«Жылдын супер дебюту»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Виталий Люкс, футболчу: “КЫЯЛЫМ – КЫРГЫЗ ӨЛКӨСҮ МЕНЕН ДҮЙНӨ ЧЕМПИОНДУГУНА ЧЫГУУ”

№884 10-16-октябрь, 2019-ж.


Ушул жылдын күз айларынан тарта футбол боюнча Кыргыз улуттук курама командасы Катар-2022 Дүйнө чемпиондугунун жана 2023-жылкы Азия Кубогунун тандап алуу оюндарынын алкагында күчүн сынайт. Бул оюндарда команда чоң ишеним арта турган футболчулардын бири Виталий Люкс болору талашсыз. Азия Кубогунан кийин Кыргыз өлкөсүнүн булуң-бурчуна чейин таанылып, кыздардын жүрөгүнө чок салган чабуулчу жакында боло турган Мьянма жана Монголия менен беттештерге курама командага чакыруу алган. Чабуулчу алдыдагы олуттуу оюндар алдында маек курду.

– Саламатсызбы, Виталий? Алгачкы сурообузду Германиядагы жаңы футболдук сезон боюнча баштайлы. Сезон кандай жүрүп жатат?

– Жаңы сезон анчейин жакшы башталган жок. “Ульм” менен алдыңкы 2-3 оюнда утулуп калдык. 4 оюнду жеңдик. Акыркы оюнда жеңип, 3 упай алдык. Мындан дагы жакшы оюн көрсөтөлү дегенбиз. Чемпиондукта 1-2 орунду алып алдыга чыгууну максат кылганбыз. Эмнегедир бул тилегибиз орундалбай жатат.

– Сиз старттык курамда чыгып жатасызбы?

– Башында ошентип ойноп жаткам. Азыр машыктыруучу башка оюнчуларга ишеним артып жатат.

– Кыргыз улуттук курама командасынын башкы машыктыруучусу Александр Крестинин Люксту оюн талаасына чакырганда бул клубдук карьерасына да жардамын тийгизет деген эле. Чынбы?

– Ооба. Анткени бул жактан негизги курамга чыгам. Германиядагы машыктыруучулар да бул оюндарды карап, байкап турушат да. Негизи, Германияда 17 жашымдан бери ойноп келе жатам. Быйыл 13 жыл болуп калды.

– Карьераңыздагы эсиңизде калган таасирдүү учур кайсы?

– Бул Айнтрахтка киргизген гол жана Филиппин курама командасынын дарбазасына 3 гол киргизгеним карьерамдагы эсте калган учур деп айта алам.

– Футболго кандайча келип калдыңыз эле?

– Телевизордон футболчу Роналдонун ойноп жатканын көрдүм. Бул спорт түрү ошондо жагып калды. Топту алдым да, эшикке чыгып ойноп баштадым. Мектепте жанымда отурган бала машыктыруучунун уулу болчу. Ал “эгер футбол жагып жатса мени менен машыгууга бар. Ошол жактан көрөбүз” деди. Башында жакшы ойной алчу эмесмин. Бирок менде талант бар экенин билчүмүн, өзүмө ишенчүмүн. Алгач жакшы ойной албаган командада ойноп жүрдүм. Кийин “жакшы ойногон балдардын командасында ойногум келет” деп ошол командага которулуп кеттим. Ошол кезде мен 11 жашта болчумун.

– Улуттук курамга биринчи жолу чакыруу алган күнүңүз эсиңиздеби?

– 5 жыл мурун “Кыргыз улуттук курама командасында ойногуң келеби?” деп Футбол федерациясынан чалышкан. Мен дароо эле “албетте, ойногум келет, төрөлгөн мамлекети үчүн ойногонду ким каалабасын?” дедим. Ошентип Германиядан бул жакка келип паспорт жасаттым.

– Кайсы жакта төрөлдүңүз эле?

– Кара-Балтада туулгам. 6 жашымда эле Германияга көчүп кетип калганыбызга байланыштуу көп нерсе эсимде жок. Ушул убакытка чейин Кара-Балтага бара элекмин, убакыт боло элек. Бул жакка келерим менен машыгуу, оюнга даярдык башталып бошобой калам.

– Улуттук курама командага кошулгандагы алгачкы матч, машыгуу эсиңиздеби?

– Ооба, биринчи машыгуу, беттеш 2015-жылы Дубайда болгон. Анда Бангладеш менен беттешкенбиз.

– Улуттук курам сизди кандай тосуп алышкан?

– Абдан жакшы тосуп алышкан. Бат эле командага алынып, көнүшүп кеттим.

– Биринчи расмий матчта Бангладеш менен дебют жасаган экенсиз. Кыргыз гимни жаңырып жатканда жоопкерчиликти сезип жаттыңызбы?

– Албетте, ошол күнү досумдун үйлөнүү тою болмок. Мен ага катышпай калганыма байланыштуу видео жөнөтүшүм керек болгон. Мен ошол жерде өзүмдүн мамлекетим үчүн ойноп жатканыма ишенбей турдум.

– Азия Кубогундагы көз ирмемдер тууралуу айтып берсеңиз.

– Биз ар бир оюнда утууну кааладык. Өзүбүздүн мамлекетибизди көрсөтүп, биз дагы футбол ойногонду билерибизди көрсөткүбүз келди. Келип жөн эле ойноп койбостон, жеңгибиз келди. Мен өзүбүздү жакшы көрсөтө алдык деп ойлойм. Азия Кубогунда жакшы ойнодук. Ойной аларыбызды көрсөттүк. Корея менен болгон беттеште да жакшы ойнодук. Бирок тилекке каршы, 1:0 эсеп менен жеңилип калдык.

– Филиппинди уткандан кийин кандай сезимдер болду?

– Чындыгында, ал күнү мен үчүн гана эмес, баары үчүн сонун күн болду. Дарбазачы Валерий келип “бүгүн сен гол киргизесиң” дегенде “киргизем” деген элем (күлүп). Бул оюндан кийин менин Инстаграм баракчам жарылып кете жаздады. Күйөрмандар тынбай жазып жатышты.

– БАЭни утабыз деп чыктыңар беле?

– Албетте, утмакпыз. Анткени биз жеңишти гана самап турдук. Жеңилүүнү ойлогон жокпуз. Ушундай болуп калды. 90-мүнөттө эсеп санын 2:2ге теңеп гол киргизе алдык. Бул дагы жакшы көрсөткүч. Бул турнирден кийин Улуттук курама командада менталдык өсүү болду. Бул бизге сезилип турду.

– Тилекке каршы, Азия Кубогунда утулуп калдыңыздар. Бишкекте сиздерди ушундай жакшы маанайда тосуп алышат деп күттүңүздөр беле?

– Жок, бул биз үчүн жагымдуу сюрприз болду. Оюн талаасынан, социалдык тармактардан, дээрлик бардык жерден мекендештерибиздин колдоосун сезип турабыз.

– Инстаграмдын активдүү колдонуучусузбу?

– Аз-аздан кирип турам. Мен көбүнчө башкалардын постторун карайм десем болот. Улуттук курамдагы футболчулар фанаттар үчүн видео, сүрөттөрдү көбүрөөк жүктө деп калышат.

– Мырзалардын колдоосу көбүрөөкпү же кыздардыкыбы?

– Теңме-тең десем болот го (күлүп).

– Сиздин бир туугандарыңыз барбы?

– Жок. Мен жалгыз уулмун. Ата-энем ажырашып кеткенине байланыштуу апамдын тарбиясында болдум. Атамдан быйыл айрылып калдым. Ошондуктан июнда Палестина менен болгон беттешке келе албай калдым.

– Тажикстандан эмнеге утулуп калдык деп ойлойсуз?

– Биз туура эмес тактиканы тандап алыптырбыз. Алгачкы 15 мүнөттө жакшы ойноп жатканбыз. Кийин кандай болуп кеткени түшүнүксүз болуп калды.

– Курамда сизге атаандаш ким?

– Эрнист Батырханов жакшы ойнойт. Топту жакшы кармайт.

– Япония менен болгон беттешти күтүп жатасызбы?

– Албетте, күтүп жатабыз. Алар дагы Австралиянын курама командасы сыяктуу күчтүү. Биз өзүбүздүн үйүбүздө Филиппинди уткандай жеңип кетербиз, балким.

– Келиңиз, маектин нугун жеке жашооңузга буралы. Ушул жылы 31 жашка чыгат экенсиз. Качан үйлөнөйүн деп жатасыз?

– Мен азыр үйлөнгөнгө даярмын. Болгону сүйүктүүмдү жолуктура элекмин.

– Буга чейин олуттуу мамиле болду беле?

– Бир жолу сүйгөм. Мен анда 17-18 жашта болчумун. Ал кыз менен 3 жыл бирге болдук, жашадык. Бул мамиленин болгонуна көп болуп калды. Көптөн бери кыздар менен мамиле кура элекмин. Сүйүктүү адамымды жолуктурсам дароо үйлөнөм. Чындап менин адамым экенин билиш үчүн 2-3 ай жетиштүү. Аны менен сейилдеп, тамактанууга ушул убакыт жетиштүү деп ойлойм.

– Кандай кыздар жагат?

– Билбейм. Жүрөк тандаган кызды сүйөм да. Блондинка же брюнетка экени маанилүү эмес. Негизи ак көңүл, күлүп турган кыздарды баалайм. Футболду түшүнөбү же түшүнбөйбү, маанилүү эмес.

– Улуттук курамада жакын досуңуз барбы?

– Баары менен жакынмын. Алардын ичинен Эдгар Бернхард, Виктор Майер, Азамат Байматов, Мирлан Мурзаев, Антон Землянухин менен жакын мамиледемин.

– Эмнени кыялданасыз?

– Кыргыз улуттук курама менен Дүйнө чемпиондугуна чыгуу. Ушундай болсо сонун болмок.

– Апаңыз тууралуу айтып бериңизчи.

– Апамдын аты Ирина. Ал абдан боорукер аял. Күнүгө “эмне кылып жатасың?” деп жазып, чалып турат. Оюндарымды көрүп турат.

– Кайсы тилдерди билесиз?

– Англис, немис, орус тилдеринде эркин сүйлөйм. Кыргызча “алга, Кыргызстан, күч биримдикте, рахмат, бир, эки, үч” деген сөздөрдү билем.

– Кыргыз Премьер-Лигасын карап турасызбы?

– Ооба. “Дордой” менен “Алайды” билем. Кыргыз Премьер-Лигасынын командасынан сунуш түшсө ойлонуп көрмөкмүн.

– Кыргыз өлкөсү боюнча дагы эмнелерди билесиз?

– Бул жакта койду көтөрүп алып чуңкурга салат го, ошол спортту билем (ред.: улак тартыш тууралуу айтып жатат). Телевизордон көрүп калганда балдардан сурачумун “бул эмне болгон оюн?” деп (күлүп). Анан Валентина Шевченкону билем. Ысык-Көлгө бара элекмин, убакыт болсо, сөзсүз түрдө барам.

– Маек соңунда сизге эркин микрофон.

– Күйөрмандар, 10-октябрда Кыргыз-Мьянма мелдешине келиңиздер. Колдоп кетиңиздер, биз сиздерге ишенебиз, сиздерди сезебиз. Сиздер бизге керексиздер. Келиңиздер, Алга, Кыргызстан! Күч биримдикте!

– Маегиңизге рахмат! Татыктуу оюн көрсөтүңүздөр!

Динара Абдыкадырова
sport@super.kg



Виталий Люкс: "Сары же кара кыз экени маанилүү эмес. Жүрөк тандаган кызды сүйөм"

Автор: Адилет Керимбек уулу
Оператор: Батырбек Зарлыков

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(5)
14.10.2019. 10:25 
Тайпасы:
Жаран
Комментарийлердин саны:
7
Катталган:
13-02-2018
Соӊку аракети:
17-11-2019 20:52
Жынысы:
Белгисиз
0
Красавчик Люкс
14.10.2019. 10:44 
Тайпасы:
Жаран
Комментарийлердин саны:
2
Катталган:
25-11-2015
Соӊку аракети:
16-11-2019 18:58
Жынысы:
Белгисиз
0
Алгаа люкс
Super TV
15.10.2019. 22:24 
Тайпасы:
Жаран
Комментарийлердин саны:
15
Катталган:
19-04-2016
Соӊку аракети:
17-11-2019 19:52
Жынысы:
Белгисиз
0
такой приятный парень, умничка, успехов Кыргызстан. Алга Жигиттер!!!!
Super TV
16.10.2019. 11:59 
Тайпасы:
Жаран
Комментарийлердин саны:
9
Катталган:
11-12-2018
Соӊку аракети:
11-11-2019 17:20
Жынысы:
Белгисиз
0
жакшыэкен
18.10.2019. 14:46 
Тайпасы:
Жаран
Комментарийлердин саны:
10
Катталган:
06-09-2018
Соӊку аракети:
17-11-2019 18:32
Жынысы:
Белгисиз
0
Молодец, туулган мекенинди унутпаган учун, Ахметовдой болбогону учун. Кыргызстан да сени менен!!!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23199;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: