуу учун)))
04.11.2019. 14:40 
Тайпасы:
Супермодератор
Комментарийлердин саны:
864
Катталган:
19-11-2013
Соӊку аракети:
22-11-2019 12:52
Жынысы:
Белгисиз
+3
04.11.2019. 12:56 
Тайпасы:
Жаран
Комментарийлердин саны:
13
Катталган:
29-09-2018
Соӊку аракети:
22-11-2019 13:02
Жынысы:
Белгисиз
+5
Сонун ырдайт го ,ар Бир ыры жагат
04.11.2019. 16:54 
Тайпасы:
Жаран
Комментарийлердин саны:
10
Катталган:
26-01-2017
Соӊку аракети:
22-11-2019 02:36
Жынысы:
Белгисиз
+11
Угул ырчынын жулунуп тытынбаганы жагат.Жүзү да сүйкүмдүү ..
04.11.2019. 22:24 
Тайпасы:
Жаран
Комментарийлердин саны:
24
Катталган:
22-01-2019
Соӊку аракети:
21-11-2019 21:50
Жынысы:
Белгисиз
+3
Абир Касенов мага аябай жагат,жакшы инсандай кором...ырларын да угамын
Орусча ырдаса да сонун ырдайт,обонун,созун айкелиштирет.
Окуп калсаныз сизге уй булоолук бакыт каалайм,бар болунуз...
05.11.2019. 00:05 
Тайпасы:
Жаран
Комментарийлердин саны:
82
Катталган:
26-01-2016
Соӊку аракети:
21-11-2019 23:42
Жынысы:
Белгисиз
Калаасы:
♡♡♡ОШ♡♡♡
+2
Мага да аябай жагат,ар бир ырын калтырбай угам,кошулуп ырдайм,эч ким жокто)
05.11.2019. 13:46 
Тайпасы:
Жаран
Комментарийлердин саны:
47
Катталган:
19-09-2017
Соӊку аракети:
15-11-2019 21:30
Жынысы:
Белгисиз
Калаасы:
Ордолуу Ош
+2
Жагат негедир ушул ырчы)
06.11.2019. 12:13 
Тайпасы:
Жаран
Комментарийлердин саны:
267
Катталган:
13-05-2013
Соӊку аракети:
21-11-2019 16:07
Жынысы:
Белгисиз
Калаасы:
Ош шаары
+2
ырлары, ырдаганы эн сонун!
07.11.2019. 21:38 
Тайпасы:
Жаран
Комментарийлердин саны:
306
Катталган:
30-05-2011
Соӊку аракети:
21-11-2019 14:38
Жынысы:
Белгисиз
Калаасы:
germahiya
+2
Биринчи коргондо казак экен дегем. Ырлары жагат особенно Кыргызстаным, Жаным деген ырлары
08.11.2019. 00:58 
Тайпасы:
Жаран
Комментарийлердин саны:
55
Катталган:
11-11-2012
Соӊку аракети:
20-11-2019 10:15
Жынысы:
Белгисиз
Калаасы:
москва
+2
,,Потому что жаным,, деген ырын уйдо коп колдонобуз.Жакшы ырдайт алга! Замана ушул болсо не кылсын байкуш тил билбесе билбейт да.
08.11.2019. 20:58 
Тайпасы:
Жаран
Комментарийлердин саны:
197
Катталган:
23-06-2016
Соӊку аракети:
20-11-2019 22:12
Жынысы:
Белгисиз
Калаасы:
озгон
+1
Кыргызча ырдоо керек да
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23227;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: