«Жылдын супер актрисасы»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ТАГДЫРДЫН СЫНООСУНА СЫНБАГАН КЫЗДАР

№885 17-23-октябрь, 2019-жыл


Биз баш баккан сулуулук салонунун өзгөчөлүгү каармандарыбызда. Тагдырдын сыноосуна сынбай, алдыга чоң максаттарды койгон ден соолугунун мүмкүнчүлүгү чектелген кыздар Бишкекте сулуулук салонун ачып иштетип жатышат. Кыздардын сулуулугун арттырып кирпик чаптап, тырмак жасаган каармандарыбыз менен тааныштырабыз.

“АВТОКЫРСЫКТАН УЛАМ БАСПАЙ КАЛДЫМ”

Салонду иштеткен кыздардын экөө тең 1-топтогу майып. Алардын бири Роза Бегалиева буга чейин дагы башка тармакта өзүн сынап көргөнүн айтат.

– Мен Роза Бегалиева, Ысык-Ата районунан болом. 2000-жылы автокырсыкка кабылып, ошондон улам бутум баспай калган. Ал кезде Казакстанда соода менен алектенчүмүн. Кыргызстандан целлофан баштыктарды алып чыгып, Тараз шаарына сатчубуз. 2002-жылы декабрда автокырсыкка кабылгам. Жолдон өтүп баратканда машина сүзүп кеткен. "Жүргүнчүлөр өтө турган жерден эмес, жол чырак жок жерден өттүң" деп өзүмдү күнөөлүү кылып коюшкан. Кырсыкта белим жана кабыргам сынып, ашказан, боор, бөйрөк, өтүм айрылып кеткен. Жүлүнүм да жабыркаган эле. Ал жактан бир операция жасап, ички органдарымды тигишти. Кийин Кыргызстанда нейрохирургияда белиме операция жасаттык. Бирок ал ийгиликтүү болгон жок. Себеби ички органдарым калыбына келгенче күтүп, 3 ай убакыт өтүп кетти. Ошентип белимди дарылоо кечеңдеп, бутум баспай калды. Балким, эртерээк жасатсак айыгып кетмекмин.

Автокырсыкка кабылганда 26-27 жашта болчумун. Кийин турмушка чыккан жокмун. Ушул күнгө чейин мени апам карады. Ал 50 жыл мектепте мугалим болуп иштеген, быйыл 78 жашка чыкты. Атам да мугалим эле, кийин айдоочу болуп иштеп жүрдү. 10 жыл мурда рак илдетинен каза болуп калган. Көзү тирүүсүндө мени алып барбаган жери калбады. Акыры табыптарга да көрсөттү, майнап чыккан жок.

Биз 5 бир тууганбыз. 2 байкем каза болуп, 1 байкем, анан сиңдим калган. Сиңдим да мугалим болуп иштейт. Байкем балдары менен Ысык-Атада турат. Атам каза болгондон кийинки пенсияны жана майыптыгым үчүн бөлүнгөн акчаны кошкондо 5000 сом алам.

“АПАМ МЕНИ ДЕПРЕССИЯГА ТҮШҮРГӨН ЖОК”

– Кырсыктан кийин коляскада жүргөнгө, отурганга, тамак жегенге көнө албай 3 жыл кыйналып жүрдүм. Апам мени депрессияга түшүргөн жок. Тамак-аш жасатып, манты, пелмень түйдүрчү. Кыймылсыз калбасын, иштесин, колдору болсо да иштеп турсун деп байпак, көйнөк токутчу. Кийим токусам жибин алып келип, түйгөн байпактарымды базарга алып барып сатып жүрдү.

2000-жылдары азыркыдай адамды алаксыта турган телефон, Инстаграм деген жок, телевизорду да анча көрбөйт элек. Ошондо токуганды адат кылып алгам. Түнкү саат 3-4 болсо да токуп отура берчү элем. Кийин залакасы тийип, көзүмдүн көрүүсү начарлай баштады. Жакшы болуп калгандан кийин эле кол өнөрчүлүк менен алектенип, буюртма алып кийим токуп сатып баштадым. 15 жылдай ошентип иштеп жүрүп, былтыр токуганды үйрөтүүчү курс ачтым. Азыр бир нече шакирттерим бар, байпак, кофталарды токуганды үйрөнүп калышты. Окуган кыздардын арасында ден соолугунун мүмкүнчүлүгү чектелген бир кыз бар.

“СУЛУУЛУК САЛОНУН АЧТЫК”

– Маникюр жасаганга мурдатан кызыгып жүрчү элем. Курбу кызым “ошону үйрөнүп алсаң чогуу иштешели” деп айтып калчу. Мен бир күнү Фейсбуктан ден соолугунун мүмкүнчүлүгү чектелген кыздар үчүн бекер окутуу курсу тууралуу окуп калдым. Ошондон 30 чактыдай кыз визажист, маникюр, кирпик жасоо жана кулинария боюнча окудук. Окуунун аягында сынак өткөрүлүп, 1-2-3-орунду алгандарга белектер ыйгарылды. Визажисттерге косметика, маникюрду бүткөндөргө тырмак жасоого керектүү аппараттарды белек кылышты.

Окууну бүткөндөн кийин Жылдыз экөөбүз иштегенге орун издеп жүрдүк. Бир нече ирет кардарлардын үйүнө барып маникюр жасап бердик. Кийин социалдык тармактардан жарнама кылып баштадык. Коомдук уюмдардын бири ушул азыр биз иштеп жаткан имаратты бекер берип, электр жарыгынын акысын төлөп бермей болду. Өзүм буга чейин бир салондо иштеп көргөм, акчанын 60 пайызын кармап калчу. Эми минтип өз алдынча иштеп баштадык. Биз башка жакта иштей албайбыз. Коляска менен кирип-чыкканга шарт болушу керек. Башка жерде эшиктер тар, коляскага ылайыкталган пандустардын жоктугунан кыйынчылык жаралат. 12-сентябрда салондун ачылуу аземин өткөрдүк. Ошондуктан азырынча өзүбүздүн тааныштар, туугандар, анан мурда үйүнө барып тырмак, кирпигин жасап берген кардарларыбыз эле келип жатышат. Салонубуз Бишкектин Сыдыков, 258 дарегинде жайгашкан.

“БУЮМДАРЫБЫЗДЫ САТКАН ДҮКӨНҮБҮЗ БОЛСО...”

– Алдыда орундата турган максаттарым көп. Менден башка кол өнөрчүлүк менен алектенген ден соолугунун мүмкүнчүлүгү чектелген кыздар бар. Алар да капчык сыяктуу сонун буюмдарды токушат, бирок аларды сата турган дүкөн жок. Ушулардын баарын бир жерге коюп сата турган дүкөн болсо деп кыялданам. Мисалы, кичинекей баланын токулган байпагы 250 сом болот. Бирок дүкөндөргө өткөргөндө 350-400 сомго сатышат. Бул байпак үчүн кымбат баа болгондуктан, биздин товарлар жакшы өтпөй калат. Өзүбүздүн баа менен бир дүкөнгө коюп сатсак кардарларыбыз көп болмок деп ойлойм. Социалдык тармактарда ишмердүүлүк кылган майып кыз-келиндердин баракчасы бар. Жасаган буюмдарыбызды Фейсбукка жарыялайбыз. Бирде жакшы өтсө, бирде өтпөй калат. Кээде кардарлар "кайсы жерге барып көрсөк болот?" деп сурашат. Үйдө такай болбойсуң да, дүкөнүбүз болсо ошол жерди айтып койсок кардарга да, бизге да ыңгайлуу болмок.

“7 ЖЫЛДАН БЕРИ ГЕМОДИАЛИЗ АЛАМ”

Бул салондун экинчи чебери Жылдыз Иманбаева 10 жыл мурун бөйрөк оорусуна кабылган.

– Менин атым Жылдыз, 29 жаштамын. Бөйрөгүм ооруганына 10 жылдан ашты, 7 жылдан бери гемодиализ алып жашап келем. Бир жумада 4 жолу алам. 6 ай сайын жалпы текшерүүдөн өтүп турам. Сыртыбыздан ден соолугубуз жакшы көрүнгөнү менен, көп ооруйбуз. Эмнеден улам ооруп калганымды өзүм деле билбейм. Врачтар 1 жылдай аллергия деп дарылап жүрүшкөн. "Сасык тумоо өтүшүп кеткен" деген да версияны айтышкан. Кийинки диагноздо "ангинадан улам болду" деп айтышты. Атам каза болуп калган, апам мени карап үйдө, иштебейт. Байкем, жеңем менен Бишкектин Ала-Тоо-3 конушунда турам. Мектепти бүтүп, №20 кесиптик лицейде окудум. Жогорку окуу жайга тапшырайын деп жатканда ооруп калдым. Учурда бөйрөк алмаштыруу үчүн каражат чогултуп жатам. Өткөн жылы Түркиядан донор чыгып, бирок акча жетпей барбай калгам. Быйыл жеңилдетилген квота менен
12 000 доллар деп жатышат. Азыр эң негизги максатым – аман-эсен бөйрөгүмдү алмаштырып алуу. Туугандар болушунча каражат чогултканга жардам беришти. Бирок ошондо деле чоң суммадагы каражат чогултуу кыйын экен.

6 бир тууганбыз, мен төртүнчүсүмүн. Бир эжем, эки байкем, эки иним бар. Инилеримдин бири студент, бири келишимдик негизде аскер кызматында иштейт. Эжем турмушка чыккан. Бир байкем Улуттук көркөм сүрөт академиясында мугалим болуп иштейт.

Ооруп калганда бир аз чүнчүдүм. Бөйрөгүм шишип, үйдөн көп чыга алчу эмесмин. Гемодиализ алган 15тей киши бар эле, ошолор менен убакыт өткөрчүмүн. Мамлекеттен 3000 сом пенсия алам.

“ТААНЫШ КЫЗЫМ АРКЫЛУУ КЕЛИП ОКУП КАЛДЫМ”

– Тааныш кызым визажист курсун окуп жаткан экен. Бир күнү “модель болуп берчи” деп чакырып калды. Келип мен да кызыгып калдым. “Гемодиализ алам, 1-топтогу майыпмын го, айтып көрчү” дедим. 2 жумадан кийин телефон чалып, долбоордун 2-этабына чакырышты. Башында маникюр жагына кызыккам, бирок визажист курсун бүтүрдүм. Курс аяктаганча токуганды да үйрөндүм. Окуп бүткөндө сынак өткөрүлүп, 2-орунга ээ болуп, косметикалык каражаттардын топтомун утуп алдым. Бирок макияж жасап иштей элек болчумун. Кийин ошол курска катышкан кыздарды Ысык-Көлгө лагерге алып барышты. Ал жактан Оскар деген байке менен таанышып калып, анын аялы “кирпик чаптаганды үйрөтөм, окуйсуңбу?” деди. Дароо макул болуп, аны да өздөштүрүп алдым. Мага кирпик чаптаган жагып калгандыктан ушул жаатта иштеп жатам.

Окуу курсун бүткөндөн кийин Роза эже экөөбүз чогуу кардарлардын үйүнө барып иштеп көрдүк. Бирок кардарлардын үйлөрү алыс болгондуктан, такси менен жүрүп кыйналдык. Анын үстүнө кирпик чапташ үчүн атайын орундук, лампа керек да. Ошондуктан үй шартында ыңгайсыз болот экен. Ошентип демөөрчү издеп жүрүп чакан сулуулук салонун ачып алдык. Башында тажрыйба топтойлу деп тапканыбыз жолго кетсе да иштеп жүрдүк. Колумду көндүрүш үчүн моделдерден материалдын чыгымына кеткен сумманы эле алып жүрдүм. Азырынча кардарларыбыздын баары тааныштар. Бирок бизде арзан, мисалы, 3D кирпик – 600 сом, 2D кирпик – 500 сом.

Үй-бүлөбүздө чыгармачыл кишилер көп. Байкем скульптор. Андан таасир алсам керек. Азыр кагаздан гүл жасаганды да үйрөнүп жатам.

Айпери Хожаева
koom@super.kg



Тагдыр. "Майыпмын деп отуруп калбай, салон ачтык"

Автор: Алтынай Тынышова
Оператор: Айбек Алимов, Руслан Алыбаев

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(4)
21.10.2019. 13:02 
Тайпасы:
Жаран
Комментарийлердин саны:
55
Катталган:
15-08-2017
Соӊку аракети:
15-11-2019 07:58
Жынысы:
Белгисиз
+8
Аллахым бекем ден-соолук,оорунуздарга шыфаасын берсин.Ишиниздер ийгиликтүү болсун.Азаматсыздар
21.10.2019. 16:16 
Тайпасы:
Жаран
Комментарийлердин саны:
72
Катталган:
01-06-2015
Соӊку аракети:
16-11-2019 22:27
Жынысы:
Белгисиз
+6
Азаматсынар кыздар. Буюрса баардык жакшы кундор алдыда
22.10.2019. 04:00 
Тайпасы:
Жаран
Комментарийлердин саны:
26
Катталган:
08-01-2019
Соӊку аракети:
15-11-2019 22:02
Жынысы:
Белгисиз
+3
Азамтсынар кыздар,ишинерге ийгилик,бекем ден соолук.
23.10.2019. 12:26 
Тайпасы:
Конок
Комментарийлердин саны:
3
Катталган:
22-10-2019
Соӊку аракети:
17-11-2019 14:31
Жынысы:
Белгисиз
+4
Ийгилик кыздар кудай озу колдосун!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23199;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: