«Жылдын супер дебюту»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

“БИР АЛКАК – БИР ЖОЛ”

№886 24-30-октябрь, 2019-жыл


“Бир алкак – бир жол” демилгеси Кытай лидери Си Цзиньпин тарабынан мындан 6 жыл мурун ишке кирген. Бул демилге дүйнөлүк экономиканын өсүшүнө жаңы мүмкүнчүлүктөрдү ачып, эл аралык соода, инвестиция үчүн жаңы платформаны түзө алды. Ошондой эле глобалдык экономикалык башкарууну жакшыртуунун жаңы ыкмаларын жайылтып, дүйнөнүн бардык өлкөлөрүнүн жарандарынын бакубат жашоосу үчүн чоң салым кошо алды.

Мындай жыйынтыктар “Бир алкак – бир жол” демилгеси – жалпы мүмкүнчүлүктөр жана өсүп-өнүгүүгө карай туура жол экенин далилдеп турат.

“Бир алкак – бир жол” демилгесине жөнөкөй адамдар кандай пикирде? Көрүнүктүү мисал катары дээрлик ар бир үй-бүлөнүн столунда баштапкы иштетүүдөн өткөн импорттолгон айыл чарба азыктарынын санынын көбөйүшүн айтууга болот.

Мисалга Кытайдын Шиңжаң автономдуу аймагындагы ишканалардын биринен өндүрүлгөн нанды алалы. Нандын курамында бир гана Орусиядан алынып келген буудай эмес, өзбектердин жер-жемиш кактары кошулуп, кытай технологиясы менен жасалат. Мындайча айтканда, азыктардын топтомунан турган “микс”. Бул нан эмгек кылуудагы эл аралык кызматташтыкты гана түшүндүрбөстөн, көп улуттуу экономикалык жана соода-сатык мамилелеринин бекемдигин билдирип, курулуш тармагында да биргелешкен алгылыктуу иштерди жасаса болорунун далили.

Маңызы бай нан “Бир алкак – бир жолдун” келечеги чоң экенинен үмүт берет. Ал дагы бир жолу элдин кызыкчылыгын эске алуу менен өнүгүү жолуна алып келчү идеяны ээрчип, биргелешкен иш-аракеттердин аркасында гана жемиштүү натыйжага жетип, “Бир алкак – бир жолду” курууга болорун далилдейт. Жыйынтыгында аталган демилге бүт элге пайда алып келип, экономикалык жана социалдык өнүгүүгө чоң салым болмокчу. Бул аталган демилгенин сапаттуу ишке ашуусуна жетелей турган маанилүү багыт.

САПАТТУУ АЙЫЛ ЧАРБА АЗЫКТАРЫ ИМПОРТ-ЭКСПОРТ ҮЧҮН ЖОГОРКУ СУРОО-ТАЛАПКА ЭЭ БОЛУУДА

Хоргостогу Jinyi International Trade (Group) Co. Ltd. компаниясынын жаңыдан өндүрүлгөн жашылча-жемиш сактоочу кампасынан Кыргызстандан импорттолуп келген көп сандагы коондор сатылды. Жалпы салмагы 18,06 тонна болгон коондордун бул партиясы Кыргызстандан “Хоргос” көзөмөл-өткөрүү пункту аркылуу изотермикалык кузовдуу авторефрижераторлордо алынып келинген.

Үстүбүздөгү жылдын 5-июлунда «Хоргос» көзөмөл-өткөрүү пункту аркылуу өтчү жашылчаларды көзөмөлдөөчү пунктта мөмө-жемиштер Башкы бажы башкармалыгынын расмий текшерүүсүнөн өттү. Натыйжада «Хоргос» көзөмөл-өткөрүү пункту квалификацияга жана жер-жемиштерди импорттоо укугуна ээ болду.

Хоргостогу Jinyi International Trade (Group) Co. Ltd. көп убакыттан бери жашылча-жемиштерди импорттоо менен алектенип келет. Эми алар рынокто суроо-талапка ээ жашылча-жемиштерге “суусап” турушат.

“Кабыл алуу текшерүүсүнөн өткөргөндөн кийин, биринчи кезекте жашылча-жемиштерди импорттоого керектүү нерселерди даярдайбыз”,- дейт аталган компаниянын башкы катчысы Чан Шули мырза.

Июль айында Борбордук Азиядагы эң популярдуу мөмө-жемиш болуп эсептелген гиластын убактысы бүтөт да, ал мезгилде коон быша баштайт. “Кыргызстандын коондору Шиңжаң коондоруна салыштырмалуу кечирээк бышат. Анан да алардын сорттору ар башка, бул айырмачылыктар рыноктогу керектөөлөрдү толтурганга жардам берет”,- дейт Чан Шули.

Коондордун партиясы рынокко чыккандан кийин күтүлгөндөн да көбүрөөк жакшы пикирлерге ээ болуп, Jinyi International Trade (Group) Co. Ltd. дароо коондорго болгон сатып алуулардын көлөмүн көбөйттү. Келерки жылы алар Кыргызстандан 2000 тонна коон жана 1000 тонна гилас импорттоону пландап жатышат.

Jinyi International Trade (Group) Co. Ltd. компаниясынын мөмө-жемиштерди жана жашылчаларды экспорттоо боюнча өндүрүштүк базасында жаңы чогултуу мезгили күтүлүүдө. Азыркы учурда аталган компания 10 миң му (1 гектар 14,9 му) аянтка мөмө-жемиштерди жана жашылчаларды экспорттоо боюнча өндүрүштүк базаларды түздү. Ал базалар Шаньдун, Гуанси, Хубэй провинцияларында жана башка аймактарда жайгашкан. Анын ичинде 21 миң му аянттагы эксперименталдык база Инин уездинде жана Хоргос шаардык уездине караштуу Мохур чөлүндө жайгашкан.

Чан Шули мырзанын айтымында, 2018-жылы Jinyi International Trade (Group) Co. Ltd. компаниясы 60 миң тоннадан ашык жашылча-жемиш экспорттогон, анын ичинен дээрлик 60 пайызы Шиңжаңдын алма, шабдалы, жүзүм жана башка мөмө-жемиштери.

Ушул жылдын август айында Кытайдын Өнүгүү жана реформа иштери боюнча мамлекеттик комитети “Кытайдын батышындагы жер жана суу үстүндөгү транспорт боюнча жалпы план” түзүп, ага ылайык Jinyi International Trade (Group) Co. Ltd. компаниясында да жаңы план пайда болду. Алар Гуанси провинциясынан жаңы өнөктөштөрдү издей башташты. Жаңы түзүлгөн мүмкүнчүлүктү колдон чыгарбай жер жана деңиз каналдарын колдонуу менен Чунцин, Гуанси, Гуйчжоу, Ганьсу, Цинхай, Шиңжаң, Юньнань, Нинся райондору аркылуу Түштүк-Чыгыш Азиядан тропикалык мөмө-жемиштерди импорттоо кажет.

“Эгер бул канал ачык болсо, Борбордук Азиянын да, Шиңжаңдын да керектөөчүлөрү бирдей пайда табышат”,- дейт Чан Шули. Акыркы жылдары Шиңжаңдын экономикасынын өсүшү жана тургундардын жашоо шартынын жакшырышы менен азык-түлүктөрдүн түрдүү ассортиментине болгон суроо-талап да жогорулады.

Акыркы жылдары керектөөчүлөрдүн ашканасын түрдүү азык-түлүккө толтуруу үчүн Үрүмчү шаарынын Бажы башкармалыгы коңшу мамлекеттердин бажы кызматтары менен иштешүүнү тереңдетти десек болот. Таза, сапаттуу айыл чарба азыктарын бажы тармагында каттоо, текшерүү жоболорун жөнөкөйлөтүп, “жашыл каналдын” курулушун тездетти. Үрүмчү шаарынын бажы кызматындагы “жашыл коридор” аркылуу өтчү айыл чарба азыктарынын жаңы, жакшыртылган каталогун түздү. Бул каталогго кирген азыктар бажыдан кыска аралыкта текшерүүдөн өтмөкчү. Андан сырткары Шиңжаң айыл чарба азыктары тез арада “чет өлкөгө чыгуусу” үчүн бажылык каттоо жол-жоболору жөнөкөйлөштүрүлүп, каттоо убактысы кыскарды. Азыркы учурда Шиңжаң айыл чарба азыктарын кыска аралыкта текшерүүдөн өткөрүү үчүн 4 “жашыл коридор” ачты: “Бактуу”, “Кара-Суу”, “Эркеш-Там” жана “Торугарт” көзөмөл-өткөрүү пункттары.

ИМПОРТТОЛГОН ЭТ

Керектөө рыногундагы жетишсиздикти жабуу

Августтун аягында Үрүмчү шаарындагы жаңы жогорку технологияны өздөштүрүү аймагында (шаардагы жаңы район) Xinjiang Zhonghe Modern Logistics Co. Ltd. компаниясынын муздаткыч камерасында Казакстандан алынып келген уй этинин партиясын көргөнү көптөгөн ишканалардын өкүлдөрү келишти.

Казакстандан тоңдурулуп келген 18,074 тонна салмактагы уй эти «Хоргос» көзөмөл-өткөрүү пункту аркылуу келген. Үрүмчү шаарына 8 тонна эт таратылса, калган бөлүгү Хубэй провинциясындагы Ухань шаарына, Шаньдун провинциясына жана башка аймактарга жөнөтүлгөн.

“Импорттолуп келген бул уй этинин партиясы бодо мал тандоодон, мууздала турган жер, сакталуучу жер, тоңдурулуп алынып келе турган транспортко чейин тыкыр көзөмөлдөн өттү. Бул биздин компания алып келген эттин биринчи партиясы. Рыноктогу керектөөлөргө жараша кийинки партиянын масштабы чечилет”,- дейт Importer Urumqi Tianhua Hongguang International Freight Forwarding Co. Ltd. компаниясынын башкармалыгынын төрагасы Цян Синьшэн.

2018-жылдын июнь айында Кытайдын Башкы бажы башкармалыгы жана Казакстандын Айыл чарба министрлиги Кытай тараптын талаптарына жооп берген уй этин импорттоо боюнча протоколго кол коюшкан.

Мындан улам Шиңжаңда этке болгон суроо-талап жогору экени байкалат. Ушул жылдан баштап Шиңжаң Беларусь, Казакстан жана башка мамлекеттерден сапаттуу уй жана кой эттерин импорттоп баштады.

«Шиңжаңга жакынкы Борбор Азия мамлекеттеринде жогорку сапаттагы мал ресурстары бар Казакстан сыяктуу эле башка мамлекеттерден түздөн түз импорттолуп келип жаткан эт азыгын алып келүүдө жолдун өтө алыс эместиги менен кошо азыктын жогорку сапатка ээ экени маанилүү жагдай. Шиңжаң рыногунда импорттолуп келген эт азыгы чоң орун ээлейт»,- дейт Цян Синьшэн.

«Аталган эт партиясы сактала турган муздаткыч камерасынан жакында эле Пакистандан келген деңиз азыктары алынган»,- дейт Xinjiang Zhonghe Modern Logistics Co. Ltd. компаниясынын башкы директорунун орун басары Хэ Хунзе. Ал белгилеп кеткендей, 7 миң тонна салмактагы муздаткыч былтыр курулуп, быйыл июнь айында эксплуатацияга берилген. Компания Шиңжаңдын «Бир алкак – бир жол» багытындагы мамлекеттер менен айыл чарба азыктарын импорт-экспорттоо багытында тыгыз кызматташып жатканын көрүп, Үрүмчү-Бишкек, Алматы жана башка шаарларга чартердик рейстерди уюштурду. Мунун бардыгы Үрүмчү шаарынын түндүгүндө жайгашкан тоңдурулган эт азыктарын ташуу, сактоо үчүн муздаткыч кампасына ылайыкташкан. Учурдагы кырдаалга ылайык, эффективдүүлүк күтүлгөндөн да жогорку нормага жетти.

Акыркы жылдары Үрүмчү шаарынын Бажы башкармалыгы «Бир алкак – бир жол» багытындагы мамлекттерден жогорку сапаттагы айыл чарба азыктарын импорттоо иштерине активдүү катышты. Казакстандан мал, балык азыктары, буудай, улпак жана соя буурчагы; Пакистандан цитрус, манго, суу азыктары; Өзбекстандан гилас жана маш; Тажикстандан гилас; Кыргызстандан жылкы эти жана гилас; Беларустан үй канаттууларынын этин, Монголиядан тоңдурулган жылкы этин жана башка азык-түлүктөрдү алып келүүгө чоң салым кошту.

«Биз жергиликтүү бийлик өкүлдөрүнө көзөмөл-өткөрүү пункттарын курууга, алардын тоскоолдуксуз иш алып баруусуна, Кытайда суроо-талапка ээ айыл чарба азыктарын импорттоого, андан сырткары «Бир алкак – бир жол» багытындагы мамлекеттерден айыл чарба азыктарын импорттоо иштерин өркүндөтүүгө активдүү жардам берип келе жатабыз»,- дейт Үрүмчү шаарынын Бажы башкармалыгынын Жаныбарлардын жана өсүмдүктөрдүн карантиндик бөлүмүнүн башчысы Сюй Зюнь.

Азыркы учурда 4 дан азыктарын көзөмөл-өткөрүү пункту, 3 мөмө-жемиш көзөмөл-өткөрүү пункту, 2 тоңдурулган деңиз азыктарын өткөрүү пункту, 1 көчөттөрдү көзөмөлдөө пункту, 7 эт азыктарын көзөмөлдөө пункту бар.

КАЙРА ИШТЕТҮҮНҮН НЕГИЗИНДЕ СООДА ЖҮРГҮЗҮҮ

Буудай Шиңжаңдын көзөмөл-өткөрүү пункттары аркылуу импорттолуп келе турган эң ири айыл чарба азыгы болуп эсептелет. Ал буудай кайра иштетүүдөн өтүп ун, вермишель, жем жана башка продукцияга айланып, Кытайдын ички рыногуна тарайт.

Кытай керектөөчүлөрүнүн арасында Орусиядан алынып келген сапаттуу буудай популярдуу. Орусиялык Horgos Golden Katyusha International Trade Co. Ltd. ишканасы Кытайдагы эбегейсиз керектөөчүлөрү бар рынокко кызыгып, 2017-жылы кытай-казакстандык «Хоргос» эл аралык борбору менен келишим түзгөн. Инвестициянын жалпы көлөмү 50 миллион юанды түзүп, ишкана 3 этапта азык чыгара баштаган. Биринчиси – толугу менен кесме чыгаруучу автоматташтырылган линия болсо, экинчи этапта – тез даярдалуучу кесме чыгаруучу линия, үчүнчү этап – печенье жана макарон азыктарын чыгарган линия.

Компания орусиялык заводдон ун жана башка сырьёлорду “Хоргоско” алып келет, кайра иштетүүдөн кийин вермишель, тез даярдалуучу кесме жана башка азыктарды Кытайдын Сычуань, Гуандун, Гуанси, Хунань, Хубэй провинцияларына жана башка аймактарына таратат.

«Быйыл Орусия тарап Кытай ишканасына инвестицияны көбөйтүүнү пландап жатат. Жем чыгарган заводдорду куруу, андан сырткары жыл соңунда же келерки жылы ишке кире турган май азыктарын кайра иштетүү долбоорлору боюнча иштер жүрүп жатат”,- дейт Horgos Golden Katyusha International Trade Co. Ltd. компаниясынын башкы директорунун орун басары Чу Сизюнь мырза. Анын айтымында, азыркы учурда кесме чыгарган заводдун жылдык көлөмү 36 миң тоннаны түзөт.

Чу Сизюнь белгилеп кеткендей, Кытай менен Орусия соода тармагында бири-бирин толуктап турушат. Орусиянын айыл чарба продукциясы мыкты сапатта болсо, Кытайдын жеңил өнөр жайы бир катар артыкчылыктары менен ишканаларды өнүктүрүү үчүн ири мүмкүнчүлүктөрдү берет.

Ошондой эле Үрүмчү шаарынын бажы аймагында Xinjiang Russia Grain Organic Food Group Co. Ltd. компаниясы Орусия, Казакстан, Италия, Грузия жана башка мамлекеттерден органикалык азык-түлүктөрдү алып келет. Ага кошумча компания импорттолгон азыктарды материктеги көптөгөн шаарларга таратууда соода агенти кызматын аткарат жана чийки заттарды кайра иштетет.

«Мурда биз Борбор Азиядан жана Европадан азык-түлүктөрдү түздөн-түз импорттоп, аны ички рынокко колдончубуз. Бирок керектөөчүлөрдүн пикиринде, көптөгөн импорттолгон азыктар өтө таттуу, ал эми анын таңгактары катуу болуп, кытай керектөөчүлөрү көнгөн талаптарга жооп бербей жатат»,- дейт Xinjiang Russia Grain Organic Food Group Co. Ltd. компаниясынын башкармалыгынын төрагасы Гу Шэнсян мырза. Анын айтымында, керектөөчүлөрдүн азыктарга болгон ар кандай табити компанияны жана австралиялык белгилүү жыт бергичтерди чыгаруучу заводду биргеликте тамак-аш тармагында изилдөө жана кайра иштетүү борборлорун курууга, “Бир алкак – бир жол” багытындагы мамлекеттерден сапаттуу азык-түлүктөрдү импорттоого шыктандырды.

Акыркы жылдары Борбор Азиядан алынып келген мыкты сапаттагы айыл чарба жана башка азыктары Кытайга чийки зат түрүндө сатылып, аны көптөгөн ишканалар кайра иштетип, анан сатып жатышат. Быйылкы жарым жылдыкта Шиңжаңдын көзөмөл-өткөрүү пункттарынан импорт-экспорттолгон айыл чарба продукциясынын жалпы көлөмү
917 миң тоннага жеткен. Сооданын көлөмү 3.95 миллиард юанды түзүп, былтыркы жылга салыштырмалуу 18.1 пайыз жана 33.5 пайызга көп болду.



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23199;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: