«Жылдын супер футболчусу»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

«КАТАР-2022»: «АК ШУМКАРЛАР» ТАРЫХЫЙ ЖЕҢИШ ЖАРАТТЫ

№885 17-23-октябрь, 2019-жыл


«Катар-2022» Дүйнө чемпиондугуна тандап алуу оюндарынын алкагында кыргыз курамасы октябрь айында эки беттеш өткөрдү. Алгач 10-октябрда Бишкекте "Ак шумкарлар" Мьянма курамасы менен ойношсо, 15-октябрда Монголияга каршы конокто беттеш өткөрүштү.

Быйыл 5-сентябрда Тажикстанга жеңилип калган кыргыз курамасына Дүйнө чемпиондугуна катышуу мүмкүнчүлүгүнөн ажырап калбаш үчүн бул оюндарды жеңүү абадай зарыл эле.

КЫРГЫЗСТАН – МЬЯНМА ОЮНУНАН ФАКТЫЛАР:

  • 20 жаштагы Алимардон Шукуров бул оюнда эки гол киргизип, курама команда үчүн дубль жасаган эң жаш оюнчу болду;
  • Кыргыз курама командасы өз тарыхында эң ири эсепте жеңишке жетти. Буга чейин Кыргызстан 1997-жылы Мальдив курама командасын 6-0 менен утуп алган;
  • 27 жаштагы Валерий Кичин бул оюнда улуттук курама үчүн расмий беттештердеги алгачкы голун киргизди.

ТАЖРЫЙБА МЕНЕН ЖАШТЫК ШИРЕЛИШКЕНДЕ

Курама команданын башкы машыктыруучусу Александр Крестинин Кыргызстан-Мьянма оюну башталганга чейин эле күйөрмандарды кубандырды. Себеби ал алгачкы мүнөттөрдө оюн талаасына эки жаш футболчуну чыгарды. Алардын бири – Беларусь чемпиондугунда жылдызы жанып келе жаткан 18 жаштагы Гүлжигит Алыкулов болсо, экинчиси – Түркиянын 2-лигасындагы «Болуспор» клубунда топ сүргөн 20 жаштагы Алимардон Шукуров. Алардын жаштыгына тажрыйба кошо турган Мирлан Мурзаев, Эдгар Бернхардт, Валерий Кичин баштаган футболчулар да старттык курамда чыгышты. Бул оюнда жаракатынан улам 2 жылдан бери улуттук курама үчүн ойнобой келген Виктор Майер дагы оюн талаасына чыкты.

Крестининдин дагы бир өзгөчөлүгү – бул оюнда кыргыз курамасы 2 борбордук коргоочу менен оюн алып барды. Буга чейин Тажикстан менен болгон оюнда, ушул жылдын башында өткөн Азия Кубогунда да биздин команда 3 борбордук коргоочу менен ойногон. Бирок тажиктер менен болгон оюнда Кыргыз курамасынын коргонуусу чабал экендиги байкалган. Демек, ал оюндан соң Крестинин тактиканы өзгөртүүнү чечип, ийгиликтүү кадамга барды.

КҮЙӨРМАН КААЛАГАН ЖЕҢИШ

10-октябрь. Бишкек. Дөлөн Өмүрзаков атындагы стадион. Калыс оюндун башталганын билдирип ышкырык жаңыртты. Алгачкы гол көп күттүргөн жок. 4-мүнөт аяктап бара жатканда капитан Кичин каршылаштын бир оюнчусун алдап, Бернхардтка пас чыгарып берди. Ал өз учурунда 20 метр алыстыктан дарбазага таамай сокку жасады. Тез гол киргизип алган кыргыз оюнчулары дем-күч алып, 5 мүнөттөн кийин эсепти 2-0гө айландырды. Бул ирет Бернхардт голду башы менен киргизди. Мьянмалыктар өз оюнун издеп тапканча, Алыкулов сол капталдан баштаган чабуулун алгачкы ирет старттык курамга чыккан Шукуров гол менен жыйынтыктады. Андан соң кезек Алыкуловго келди. 25-мүнөттө ал дагы ысымын таблого жазганга жетишти. Биринчи таймдын акыркы секунддарында Кичин алыстан таамай сокку уруп Мьянма курамасынын дарбазачысын дагы бир ирет капалантты. Эсеп 5-0. Бул биринчи таймдын жыйынтыгы гана. Тыныгуу учурунда "Аргентина-Ямайка 5-0" деген ыр эске түштү.

Экинчи таймда Шукуров 2-голун киргизсе, Бернхардт 11 метрлик айып соккуну ийгиликтүү аткарып хет-трик жасады. Ал кыргыз курамасы үчүн хет-трик жасаган экинчи оюнчу болду. Буга чейин Виталий Люкс Азия Кубогунда Филиппин курамасына үч гол киргизе алган.

Жалпы эсеп 7-0. Мындай жеңишти бардык күйөрмандар каалаган, бирок күткөн эмес. Голдорго суусап турган күйөрмандар мындай жеңиштен кийин үйлөрүнө кеткиси келбей бактылуу көз ирмемде башка күйөрмандар менен чогуу болууну каалап, көпкө стадиондон тарашкан жок.

КОЛДООЧУЛАРДЫН ЭМГЕГИ

Бул күнү Дөлөн Өмүрзаков атындагы стадионго 13 миң адам чогулду. Күйөрмандар дагы бул оюнга мыкты даярдык менен келишиптир. Оюн башталганга чейин алар Кыргыз курамасынын футболкасын желбиретип, кооз перформанс тартуулашты. Мындай көрүнүш кыргыз футболунда алгачкы ирет болду. Фанаттардын мындай аракетин оюндан кийин башкы машыктыруучу Крестинин да баалады. Алгачкы 10 мүнөттө "Ак шумкарлар" 2 гол киргизди. Футболчуларыбыздын ийгилиги күйөрмандарды күүлөнтүп, колдоолор бир секундга тыйылбай, кыйкырык-сүрөөндөр токтогон жок. 25-мүнөттө эсеп 4-0 болгон соң күйөрмандарды токтотуу мүмкүн болбой калды. Бирде стадиондо чогулган фанаттар толкун кылышса, бирде телефондорунун жарыктарын күйгүзүп өзгөчө маанай тартуулап жатышты. Айтор, күйөрмандар бир мүнөт да тыным албай оюнчуларга чоң колдоо көрсөтүп турушту. Бул тарыхый жеңиш оюнчулардын, тренердик штабдын, Футбол федерациясынын гана эмес, күйөрмандардын да эмгеги десек жаңылышпайбыз.

Оюн аяктаарына бир нече мүнөт калганда футбол талаасына бир күйөрман жигиттин чуркап чыгышы маанайды бир аз түшүрүп, капалантты. Бирок аны чыныгы күйөрман деп айтуу да мүмкүн эмес. Себеби бул көрүнүш үчүн Азия футбол конфедерациясы менен ФИФА Кыргыз футбол федерациясын жазалаары анык. Кандай жаза болот, ал алдыңкы күндөрү белгилүү болот. Мындай көрүнүш биринчи ирет болуп жаткан жок. Буга чейин 2015-жылы Австралия менен болгон оюнда да күйөрман талаага чуркап чыгып, анда Футбол федерациясына 28 миң доллар айып пул салынган.

КЕРЕКТҮҮ 3 УПАЙ

Тарыхый жеңиштен кийин кыргыз курамасы Монголиянын борбор калаасы Улан-Баторго 3 упай үчүн сапар алышты. Буга чейин Кыргызстан менен Монголиянын улуттук курамалары футбол талаасында бир да жолу кез келген эмес.

Оюн Монголиянын Футбол федерациясынын жасалма футбол талаасында орун алды. 5 миң күйөрман баткан стадиондо ондон ашык кыргыз күйөрмандары "Ак шумкарларды" колдоп турду. Аз сандагы кыргыз фанаттарынын монголдорго караганда жигердүү колдоо көрсөтүп жатканы, албетте, оюнчуларга сүрөөн болду.

Оюндун 14-мүнөтүндө Мурзаевдин чыгарып берген пасын Алыкулов голго айлантты. Биринчи таймдын аягында Мурзаев өзү дагы айырмаланып, эсепти 2-0гө айландырды. Биринчи бөлүктөн кийин күйөрмандар кыргыз курамасы дагы ири эсепте жеңишке жетет деген үмүттө калган. Бирок бул ойлорго монгол футболчулары макул эмес болуп чыкты. Экинчи таймда монгол футболчулары мыкты ойноп башташты. 55-мүнөттө Кыргыз курамасынын капитаны Кичин айып аянтчасынан эреже бузду. Ал эми Монголиянын капитаны пенальтиден эсеп санын кыскартты. Монгол футболчулары голдон кийин өздөрүнө ишене түштү. Павел Матяш турган дарбазага байма-бай кооптуу абалдар жаралды. Бирок монголдор өз мүмкүнчүлүктөрүн пайдалана алышкан жок. Оюн соңуна чыкты. Кыргыз курама командасы өзүнүн мыкты оюнун көргөзө албаса дагы, конокто керектүү 3 упайга ээ болду! Мындан кийин Кыргыз курамасы F тайпасында 6 упай топтоп экинчи орунга чыкты.

Дүйнө чемпиондугуна тандап алуу оюндарынын кийинки этабына өтүү үчүн Улуттук курама команда алдыдагы оюндарда максималдуу упай топтогоо аракет кылышы керек.

Кубан Жумамидинов
sport@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(4)
21.10.2019. 14:38 
Тайпасы:
Жаран
Комментарийлердин саны:
9
Катталган:
11-09-2016
Соӊку аракети:
17-11-2019 19:53
Жынысы:
Белгисиз
+2
Жениш алга ак шумкарлар японияны да тажикстанды да женип бир тарыхый беттеш откоргуло уткула аз гол киргизип болсода расса кутуп жатабыз
21.10.2019. 14:40 
Тайпасы:
Жаран
Комментарийлердин саны:
9
Катталган:
11-09-2016
Соӊку аракети:
17-11-2019 19:53
Жынысы:
Белгисиз
+2
Тезираак 15 болсо качаан болот
21.10.2019. 14:41 
Тайпасы:
Жаран
Комментарийлердин саны:
9
Катталган:
11-09-2016
Соӊку аракети:
17-11-2019 19:53
Жынысы:
Белгисиз
+2
Экоону утсанар ошондо тарыхый беттеш десе болот
23.10.2019. 13:32 
Тайпасы:
Жаран
Комментарийлердин саны:
3
Катталган:
29-03-2014
Соӊку аракети:
17-11-2019 11:45
Жынысы:
Белгисиз
+1
Алга,Кыргызстан!Албетте,кийинки оюндарда бизге созсуз жениш керек.Ишенебиз курама командабызга.Кийинки оюндар,озубуздун жерде болот,ушул учурларды туура пайдаланып,упай алганга жетишели.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23199;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: