«Жылдын супер дуэти»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Өмүрбек Малабеков, мушкер: «КЫРГЫЗСТАНДА БОКСТУН ДЕҢГЭЭЛИ АБДАН ТӨМӨН»

№886 24-30-октябрь, 2019-жыл


Эл аралык бокс федерациясынын версиясы боюнча дүйнөнүн 7 жолку чемпиону Орзубек Назаров чыккан Кыргыз өлкөсүндө учурда бокстун абалы көңүл жубатарлык эмес.

Убагында казак машыктыруучулары дагы көз артып, Дүйнө чемпиону болот деп болжолдоп келген мушкер Өмүрбек Малабеков биздин маек төрдө. Спорттук карьерасы, учурдагы өлкөдөгү бокстун абалы жана бокс федерациясынын шалаакылыгы тууралуу кеп салды.

Толук аты-жөнү – Малабеков Өмүрбек Кушбекович

Туулган жылы – 1991-жыл, 20-июль

Туулган жери – Талас облусу, Манас району, Көк-Дөбө айылы

Бою – 170 сантиметр

Салмагы – 60 килограмм

Үй-бүлөлүк абалы – Үй-бүлөлүү, 1 кыздын атасы

Алгачкы машыктыруучусу – Марат Сакеев

Жетишкендиктери – Азия чемпиондугунун коло байгесинин ээси (2013-жылы), Кыргызстандын 8 жолку чемпиону, Дүйшөнкул Шопоковдун элесине арналган эл аралык мелдештин 7 жолку жеңүүчүсү.

ПОЛУ, ТЕРЕЗЕСИ ЖОК КЛАССТАН БАШТАЛГАН СПОРТТУК КАРЬЕРА

-2002-жылы 19-февралда Таластын Көк-Дөбө айылында биринчи жолу спорттук зал ачылган. Ошол күнү классташымдын туулган күнү болчу. Классташтар менен анын туулган күнүн белгилеп, курсакты тойгузуп алып, балдар менен чогуу залдын ачылышына барганбыз. Залдын ачылышы деп айтылганы менен, ал кичинекей бир класс болчу. Тагыраагы, мектептин ичиндеги эмгек сабагына ылайыкталган классты залга айланткан. Полдору түшүп калган, айнектери жок, аны эптеп кийиз менен каптап койгонбуз. Дөңгөчтү кийизге ороп, сыртына кап кийгизип жасалган бир груша бар эле. Аны мээлей жок урсаң колуң ооруйт. Агайда болсо эски, жыртык, боо менен байланма эки гана мээлей бар болчу. Алгачкы машыгуулар дал ушундай башталган.

Кийин машыгуулардан тажап залга барбай койдум. Бирок атам өзү спортко жакын адам болгондуктан, мени кайра өзү залга алып барды. Атамдын түрткүсү менен бокс менен машыга баштадым. Мелдештерге чыгып медаль тагынгандан кийин гана менде спортко берилүү башталды.

Мен кичинекей кезде арык өтө алсыз бала болчумун. Көп учурда машыгууда балдардан таяк жеп калчумун, жадакалса өзүмдөн кичүү балдар дагы уруп койчу. Жашы дагы, салмагы да меникине тең бир бала бар болчу. Агайым дайыма ошону менен спарингге чыгарчу, жеңилип кала берчүмүн. Бир күнү мен аны утуп алдым. Мына ошондон кийин өзүмө ишенич пайда болуп, мотивация күчөдү.

Карапайым үй-бүлөдө чоңойдум. Балалыгым 90-жылдардын аягына туура келди. Ошол учурда биздин үй-бүлөбүз гана эмес, башкалар дагы аябай кыйынчылыкты баштан өткөрүштү. Ун жок, нанга жетпеген күндөр да болгону эсимде. Атам мектепте, апам базарда иштеди. Ошентип ата-энемдин эмгеги менен ал кыйынчылыкты жеңип кеттик. Беш бир тууганмын, эжем, байкем, иним жана карындашым бар.

КАЗАКСТАНДЫН ЖЕЛЕГИН ЖЕЛБИРЕТ ДЕГЕН СУНУШ ТҮШКӨН

-Жаш кезде Казакстанда бокс күчтүү өнүккөнүн көрүп баа берчүмүн. Спортчуларынын кийингени, аларга түзүлгөн шарт жогорку деңгээлде болчу. Биз курактуу казак спортчулары мамлекеттен стипендия алышчу. 15 жашымда казактар мени өздөрүнө чакырган. Алар агайыма «окуусун бүтүрүп, бул жакка келсин, өзүбүз окутабыз» деп айтышкан. Алгач, Казакстанга барууга бир аз көңүлдөнүп калгам. Анда жашмын да, көп деле алдыдагы кадамыңды ойлобойсуң. Бирок ошондо атам бул сунушка каршы болуп койду. Кыргыз болгондон кийин кыргыздын намысын коргосун деди окшойт. Кыйынчылыктарга, мамлекет тарабынан колдоо болбогонуна карабай Кыргызстандын намысын коргоп келе жатканыма сыймыктанам.

«ДҮЙНӨ ЧЕМПИОНДУГУНА БАРЫШ ҮЧҮН ЛОТЕРЕЯ ОЙНОТУП...»

-15 жашымда өспүрүмдөр арасында Кыргызстандын чемпиондугун утуп, Мексикада боло турган Дүйнө чемпиондугуна жолдомо алдым. Ага баруу үчүн 5 миң доллар керек эле. Ал акчаны өзүбүздүн күчүбүз менен, туугандардын, айылдаштардын көмөгү менен чогулттук. Бирок кандайдыр бир себептерден улам Кыргыз курамасы Дүйнө биринчилигине барбай калды. Ошол мелдеште казак мушкери 2-орунду алды. Мен ал казак спортчусун бул жактагы мелдеште жеңгем. Ошондо катуу ызаланып, спорттон көңүлүм калды. Мен ал жакка Кыргызстандын шалаакылыгынан бара албай калдым. Кош көңүл мамиле жасабай, документтерди убагында бүтүрсө, биз деле ошол чемпиондукка катышат элек да.

Эң кызыгы – 5 миң долларды чогултканыбыз. Үйдө болгон бир аз жандыгыбызды жана атамдын унаасын байгеге коюп, айылдыктар үчүн лотерея уюштурганбыз. Алар бизге колдоо көрсөтүү максатында лотерея ойногонго макул болушту. Бирок, тилекке каршы, Кыргыз курамасы барбайт деген чечим чыккандан кийин элге лотерея болбой калды деп акчаларын кайра таратып бергенбиз.

«КЫРГЫЗ ДЕЛЕГАЦИЯСЫ МЕНИН ЖЕҢИШИМЕ ИШЕНБЕЙ КЕТИП КАЛДЫ»

-17 жашымда бокс боюнча Кыргыз курамасынын катарына кошулдум. Алгач 2009-жылы Кытайда өткөн Азия чемпиондугуна катышып, 5-орунду алдым.

2011-жылы Баку шаарында, 2012-жылы Лондондо боло турган Олимпиада оюндарына жолдомо бере турган дүйнө биринчилиги болду. Анда алгачкы 2 беттешти жеңдим. 3-беттешти жеңсем Олимпиадага лицензия алмакмын. Бирок беттеште калыстардын чечими менен болгар спортчусуна жеңилип калдым. Ал чечим абдан талаш жаратты, себеби рингде көбүрөөк үстөмдүктү мен кылгам. Бокс дүйнөсүндө кадыр-баркы жогорураак Казакстан менен Орусия курамасынын жетекчилери машыктыруучума «силер жеңдиңер, протест жазсаңар жеңишти алып беребиз» дешкен экен. Бирок кашайып, протест жаза турган биздин курама команданын расмий өкүлдөрү менин беттешим бүткөнгө чейин эле кетип калыптыр. Анткени ошол күнү жалгыз мен гана рингге чыкмакмын. Алар мага ишенбей «бул утулат» деп кетип калышкан да. Мындай кайдыгерлик дагы бир ирет жанды кейитти.

«ОРУСИЯЛЫК КОМПАНИЯГА ИШЕНИП, УБАКЫТТАН УТТУРДУМ»

-3 жыл мурун Орусиялык уюм менен келишим түзүп профессионалдык бокско аттангам. Профессионалдык боксто 4 беттеш өткөрүп, бардыгында жеңүүчү болдум. Бирок кийин кандайдыр бир себептен улам компаниянын иши жакшы жүрбөй, мага беттеш уюштуруп бере алышпады.Уюштурабыз деп убада берип коюшуп, сөздөрүнө турушпады. Ошентип көп убакыт өтүп келишимди үзгөм. Ал уюмдун профессионалдуу иш алып барбагынан улам убакыттан уттурдум. Учурда Кыргызстанга келип машыгууну баштадым. Ошол эле учурда жаш балдарга машыктыруучу болуп эмгектенип жатам.

«БОКС ФЕДЕРАЦИЯСЫНДА ЫНТЫМАК ЖОК»

-Биздин бокс федерациясын жетектеп башкарган жетекчилерибизде ынтымак жок. Тикесинен тик туруп, жан дүйнөсү менен колдоп турган адамдар болсо калыстар биздин боксчуларды мелдештерде басынтпайт болчу. Бокс федерациясы учурда жакшы иштей албай жатат.

Биздин федерация башка мамлекеттер менен тыгыз иштешип, бокс мектеби күчтүү делген Куба, Мексика, Орусияга мушкерлерди алып барып тажрыйба алмашууга шарт түзүп берсе, өнүгүү болот эле. Антпесе биздин спортчулар Ысык-Көлдө эле машыгуу кылат. Ашып кетсе Казакстанга сборго барышат. Андыктан машыгуу иштери да өлкөдө жакшы жүрбөйт. Анан кантип мыкты жетишкендик болот?

Кыргыз боксунун деңгээли абдан ылдый. Мамлекеттен 3-4 мушкер гана стипендия алат. Калганы кантип оокат кылат, мамлекеттин иши жок. Кыргызстандын чемпиону болгон мушкер дүйнөлүк мелдештерде өлкөнүн намысын коргойт. Мелдештерде татыктуу намысты коргош үчүн күнү-түнү машыгууда болуш керек. Бирок өкмөт спортчуга стипендия бербей жатса, ал айла жок иштегенге мажбур болот. Демек, машыгуунун убактысы азаят.

Мен өзүм жеке клубда машыктыруучу болуп иштейм. Ошону менен жан багам. Балдарды тарбиялап, ошол эле учурда өзүңө машыкканга убакыт жетпейт. Чоң спортто ийгилик жаратуу үчүн убагында уктап, убагында тамагыңды ичип, машыгуу керек. Учурда «Erem» клубунда машыгып жатам. Ал жакта курама командадан Азат Усеналиев, Мирлан Түркбай уулу үчөөбүз машыгабыз.

Кубан Жумамидинов
sport@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 3 колдонуучу (Катталган: 0, коноктор: 3) бул макаланы окуду:

Макалалардын саны:
23199;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: