«Жылдын супер саундтреги»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Азиз Амадалиев: "ЛАТВИЯДА УБАКЫТТЫ ТУУРА ПАЙДАЛАНЫШАТ"

№885 17-23-октябрь, 2019-жыл


Заманбап ой жүгүрткөн кишилер "өлкөнүн келечеги үчүн адамга инвестиция жасоо керек" деп айтып келишет. Билим алууга жасалган инвестиция сөзсүз жемишин берери талашсыз. Чет өлкөдөн билим алган кыргызстандык жаштардын көбү чет элде калып, карьера жасоону көздөсө, биздин бүгүнкү каарманыбыз Азизбек Амадалиев “өз өлкөмө жарактуу кадр болуп кайтууну каалайм” дейт. Учурда Латвияда билим алып, иштеп жаткан кыргыз жигитинин баянын сунуштайбыз.

“ЛАТВИЯДА ИРИ ФИНАНСЫ МЕКЕМЕЛЕРИНИН БИРИНЕ ИШКЕ ОРНОШТУМ”

- Аты-жөнүм – Азизбек Амадалиев, кичи мекеним – Жалал-Абад облусунун Кочкор-Ата шаары. Чыңгыз Айтматов атындагы №28 орто мектепти 2012-жылы аяктап, Бишкектеги Кыргыз-Түрк “Манас” университетине тапшыргам. Ал жерден 2017-жылы финансы жана кредит багытында бакалавр даражасына ээ болдум. Университетте окуп баштаган алгачкы жылдары эле алдыма чет өлкөдөн окуумду улантып, тажрыйба алууну максат кылып койгом. Ушул изги тилек менен чет өлкөдө билим алуучу программаларга бир канча ирет сынак тапшырып көрдүм. Мүмкүнчүлүгүмдү сыноо максатында “Латвия мамлекеттик стипендиясы” программасына тапшырып, өтүп кеттим. Ошентип 2017-жылдан бери Латвияда окуп, жашап келем. Бул жакта бизнес жана башкаруу багытында магистрдик ишимди жактадым. Магистратурада окуп жүргөндө эле көбүнчө финансы багытына басым жасачу элем. Тажрыйба топтоо максатында бул жактагы Швециянын ири финансылык мекемелеринин биринде иштей баштадым. Учурда ошол компанияда жалпы инвестиция багытында, финансылык операцияларды жүргүзүү жаатында иштейм. Кыргызстанга татыктуу кадр, жарактуу адис болуп кайтууну каалайм.

“ЛАТВИЯДА БИЗНЕС БАШТОО ОҢОЙ”

- Өзүңүздөр билгендей, Латвия мурда СССРге мүчө болгон. 2004-жылы Евробиримдикке мүчө болуп киргенден кийин кескин түрдө өнүгө баштаган. Евробиримдик адам укуктарынын, мыйзамдын сакталуусунун туу чокусуна жеткен уюм болуп саналат. Бизден аянты жана калкынын саны боюнча артта. IT тармагынан кыйла алдыда десем болот. Мамлекетте стабилдүүлүк бар. Башка өлкөлөргө салыштырмалуу стабилдүүлүк сакталып, ошол эле учурда кескин түрдө өзгөрүү жасай алган өлкө. Бул сейрек кездешкен көрүнүш. Бул жакта Евробиримдиктин тийгизген оң таасири аябай байкалат. Билим берүү тармагында аябай көп мүмкүнчүлүктөр бар. Мисалы, өтө чоң масштабдуу “Erasmus+” аттуу долбоор бар. Ал студенттерди башка өлкөлөргө тажрыйба алмашуу программаларына, стажировкага жиберүү, илимий изилдөө жүргүзүүгө багытталган ири долбоор болуп саналат. Мен да ошол программа менен Европанын бир нече өлкөлөрүндө болдум. Былтыр 5 ай Германиянын Гамбург шаарында кесибим боюнча практикадан өттүм. Чындыгында өтө пайдалуу болду. Андан тышкары Евробиримдиктин аймактарды өнүктүрүү фонду коомго пайдалуу долбоорлор, бизнес-стартаптар болсо каржылап берет. Латвияда бизнес баштоо оңой. Финансылык каржылоо мекемелеринин үстөк пайызы Евробиримдиктеги башка өлкөлөргө салыштырмалуу өтө төмөн, ошондуктан жеңил түрдө алса болот.

“МАМЛЕКЕТТИК ТИЛДИ БИЛБЕГЕН АДАМГА ИШКЕ ОРНОШУУ ООР”

- Адам укугу, жеке укуктар өтө катуу сакталат. Азыркы маалымат доорунда жеке адамдын маалыматтарынын сакталышы бузулган фактылар көп катталып жатпайбы. Бул жакта былтыркы жылдан бери “Жалпы маалыматтарды коргоону жөнгө салуучу мыйзам жыйындысы” иштелип чыгып, ишке кирген. Мисалы, бир киши тууралуу маалыматты же анын сүрөтүн ошол кишинин өзүнүн уруксатысыз жарыялай албайсың. Маалымат каражаттарына да, социалдык тармактагы баракчаларга киргизүү үчүн да анын өзүнүн уруксатын алыш керек. Эгер уруксатсыз пайдаланса өтө чоң көлөмдөгү айып пул төлөгөнгө туура келет.

Бул жакта мамлекеттик тилге абдан басым жасашат. Мамлекеттик тилди билбей жумушка орношуу өтө кыйын, дээрлик мүмкүн эмес. Эң жөнөкөй жарнамалардан баштап, көчөлөрдүн аттары, мекемелердин аталышы, кире беришиндеги маалымат такталары мыйзам боюнча сөзсүз түрдө латыш тилинде болушу керек. Чет өлкөлүктөргө латыш тилин үйрөтүүгө багытталган мамлекеттик курстар бар.

“ЛАТЫШ КАЛКЫНДА БИРӨӨНҮ СЫНДАП ОТУРУУГА УБАКЫТ ЖОК”

-Латыш калкына өзгөчө мүнөздүү нерсе – токтоолук. Бир нерсе баштаганда шашпай карап чыгып, так пландын негизинде иш кылышат. Мени биринчи күндөн эле таң калтырганы убакытка абдан тактыгы болду. Алдын ала план коюп жашашат. Негизи адамдар бул жакта өзүнө инвестиция жасоого көп аракет кылышат. Саясат же бирөөнү сындап отурууга убактылары жок, андайдан алыс. Эл жумушунан сырткары жеке жашоого өзгөчө көңүл бурушат. Мисалы, спорт менен машыгып, чуркап жүргөндөр көп. Жаш-кары дебей машыгуу залдарына жазылганы кадыресе эле көрүнүш.

Бир жумада 5 жумуш күнү болсо так иштешет. Эс алуу күндөрүн, же жумуштан сырткаркы убактыларын сөзсүз өзүнө, үй-бүлөсүнө арнашат. Мисалы, бизде, Кыргызстанда жума ичинде иштеп, бүтпөй калган иштерин аптанын акырына калтырып, эс алуу күндөрү да иштегендер көп. Кийинки дүйшөмбүдө эс албаган чыңалуу абалында жумушка барышат. Мындай учурда, албетте, жумуштун эффективдүүлүгү жоголот. Ошондуктан Латыш эли өздөрүнө күнүмдүк иштерди гана белгилеп, ошону так, убагында бүтүрүшөт. Келерки күндүн убайымын жебей, бүгүнкү күнүн баалашарын байкадым.

“РИГАДА КЫРГЫЗДАР АЗ”

- Ригада кыргыздар башка Европа өлкөлөрүнө салыштырмалуу аз. Мен билгендерден иштеп же окуп жүргөн кыргыз боордошторубуздун саны онго жетпейт. 2 жолу чогулуп жолуктук. Биринчи жолугушууда таанышып, кийинкисинде чогуу улуттук тамак-аштарыбызды жасап жеп, баарлаштык. Бул жакта окуу октябрда башталат. Эми жаңы окуу жылында студенттер, магистранттар келсе алар менен таанышып, чогуу иш-чараларды өткөрүүгө аракет кылабыз.

Менин оюмча, студент университетте билим алуу менен гана чектелбеши керек. Бош убактымда өзүм тандаган адистик боюнча окууларга, онлайн курстарга катышууга аракет кылам. Мисалы, “Coursera” деген онлайн платформадагы көп тармактуу курска катышам. Бул жакта спорт менен машыгуу кадимки эле нерсе, жумуштун алдында эртең менен денени чыңдоо көнүгүүлөрүн аткарам, китеп окуйм. Ишемби күндөрү бул жактагы чет өлкөлүк досторубуз менен футбол ойнойбуз.

Мектеп окуучуларына, студенттерге, жалпы эле замандаштарыма азыркы учурда издениш гана керек деп айтат элем. Интернет булактарын туура пайдаланып, ар кандай программаларга катышып, чет өлкөдөн тажрыйба алыш керек. Максаттарды кагазга түшүрүш керек экен. Себеби мен университетте 1-курста окуп жүргөндө ушул максаттарды блокнотума жазып койгон болчумун. Бүгүнкү күндө алардын баары бир аз өзгөрүүлөр менен болсо да ишке ашып жатат.

Айпери Хожаева
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(3)
21.10.2019. 10:26 
Тайпасы:
Жаран
Комментарийлердин саны:
34
Катталган:
18-05-2016
Соӊку аракети:
15-11-2019 19:29
Жынысы:
Белгисиз
0
Азиз азаматсын брат. Сени Байтиктен бери тааныйм
21.10.2019. 12:30 
Тайпасы:
Жаран
Комментарийлердин саны:
65
Катталган:
12-04-2015
Соӊку аракети:
16-11-2019 16:06
Жынысы:
Белгисиз
Калаасы:
АКСЫ
+1
Мололец
24.10.2019. 18:48 
Тайпасы:
Жаран
Комментарийлердин саны:
112
Катталган:
20-09-2013
Соӊку аракети:
25-10-2019 14:22
Жынысы:
Белгисиз
+1
Ушундай темаларды көп чыгарсаңар жакшы эле Супер-Инфо.Жашым 28-ге барып калса да чет өлкөдөн билим алып,ар тараптан өнүккөн адам болгонду кыялданам.Балким мага окшоп кыялдангандарга бир аз болсо да стимул болот.
Айдана Деканы эмес ушул баланы негизги фонго койсоңор болмок.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23199;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: