«Жылдын супер клиби»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ӨЛКӨГӨ УНАА КИРГИЗҮҮ 11 ЭСЕ КЫМБАТТАЙТ

№885 17-23-октябрь, 2019-жыл


Кыргыз Республикасынын Мамлекеттик бажы кызматы 2019-жылдын 31-декабрында транспорт каражаттарына болгон бажы алымдарынын жеңилдетилген тарифинин мөөнөтү аяктай турганын эскертти. Мындан улам 2020-жылдын 1-январынан тартып Кыргыз өлкөсүнө ЕАЭБден тышкаркы өлкөлөрдөн ташылып келген автоунаалардын бажы төлөмү дээрлик 11 эсе жогорулайт. Бул кырдаал өлкөнүн авторыногуна канчалык таасир берет? Бул кадамга Кыргыз коомчулугу даярбы?


ЕАЭБге КИРҮҮ ҮЧҮН КАДАМДАР

Кыргыз өкмөтү Евразия экономикалык биримдигине кирүүнү максат кылып, ал уюмдун шартына ылайык келиш үчүн ЕАЭБге кирбеген өлкөлөрдөн ташылган автоунааларга бажы төлөмүн 2014-жылы көтөргөн. Ошол жылдын сентябрь айынан баштап сырттан алынып келген автоунаалардын бажы төлөмдөрү көлөмүнө жараша 10 центке көтөрүлгөн. Тагыраагы, орто эсеп менен кыймылдаткычынын көлөмү 2000 см3 болгон унаага бажы төлөмү 200 долларга кымбаттаган. Ал эми 2015-жылдын 1-январынан тарта бажы төлөмү дагы 50 центке өсүп, 2000 см3 көлөмдөгү унаага бажы төлөмдөр 1000 долларга чейин көтөрүлгөн. Ошентип Кыргыз Республикасы Евразия экономикалык биримдигине 2015-жылы киргенден кийин чет өлкөлөрдөн ташылып келинген автоунаалардын бажы төлөмү жыл сайын көтөрүлө баштаган. Бийлик өкүлдөрү мындай кадам өлкөдө техникалык талаптарга жооп бербеген эски машиналардын азайышына алып келет дешкен.

Кескин түрдө бажы төлөмдөрүнүн жогорулап кетиши унаа сатып иштеген ишкерлерди кабатыр кылган. Атүгүл алар митингге чыгышып, бажы төлөмдөрүн төлөө оор болуп жатканын айтышып, жеңилдетилген мөөнөт берүүнү суранышкан.

2018-жылы 10-июлда өкмөт токтом кабыл алып, ага ылайык, сырттан ташылып келген автомобилдердин бажы төлөмү кайра азайтылып, 2014-жылга чейинки көрсөткүчкө түшкөн. Анда өкмөт бул жеңилдик 2019-жылдын 31-декабрына чейин иштейт деп айткан.

Мамлекеттик Бажы кызматынын басма сөз катчысы Жаманак Мусурканов 2020-жылдан тартып сырттан киргизилген автоунааларга бажы төлөмдөрү жогорулай турганы алдын ала эскертилген дейт:

– Кыргыз өлкөсү 2015-жылдан тарта ЕАЭБге мүчө. Мындан улам биздин өлкөдө уюмдун шарттарына туура келүү үчүн сырттан ташылып келинген унааларга бажы төлөмдөр көбөйгөн. 2018-жылдын 10-июлунан тартып Кыргызстанга ташылып келинген автоунааларга бажы алымдарынын өлчөмү убактылуу азайтылган. Тиешелүү токтомго өкмөт башчы Мухаммедкалый Абылгазиев кол койгон. ЕАЭБдин келишимине ылайык, Кыргызстан 2020-жылга чейин бажы жана салык төлөмдөрүн өзү каалагандай коюуга укугу бар. Мындан улам бажы алымдарынын жана салыктардын бирдиктүү тарифинин өлчөмү 2014-жылкы эсепке чейин төмөндөтүлгөн. Жаңы эрежелер 2019-жылдын 31-декабрына чейин иштейт. Мисалы, 2009-жылы чыккан 2500 см3 көлөмдөгү Toyota Camry автоунаасынын бажы төлөмү учурда 1250 доллар болсо, 2020-жылдан тартып 13 600 доллар болот. Ал эми учурда электромобилдерге эч кандай тариф жок болсо, жаңы жылдан баштап электромобилдердин бажы алымы унаанын баасынын 15 пайызын түзөт. Ал эми кошумча нарк салыгы 12 пайыз болот.

Ташылып келген автоунааларга бажы алымдарын учурдагы тариф менен сактап калуу мүмкүнчүлүгү бар экендигин экономика министри Санжар Муканбетов Жогорку Кеңеште билдирди. Ал Кыргызстанда Евразия экономикалык комиссиясына кайрылууга укук бар деди:

– Берилген жеңилдиктин мөөнөтүн узартуу боюнча учурда сүйлөшүүлөр жүрүп жатат. Негизи азыр ЕАЭБге кирген мамлекеттердин соода-сатыгы бир болуп калды да. Ошондуктан ар бир мамлекет өз автопаркын колдогонго багытталган. Андыктан азыр бул боюнча чоң суроолор болуп жатат. Өкмөттө да кеңешип жатабыз. Буюрса, алдыга жылабыз.

Эгер өкмөт ЕАЭБ менен сүйлөшө албаса, анда 2020-жылдын 1-январынан тартып Кыргызстанга ЕАЭБден тышкаркы өлкөлөрдөн ташылып келген автоунаалардын бажы төлөмү дээрлик 11 эсеге көбөйүшү мүмкүн. Ошондуктан мамлекеттик бажы кызматы жарандар менен ишкерлерге кайрылып, «чет өлкөдөн алынып келинген автоунааларды жаңы жылга чейин бажылык тариздөөдөн өткөрүп алсын. Автоунааны тыштан алып келүүгө буюртма бергендер, жогоруда көрсөтүлгөн убакытты эске алгыла» деп эскертти.

2019-жылдын 1-январынан 30-сентябрына чейин ЕАЭБден тышкаркы өлкөлөрдөн Кыргызстанга 17 304 унаа ташылып келинип, бюджетке 1 миллиард 659 миллион 439 миң сом бажы алымы түшкөн.

Замир Кожашев, ишкер: “СЫРТТАН УНАА ТАШЫП КЕЛҮҮЛӨР КӨБӨЙДҮ”

Бажы төлөмү көбөйсө ишкерлердин абалы кандай болот деп бул тармакта бир нече жылдан бери иштеп келе жаткан жарандарга кайрылып көрдүк. 65 жаштагы Замир Кожашев 20 жылдан бери унаа сатып ишкерлик кылып келет. Анын айтымында, учурда унаалардын саны абдан көп, бирок ага карабай бажы төлөмү көтөрүлөт деп унааларды ташуу жанданды дейт.

– Учурда ишкерлер кредит алып машина ташып келип сатышат. Мен дагы мына эртең чет өлкөгө кетип жатам. Жакында эле 27 пайыз менен коммерциялык банктан насыя алдым. Машина алып келебиз, бирок эң түйшүктүүсү аны сатууда. Кээде бир нече айда эптеп 1 унаа сатасың. Анын үстүнө азыр техникалык жактан эскилиги жеткен унаалар дагы деле көп. Аларды азайтуу туура, анткени жол кырсыктары дал ушул эски унаалардын айынан көп болот. Бирок өлкөнүн автопаркын жаңылоого дагы убакыт керек.

Бажы төлөмүнүн көбөйүшү бир жагынан жакшы. Анткени жогоруда айтылгандай, унаалар өлкөдө абдан көп. Албетте, бул кырдаалда кээ бир ишкерлер зыян тартышы мүмкүн. Мен, мисалы, 2015-жылы оң рулдуу унааларды өлкөгө киргизүүгө тыюу салынгандан кийин ири чыгымга учурагам.

Марс Бакытбеков, ишкер: “ИШКЕРЛЕР СЫРТТАН УНААЛАРДЫ КИРГИЗИП АЛДЫ”

– 12 жылдан бери бул тармакта ишкерлик кылып келем. Ачыгын айтканда, 2020-жылы бажы төлөмү көбөйөт деп бир нече жыл мурун эле айтылган. Андыктан ишкерлер насыя алып машиналарды киргизип алган, азыр деле киргизип жатышат. 2015-жылы дагы бажы төлөмү көбөйөт дегенде чет өлкөлөрдөн машиналарды көп ташып келип алып, кийин сата албай көптөр банкрот болушкан. Эмдиги жылы кандай болот, айта албайм.

Учурда базарда машина абдан көп, баалары кымбат. Келерки эки жылга унаалар жетет. Экинчиден, сатуу абдан жай болууда. Көптөр нак акчага сатып алышпайт. Машиналарды бири-бирине алмаштырып же башка мүлктөргө бартер кылышат. Чет жактан алынган кымбат унааларды алганга жарандарда каражат жок. Ал машиналарды сатып алгандан кийин аны кармоо да оңой эмес. Ошондуктан андай автоунааларды чоңдор гана алат. Көпчүлүк эл
10 миң долларга чейинки унааларды сатып алышат.

Учурда ишкерлер Грузия менен Европадан унааларды ташыйт, себеби ал жакта унаалардын сапаты Орусияга караганда жакшы. Негизи Орусиядан деле Фольксваген, Тойота үлгүсүндөгү унааларды алып келсек болот, бирок абалдары начар. Ошондуктан ал жактан көбүнчө Жигули, Нива үлгүсүндөгү унааларды ташыйбыз.

Унаалар дагы деле эски, андыктан электромобилдерге жана гибриддик унааларга бажы төлөмдөрүн жеңилдетүү мөөнөтүн узартса жакшы болмок.

АЙДООЧУНУН КУЛАГЫНА КҮМҮШ СЫРГА

Эгер сиз машина сатууну же сатып алууну пландап жатсаңыз, сизге төмөнкү маалымат жардам болот. Кыргызстанда автоунаа тууралуу толук маалымат камтылган «Carcheck» деген жаңы кызмат ачылды. Бул кызмат аркылуу автоунаа күрөөдө же камакта эмеспи, жол эрежесин бузганы үчүн айып пулдары барбы, буга чейин унаанын ээлери ким болгон, техникалык мүнөздөмөлөрү кандай деген керектүү суроолорго жооп табууга болот.

Кубан Жумамидинов
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(9)
21.10.2019. 10:30 
Тайпасы:
Жаран
Комментарийлердин саны:
34
Катталган:
18-05-2016
Соӊку аракети:
15-11-2019 19:29
Жынысы:
Белгисиз
+9
Эми эмне демекчибиз? Баардык олколор онугуунун туу чокусуна жетип атышат. Жалгыз Кыргызстан тетири кетип атат. Башка соз айта албайм
21.10.2019. 14:08 
Тайпасы:
Жаран
Комментарийлердин саны:
4
Катталган:
24-06-2014
Соӊку аракети:
17-11-2019 11:59
Жынысы:
Белгисиз
0
Электромобилдер дагы кымбаттайбы же бекер бойдон калабы сурап бериниздерчи!?
22.10.2019. 14:48 
Тайпасы:
Жаран
Комментарийлердин саны:
10
Катталган:
06-09-2018
Соӊку аракети:
17-11-2019 18:32
Жынысы:
Белгисиз
0
Gen_fanat, электромобилдерге ошо машинан канчага алсан ошонун 15 процентин ещё кошумча 12 процент салык толойсун бажыга.
22.10.2019. 15:02 
Тайпасы:
Жаран
Комментарийлердин саны:
24
Катталган:
11-03-2019
Соӊку аракети:
15-11-2019 12:29
Жынысы:
Белгисиз
+2
Бул жөн эле бизнес машина өткөрүү максаты он алтынчы жылы шашып кымбат алган адамдар болгон ушундай кеп тарап , машина кымбаттаса ким алат эле Кыргызстанда ансыз деле кыйратып машина өтүп аткан жок
23.10.2019. 04:37 
Тайпасы:
Жаран
Комментарийлердин саны:
9
Катталган:
26-09-2017
Соӊку аракети:
17-11-2019 15:45
Жынысы:
Белгисиз
+2
Кымбаттатып кимге тенелгинер келди же озубуздон машина чыгабы
24.10.2019. 04:48 
Тайпасы:
Жаран
Комментарийлердин саны:
5
Катталган:
14-06-2019
Соӊку аракети:
03-11-2019 22:34
Жынысы:
Белгисиз
0
Carchek туралуу кенери маалымат жазгыласы супер инфо.
24.10.2019. 10:22 
Тайпасы:
Супермодератор
Комментарийлердин саны:
8468
Катталган:
19-11-2013
Соӊку аракети:
16-11-2019 19:31
Жынысы:
Белгисиз
0
Kombi, саламатсызбы! Сунушуңузга рахмат, тиешелүү бөлүмгө жеткирилди.
25.10.2019. 10:56 
Тайпасы:
Жаран
Комментарийлердин саны:
1
Катталган:
06-12-2018
Соӊку аракети:
10-11-2019 18:41
Жынысы:
Белгисиз
0
Sss
27.10.2019. 17:42 
Тайпасы:
Конок
Комментарийлердин саны:
1
Катталган:
19-10-2019
Соӊку аракети:
17-11-2019 21:39
Жынысы:
Белгисиз
+1
Оа кымбаттата бергиле ун, бензин, машына, салыктар, штрафтар айдоочуларга баарын кымбататкыла. Айлык, пенсия, пособияларды которбой эле койгула жетет элге. Эл байкушту ойлогон адам жок жогоруда. Билип билбей далдырап ар нерсени суйлоп нормально туалет салганга акылынар жетпейт. Качан биздин пешенебизге жакшы падыша туш болуп мамлекетибиз онолот билбейм. Кундон кунго мамлекетибиз онолот деген умутум очуп баратат.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23199;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: