«Жылдын супер дуэти»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ӨПКӨНҮН ФИБРОЗУ– АЙЫКТЫРУУ КЫЙЫНГА ТУРГАН ДАРТ

№886 24-30-октябрь, 2019-жыл


"Акыркы 10 жылда өпкөнүн фиброз оорусу менен ооругандардын
саны 12 эсе өстү. Кыргызстанда өпкө оорулары менен
ооругандардын саны 300 000 болсо, алардын
30 пайыздайы фиброз менен ооруйт" дейт
Онкология жана гематология Улуттук
борборунун торакалдык бөлүмүнүн
жетекчиси, медицина илимдеринин доктору
Мукаш Бейшембаев.

СЕБЕПКЕР – АБАНЫН БУЛГАНЫШЫ

Дарттын көбөйүшүнө негизинен абанын булганышы себеп болууда. Мындай абал өзгөчө Ош, Бишкек шаарларында байкалууда. Анткени жылуулук электр станциялары, жеке мончолор көмүр жагат. Мындан тышкары унаалар, ун комбинаттары, темир иштетүүчү цехтер да көп. Аталгандардын баары иштегенде уулуу заттарды бөлүп чыгарат, алар болсо абага кошулууда. Мончолорго тигүү цехтеринен чыккан кездеме калдыктарын, автоунаалардын эски дөңгөлөктөрүн да жагышат. Булардан бөлүнүп чыккан уулуу заттардын өлчөмү көмүр жаккандагыдан 10 эсе көп. Андыктан абанын булганышына каршы коомчулук жапа тырмак күрөшүп, өкмөт бул жаатта оңдуу чечимдерди кабыл алуусу зарыл.

Өпкө оорусу менен ооругандардын кээ бирлери оорусунан толук айыкпай жүрө берип, оорусунун үстүнө фиброзду кошуп алышууда. Аймактарда пульмонолог врачтардын жетишсиздиги да дарттын көбөйүшүнө жеткирүүдө.

Акча табуу үчүн гипс, асбест, акиташ, көмүр, кум сатып иштегендер көп. Алардын көбү оорунун алдын алышпайт.

ӨПКӨДӨ АБАНЫН АЛМАШЫШЫ БУЗУЛАТ

Өпкөдө аба баштыкчалары – альвеолдор бар. Бир эле өпкөдө алардын саны 3 миллионго чейин жетет. Алар өпкөнүн капиллярдык кан тамырлары менен кошо биз дем алган кычкылтекти канга өткөрүп, кайра кандан көмүр кычкыл газынын сыртка чыгып турушун камсыздайт. Башкача айтканда, газ алмашуу милдетин аткарат. Кайсы бир себептерден улам ошол альвеолдордун арасындагы тутумдаштыргыч ткандар альвеолдордун керегесине (стена) чейин өсүп кетет. Калыңдап жана катуу тартат. Бара-бара берчке айланат. Бул фиброз деп аталат. Натыйжада альвеолдордун керегеси сезгенип, түзүлүшү бузулат. Серпилгичтигин жана чоюлчаактыгын жогото баштап, калыңдайт. Фиброздордун айынан альвеолдордун керегесинен кычкылтек менен көмүр кычкыл газынын өтүшү кыйындайт. Башкача айтканда, өпкөдө газ алмашуу бузулат.

Фиброз өпкөнүн бир же эки тарабынын азыраак бөлүгүндө болушу ыктымал. Кээде 2 тарабына тең тарап кеткен учурлар кездешет.

Альвеолдордун арасындагы тутумдаштыргыч ткандар ката баштаса пневмосклероз, берч болуп калса пневмофиброз, туташ берч болуп жарабай калса пневмоцирроз деп аталат.

Фиброз негизинен дарылоого кыйын болгон оору түрүнө кирет.

Дарылоо

Бейтап ооруканага жаткырылат.

Пневмофиброздо тутумдаштыргыч ткандар берч болуп калгандан кийин ал кайра калыпка келбейт, дарылаганда сорулуп кетпейт. Андыктан фиброздор майда болсо көп дарылоонун кереги жок. Бирок фиброздордун кийин ракка өтүп кетүү коркунучу бар. Андыктан 1 жылда 2 ирет рентгенге түшүп, абалын байкап туруу керек. Анткени микроб же башкалардан улам фиброздор сезгенип, чоңоюп кетиши же жаңылары жаралуусу мүмкүн. Эгер фиброз чоң болсо, анда операция жолу менен алынып салынат.

Пневмосклероздо бронхторду, альвеолдорду кеңейтүүчү дары-дармектер, витаминдер, кислоротерапия жана башкалар жазылып берилет.

Пневмоцирроздо өпкөнүн жарабай калган бөлүгү кесилип салынат. Эгер бир же 2 өпкө тең пневмоцирроз болуп кетсе, анда өпкөнү алмаштыруу керектелет.

Оору өтүшүп баштаса организмде кычкылтек жетишсиздиги жаралат. Бул пневмозго кошумча башка оорулардын, мисалы, пневмониянын пайда болушуна алып келет. Өпкөнүн артерия кан тамырларынын басымы жогорулап, айыктыруу өтө кыйын болуп калат.

Дарттын алдын алуу

• Өпкөгө зыяндуу таасирин тийгизүүчү иште иштегендер маска тагынып иштөөлөрү керек. Өзгөчө асбест менен иштегендер (куруучулар, турак жайларды оңдоп-түзөөчүлөр, асбест сатуучулар)

• Өпкөнүн пневмония, кургак учук жана башка оорулары жаралганда дароо дарылап айыктыруу кажет

• Аритмия оорусунун дарысын ичип жүргөндөр, дегеле ар бир жаран 6 ай сайын өпкөсүн текшертип рентген же флюрографиядан өтүп туруулары кажет.

Дарттын белгилери

  • Өпкө ооруйт
  • Демигүү. Башында жумуш кылганда, кийин жөн турганда деле билинет
  • Жөтөл. Азыраак какырык чыгуу менен коштолот
  • Организмге кычкылтектин жетишсиздигинен теринин бозоруп же көгөрүп турушу
  • Тамакка табиттин жоголушу
  • Дарт өтүшүп баштаганда манжалар жооноюп, тырмактар томпок тартат
  • Өпкөнүн көп бөлүгү жабыркаса жүрөккө күч келип, бат-баттан согуп, демигүү күчөп адам кышылдайт. Жүрөк оорусу жаралат
  • Буттар шишийт, моюн веналары жооноёт
  • Адам шалдырайт, бат чарчайт, жумуш жасай албай калат


Себептери

  • Тукум куучулук, тамеки чегүү
  • Оор өнөр жайы өнүккөн шаарда же көмүр менен иштеген жылуулук электр станциясынын аймагында жашоо
  • Экологиянын бузулушу
  • Кант диабети, бөрү жатыш, ревмотоиддүү артрит, жүрөк ооруларынын жана өпкөнүн альвеолит, саркоидоз, асбестоз, кургак учук ооруларынын өтүшүп кетүүсү
  • Асбест, акиташ, гипс, көмүр сатып иштөө, кендерде иштөө
  • Химиялык заттардан уулануу
  • Радиация
  • Жүрөктүн аритмия оорусуна каршы дары-дармектерди көп ичүү

Канымжан Усупбекова
densooluk@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23227;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: