«Жылдын супер ремейки»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

"Төрөтканадан эгиздеримдин бири жоголду" деген эне: «БАЛАМ ТИРҮҮ, ЖҮРӨГҮМ СЕЗЕТ»

№887 31-октябрь-6-ноябрь, 2019-ж


Зарина Мамутова 2018-жылдын декабрь айында эгиз уул төрөгөн. Бирок 2 күндөн кийин дарыгерлер ага "эгиздердин бири чарчап калды" деп айтышкан. Соттук-медициналык экспертизадан соң эненин күмөнү дагы күчөп, наристесин алмаштырып сатып же бирөөгө берип жиберишкен деген ойдо. 10 айдан бери эгиз уулунун бирин издеп жүргөн эне уулунун тирүү экенин сезерин айтат.

«15 МҮНӨТТӨ ЭЛЕ ЧАРЧАП КАЛДЫ ДЕШТИ»

9 ай көтөрүп, токсон жолу толготуп төрөгөн наристесинен айрылып каларын ойлобогон эне окуя 15 мүнөттүн ичинде болуп өткөнүн айтат.

– Жолдошум экөөбүздүн 6 балабыз бар. 2018-жылы 22-декабрь күнү Чүй аймактык ооруканасында эгиз уул төрөдүм. Экөөнүн аралыгы 10 мүнөттөн болуп төрөлдү. Палатага которгондо эки уулумду тең беришти, жанымда жатышты. Эртеси күнү, 23-декабрда кечки саат 18:00 чамасында балдардын дене табын текшеришип, экинчи баламдын дене табы 38 градуска көтөрүлгөнүн айтышты. Медайым «уулуңуз алсыз, салмагы да азыраак, кувёзго жаткырабыз» деп алып кеткен. Улам саат сайын баламдын абалын сурап жаттым. Саат 20:00дө сурасам "жакшы" деп айтышты, бир сааттан кийин баламды өзүм карап коёюн деп чыксам кувёздо жок экен. Коридордо врачтар да, медайымдар да жок, бир гана санитарка жүрүптүр. "Врачтар келсе мага кирсинчи, уулумдун абалын сурайын дегем, айтып коюңузчу" деп өтүндүм. Саат 22:00дө медайым келгенде мен уулумдун курсагы ачпайбы деп сурап, тынчсыздандым. Ал «балаңызга аралашма берип койдук, курсагы ток, уктап жатат» деди. Анан эле бир сааттан кийин врач «балаң кыйналып жатат. Абалы оор, жандандыруу бөлүмүнө алып кеттик» деп астымдан чыкты. Мен ошондо калп айтып жатышканын билдим. Себеби биздин райондогу ооруканада балдардын жандандыруу бөлүмү жок. Балам кыйналып ыйлаган да эмес, эч нерсе болбой туруп эле колумдан алып кетишти. Кечки саат 6да алып кетсе, 23:00дө "балаң кыйналып жатат" деди да, саат 23:15те "чарчап калды" дешти.

«МИЛИЦИЯ КЕЛСЕ ДА БАЛАНЫ КӨРСӨТПӨЙ КОЮШТУ»

– Коркуп кетип туугандарымды, күйөөмдү телефон чалып чакырдым. Жолдошум 10-15 мүнөттө жетип келди. "Баланы көрсөткүлө" десек «көрсөтө албайбыз, бала өлүкканада» дешти. "Милиция чакыргыла" десек, врачтар төрөткананын эшиктеринин баарын жаап салып, «чакырбайбыз» деп коюшту. Анан өзүбүз чакырып, алар келип да баланы ала албай койдук. "Эмне дары берип, кандай укол сайдыңар эле?" деп медициналык карточкасын көрсөтүүнү талап кылдым. Балким, реакция жүрүп кеткендир, бир нерсе туура эмес таасир бергенден улам чарчап калды окшойт десем, аны да көрсөтүшкөн жок. Бул арада мен эгиздин бири менен алек болуп калдым. Жолдошум милиция менен барып, өлүкканадан баланын сөөгүн издешиптир. Ал жерде милицияны да көзгө илбей, таң атканча кармап отуруп, саат 05:00дө гана наристенин сөөгүн беришиптир.

Боюмда 9 ай болгонго чейин жеке менчик УЗИлерге көрүнүп жүрдүм. Баары балдарымды "жакшы өсүп жатат" деп айтышкан. УЗИ жыйынтыктары дагы деле сакталуу. Кантип аман-эсен эле төрөлүп, 2 күн жашаган бала 1 сааттын ичинде чарчап калсын деп күмөн санадык. Дарыгерлер болсо кандай болгонун, эмнеден чарчап калганын түшүндүрүп айтып бере албай коюшту. Анткени бул окуя 15 мүнөттүн эле ичинде болуп кетти. Баланы өлүкканадан алып, экспертизага жөнөттүк. Соттук-медициналык экспертизанын жыйынтыгы 2 ай дегенде чыкты. Анда болсо «бала ичтен өлгөн же өлүк төрөлгөн» деп корутунду чыгарышты. Муну укканда күмөн санообуз ого бетер күчөдү, анткени балам аман-эсен төрөлүп, бир күн бою жанымда жаткан. Түшүнүксүз болгондуктан милицияга арыз жазып, комиссиялык экспертизага бердик.

«10 АЙДАН БЕРИ МИЛИЦИЯ ИШТИ ЖЫЛДЫРБАЙ ЖАТАТ»

– Комиссиялык экспертизанын жообу да, соттук медициналык экспертизанын жообу да чыккан. Комиссиялык экспертиза ынанымдуу жыйынтык чыгарып бере албай баш аламан болуп, "ДНКсын текшерткиле, ошол чечсин" деп койду. Эч ким өз моюнуна жоопкерчилик алгысы келген жок. ДНКнын жыйынтыгын чыгара албай 3 айдан бери чуркап жүрөбүз же анын кагаз иштери бүтпөйт экен. Бир кагаз үчүн 1 ай жүрөбүз. Милиция болсо ишти жылдырбай жатат. Ар кайсы документтерди айтып чогулткула деп бири-бирине жиберип коюшат. 10 айдан бери райондук, облустук прокуратурада ары-бери чуркап эле жүрөбүз. "Тигиге бар, буга бар, мындан сура" деп, бизди футболдун тобундай эле ойнотуп жатышат. Бизге өлүкканада "балаңар" деп колго карматкан денени 23-декабрь күнү жерге бердик. Анан жактоочу жалдадык.

Ишти Чүй РИИБде Нурлан Бекматов деген тергөөчү карап жатат. Мени төрөткөн аял Анара Иманалиева төрөткананын бөлүм башчысы болуп иштейт экен. Акушер-гинеколог Жаңыл Анарбаева, баарынын тили бир деген күмөн ой жаралды. Бир кагаз алуу үчүн 1 ай жүрөбүз.

Эненин жүрөгү сезет эмеспи, балам түшүмө кирип жатат, эки эгизим тең бирдей кирет. Түшүмдө экөө окшошуп ээрчишип жүрүшөт. Экөөнүн айырмасын жадакалса түшүмдө да билем. Биринин мурду чоңураак, бириники кичинерээк болуп мурдуларынан айырмаланышат. Уулумду тааныштарына берип же сатып жиберишкен болсо, багып алган кишилерге кайтарып берсеңер деп кайрылат элем.

«БАЛАНЫ АЛМАШТЫРЫП КОЮУ БОЛГОН ЭМЕС»

Аталган оорукананын директору Нурбек Абдрахманов аталган эненин арызы боюнча бир нече иликтөө жүргөнүн жана баланы башкага алмаштырып коюу болбогондугун айтат:

– Бул маселе боюнча бизде комиссия түзүлүп, иликтенген. Анын жыйынтыгы Саламаттыкты сактоо министрлигине жиберилген. Азыр комиссиянын жыйынтыгы, бардык тиешелүү документтер иликтөөдө. Экспертизаны болсо көз карандысыз тараптар жүргүзгөн. «Баланы өлүк туулган деп коюшту» деген туура эмес маалымат. Эгиз балдар экөө тең айына жетпей төрөлүшкөн. Ара төрөлгөн балдар, албетте, алсыз болушат. Ооба, чарчап калган ымыркай 1 жарым күн жашаганы чындык. Биз анын абалы начар болгондуктан бөлүп кетип, кувёзго жаткырып сактап калуу үчүн болгон аракетибизди жумшаганбыз. Эч кандай баланы алмаштырып коюу болгон эмес. "Милиция менен акушерлер сүйлөшүп алды" деген ал ата-энесинин гана жеке күмөн саноолору, иликтөө иштери бүтсө баары айкын болот. Биз өзүбүзгө тиешелүү ишти бүтүрүп, өткөрүп бергенбиз. Оорукананын кызматкерлерине тиешелүү сөгүш берилди. Калганы иликтөөнүн жыйынтыгы менен маалым болот.

Кыргызстанда «тирүү баламды өлүү төрөлдү деп алмаштырып койду» деп арызданган энелер жок эмес. Биз мындай окуяларды гезитибизге буга чейин да жазып келгенбиз. Ошондой эле мамлекеттик төрөтканаларда бала сатуу фактылары да көп ирет катталган. Андыктан саламаттыкты сактоо тармагы сүттөн ак деп эч ким айта албайт. Экспертизалардын жыйынтыгын биз дагы эки тарап менен бирге күтөбүз.

Айпери Хожаева
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Комментарийлер(15)
04.11.2019. 09:11 
Тайпасы:
Жаран
Комментарийлердин саны:
237
Катталган:
18-09-2018
Соӊку аракети:
22-11-2019 12:16
Жынысы:
Белгисиз
+13
Шумшуктор,бала чарчап калса эмнеге шыр коргозушпойт. Кандай жаман эл болуп кеттинер,эми эле торолгон баланы сатып жиберет деген эмне шумдук??
04.11.2019. 10:57 
Тайпасы:
Жаран
Комментарийлердин саны:
10
Катталган:
31-01-2019
Соӊку аракети:
22-11-2019 11:48
Жынысы:
Белгисиз
+18
Балалуу болсом халатты кийип автоматты колго кармап жатат окшойм жанында кайтарып.
04.11.2019. 11:46 
Тайпасы:
Конок
Комментарийлердин саны:
6
Катталган:
21-09-2019
Соӊку аракети:
22-11-2019 11:01
Жынысы:
Белгисиз
+8
Кудайым ай шаардын роддомдорунан торогондон коркосун
04.11.2019. 13:20 
Тайпасы:
Жаран
Комментарийлердин саны:
4
Катталган:
25-02-2012
Соӊку аракети:
21-11-2019 21:16
Жынысы:
Белгисиз
Калаасы:
бишкек
+7
Карга карганын козун чукубайт, бирсинер да баарынар. Байкуш энесин аягылачы, эгер чындап кылсанар ушунунар учун жооп береринерди унутпагыла.
04.11.2019. 13:37 
Тайпасы:
Жаран
Комментарийлердин саны:
10
Катталган:
26-01-2017
Соӊку аракети:
22-11-2019 02:36
Жынысы:
Белгисиз
+1
1.5күн жанында жатса баласынын жүзүн деле тааныйт да башка баланы бергенин анык айтпаптыр го.Жок бул бала меники эмес мен өзүмүн баламы тааныйм деп кесе айтпапсыз го.
04.11.2019. 22:39 
Тайпасы:
Жаран
Комментарийлердин саны:
48
Катталган:
29-10-2013
Соӊку аракети:
21-11-2019 22:56
Жынысы:
Белгисиз
-1
Nevestkaa,Өлүп калды деп жатса, адамды ажыратып таанып отургандай абалда болобу киши? Анан да олуп калган бала менен тирүү баланы таануу оор деп ойлойм. Жаңы төрөлгөн балдардын баары эле кызыл эт болуп, кийиминен эле айырма болбосо, баары окшош кыпкызыл
05.11.2019. 01:27 
Тайпасы:
Жаран
Комментарийлердин саны:
10
Катталган:
26-01-2017
Соӊку аракети:
22-11-2019 02:36
Жынысы:
Белгисиз
+2
arimaz89,материнский инстинкт деген болот бул нерсени эне болгон адам эле билет.Жерге бергенде деле көрөт да кантип көргөзбөсүн?Айтайын дегеним бул эже толук айтпаптыр чарчап калган бала башка бала эле мага башка баланы берди деп айтпады ошону эле айтканым.Мындай күндү эч кимдин башына салбасын кудайым.
04.11.2019. 13:38 
Тайпасы:
Жаран
Комментарийлердин саны:
37
Катталган:
05-07-2016
Соӊку аракети:
21-11-2019 13:59
Жынысы:
Белгисиз
+3
Коз коруно кылмаш ,ушундай кылмыштарга чара корбосо вачтарга болбойт
04.11.2019. 13:56 
Тайпасы:
Жаран
Комментарийлердин саны:
24
Катталган:
14-05-2017
Соӊку аракети:
11-11-2019 10:51
Жынысы:
Белгисиз
+8
Баланыз чарчап калды дегенде корсоткуло десе сразу корсотсо аял ишенет эле, булар корсотпойбуз деп убакыт отуп кеткенче корсотпосо анда чын эле алмаштырып койгон деген ойлор болот да
04.11.2019. 16:17 
Тайпасы:
Жаран
Комментарийлердин саны:
29
Катталган:
01-08-2016
Соӊку аракети:
21-11-2019 23:37
Жынысы:
Белгисиз
Калаасы:
бишкек
+4
Эне журогу сезет.
04.11.2019. 17:50 
Тайпасы:
Жаран
Комментарийлердин саны:
10
Катталган:
06-11-2016
Соӊку аракети:
22-11-2019 10:54
Жынысы:
Белгисиз
+3
Еми чыдап паспорт алганда издейсинер окшош бир жылкы торолгондордун тизмесинен анан чыкпаса жок
04.11.2019. 23:19 
Тайпасы:
Жаран
Комментарийлердин саны:
27
Катталган:
04-05-2013
Соӊку аракети:
12-11-2019 19:28
Жынысы:
Белгисиз
Калаасы:
Мен туулган жер!
+5
Чёрный бироону жалдап эле, ошол акушер аял мн главрачты коркутуш кк. Аларга ошол эле жарашат, милицияны да укпаса, ачпай коюшса
05.11.2019. 15:07 
Тайпасы:
Жаран
Комментарийлердин саны:
18
Катталган:
16-11-2015
Соӊку аракети:
22-11-2019 09:18
Жынысы:
Белгисиз
Калаасы:
Ошингтон)
+1
Ошо олгон баланын ордуна алмаштырышты болуш керек.Болбосо алар деле алып кетсе керек эле олгон баланы бергиле комолу деп. Тируу баланы алып кетип баласын олугун калтырышты да.
05.11.2019. 19:10 
Тайпасы:
Жаран
Комментарийлердин саны:
16
Катталган:
02-06-2019
Соӊку аракети:
22-11-2019 11:45
Жынысы:
Белгисиз
+4
Тирүү болсо эле эртеби-кечпи табылат. Кудайым жол көрсөтсүн!
06.11.2019. 18:38 
Тайпасы:
Конок
Комментарийлердин саны:
15
Катталган:
01-10-2019
Соӊку аракети:
21-11-2019 21:24
Жынысы:
Белгисиз
+3
Эненин журогу сезет ... Биринчи баламы кыйналып тороп, реанимацияда болчу. Жанында платный палатада жатам. Коп наристенин ичинен баламын унунон таанып,барчуумун.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 1 колдонуучу (Катталган: 0, коноктор: 1) бул макаланы окуду:

Макалалардын саны:
23227;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: