«Жылдын супер дебюту»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

АЗЫРКЫНЫН БАРПЫ АКЫНЫ АТАЛГАН ЭЛАМАН КЕЛДИБЕКОВ

№884 10-16-октябрь, 2019-ж.


Төкмө акындар арасында жаңы жылдыз жанып келе жатканына баарыбыз күбөбүз. Ал жаш Барпы атыккан төкмө Эламан Келдибеков. Өнөр барктаган элдин калың катмарынын кызыгуусун арттырган төкмөнү маекке чакырдык. Кызыгы, сахнадагы сөз чебери, абалга жараша уйкаштырып төккөн мырза чыныгы жашоодо көп сүйлөбөгөн адам экен.

– Салам, Эламан! Жакында Бишкекте өткөн эл аралык айтышта 3-орунду алдың, сыйлыгың кут болсун!

– Рахмат. Биринчи жолу эл аралык айтышка катышып, финалга чейин жетип, 3-орунду ээлегениме аябай кубандым. Бул мен үчүн жакшы жетишкендик. Казактын төкмө акыны Айнур Турсунбаева менен айтышканым кызыктуу болду. Залдагы көрүүчүлөрдүн колдоп отурганын көрүп “элге жаккан экен” деп сүйүндүм. Эмнегедир сахнада айымдар менен айтышканым дайыма кызыктуу болот.

– Айымдар менен кызыктуу айтышам деп калдың. Буга эмне себеп?

– Айымдар менен ырдаганда жакшы ачылам. Анда сүйүү темасын козгосоң болот да. Бул тема дайыма кызык. Айымдар мага эргүү берет. Жашоодо да сулуу кыздарды көргөндө оюма ыр саптар куюлушуп келет, аны кагазга түшүрүп коём.

– Изат Айдаркулова да сахнада сага жакшы эргүү берген окшойт, ошол айтыш менен жакшы таанылдың...

– Ооба, Изат эже менен айтышып элге таанылдым. Анда сахнада Изат эжеге тамашалап ырдап баштасам, ал да тамашаны күчөтүп койду эле айтыш кызыктуу болуп, ушул деңгээлге жетти. Тааныштарым же көчөдөн көргөндөр азыр да өрүк как, алма как тууралуу тамашаларды айтып күлүп калышат.

– Жылдызың жанып жатканы байкалып жатабы?

– Өзүм байкабай эле жүрөм. Бирок тааныштарымдан жылдыз болуп баратканымды угуп жатам. “Чалсак албай калдың, билдирүү жазсак, жооп бербей койдуң, жылдыз болуп баратасың” деп айтып калышат. Кээде коомдук транспорттон таанып, комплимент айткандар, сүрөткө түшүүнү сурангандар бар.

– Мындай жылдыз кайдан пайда болду?

– Мен 1993-жылы Лейлектин Маргун айылында туулгам. 6 бир туугандын эң кичүүсүмүн. 1 агам, 4 эжем бар. Атамды сүрөттөрдөн гана көргөм. Мен 1 жашка чыга электе эле анын көзү өтүп кетиптир. Бизди апам жалгыз багып чоңойткон.

Билимди айылыбыздагы орто мектептен, Кадамжайдагы кыргыз-түрк “Сапат” лицейинен алдым. Мектептен кийин Кыргыз Мамлекеттик курулуш, транспорт жана архитектура университетинде компьютердик лингвистика багытында 2 жыл окудум. Жеке маселелерге байланыштуу сабактарга барбай жүрүп, окуудан чыгарып салышкан. Анын үстүнө апама оорчулук келтирбей, контрагымды өзүм төлөйүн деп борборго келерим менен тигүүчү болуп иштеп баштагам. Окуу менен жумушумду чогуу алып кете албай кыйналып кеттим. Буюрса, кийинки жылы жогорку окуу жайга тапшырайын деген планым бар. Учурда төкмөлүк менен алекмин. Жакында Казакстанда өтө турган айтышка даярдык көрүп жатам. 9-октябрда Каскелен шаарында Карасай районунун
90 жылдыгына карата республикалык айтыш өтөт. Бул айтышка кыргыздардан жалгыз мени чакырышты.

– Жакында төкмө акын Жеңишбек Жумакадыр Казакстанда өткөн кыргыз-казак айтышына барып олжосуз кайтканы коомчулукта талкуу, нааразычылык жаратты. Бул окуя Казакстанда өтө турган айтышка баруу каалооңо таасирин тийгизген жокпу?

– Жеңишбек Жумакадырдын Казакстанга айтышка барарынан кабарым жок болчу. Мен чакырууну сентябрдын башында эле алгам, макулдугумду берип койгом.

– Төкмөлүк өнөрүң кичинекей кезиңден эле барбы?

– Жок. Кичинекей кезимде эч кандай “чымын” байкалган эмес, ыр да жазчу эмесмин. Мектепте жогорку класстарда окуп жүргөндө айтышка кызыгып, балдар ар кандай музыка угушса, мен жалаң айтыш угуп калгам. 2013-жылы “Айтыш” фондуна келип, ошол бойдон ушул чөйрөгө аралашып калдым. Төкмөлүк өнөр менде кандайча пайда болгонун түшүндүрүп айтып бере албайм.

– Мектепте кандай окуучу элең?

– Башталгыч класстарда жалаң бешке окудум. Кийин жаман окуп, тентек болуп кеттим. Дене тарбия сабагынан гана бешке татыктуу элем. Бирок коомдук иштерге активдүү катышчумун. Жаман окуганым менен, тест тапшырып кыргыз-түрк “Сапат” лицейине өтүп кеткем. Жакшы окуган окуучулардын баары тест тапшырышкан. Бирок биздин айылдан мен гана өткөм. Сынактан өтөм деп ойлогон эмесмин. Тобокелчиликке салып эле жоопторду белгилеп чыккам. Айрым суроолорду окуган деле эмесмин. Лицейде окуп жүргөндө шоктугум калып, токтолдум.

– Жакшы. Сени жаш Барпы дешет. Сыймыктанасыңбы?

– Барпы атабыздын стилинде комузу жок айтышканымдан мени эл ушундай атап алышкан. Бул стилди эскиртпей, кийинки муунга өткөрүп берсем деген ниетим бар. Жаш Барпы деген атты алып жүрүү мен үчүн сыймык, ошол эле учурда моюнумдагы жүк. Жакшы ырдаганга милдеттендирилип калгандай жоопкерчиликти сезем. Барпыдай болуш кыйын. Бирок ошол деңгээлге жеткенге аракет кылам.

– Кийингениң да башка төкмөлөрдөн айырмаланат...

– Айтыш үчүн атайын форма тиктирген эмесмин. Айылда эки чапаным бар эле. Бирөө эски. Ал жыртылып, кебездери сыртына чыгып калган. Аны мал караганда, үй иштерин жасаганда кийчү элем. Жакшы чапанымды айылга концерт келип калганда, аптада бир базар келгенде кийип барчумун. Азыр ошол жакшы чапанымды кийип сахнага чыгам. Ал эскире элек. Негизи мындай чапан биздин айылда көп кийилет.

– Сага карата мактоолор менен катар сындар да көп айтылат...

– Мага карата жазылган комментарийлерди окуп чыгуу мен үчүн кызык. “Азаматсың” деп колдогондорго рахмат. Сындап жазгандар да аз эмес. Көбүнчө "китеп окубайт экен" деп сындашат. Ооба, окуучу кезимде аз эмес, такыр эле китеп окучу эмесмин. Жылдын башында алган китептерди ачпай туруп жылдын аягында кайра тапшырып берчүмүн. Азыр жан дүйнөмдү байытып, руханий байлык топтоо үчүн китеп окуп баштадым.

Мындан башка да кызыктуу, күлкүлүү комментарийлерди жазышат. “Элмирбек, смешной сартты кайдан таап алгансың?", "Мал базарда отургандай отурасың”, “Кой багып жүрүп эле келип калганбы, муну айтышка ким кошту?” деп жазышат. Буларды окуп жинденбейм, жаман болбойм, кызыгып окуп чыгам, күлөм.

– Элмирбек байке кандай тарбиячы?

– Устатым жакшы адам, мыкты тарбиячы. Ал мага төкмөлүктү эле эмес, адамгерчиликтүү болууну да үйрөтөт. Ал адам мени, менин жашоого болгон көз карашымды өзгөрттү, кыргыз үчүн жашаганды үйрөттү. Ал шакирттери үчүн дайыма моралдык да, материалдык да колдоо көрсөтөт. Кумириме шакирт болуп калуу – мен үчүн сыймык.

– Кыздар темасын улай, “Молдо кыз” деген ырыңды көп жерден ырдап каласың. Кимге арналган?

– Тигүү цехинде иштеп жүргөндө хиджаб кийген бир кыз бар болчу. Ошол кызга арнап жазгам. Цехке иштегени көп кыздар келип-кетчү. Ал кыз да бир күнү жумуштан кетип калган. Мен болсо ыр жазган бойдон калгам. Ал кыз бул ыр өзүнө арналып жазылганын билбейт.

– Азыр жашооңдо эргүү берип турган кыз барбы?

– Учурда сүйлөшкөн кызым жок. Мурда бар болчу. Ал турмушка чыгып кетип, балалуу болуп калды. Үйлөнөйүн деп учурда кыз издеп жүрөм. Быйыл же эмки жылы үйлөнөм.

– Жыл бүтөйүн деп калды го. Сүйлөшкөн кызың да жок экен. Кантесиң?

– Табам деп издеп жүрөм. Таап үйлөнө калам, оңой эле го.

– Негизгиси бактылуу бол! Маегиңе рахмат.

Перизат Музуратбекова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(5)
14.10.2019. 11:38 
Тайпасы:
Жаран
Комментарийлердин саны:
42
Катталган:
14-02-2017
Соӊку аракети:
17-11-2019 18:06
Жынысы:
Белгисиз
+8
Эх Эламан аябай кулкулуу жигит экенсин. Бат эле таба калып оной уйлонуп алганын жакты.
14.10.2019. 12:23 
Тайпасы:
Жаран
Комментарийлердин саны:
5
Катталган:
19-02-2018
Соӊку аракети:
17-11-2019 18:12
Жынысы:
Белгисиз
+2
Оной эле го))))
15.10.2019. 08:55 
Тайпасы:
Жаран
Комментарийлердин саны:
16
Катталган:
23-08-2018
Соӊку аракети:
26-10-2019 06:38
Жынысы:
Белгисиз
+1
Молодец,ырдаганын уккан эмесмин.Чапан жонундо айтканы жакты
16.10.2019. 22:04 
Тайпасы:
Жаран
Комментарийлердин саны:
38
Катталган:
09-11-2016
Соӊку аракети:
17-11-2019 19:40
Жынысы:
Белгисиз
+1
Бул жигит биз жактан болот экен го молодец!Чын эле аябай кулкулуу суйлойт экенсин.
16.10.2019. 22:25 
Тайпасы:
Жаран
Комментарийлердин саны:
183
Катталган:
28-04-2017
Соӊку аракети:
10-11-2019 17:51
Жынысы:
Белгисиз
+1
Азаматсын Элеман. Чыгармачылык эргуун ашып-ташып турсун. Алдыдагы айтыштарда Казактарды ыйлатчы. Ийгилик!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23199;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: