«Жылдын супер клиби»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

11 ЖАШАР БАЛАНЫ АВТОБУС СҮЙРӨП КЕТИП КАЗА БОЛДУ. АЛ ЭШИККЕ КЫПЧЫЛЫП КАЛГАН

№884 10-16-октябрь, 2019-ж.


3-октябрь Бишкектин ТЭЦ-2 жаңы конушундагы бир үй-бүлө үчүн каргашалуу күн болду. Үй ээсинин 5-класстагы баласы №18 каттамдагы автобустан түшүп жатып, эшигине кыпчылып калган. Айдоочу муну байкабай айдап кете берген...

АЙДООЧУ КАМАККА АЛЫНДЫ

Чүй ОИИББинин басма сөз кызматы алгач окуучунун буту эшикке кыпчылып калып автобус сүйрөп кеткен деп маалымат таратты.

“Күн-Туу айылынан келе жаткан №18 каттамдагы автобус аялдамадан жүргүнчүлөрдү түшүргөн. Бирок айдоочу арткы эшиктен окуучу түшүп жатканын байкабай калган. Алдын ала маалыматтар боюнча, окуучунун бир буту эшикке кыпчылып калган. Айдоочу аны байкабай автобусту айдап кеткен. Автобус окуучуну бир канча метр жерге чейин сүйрөп барган. Бала алган жаракатынан улам каза болду”.

Бишкек шаардык мэриясынын басма сөз кызматынын билдиргенине караганда, окуучунун күрмөсүнүн боосу автобустун эшигине кыпчылып калып сүйрөп кеткен.

“Алдын ала маалыматтарга караганда, окуучу автобустун алдыңкы эшигинен түшкөн. Аны айдоочу көргөн. Бирок окуучу баланын күрмөсүнүн боосу эшикке кыпчылып, автобус жүргөндө ал кулап, дөңгөлөктүн алдында калган. Рулда №18 автобус каттамынын бригадири Н.Серенов болгон. Айдоочу "Бишкек жүргүнчүлөр автотранспорт ишканасында" 8 жылдан бери эмгектенип келет. Анын 14 жылдык айдоочулук тажрыйбасы бар.

Ал эми каза болгон М.Ж. №70 мектеп-гимназиясынын 5-классында билим алып жаткан. Атасы курулуш компаниясында иштейт, апасы экономист. Маркум 5 бир тууган болгон. Сокулук районунда жашайт”,- деп билдирди шаардык мэриянын басма сөз кызматы.

Бала каза тапкан №18 каттамдагы автобустун айдоочусу убактылуу кармоочу жайга камакка алынды. Ага жол коопсуздугунун эрежесин бузуу беренеси менен иш козголуп, сотко чейинки өндүрүшкө алынганын Чүй ОИИББинин басма сөз кызматынан билдиришти.

“МЕКТЕПКЕ УЗАТЫП, КАЙРА ТОСУП АЛБАЙ КАЛДЫМ”

Адил Жолдошбек уулу инисин жоготуп, канаты кайрылып турган чагы. Ал инимди мектепке өзүм узатып кайра тосуп ала албай калдым дейт.

– Саат 6:30да үйдөн чыгып, маршруттук таксиге чогуу түшкөнбүз. Ал мектепке 2 жолу транспорт алмаштырып барат. №4 ооруканага чейин чогуу барып, ал андан ары мектепке кеткен. Ошол жерден жол киреге, тамагына деп акча берип, коштошуп калгам. Көрсө, ошол биздин акыркы жолугушуубуз болуптур.

Мектептен ар кандай транспорт менен кайтчу: кээде автобус менен, кээде ошол багыттагы кичи автобус менен. Шаардан бери транспорттор элге жык-жыйма толуп келет. Бул аз келгенсип коомдук транспорттордун айдоочуларынын эрежелерди сактабаганы, жүргүнчүлөрдүн коопсуздугун ойлобой катуу айдагандары ар кандай кырсыктарды жаратат. Биз 5 бир тууган болчубуз: мен улуусумун, менден кийин карындашым бар, андан кийинки иним Мырза (ред.: маркум) болчу. Андан кийин 1 карындашым жана 1 иним бар. Мырза абдан идиректүү, бир нерсени бат илип алган шайыр бала болчу. Үй-бүлөбүз менен тамактанып отурганда Мырзанын эле үнү чыкчу. Анын азыр бардык маалыматты кабыл алып, өзүнө керектүүсүн сиңирип, бир нерсени билип алайын, үйрөнөйүн деп дүйнөгө кызыгуу менен карап турган мезгили болчу. Мен эми аны сагынам...

“КҮРМӨНҮН БООСУ АВТОБУСКА ИЛИНГЕН БОЮНЧА ТУРАТ”

Автобустун айдоочусунун кесиптеши Майрамбек Бектуров бул окуя кокустук деген пикирин айтты:

– Бул кокустук. Айдоочу аны атайын кылган жок да. Окуучунун кийиминин боосу автобуска илинип калган. Күрмөгө жип-шуу тагылып тигилиптир, ойлосоңуздар, күрмөнүн боосу 1,5 метр экен. Азыр ошол боо автобуска илинип калган боюнча турат. Муну эми укук коргоо органдарындагы эксперттер иликтеп чыгып баа берет. Кесиптешибиз автобустар ишке киргенден бери иштеп келе жатат. Ошондо 11 жыл болду. Ал №18 автобустун бригадири болчу. Үй-бүлөлүү, ишине так, келечекте өсө турган бала болчу.

“АЙДООЧУГА ТОСМО АРЫЗ ЖАЗЫП БЕРДИМ”

Маркум окуучунун атасы Жолдошбек Айтмамбетов “Айдоочунун 2 баласы бар экен, ошолорду ойлоп тосмо арыз жазып бердим” дейт. Бирок ал баары бир транспорт каражатын башкарууда эрежени бузган деген пикирде. Анткени окуучу ал күнү сабакка күрмө кийип барган эмес.

– Айдоочу 34 жашта, үй-бүлөсүндө жалгыз уул жана анын 2 баласы бар экен. Туугандары куран окутуп келип кетишти. Мен анын 2 баласын ойлоп уулумду жерге бергендин эртеси күнү эле тосмо арыз жазып бергем. Өзүмө келип жакшылап ойлонсом, аны каматып жибергенде деле баламды баары бир кайтара албайт экенмин. Негизинен балдарымдын баарын 2011-жылдан бери мектепке, бала бакчага өзүм алып барып, кайра алып келип жүрчүмүн. Акыркы бир жылга жакын аралыкта автоунаам бузулуп калып, Мырзаны чоңоюп калды деп коомдук транспорт менен жиберип калганбыз. Ар бир ата-эне коомдук транспортко баласын салып, узатып жатканда айдоочуга ишенип, аман-эсен жеткирет деп жөнөтөт. Тилекке каршы, бул ишеничти айдоочулар акташпайт.

Ошол каргашалуу күнү баламдын кырсыктаганына күбө болгон кызды таап сүйлөштүк. Ал “Автобуста киши жык жыйма болчу, катуу жүрүп бараткан. Болжолу ТЭЦ-2 тараптан айдоочу токтоп кишилерди түшүрдү да, эшикти шарт жаап айдап кетти. Бир маалда эл ызы-чуу болуп “токтот эле токтот” деп кыйкырып калышты. Баарыбыз эшикке чыктык. Карасам жерде кичинекей бала жатыптыр. Мен анын автобуска кай жеринен илинип же кыпчылып калганын көргөн жокмун. Мурдунан жана оозунан кан агып калыптыр. Нес абалда калдым, жөн гана ошол жерден кетип калайын дедим, бирок мен медициналык окуу жайда окугандыктан, келечектеги дарыгер катары басып кете алган жокмун. Ошол жерде жардам берейин деген киши болгон жок. Мен “Тез жардамга” чалгыла деп жатсам бирөөлөр келип кайдагы бир билдирме тууралуу сурап, баланын аты-жөнүн тактоого аракеттенип жатышты. Кээ бирлери баланы каза болуп калды дешти. Мен анын оозу-мурдунан аккан канды тазалап, дем алсын деп оозун ачтым. Ал эсин жоготуп койгону менен, тирүү болчу. Аңгыча бир жүк ташуучу маршруттук унаа келип токтоп, ошого салып ооруканага алып кетишти. Унаага салып жатканда да бала дем алып жаткан. Интернетте бала ошол эле жерден каза болду деп жазып жатышат, бул калп!”,- деди ал.

Укук коргоо кызматы баламды окуя болгон жерден каза болгон деп маалымат таратты. Күбөнүн айтымында, ага “Тез жардам” келбептир, унаа токтоп жардамга келгенче 20-30 мүнөттөй убакыт өтүптүр. Мен ойлойм, балам ооруканадан же жолдо баратып үзүлгөн.

“БАЛАМДЫН ҮСТҮНДӨ КҮРМӨСҮ ЖОК БОЛГОН”

Баса, ошол күбө болгон кыз менен сүйлөшсөк, “балаңар классика стилинде, мектеп формасында болчу. Мен көргөндө анын үстүндө күрмөсү жок болчу” деди. Ошондой эле айдоочу аялдамага жетпей эле токтоп элди түшүрүптүр. Ошол себептен шашып айдап кеткен дагы, баламдын буту же сумкасы автобустун эшигине кыпчылып калган деген ойдомун. Анткени ошол жерде күркө иштеткен күбөлөрдөн сураштырсак рюкзак кыпчылып калгандай болду дешти. Дал ушул 18-каттамдагы автобус дайыма тыгылыш, эл жүктөлгөн абалда алыскы айылдарга чейин каттайт. Айдоочу адатынча кишини болушунча салган, эшик жабылгандан кийин ордунан жыларда күзгүдөн эки жагын карап койгон эмес жана аялдамадан токтогон эмес.

Шаардагы транспорттук каттамдардын жетишсиздиги да кырсыктарга себеп. Бир учурда биз жакка 262-каттамдагы "маршрутка" каттап, окуусуна түз барып сүйүнүп калганбыз. Андан кийин эле каттабай калды, кийин 161-каттамдагы маршруттук таксиге конкуренция жаратып кандайдыр бир конфликт болгон деп уктук.

Шаардык мэриядан өкүлчүлүк байланышып, жакын арада жолугуп сүйлөшүү жүргүзөлү дешти. Эмне жөнүндө сөз болот, билбейм. Баламды жерге берүүгө, жай казууга жардам көрсөтүштү. Баарынан баламдын оозу-мурдундагы канды коркпой тазалап, ошол жерде жалгыз жардам көрсөткөн кызга рахмат айткым келет. Ага үй-бүлөбүз менен ыраазыбыз.

Гүлжан Асанкожоева
koom@super.kg



Автобустун эшигине кыпчылып каза болгон окуучу жерге берилди

Автор: Амирбек Исмаилов
Оператор: Руслан Алыбаев

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Комментарийлер(6)
Super TV
05.10.2019. 21:02 
Тайпасы:
Жаран
Комментарийлердин саны:
26
Катталган:
05-07-2017
Соӊку аракети:
30-10-2019 06:39
Жынысы:
Белгисиз
0
Kayakka shahat deim da,el tashyit jon ele keniri aidabaiby chokisuna shashaby
Super TV
06.10.2019. 11:10 
Тайпасы:
Жаран
Комментарийлердин саны:
85
Катталган:
28-09-2015
Соӊку аракети:
15-11-2019 17:01
Жынысы:
Белгисиз
Калаасы:
Бишкек
0
Жол кирени көтөрсөк
кандай болот
Super TV
07.10.2019. 18:11 
Тайпасы:
Конок
Комментарийлердин саны:
0
Катталган:
06-10-2019
Соӊку аракети:
18-10-2019 04:24
Жынысы:
Белгисиз
+1
Тез жардам эмнеге келе албайбыз деп койгон? Бала жерде 35-40 мин дем алып Эле жатып калыптыр... куболор сактап калса болмок егер тез жардам келсе деп жатышат
14.10.2019. 11:07 
Тайпасы:
Конок
Комментарийлердин саны:
15
Катталган:
10-10-2019
Соӊку аракети:
16-11-2019 00:59
Жынысы:
Белгисиз
-2
Акмак да акмак... Кузгусун карабайбы жан талашпай... Негизи шаарда бала окутуш кыйын... Мектептери алыс...
14.10.2019. 23:51 
Тайпасы:
Жаран
Комментарийлердин саны:
131
Катталган:
05-05-2014
Соӊку аракети:
17-11-2019 14:06
Жынысы:
Белгисиз
-2
Кокустук эмес бул ишине шалакылык
15.10.2019. 17:56 
Тайпасы:
Конок
Комментарийлердин саны:
2
Катталган:
01-10-2019
Соӊку аракети:
05-11-2019 21:12
Жынысы:
Белгисиз
+2
Кырсык каш кабактын ортосунда.Айдоочу атайын өлтүрөйүн деген эмес да кокустук болуп кеткен.Эки үй-бүлөөгө да оор болуптур сабыр кылгыла
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23199;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: