«Жылдын супер дебюту»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

СОКУЛУКТА 3 АЯЛ КУЛЧУЛУККА КАБЫЛГАНБЫ?

№884 10-16-октябрь, 2019-ж.


Чүйдүн Сокулук районунун тургуну үч аялды кулчулукта кармап, алардын бирин чынжыр менен бутунан байлап койгон деген маалымат тарап, коомчулуктун үрөйүн учурду. Жабырлануучулардын биринин жактоочусу иш тыкыр каралбай жатат десе, айыпталып жаткан тарап бул жалган жалаа деп, тергөөнүн жыйынтыгын күтүп жатканын билдиришти. Окуя кандай болгонун иликтеп көрдүк.

“КЕЛИН ЧЫНЖЫРЛАНЫП ТУРГАНДА ТАБЫЛГАН”

Чүй ОИИББи тараткан маалыматка таянсак, Сокулук районундагы үйлөрдүн биринде кулчулукка кабылган делип 3 аял табылганы чындык. Алардын бири чынжыр менен байланган абалда болгон.

– Чүй облусунун Сокулук РИИБине Бишкек шаарынын 47 жаштагы тургуну арыз менен кайрылган. Арызда Г.Ж. аттуу аял 2019-жылдын май айынан бери анын тууганын жана дагы эки бейтааныш аялды Сокулук районундагы үйлөрдүн биринде кулчулукта кармап турат деп жазган. 18-сентябрь күнү ыкчам-тергөө тобу айтылган дарекке барып, 3 аялды табышкан. Алардын бири чындыгында чынжырланган абалда болгон. Бул факт Кылмыштардын жана жоруктардын бирдиктүү реестрине Мыйзамсыз жол менен адамды эркиндигинен ажыратуу беренеси (172-берене) менен катталып, териштирүү иштери башталган. Милиция кызматкерлери чынжырланган аялды жана шектүүнүн бир тууган сиңдисин суракка алышкан. Суракта чынжырланган аялдын эжеси келин психикалык жактан жабыркагандыктан, үйдөн кача бергени үчүн өзү чынжырга байлаганын айтты. Учурда териштирүү иштери уланууда.

“ТАҢДАН ТҮН ОРТОСУНА ЧЕЙИН НАН ЖААП ИШТЕГЕН”

Жабырлануучулардын бири К.Жнын жактоочусу Уланбек Кудайбергенов окуя тууралуу буларды айтып, тергөө органдары ыкчам иш алып барбай жатканын билдирди.

– 18-сентябрь күнү айтылган дарекке ыкчам-тергөө тобу менен барганыбызда, үйдүн кожоюну жок болуп чыкты. Үйүндө 12-13 жаш чамасындагы кызы жана кулчулукта кармалып турган делген 3 аял бар экен. Алардын бири К.Ж. 3 кызы менен 5 айдан бери, дагы бири 2 жылга жакын ошол үйдө бекер иштеп жүрүшкөнүн айтышты. Үчүнчүсү буту кишенделген келин. Ал психикалык жактан жабыркаган келин болгон. Жабырлануучу К.Жнын айтымында, ал жумуш издеп радио түйүн аркылуу шектүү Г.Т. менен байланышыптыр. Ал үй оокаттарын жасата турганын айтып, "6000 сом айлык төлөп берем" деп убадалаган экен. Бирок келгендин эртеси күнү документтерин, телефонун алып коюптур.

Жабырлануучу өзү менен кошо ала келген кыздарынын улуусу 12 жашта, аны эртең мененки саат 7ден түнкү 11-12ге чейин нан саттырчу экен. Ортончу кызын Г.Т. өзүнүн бир тууганынын үйүнө бала багуучу кылып берип жибериптир. 10 жаштагы кыз бала багуучу болуп 5 ай ошол тууганынын үйүндө жүргөн. Ал эми өзүн башында макулдашкандай үй жумуштарына эмес, тандырга нан жаптырып иштетиптир. "Таңкы саат 5тен түнкү 2ге чейин нан жапчумун" дейт. Кул ээлөөчүлүк заманда да 22 саат иштеткен эмес. Учурда 12 жана 7 жаштагы кыздары Алайга атасынын үйүнө жиберилди. Бала багып иштеп жүргөн 10 жаштагы кызын психикалык экспертизадан өткөрө элекпиз. Тергөө башталса текшерүүдөн өткөрүп, аны да атасынын колуна жеткирип берүү керек. Тергөөчү улам алмашып убакытты созуп жатышат. Ал эми жабырлануучу К.Ж. учурда Бишкекте кайын сиңдисинин үйүндө. Шектүү Г.Т. келтирилген чыгымды төлөп берем деп убада кылган, бирок төлөп бере элек.

“МИЛИЦИЯНЫН КӨЗҮНЧӨ КЕЛИНДИ УРУШУП КИРДИ”

– Экинчи аялдын аты Апал (аты өзгөртүлдү), 1979-жылы туулган деп айтышты. Анын да документтерин алып койгон экен. Биз иликтөө тобу менен барган күнү аны биздин көзүбүзчө жаман сөз айтып, опузалай баштады. Ал келин кожойкеси келгенче “мени калтыра көрбөгүлө” деп ыйлап жаткан. Ал келгенден кийин өзгөрүп, “мен калам” деп баштады. Коркутуп алганы байкалып эле турду. Милиция өкүлдөрүнүн көзүнчө “ушунун баарын сен кылдың” деп сабап кирди. Милиция көрүп туруп, бирок чара колдонгон жок.

Апалды үй-бүлөсү 1 жылдан ашык убакыттан бери кайда экенин билбей жүрүшүптүр. Анын документтери жок болгондуктан тиешелүү тараптарга кайрыла алган жок. Азырынча К.Жнын кайын сиңдиси арыз жазгандыктан, бул иш каттоого алынып, кылмыш иши ачылды.

Ал эми чынжырланган келин нандын бетин чегип иштеген экен. Анын эжеси шектүү Г.Тнын таанышы болуп чыкты. Суракта сиңдиси психикалык жактан ооругандыктан, үйдөн кача бергени үчүн өзү байлап койгонун айтты.

“МИЛИЦИЯ ИШТЕБЕЙ ЖАТАТ”

– Сокулук РИИБи жазылган арыздын негизинде чара көрүүнү кечеңдетип жатат. Улам эле РИИБинин башчысы алмашты деп жатышат. Мен ишеним кат алып, жактоочу катары иш менен таанышайын десем документтерин көрсөтүшө элек. Ишти карап жаткан тергөөчү Жайыл районуна которулуп кетиптир. Буга чейинки тергөөчүнүн өзүнүн үстүнөн иш козголгон экен. Үчүнчүсү бизге орой мамиле жасап, талаптагыдай иштебей жаткандыктан мен даттануу арызын жазгам. Качан гана маалымат интернетке чыгып, акыйкатчы келип сурай баштаганда ишти териштирип, ары-бери чуркай башташты. Бирок бүгүнкү күнгө чейин иш менен таанышууга мүмкүн боло элек.

“БИРИН ДА ЖУМУШ КЫЛДЫРЫП МАЖБУРЛАГАН ЭМЕСМИН”

Үч аялды кулчулукта кармаган деген доомат коюлуп жаткан Г.Т. келиндер турмуштан кыйналгандыктан өз ыктыярлары менен келип иштеп жүрүшкөнүн айтат.

– 18-сентябрь күнү биз тойго кеткенбиз. 5-класста окуган кызым үйдө калган. Ал биз кеткенден кийин Кундуз (ред.: К.Ж. аты өзгөртүлдү) бирөөлөргө телефон чалып “келе бериңиздер” дегенин угуптур. Тойдо отурсак кызым телефон чалып “милиция келди” деди. "Телефонду Кундуз эжеңе берчи" дедим. Дайыма бир жакка кетерде үйдү Кундузга тапшырып кетчүмүн. Кызым “Кундуз эже өзү чакырды го” деп ыйлап туруп алды. Мен үйгө жөнөдүм. Келсек милиция, аймактык тескөөчү, "Кундуздун жактоочусумун" деп бирөө жана сиңдиси үйдө экен. Мен абалды түшүндүргөнгө аракет кылдым. Алар укпай кыйкырып, мени сүйлөтпөй коюшту. Кундуздун сиңдиси бар экенин билген да эмесмин.

Кундуз Оштон радио түйүн аркылуу жумуш издеп менин апама жолугат. Апама турмушу начар, күйөөсү ура турганын, барарга жери жок экенин айтыптыр. Апам боору ооруп аны үйгө алып келип, бизге айтып, жардам бермекчи болгонбуз. Келинди менин үйүмө алып келип жардам берели деп чечтик. Айтымында, 3 кыз, 1 уулу бар экен. "Жолдошум ичет, насыя дагы алып алганбыз. Аны төлөөгө мүмкүнчүлүгүм жок. Күйөөм сабайт, мен анын жанынан алысыраак кетип иштешим керек" деди. Боорум ооруп, бекер жүрбөй иштесе иштесин деп чакыргам. “Балдарымды ичкич күйөөмө таштай албайм” деп, каршы болгонума карабай жалдыраганынан ага да макул болгом. "Кыздарымдын баары менен сиздин үйгө бара албайм го" деп сиңдимдин үйүнө кызын өзү жиберген.

“КҮЙӨӨСҮН АЛДАП КЕЛИПТИР”

– Өзү келгенден кийин күйөөсүнө телефон чалып “кыздарды жибер, мен кийим-кечек алып берип кайра жөнөтүп жиберем” деп алдаптыр. Кыздары келди, үстүндө кийимдери жок, бир баштык менен эле келишкен. Бул жактан кийинттик. Ошондон тартып “мен сизди эжемдей, ата-энемдей көрөм” деп ыраазы болуп жүрдү. Келгенден кийин “документтерди сактап коюңузчу, жоголуп кетпесин” деп баарын мага карматты. Үйүмө жайгашып, анча чоң эмес үй иштерин кылып жүрдү. "Айлыкка сүйлөшкөнбүз" дегени калп. Мага келгенде “эже, биздин жеп-ичкенибиз бар, жаткан жерибиз бекер. Мен талаалап жашап жүрүп мунун баарын билем. Мага болгону азыр күйөөмдүн көзүнө көрүнбөй туруу керек” деди.

Кичүү кызы быйыл 1-класска бармак экен. Аны да мектепке киргизгем. Бул жакта мектепке киргизүү да оңой эмес, билесиңер. Чоң кызын 2-чейректен кийин болсо да окусун деп делосун алдырып бул жактан окуталы деп жүргөм.

“КУЛ КАРМАГЫДАЙ БАЙ ЭМЕСПИЗ”

– Апал болсо биздин кошуна айылдан болот. Күйөөсү автокырсыктан каза болуп калыптыр, түгөйү Үпөл муну башка күйөөгө берем деп, бирөөнүн үйүнө таштап келет. Ал болсо Апалды арак ич деп кыйнаганда качып кеткен экен. Ошентип туугандарына батпай калат. Аны да бош жүргөнчө менде иштесин, нандын бетин чегип жардамдашсын деп чакыргам. Көп болсо күнүнө 1-1,5 кап ундан нан жабабыз. Тапканыбызды бөлүшүп берем. Нандын камырын балам өзү жууруп, өзү жабат. Кундуздун улуу кызын каникулда бекер жүрбөсүн, элге аралашсын деп базарга ээрчитип алчумун. Өзүм ажатканага кеткенде 10-15 мүнөт болсо да карап турат. Кол арага жарап калган кызды акча майдалап келе койгонго анча-мынча жумшап койчумун.

Чынжырга байланган кызды болсо өзүнүн эжеси байлаптыр. Биз кеткенде бутунда чынжыры жок болчу. Ошол 1,5 саат ичинде чынжыр кайдан пайда боло калганын түшүнбөйм. Ал кыз менин үйүмдө деле жүрбөйт, келип-кетип нандын бетин чеккенге жардам берип жүрчү. Тергөөнүн жыйынтыгы чыгат. Ошого жараша кимдики чын, кимисиники калп экени аныкталат. Ага чейин эле ар ким интернет аркылуу жалган маалымат таратып жатышат. Өзүм кул жалдагыдай ашынган бай эмесмин. Карапайым эле турмуш кечиребиз. Тандырга нан жаап иштээрибиз чын. Ошол нанды сатып өзүм базарда отурам. Бизди жүзү кара кылып, менин кадыр-баркыма, аброюма шек келтирип жатышат. Мен буларга нан-чайымды берип, кызын окууга киргизип, колумдан келишинче жакшылык кылып келгем. Кудай деле көрүп турат. Мен жактоочу да жалдаган жокмун, чындык өзү эле чыгат.

КЕЛИНДЕРДИН БИРИ ТУУЛГАН ЖЕРИНЕ КЕТТИ

Кулчулукка кабылды делген Апал аттуу аялдын жакындары менен байланышууга аракеттендик. Аты-жөнү сыр бойдон калуусун суранган жаран анын таанышы экенин айтып, буларга токтолду:

– Мен Апалдын жоголгонун деле билген эмесмин. Аны кичине кезинде көргөм. Интернетке кабар тарап кеткенде туугандары "кабар алып койчу" деп суранып телефон чалышты. Айтылган үйгө бардым, Апалдын Г.Тга эч кандай доосу жок экен. Анын колунда иштеп, курсагын тойгузуп жүрүптүр. Ал башка жакта деле иштей албайт болчу. Мен билгенден психикалык жактан маселеси бар. Бирөө бир иш айтса жасашы мүмкүн, өзүнүн дарамети жете бербейт. Өзгөндө жумушсуз жүрүп бирөөлөр аркылуу Бишкекке бир жыл мурда келген экен. Айылдан жакындары “бул жакка жөнөтүп жиберчи” деп суранышты. Соопчулук үчүн алып барып, Өзгөнгө таксиге салып жибердим. Башка маалыматым жок.

Айпери Хожаева
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(11)
14.10.2019. 09:07 
Тайпасы:
Жаран
Комментарийлердин саны:
228
Катталган:
18-09-2018
Соӊку аракети:
13-11-2019 20:48
Жынысы:
Белгисиз
+4
Ууру куч болсо ,ээсин доого жыгат болуатурда. Милиция аман эле болгула. Бандиттерден айырманар жок.
14.10.2019. 11:00 
Тайпасы:
Жаран
Комментарийлердин саны:
6
Катталган:
18-10-2016
Соӊку аракети:
13-11-2019 09:08
Жынысы:
Белгисиз
+2
Кимиси өрдөк учуруп кимиси чын айткан аны бир кудай билет. Бирок үй ээсинин айткандарында көп косяк бар экен да..
14.10.2019. 11:36 
Тайпасы:
Конок
Комментарийлердин саны:
17
Катталган:
12-08-2019
Соӊку аракети:
12-11-2019 06:25
Жынысы:
Белгисиз
+2
Жалган канчалык кооз болсо ага ишенчулор да ошончо коп болот.
14.10.2019. 11:56 
Тайпасы:
Жаран
Комментарийлердин саны:
44
Катталган:
19-04-2014
Соӊку аракети:
13-11-2019 13:12
Жынысы:
Белгисиз
Калаасы:
Ala-Buka
+5
Кайсыл элден жудоо корсон зайыпты, ошол элдин эрлерине кой айыпты. Эркек иштеп булосун бакса эч бир аял тентимек эмес.
14.10.2019. 12:47 
Тайпасы:
Жаран
Комментарийлердин саны:
118
Катталган:
02-07-2019
Соӊку аракети:
14-11-2019 00:18
Жынысы:
Белгисиз
+3
Кулчулукка кармап деген бекитип эч жакка чыгарбай камап жүрсө айтса болот. Булар өздөрү эле келип кетип жүргөн экен го. Кичинекей кызы менен калтырып кетсе качып кетишет демек да. Алайдан, Өзгөндон келишсе качып, кв. толой алышпаса анан ушинтип иштейт да. Бекер оокат ким берет. Чын эле уурусу күч болсо ээси доого жыгылат болгон экен окшойт.
14.10.2019. 18:51 
Тайпасы:
Жаран
Комментарийлердин саны:
156
Катталган:
26-01-2016
Соӊку аракети:
14-11-2019 00:19
Жынысы:
Белгисиз
Калаасы:
♡♡♡ОШ♡♡♡
+2
Жалаадан Кудай сактасын.
15.10.2019. 00:05 
Тайпасы:
Жаран
Комментарийлердин саны:
21
Катталган:
04-12-2018
Соӊку аракети:
13-11-2019 21:10
Жынысы:
Белгисиз
Калаасы:
Москва
+3
Укук коргоо органдары жакшылап текшерсе чыгат. Чын эле кулчулукка кармаганбы, жокпу тергоодо аныктап койсо болот
15.10.2019. 00:10 
Тайпасы:
Жаран
Комментарийлердин саны:
448
Катталган:
28-04-2017
Соӊку аракети:
10-11-2019 17:51
Жынысы:
Белгисиз
+5
Аллахым, уй-булоомду жана мени курундай дооматтан сакта.
15.10.2019. 09:00 
Тайпасы:
Жаран
Комментарийлердин саны:
8
Катталган:
08-05-2016
Соӊку аракети:
13-11-2019 22:11
Жынысы:
Белгисиз
+7
Оздору келген деп эле антип эзип иштетпеш керек, озунор келгенсинер мен силерди багып атам, ичиндирип атам уйумо жашатып атам деп биротоло коз карама кылып алса керекго, кебетелеринен деле корунуп турат, анан оз укуктарында билбейт ошодон пайдаланган тигил.
16.10.2019. 16:33 
Тайпасы:
Конок
Комментарийлердин саны:
4
Катталган:
25-09-2019
Соӊку аракети:
13-11-2019 19:00
Жынысы:
Белгисиз
+1
кыскасы бутту да эми
17.10.2019. 12:50 
Тайпасы:
Жаран
Комментарийлердин саны:
48
Катталган:
29-10-2013
Соӊку аракети:
14-11-2019 00:28
Жынысы:
Белгисиз
+1
Байкуш тиги аял скелет го...
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23199;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: