«Жылдын супер ырчы айымы»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

УНААСЫ МЕНЕН КОШО ӨРТТӨЛГӨН. АДАМ ӨЛҮМҮНӨ ШЕКТЕЛГЕНДЕР 3 ЖАРЫМ ЖЫЛДАН КИЙИН АКТАЛДЫ

№886 24-30-октябрь, 2019-жыл


2016-жылы 13-июнь күнү Чүйдөгү Кегети капчыгайында Мерседес үлгүсүндөгү өрттөнгөн кичи автобустун ичинен күйүп кеткен адамдын сөөгү табылган. Ал 1987-жылы туулган Жакшылык Дүйшөналиев аттуу Токмок шаарынын тургуну болгон. Маркумдун өлүмүнө шектелип Б.Ч. аттуу аял жана анын иниси кармалып, Бишкектин №1 тергөө абагында 3 жылдан ашык убакыт жатышкан. Токмок шаардык соту шектүүлөрдү актады.

Ал эми маркумдун туугандары соттун чечимине нааразы.

«БАЙКЕМДИ УНААСЫ МЕНЕН КОШО ӨРТТӨП ЖИБЕРИШИПТИР»

Маркумдун карындашы Жамиля Жаркынбаева айыпталган тарап сотторду сатып алган деген пикирде:

– Окуя 2016-жылы болгон. Агам Жакшылык Дүйшөналиев Токмокто 103, 104-маршруттук каттамда кичи автобус айдап иштечү. Ал күнү агам адаттагыдай эле жумушуна кеткен. 12-июнь күнү аны издеп, телефон номерлерине чалсак өчүк болду. Жоголуп кетет же каза болуп калат деп ким ойлойт? Башында анча сарсанаа болгон эмеспиз. Кечке маал санаа тынбай издеп баштадык. Сүйлөшкөн кызына байланышсак мурунку түнү ага байкем «эртең чалам, жакшы жат, мен чарчап келип жаттым» деп СМС билдирүү жөнөтүптүр. Акыры милицияга бардык, алар бизден арыз алардан мурун Бишкектеги, Токмоктогу оорукана, өлүккананын баарын кыдырып чыккыла дешти. Алар айткандай, бардык жерди кыдырып чыктык, табылган жок. Акыры милиция издөөгө алды, 13-июнда Кегети капчыгайынан өрттөлүп, жардан ылдый кулаган унаасынын ичинен агамдын жансыз денеси табылды. Кылмышка шектелип агам менен тааныш Б.Ч. аттуу аял жана анын иниси кармалышты.

«АГАМДЫН НААМЫНА 7 ҮЙДҮ КАТТАТЫПТЫР»

– Б.Чны агам такси кызматын көрсөтүп жүргөндө үйүнө жеткирип, ошондон кийин тааныш болуп, ал аял үйүнө чакырып, анча-мынча маселелерин чечүүдө жардам сурачу экен. Анын сунуштарын агам деле жашырбай мага айтып калчу. Б.Ч. үстөк тууму менен акча берип иш кылчу экен. Кардарлары андан акча алып, үйлөрүнүн кызыл китептерин күрөөгө коюп, анан акчасын эселеген пайызы менен төлөп кутулушчу экен. Ал кардарларынын үй документтерин алып жатканда күрөөгө алдым деп түшүндүрүп, бирок келишим түзүп жатканда сатуу-сатып алуу келишимин түзүп, мыйзамды билбеген адамдарга кол койдуруп алчу экен. Бир нече үйдү, батирлерди ал өзүнө каттаганда салык кызматынан же башка мамлекеттик органдардан шек саноо болбошу үчүн үйлөрдү ар кимдин атына каттата бериптир. Ошол адамдардын бири менин агам болуп, ага баш аягы 7 үйдү каттаткан. Кийин үйлөрдүн документтерин ырастап алган соң үйдү кайра башкага каттап, кыскасы, биринин шапкесин бирине кийгизип жүргөн. Биз сотто жана тергөөдө ал аялдын мындай иш-аракеттерин да айтып келдик. Агам ал аялдын мыйзамсыз иштерин билгени үчүн көзүн тазаладыбы деген да ой келет. Муну менен катар аял бул ишке кызганычтын айынан барган деген ойдомун. Анткени агамдын баш кошом деп сүйлөшүп жүргөн кызы бар болчу.

«СОТ ӨКҮМДҮ ТОЛУК ОКУБАЙ КАЧЫП КЕТТИ»

– Агамдын өлүмүнөн 2 аптадан кийин Б.Чнын жолдошу да каза болуп калды. Ага экспертиза жүргүзүлгөндөн кийин күйөөсүнүн бир жак бети жаракат алган, кулактарынан кан аккан абалда өз үйүнөн сөөгү чыкканы сотто айтылды. Балким, менин агамды өлтүргөнү тууралуу күйөөсүнүн маалыматы болгондур. Эмнеге менин агамдын өлүмүнөн кийин эле ичимдикке ууланды делип, анын күйөөсү дагы каза болуп калат?

Тергөөдө шектүүлөрдүн бут кийимине жабышкан топурактын экспертизасы агамдын сөөгү табылган жердин топурагы менен дал келди. Ал тергөөдө бир нече жолу өз версияларын өзгөртүп, менин агамды үйүмө курулуш иштерине жалданып келгенде таанышкам деп жатат. Менин агам курулуш иштерин билбейт, андай жерлерде иштеген дагы эмес. Токмок шаардык сотунун чыгарган чечимине нааразыбыз. Ал өкүмдү окуп жатканда биз нааразы болуп залда кыйкырык чуу чыгып кетти. Мындан улам ал өкүмдү эки тарапка бирдей угузбастан 30дай милициянын коштоосунда абак жайдын ичине кирип, шектүүлөргө гана угузуп окуп коюп, качып кетип калды. Ошол себептен биз жогорку инстанцияга 21-октябрда доо арыз менен кайрылдык. Апам 3 жарым жылдан бери уулунун өлүмүнө күнөөлүүлөр жазасын алат деп күтүп келди. Биз жалпы көзөмөл жана укук коргоо органдарынан, президенттен суранабыз! Соттор ишти акыйкат карап беришсин.

«ТЕРГӨӨ КАТАЧЫЛЫКТАР МЕНЕН ЖҮРГҮЗҮЛГӨН»

«3 жыл 4 ай тергөө абагында мыйзамсыз камалып жаттым» деген, бул кылмышка шектелип кармалып Токмок шаардык соту тарабынан акталып чыккан Б.Ч. менен да маектештик. Ал окуя тууралуу өз чындыгын мындайча айтып берди:

– Жакшылык Дүйшөналиев менен 2013-жылдын аягында таанышкам. Ошол жылы оңдоп-түзөө иштерин жүргүзүп, үйдүн сыртын шыбаталы деп жатканбыз. Ал кышка маал «мен бош жүрөм эже, телефон номериңизди эжелерим берди, материалдарыңызды ташып, бош жүрбөй ишти баштай берели» деди. Мен макул болуп ал өзү менен дагы 3 баланы ээрчитип келип, биздин үйдө иштеп калышты. Ошондон кийин тааныш болуп калганбыз. Кээде жардамын алып жүргөнүм чын. Таанышканыбыздан 3 жылдан кийин анын каза болуп калганын уктук. Анын өлүмүнө мени жана инимди шектүү катары карап, бизди далилсиз эле убактылуу кармоочу жайга алып барып камап коюшту. Жүргүзүлгөн тергөөнү мен эч качан мыйзамдуу деп айта албайт элем. Анткени бизди камап коюп, анан кылмышка далил издешти. Демек, башынан эле бул өлүмгө мени каралап, жалаа менен түрмөгө отургузуп коюу болгон. Кылмыш болгон күнү маркумдун телефонуна менин номеримден чалуулар болгон деген сөздүн баары калп. Базадан эч кандай анын номерине менин телефонумдан чалуу болгону чыккан эмес. Бул сотто да далилденди.

«КЕГЕТИ ТАРАПКА БАРГАНЫМ ЧЫНДЫК...»

Мен каза болуп калган жолдошум менен ажырашып, көптөн бери эле өзүнчө жашачубуз. Ал иччү, бирок маалы менен үйгө, балдарга келчү, менден акча сурачу. Ошол күнү да мас болуп келип алып мен тааныбаган бир балдар менен жүрөм деп акча сурады. Мен акча жок деп берген жокмун. Ал менин сумкамды ичиндеги акчасы, үйдүн ачкычы, телефонум менен кошо жулуп алып качып кетти. Ал Кегети тарапка барарын гана айтты. Мен дароо иниме чалып келе калышын өтүндүм. Ал машинасы менен келип, күйөөмдүн артынан Кегети тарапка издеп бардык, бирок сөөк табылган капчыгайга чейин жетпей эле Дөң-Алыш, Рот-Фронт айылдарынан кайтып кеткенбиз. Ошону менен акчадан жок же сумкадан жок, күйөөмдү таппай үйгө кайтып келе бердик. 13-июнда Жакшылыктын сөөгү табылганын уктум. Ошондон 2 аптадай өткөндө күйөөм үйгө келди. Анын бир жак бети тытылган, бир аз жаракаты бар, анан мас абалда экен. Келип эле мени бирөөлөр сабап, оозума күчтөп арак куюп, "Жакшылыктын өлүмүнө тиешең бар" деп кыйнап кетишти деди. Аркы бөлмөдө телевизор көрүп жаткан, мен кирсем уктап калыптыр. Ойготсом кыймылдабайт, дароо «Тез жардам» чакырдык. Алар келип күйөөмдү каза болуп калыптыр дешти. Анын спирт ичимдигин ченемсиз ичкенден ууланганы аныкталды. Ошондон көп өтпөй эле 4-июлда иним экөөбүздү кармап кетип, СИЗО-1ге камап салышты. Тергөө абагында жаткан 3 жылдан ашык убакытта оорудум, канымдагы канттын көрсөткүчү 27 болуп, кан басымым көтөрүлүп кетти. Ооруканага да жатып чыктым. Бирок мага эч кандай жардам болгон жок. Мен чыдап соттун чечимин гана күтүп келдим. 11-октябрда Токмок шаардык соту иним экөөбүздү далилдердин жоктугуна байланыштуу актады. Учурда мага карата коркутуулар болуп жатат. Жабырлануучу тарап мени издеп, таш бараңга алабыз деп жатышат. Азыр менин өмүрүмө коркунуч жаралууда.

«ОКУЯДАН ЧУУ ЖАРАТЫП БИЙЛИКТИН КӨҢҮЛҮН БУРУУ БОЛУП ЖАТАТ»

Б.Чнын жактоочусу Лилия Жолдошбек кызы тергөөчү тарабынан фальсификациялоо болгон, протоколдор бузулуп, далили жок эле божомолдор менен иш сотко өткөн деген пикирин айтты:

– Бул жерде тергөө органдарынын катачылыктарынын айынан 2 адам мыйзамсыз, 3 жылдан ашуун тергөө абагында отурушту. Чала тергелген, эч кандай далилдери жок эле иш улам бир башкармалыкка, Башкы тергөө башкармалыгына, прокуратурага өтүп жатып, акыры сотко чейин келип жеткен. Тергөөчү материалды орусчадан кыргызчага туура эмес которуп, далилсиз эле окуяларды токуп өзү кошуп жаза берген. Эгерде далилдер жетиштүү болгондо сот деле ошончо далилди карап туруп көз жумуп койбойт эле да. Менин коргоомдогу жарандар акталды, эми жабырлануучу тарап кийинки инстанцияга арызданабыз деп жатышат. Алар коомчулукту дүрбөтүп, бул окуядан жасалма резонанс, чуу жаратып, бийликтин көңүлүн бурдуруп, буларды кайрадан каматып коюунун аракетин көрүп жатышат. 11-октябрда сот өкүмдү окуп баштаганда жабырлануучу тарап отурумдан чуу чыгарып, төрагага мүмкүнчүлүк бербей койду. Төрага убактылуу кармоочу жайдын ичине кирип өкүмдү окууга аргасыз болду. Маркумдун туугандары мындай аракеттерин көптөн бери эле көргөзүп келе жатышат.

Жабырлануучу тарап биз эч качан таш бараңга алуу сыяктуу мыйзамсыз иштерге барбайбыз дешет. Ал эми акталып чыккан тарап учурда өз өмүрлөрү үчүн кооптонушууда. Кылмыш иши эми кийинки инстанцияларда каралары күтүлүүдө.

Гүлжан Асанкожоева
koom@super.kg



“Күнөөсүз жерден адамды өлтүрүп, өрттөп салды деп айыпташты” деген жаран маалымат жыйын берди

Оператор: Элчибек Кыштообаев

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(4)
28.10.2019. 18:41 
Тайпасы:
Жаран
Комментарийлердин саны:
103
Катталган:
21-09-2012
Соӊку аракети:
21-11-2019 17:42
Жынысы:
Белгисиз
+11
Кандай эле ошол куну Кегетиге барып калат?кандай эле куйоосу олуп калат? Сотко ишениш жок акчаны тыкса каалагандай окум чыгарып берет да.Жаш балдар апанардай болгон аял менен журбой тынч жургуло.
29.10.2019. 23:42 
Тайпасы:
Жаран
Комментарийлердин саны:
123
Катталган:
02-07-2019
Соӊку аракети:
21-11-2019 17:51
Жынысы:
Белгисиз
+4
Менин оюмча процентке акча берген аялдардан баарын күткөнго болот. Эки жактын айткандарын окуп баланын карындашына көбүрөөк ишендим. Совпадение көп экен
31.10.2019. 04:44 
Тайпасы:
Жаран
Комментарийлердин саны:
131
Катталган:
05-05-2014
Соӊку аракети:
21-11-2019 21:11
Жынысы:
Белгисиз
+4
Тулку оо тулку
03.11.2019. 10:49 
Тайпасы:
Жаран
Комментарийлердин саны:
1
Катталган:
14-03-2017
Соӊку аракети:
21-11-2019 21:33
Жынысы:
Белгисиз
0
Колунан жакшылык келе турган туру жок бул катын. Маркумдун карындашы тарапта окшойт чындык
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23227;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: