«Жылдын супер ырчы айымы»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Ырыс Окенова, режиссёр: "СЕРИАЛДЫН ЧЫГЫМЫН САМАРА КАРИМОВА ТӨЛӨГӨН ДЕГЕН УШАК ЧЫГАРЫШТЫ"

№885 17-23-октябрь, 2019-жыл


“Акшоола” телесериалын тарткан режиссёр Ырыс Окенова менен КТРКнын жетекчилиги ортосунда чыр чыкты. Режиссёрдун айтымында, сериал канча акчага тартылганы тууралуу “Азаттык” такталбаган маалымат таратып жиберген. Телесериалга анда жазылгандай, 250 миң доллар эмес, 25 миң доллар сарпталып, анын 8 миң доллары гана төлөнгөнүн, калганын ала албай жүрүп чыр күчөп кеткенин каарманым баяндап берди.

– Ырыс айым, учурда талкуу чордонунда болуп жаткан чыр эмнеден башталды?

– Негизги чыр сериалдан башталды. Маалым болгондой, 23 сериядан турган “Акшоола” сериалын былтыр тарткам. Ал болгону 25 миң долларга тартылды. 8 миң долларын КТРК жарнама компаниясы менен бирге төлөп беришкен, бирок калган акчасын кийин беребиз дешкен. Мурунку жетекчи убагында чечилбей калган маселе Жайнак Үсөн уулу келгенден кийин да чечилген жок. Сериалды КТРК өзүбүздүкү деп жарыялады, мага эч нерсе төлөнгөн жок. Өзүмө деле сурабайт элем, талашка түшкөн акча – бул сериалга кеткен чыгым. КТРКда сериал тартууга ылайыкташкан эч бир техника жок, болгону эки оператор, анан мен иштегенбиз. Жарык, интершум менен иштеген адам, локация, актёрлордун гонорары, съёмка учурундагы кийимдер, тамак-аштын баарына өзүм чуркадым. Кээ бирин сүйлөшүп, кээ бирин жарым акчасын төлөп тартканбыз. Бир учурда 6-7 адамдын жумушун аткардым, бул жеке менин эмгегим.

– Сериал тартылардан мурун каражат жагы кандай сүйлөшүлдү эле?

– Сериал жарнаманын эсебинен тартылмак. КТРК жарнамалык мүнөттөрүн дүң баада сатып жиберет экен, ал эми сатып алган компания аны кайра кымбат баада сатып, алып-сатарлык менен алектенет. Мен дыйкан катары өндүргөн товарды КТРК алды да, эфирден көрсөтүп туруп “рынок азырынча сериалды көтөрбөйт экен” деген шылтоо менен акчасын төлөбөй коюшту. Сериалдын каражат жагын башкарган укукту КТРК “Куазар” деген жарнамалык компанияга берген. Төлөп берүү үч бөлүк менен берилмек. Биринчи – көрсөтүү болгондо жарнаманын эсебинен, анда топтолбосо чет элге сатуу каралган эле. Биринчи жолу эфирге берилгенден кийин эле жарнамалык компания кетенчиктей баштады. Ал эми КТРКнын жетекчилиги аларды ордуна коюп чыгымды өндүрүүнүн ордуна кайра мени кодулай баштады. Өздөрү биринчи жолку сериалыбыз деп мактанган сериалын, өз кесиптешин коргобой, сыртта, маселени ийне-жибине чейин билбеген “Азаттыктын” такталбаган маалыматына ишенип алды. Кыргызстандын чоң машинасы болуп турган КТРКга бир жөнөкөй жарнамалык компания акчасын бербей сүйрөйт деген үч уктасам түшүмө кирген эмес. Сериал прайм-таймда турса, жарнамалар кетип жатса, эмнеге чыгым жабылбай калат? Башка бир жакка кетип жаткан акчаны бул сериалга буруп койгондо чыгым жабылып калмак. Акчанын башка баштыкка түшүп жатканы кимдир бирөөнө ыңгайлуу окшойт. Бул схема башынан эле бар экен. Жарнамалык акча кандай жол менен кимге түшүп жатканы белгисиз. КТРКнын учурдагы башкы директору бул маселени чечип берем деп жүрдү. Элге азыр сериал керек, тасмалар керек. Башталган ишти мындан ары алып кеткенге мүмкүнчүлүк болуп турса колдонбой коюшту. Акчанын аркасынан канча сүйрөлүп жүрдүм. “Ана-мына” деп жүрүп жетекчинин мага берген акыркы жообу: “Азаттык" жазып чыкты го, 250 миң доллар бөлүнүптүр”,- деди. Күлкү келерлик окуя, эгерде чындап ошондой сумма бөлүнсө таптакыр башкача сериал тартмакмын.

– “Азаттык” сериалга 250 миң доллар сарпталган деген маалыматты кайдан алды?

– Маалымат чыккандан кийин эле аны жазган журналист Альбина Сулаймановага байланыштым. “Мени менен байланышып туруп жазбайсыңбы, бул кайдан келген сумма? Бизде иштеп кеттиң эле, мени оңой эле табат элең го” дедим. Ал “мен аны орусча тексттен которгом” деп айтты. Учурунда ал журналист жетекчилигине кайрылып “менден ушундай ката кетти” деп айтып түзөтүү беришсе болмок. Чыгары менен Фейсбук баракчама “кайдагы нерсени айтып жатасыңар, сериалдын тарыхында андай акча бөлүнгөн эмес. “Азаттык”, калп, такталбаган маалымат жазып жатасыңар” деп жазгам. Эч кандай тактоо берилген жок. Айтылган макаладан ошол жерин гана кесип салышыптыр. “Ошончо акча бөлүнүп, аны Ырыс жеп алды” деп мени шектене карагандар, аброюма шек келтиргендер болду. Атүгүл жетекчибиз да ишенип алды. Жетекчи катары финансылык директорду, юристти чакырып тактатып алса болот эле. Профессионалдуу, тыкыр иликтөө жүргүзүп мага бул цифра кайдан келип чыкканын таап бериши керек эле. Анын ордуна мени түртмөлөгөнгө өттү. Ушуга эле улай актриса Самара Каримова (ред.: "Акшоола" сериалында башкы ролду ойногон) сериалдын каражатын төлөп коюптур деп чыгышты. КТРКдагы интриганы сүйгөн адамдардын "Самара төлөдү" дегендери жетекчиге таасир берди окшойт. Ал 7 ай бою биз менен жүрүп, тойлорун, иштерин токтотуп коюп, ролду аткарып, анан эмне үчүн бизге акча төлөп бериши керек? КТРК ушактын деңгээлинде иш кылып калганы өкүндүрөт. Логикалык ойлонуу такыр жок. Үмүтүм калбаганда президент Сооронбай Жээнбековго кат жаздым. Ошондо мага карата куугунтук башталды.

– Жогорку Кеңештин депутатын чакырып “Манас” аталышындагы арак тууралуу дебат учурунда чыр чыкты” деп да жаздыңыз...

– Биз “Манас” аталышындагы арак тууралуу эфир даярдап жатканбыз. “Ким макул?” деген долбоор июнь айында бекитилип, иштеп жаткан элек. Талкууга ушундай маселелерди көтөрүп жүргөн депутат катары Рыскелди Момбековду чакырган болчубуз. Ал киши, көрсө, оппозициячыл маанайдагы депутат деп эсептелинет экен. Менин мындан кабарым деле жок болчу. Көрсөтүүнү жолдошум, манасчы Дөөлөт Сыдыков экөөбүз алып барып жатканбыз. Түз эфир учурунда башкы директор продюсерге чалыптыр, ал режиссёрго чалыптыр. Ал учкуч сымал да, пульттан такыр жылбашы керек эле, аны зордоп жиберишиптир. Кулагымдагы наушникте ызылдашып эле жатышты. Эфирди эптеп бүтүрдүк, кийин башкы директор Жайнак Үсөн уулу өзүнө чакырды. “Эмнеге мындай дебат жасадыңар, долбоор жабылсын” деди. Мен эмне тууралуу дебат кыларымды Жайнак Үсөн уулунан сурабайм да. Мен түздөн-түз өз жетекчилигимден сурайм. Менин “Манас” арагы тууралуу талкуу уюштура турганымды алар билишчү. Жабылсын дегенде “Эмнеге жабылат?” дедим. “Кадрда динамика жок, анимация, шапка начар” деди. Качан башкы директор шапканы карачу эле? Ал үчүн башка толтура кызматкер бар. Башкы директор эфирдин шапкасын карап отурса 6 канал, бир нече радио, кайда калат? Иши кылып жаба турган болду. “Сиз Манаска каршысызбы?” дедим аягында. Менин түз суроомо жооп берген жок. Сериалдын каражаты тууралуу ортобузда келишпестиктер бар болчу. Ички туюмум менен менин ишмердүүлүгүмө каршы экенин байкадым.

– Сизди кетириштиби же өзүңүз арыз жаздыңызбы?

– Өзүм арыз жаздым. Мен ишимди аябай жакшы көрчүмүн, эки күн барбай калсам сагынып кетчүмүн. Эки жолку революцияда чогуу турдук. КТРКга чабуул болгондо ыйлаган күндөрүбүз болгон. Ал жерди мен азыр да сыйлайм, болгону жетекчилик тараптан кысым көрсөтүлгөн абалда иштей албай калдым. Мен жаратманмын, чыгармачыл адаммын. Эмгегимди тебелеп-тепсеп, өзүмдү кысымга алышканына чыдай албай кеттим (ыйлап). Ооруканага жатып чыктым. Ушунча жыл иштеген ишим, кадыр-баркым тепселип калганына ыза болдум. Эми аягына чейин күрөшөм. Менин да чындыгым бар. “Азаттыкты” жалган маалыматы үчүн сотко бердим.

– Арызыңыз сотто кабыл алындыбы?

– Кабыл алынды. 10 күндүн ичинде кабар беребиз дешти.

– Жолдошуңуз Дөөлөт Сыдыков экөөңүздөрдү “аялынын сөзүн сүйлөп, анын ишине аралашпай “Манасын” айтып жүрө берсе болмок” деген да сөздөрдү жазып жатышат бул сизге катуу тийдиби?

– Катуу тийди. Мен үчүн үй-бүлөм ыйык. Жеке жашоомо да сөз тийип жатат. “Манас” жолдошума ыйык болгон үчүн ал мага ушул темаларды карап көрчү дегенинен улам бул темаларды талкууга койгом. “Манас” тууралуу сценарий жазуу колумдан келбейт эле, анын демилгеси менен ушул иштерди кылып келебиз. Дөөлөт кайда болбосун “Манасты” даңазалап, соккуларга төшүн тосуп келет. Мен аны эмес, ал мени ушул темага ээрчитип келди. Бул эң туура тандоо деп ойлойм. Адам эч убакта өзүнүн өткөнүн унутпашы керек.

– Маегиңизге рахмат. Чыр тез арада басылып, ден соолугуңуз калыбына келишин каалайбыз.

Нуржамал Жийдебаева
star@super.kg



Ырыс Окенова: "Сериалдын чыгымын Самара Каримова төлөгөн деген сөз калп"

Автор: Амирбек Исмаилов
Оператор: Батырбек Зарлыков

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(17)
21.10.2019. 09:35 
Тайпасы:
Жаран
Комментарийлердин саны:
133
Катталган:
06-11-2016
Соӊку аракети:
19-11-2019 19:13
Жынысы:
Белгисиз
+9
Биздин эле эле бир нерсени жасап коюшуп, аркасынын чырдашып эле жатып калмай. Садиктеги эле балдар. Президентти деле киши ордуна көрүшпөй калган окшойт да,
21.10.2019. 10:33 
Тайпасы:
Жаран
Комментарийлердин саны:
89
Катталган:
18-02-2015
Соӊку аракети:
15-11-2019 19:05
Жынысы:
Белгисиз
Калаасы:
Ош
+2
Баарына Азаттык куноолуу экен да. Азыр эч кимге Азаттыкты укпай,ишенбей да калышты. Элдин ишенимине киребиз деп эле качан караба такталбаган маалымат жазып чырдашып эле журушот. Эже соттон утуп чыгып оз наамын актап кайра ишке келуусун талап кылабыз!
21.10.2019. 12:57 
Тайпасы:
Жаран
Комментарийлердин саны:
2
Катталган:
18-07-2019
Соӊку аракети:
22-11-2019 12:45
Жынысы:
Белгисиз
+3
Ушул эжекеде таптакыр режиссердук талант жок. Жөн эле акча коротуп сериал тартпай эле койсо жакшы болмок.
21.10.2019. 18:14 
Тайпасы:
Жаран
Комментарийлердин саны:
21
Катталган:
04-12-2018
Соӊку аракети:
21-11-2019 19:13
Жынысы:
Белгисиз
Калаасы:
Москва
0
Nourlan,Мен жаратманмын, колуман баары келет деп атпайбы... Элге жагабы, жакпайбы иши жок
21.10.2019. 13:54 
Тайпасы:
Жаран
Комментарийлердин саны:
10
Катталган:
11-07-2017
Соӊку аракети:
16-11-2019 18:55
Жынысы:
Белгисиз
+5
Эми бир сериал тарса,ошону да ызычуу кылгыла.Буттан тартканды качан коёт экенбиз
21.10.2019. 14:23 
Тайпасы:
Конок
Комментарийлердин саны:
3
Катталган:
20-09-2019
Соӊку аракети:
21-11-2019 23:11
Жынысы:
Белгисиз
+1
Lostfilm,Netflix тарткан сериалдардай сериал тартышса бири биринин канын ичишмек экен. Алардын тартканына он жылдан ашкан сериалдарын кайталап корсон да тажатбайт.
arnal78 түзөттү 2019-10-21 14:24:37
21.10.2019. 15:05 
Тайпасы:
Жаран
Комментарийлердин саны:
103
Катталган:
21-09-2012
Соӊку аракети:
21-11-2019 17:42
Жынысы:
Белгисиз
0
Ушул эжени такыр сыйлабайм бир жылы жылдын мыкты ырчысы деп конкурс уюштура калып.Добуш боюнча Кенже Кобокова алса дагы сахнадан Самара Каримовага берип койгон.
22.10.2019. 02:37 
Тайпасы:
Жаран
Комментарийлердин саны:
2
Катталган:
05-07-2019
Соӊку аракети:
21-11-2019 19:41
Жынысы:
Белгисиз
+4
Азаттык акыркы учурда ото ото кооп баратат.озум билем отугум торго илем кылып!азаттык жазса туура.а чыныгы ошол окуянын кубосу же ошо окуяга тиешелуу адам айтса аныкы жалган болуп калды!негизи эле журналистерди бир аз сыгып койуш керек!а то кооп баратат
22.10.2019. 02:38 
Тайпасы:
Жаран
Комментарийлердин саны:
2
Катталган:
05-07-2019
Соӊку аракети:
21-11-2019 19:41
Жынысы:
Белгисиз
0
Азаттык кооп баратат!азаттык жазса туура.а ошо жазылган окуянын каарманы озу айтса жалган!
22.10.2019. 14:56 
Тайпасы:
Жаран
Комментарийлердин саны:
4
Катталган:
01-05-2017
Соӊку аракети:
31-10-2019 01:12
Жынысы:
Белгисиз
+7
Кыскасы КЫРГЫЗ ЭЛИМ аман эле болгула ! Аман эле болгула .Өзбектердей кино тартып калсаңар барбы өлмөксүңөр тытышып жыртышып.Ошончун да Кудай бизди кедейчиликти берип койгон .Болбогон Акшоолага 250миң $ .Саны бар сапаты жок сериал .Мага негизи кыргыз киносу такыр жакпайт өтө начар продюсерлер детиский мультикке окшоп тартышат.Жаман көрсөңөр жаман көрө бергиле .
24.10.2019. 00:34 
Тайпасы:
Жаран
Комментарийлердин саны:
24
Катталган:
22-01-2019
Соӊку аракети:
21-11-2019 21:50
Жынысы:
Белгисиз
+1
Agayu,кошулам ...мен да ичим эч жылыбайт кинолорубузга...болгону 2-3 сериял кинобуз бар анысы да чыр менен.Ак шооланы твдан козум чалынып жатты бирок такыр корбодум кызыгып...Озбектер бизден алда канча алдыда сериялынан коп нерсе жок...Бокира деген сериялын коруп жатам азыр мен...(темадан сырткары кечиресиздер)...
22.10.2019. 21:05 
Тайпасы:
Жаран
Комментарийлердин саны:
271
Катталган:
09-04-2019
Соӊку аракети:
22-11-2019 11:55
Жынысы:
Белгисиз
0
Ырыс эженин эмгеги зор КТРК учун. Азаттык эмнегедир акыркы кундору жалган маалымат таратып, бироону каралоо менен алектенип калган сыяктуу.
22.10.2019. 21:11 
Тайпасы:
Жаран
Комментарийлердин саны:
271
Катталган:
09-04-2019
Соӊку аракети:
22-11-2019 11:55
Жынысы:
Белгисиз
+7
Президентке жазган катынарды билип калып жетекчилик кысымга алды да коррупциялык схема билинип калат деп. Туура эле кылгансыз. КТРКнын реклама болугундо ото чон каражат ойнойт, ошонун бетин ачууга салым кошот элениз.
23.10.2019. 03:09 
Тайпасы:
Жаран
Комментарийлердин саны:
5
Катталган:
15-07-2018
Соӊку аракети:
12-11-2019 01:27
Жынысы:
Белгисиз
+1
Азаттыкты кимдер каржылаганы белгилуу, бирок бул айым Толобеков менен да урушуп журду эле го сыягы... Же акынызды коп жедиресиз же чырга жакынсызбы айтор мага ушундай эки ача пикир келди...
24.10.2019. 15:21 
Тайпасы:
Жаран
Комментарийлердин саны:
131
Катталган:
05-05-2014
Соӊку аракети:
22-11-2019 13:19
Жынысы:
Белгисиз
0
Tiken,жедирбейт акысын))
25.10.2019. 01:07 
Тайпасы:
Конок
Комментарийлердин саны:
15
Катталган:
01-10-2019
Соӊку аракети:
21-11-2019 21:24
Жынысы:
Белгисиз
0
250мин$ Отто коп акча... Ырыс эже айткандай, башкача тартылат бш керек эле. 25мин$ кетти десе ишенесин. Азаттык, деги эле кээде бир журналистер тактабай эле "имиш " мн жазып калышты.Ушуларды козомолдогон орган барбы?
28.10.2019. 11:31 
Тайпасы:
Супермодератор
Комментарийлердин саны:
864
Катталган:
19-11-2013
Соӊку аракети:
22-11-2019 12:52
Жынысы:
Белгисиз
0
baku24, этика нормаларын сактаңыз. Эскертүү!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23227;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: