«Жылдын супер ырчы мырзасы»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ЭКШН ЧЕБЕРИ ЖИ ЧАҢ УК

№885 17-23-октябрь, 2019-жыл


“Хилер”, “К2”... Бул дорамаларда баш каармандын ролун ойногон Жи Чаң Укту карап отуруп, ар бир эле кыз «жанымда ушундай келбеттүү, мыкты коргоочу болсо...” деп кыялданары шексиз. Бул ирет корей сериалдарын сүйүүчүлөргө “экшн чебери” атыккан таланттуу актёр, келбеттүү модель, мукам үндүү ырчы, анан да "красавчик" Жи Чаң Ук тууралуу баянды сунуштайбыз.

Туулган жылы –
5-июль, 1987-жыл

Туулган жери – Түштүк Корея, Анян шаары

Билими – Дангук университетинин театр жана кино факультети

Бою – 182 сантиметр

Учурда – Актёр, ырчы, модель

Агенттиги – Glorious Entertainment

Үй-бүлөлүк абалы – бойдок

ЖИ ЧАҢ УК ТУУРАЛУУ КЫСКАЧА

► Мотоцикл айдаганды жактырат.

► Корей жылдыздарынан куралган “FC Men” футбол командасында чабуулчу.

► 2015-жылдан бери Кореянын эң көп каражат тапкан актёрлорунун катарында. Дорамадагы бир серия үчүн 40 миң доллардан жогору гонорар алат.

► Фортепианодо ойнойт, гитара черткенди үйрөнгүсү келет.

► “LAB Series” косметикалык брендинин жүзү.

“АЗЫР ДА АПАМДЫ ТААРЫНТКАНЫМ ҮЧҮН ЖАМАН БОЛУП КЕТЕМ”

1987-жылы Түштүк Кореянын Анян шаарында катардагы үй-бүлөдө наристе үнү жаңырып, жубайлардын кубанычында чек жок эле. Ата да, эне да бир чети кызыгуу, бир чети сонуркоо менен келечекке үмүт берген тун баласына үйрүлүп түшүп жатышты. Жи Чаң Ук ысымын алган бала шайыр, активдүү бала болуп чоңойду. Эч нерседен капарсыз жүргөн Чаң Ук 5-класста окуп жүргөндө атасы каза болуп калган. Бул жоготуудан кийин баары өзгөрдү. Ооба, антпеске арга жок болчу. Апасы үй-бүлө жүгүн жалгыз моюнуна артып, уулун жалгыз тарбиялады. Апасынын кыйналганын көргөн бала да тентектиги калып, токтоо, апасынын ар бир сөзүн мыйзам деп кабыл алды.

– Мен башынан окууга кызыккан эмесмин. Алган бааларым да көңүл жылытарлык эмес болчу. Бирок апам окуш керек деди, окудум. Менден "кичинекейиңде эле актёр болууну каалачу белең?" деп көп сурашат. Бирок башталгыч класстарда окуп жүргөндө келечекте ким болом деген ой такыр жок болчу. Актёрлук кесип түшүмө да кирген эмес. Кийин жогорку класска келгенде классташтарым ар кимиси мен бул болом” деп сүйлөшө баштаганда гана мен да бир тарапты тандашым керектигин түшүндүм. Тандоого келгенде апам “кеңсе кызматкери бол” деди. Бир күнү телевизор көрүп отуруп, экран артындагы жашоо кызык сезилди да, Дангук университетинин Театр жана кино бөлүмүнө тапшырып салдым. Меникиндей окуу көрсөткүчү менен кантип өтүп кеттим билбейм, бирок бир заматта студент болуп калдым. Апам абдан каршы болду. Таарынды... Бир да жолу каяша айтпаган уулу келечек жолун тандоодо тилин укпай койсо таарынат да. Азыр эстесем да апамды таарынтканым үчүн жаман болуп кетем. Бирок баары жакшы, учурда апам номер биринчи колдоочум,- дейт актёрдук кесиби тууралуу Жи Чаң Ук.

“ДАЙЫМА ӨСҮП ТУРГАН АРТИСТ БОЛСОМ ДЕЙМ”

– Университетке өтөрүн го өттүм. Бул жакта эми кантип окуйм деп көрүнгөндүн башын ойлоп жүргөнчө 1 жыл өтүп кетти. Сессиядагы бааларымды көрсөңүз жалаң "2", "3". Окууга илең-салаң келип жүргөн күндөрдүн биринде коридордо турсам жогорку курста окуган сонбэ (байке) “Чаң Ук, ордуңдан жылбай турчу” деди, “Эмнеге?” десем “ой, жылба” деп урушуп койду. Турган ордумда каттым, көзүмдүн кыры менен эмне кылып жатышат деп карап коём, камера менен бир нерселерди тартып жатышты. Тамга жөлөнүп турган ошол көз ирмемдер жакты. Кызыгуу ойгонду. Көрсө, студенттер эркин темада видео тартып жатышкан экен. Массовкага адам керек болуп мени да тартып алышыптыр. Изденүүдө жүргөн жаным ал байкелердин артынан ээрчип алдым. Экинчи массовка, үчүнчү, анан чакан сценкалар, театрда массовка, анан майда-чүйдө роль болуп жатып азыркы мен жаралдым.

Азыркыга чейин “жакшы ойнодумбу?” деп кыжалат боло берем. Айрыкча мюзикл же спектаклде ойноп жатканда далымдан ылдый тер шорголойт. Муну артисттер эмоционалдык басым деп коёбуз. Эл менен бетме-бет турганыңда киного тартылып жаткандай “бир аздан кийин уланталы” дей албайсың. Канчалаган көздөр сенин ар бир кыймылыңды таразага салып турушат. Бардыгы бүтүп, кол чабууларды укканда гана “өх” деп ысык дем чыгарып аласың. Кесибинен толкунданбаган адам жетер чегине жетти, болду өспөйт дегенди билдирет. Мен дайыма өсүп турган артист болсом дейм.

22 ЖАШЫНДА КЕЛГЕН АТАКТУУЛУК

Актёрлукка кадам таштаган алгачкы 3 жыл Чаң Ук үчүн ийгиликсиз болгон. Бул жылдар аралыгында актёр “бул кесипти таштасамбы, талантым жок окшойт” деп бир топ кабатырланганын эскерет. 2009-жылы экранга чыккан “Менин идеалдуу уулдарым” дорамасы жогорку рейтингге ээ болуп, анда тартылган актёр-актрисалардын баары популярдуу болуп чыга келген. Алардын катарында биздин бүгүнкү каарман да бар эле. Ошондон тарта эл сүймөнчүгүнө айланган Чаң Ук “Дон Хэ, жылмайсаң”, “Жоокер Бэк Дон Су”, “Императрица Ки”, “Хилер”, “Күмөн жараткан өнөктөш”, “К2” жана башка дорамаларды көркүнө чыгарды. Таланттуу актёр кино сынчылардын көз жаздымында калган эмес. Жи Чаң Уктун текчесинде “Жаңы жылдыз”, “Мыкты актёр”, “Эң таанымал актёр”, “Корея сыймыгы” жана башка көптөгөн наамдар орун алган.

Экшн жанрындагы тасмаларга тартылуу үчүн Чаң Ук уруш өнөрүнүн түрлөрүн үйрөнгөн. Ал каскадёр-дублёрдун жардамына көп кайрылбай, кооптуу сценаларды да өзү аткарганга аракет кылат. Мындан улам ал “экшн чебери” атыккан.

КАПРАЛ ЖИ ЧАҢ УК

2017-жылдын 14-августунда Жи Чаң Ук жарандык милдетин аткарып аскер кызматын өтөөгө кеткен. Артиллериялык бригадада кызмат өтөгөн ал мыкты жетишкендиктери үчүн алгач отряд командири, андан кийин капрал наамына чейин көтөрүлгөн. 2019-жылдын 27-апрелинде аскердик кызматын өтөп келген Чаң Укту жүздөгөн күйөрмандары тосуп алган. Ананчы, бир гана Кореяда эмес, керекпи Кыргыз өлкөсүндө да анын келишин күткөн күйөрмандар бар эле. Актёр көп күттүргөн жок, сентябрдын аягында ал башкы каармандын ролун ойногон “Мени эрит” дорамасы экранга чыкты. Эгер сиз бул дораманы көрүп жаткан болсоңуз, көрө электер үчүн биздин super_info_official Инстаграм баракчабызда ой бөлүшсөңүз болот.

Асыл Орозбекова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(6)
21.10.2019. 18:41 
Тайпасы:
Жаран
Комментарийлердин саны:
275
Катталган:
28-09-2011
Соӊку аракети:
15-11-2019 18:33
Жынысы:
Белгисиз
+1
Джи Чан Ук мой))) "Пожалуйста растопи меня нежно" деген дорамада главный ролдо Мадочандын ролун ойноп атат. Субота воскресенье кундору жаны сериялары чыгат. 8-сериясы кече чыкты. Субтитры же озвучкасы чыкыча корейче оргиналын коруп дорама аягына чыкыча кадимкидей тушунуп калат окшойм балее басып. Холосо дегени хорошо экен. Камсамида- спасибо. Сарани- любов кыскасы бир кыйла создорун билип калдым)
22.10.2019. 11:03 
Тайпасы:
Жаран
Комментарийлердин саны:
28
Катталган:
22-03-2019
Соӊку аракети:
31-10-2019 21:52
Жынысы:
Белгисиз
0
ainura220888, бир кездерде мен да ошентип корчу элем азыр балдар ме убакыт да жок
22.10.2019. 04:43 
Тайпасы:
Жаран
Комментарийлердин саны:
59
Катталган:
14-01-2015
Соӊку аракети:
11-11-2019 09:49
Жынысы:
Белгисиз
+1
Императрица Деген киносу аябай жаккан.
27.10.2019. 00:08 
Тайпасы:
Жаран
Комментарийлердин саны:
81
Катталган:
20-04-2016
Соӊку аракети:
08-11-2019 00:58
Жынысы:
Белгисиз
0
Мен да растопи меня дорамасын коруп атам.сонун
27.10.2019. 12:14 
Тайпасы:
Жаран
Комментарийлердин саны:
82
Катталган:
26-01-2016
Соӊку аракети:
16-11-2019 23:57
Жынысы:
Белгисиз
Калаасы:
♡♡♡ОШ♡♡♡
0
Эркекче кинобу? Болбосо кызтеке кинолордон аллергиям бар.
27.10.2019. 14:53 
Тайпасы:
Конок
Комментарийлердин саны:
4
Катталган:
25-10-2019
Соӊку аракети:
07-11-2019 21:03
Жынысы:
Белгисиз
Калаасы:
Turkey Istanbul
0
Менин суйгон актерум азыркы жаны сериалыны кутуп атам толук которулуп буто элек
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23199;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: