Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Марс Мамаев, ырчы: «ЭЛ МЕНИ «ЖЫЛАҢАЧ БААТЫР» ДЕП ТААНЫП КАЛДЫ»

№883 3-9-октябрь, 2019-ж.


Марс Мамаев жакында Super TV уюштурган «Жылаңач баатыр» долбоорунда 14 катышуучунун арасынан суурулуп чыгып, жеңүүчү аталып, баш байгеге коюлган 100 миң сомду илип кетти. Долбоордогу жеңиши, чыгармачылыгы жана жеке жашоосу тууралуу ырчы бизге ачылып-чачылып маек курду.

Туулган жери – Бишкек шаары

Туулган жылы – 1988-жыл, 10-ноябрь

Кесиби – инженер-механик

Бою – 176 сантиметр

Салмагы – 100 килограмм

Үй-бүлөлүк абалы – бойдок

Репертуарындагы ырлары – «Аида», «Кайгырба», «Жаш кездин күндөрү», «Заман» жана башка.

– Кандайсыз, Марс? Жеңиш кут болсун! Биринчиликке жетүү кыйын болдубу?

– Долбоор мага жакты. Жеңүүчү болом деп күткөн эмесмин. Бирок аракет кылдым. Толук болгонум үчүн айрым оюндар кыйын болду. Менден шамдагайлар көп болчу. Биринчиликти алганым борборго келгенде, бир туугандарым, досторум чалып куттуктаганда гана сезиле баштады.

– Сиз жеңишиңизди ырчы, атаандашыңыз Кудайберди Айтбосуновго бергиңиз келди. Эмнеге?

– Кудайберди жаман ою жок, жакшы бала экен. Аны менен жакын болуп калдык. Экөөбүз биринчилик үчүн ат салышууга баратканда «Куба, сенден биринчиликти талашкым келбейт, сага эле берем. Бирок эркекпиз да, кандай оюн болсо да, өзүбүздү татыктуу көрсөтөлү» деп айткам. Чакага колубузду байлап койгондо колум талып жатты. Бат эле тартып алайын дедим. Бирок мен элдин сынынан корком. Эрте эле жеңилип калсам, эл «колунан эч нерсе келбейт экен» деп айтышат деп намыстандым. Бир маалда Кудайбердини карасам, кыйналып жаткандай көрүндү. Колумду тартайын десем эле Куба менден биринчи колун таштап жиберди. Менин оюмча, Куба баш байгеге татыктуу болчу. Анан Кубага биринчиликти берем дебедим беле, айткан сөзүмө турбай калдым деп жаман болдум. Бирок дароо эле «утулдум, жеңишти Кудайбердиге берем» десем, ал «утулсам утулдум да» деп менин жүрөгүмө тийгизе сүйлөп койду. Бирок жеңишти башкага өткөрүп берсе болбойт экен. Антсе да кубокту Кудайбердиге бердим. Азыр баш байгени алганыма сүйүнүп жүрөм.

– Сезимтал адам көрүндүңүз. Долбоордон Шерхан Абкулов кеткенде да, жеңишке жеткениңизде да ыйладыңыз...

– Мен жашоодо кыйынчылыктарды көрүп чоңойгом. Көптү көргөнүмдөнбү, бардык окуяны жүрөгүм аркылуу өткөрөм. Кубокту алганда башкача толкундануу болду. Бир жолу келген жашоомдо биринчиликти ала турган күнүм бар экен деп сүйүндүм, толкундандым, бирок ыйлаган эмесмин.

Шерханды өз инимдей жакшы көрдүм. Ачык, туура сүйлөгөн, таза жүргөн, акылдуу жигит экен. Менден 2 жаш кичүү инимди көптөн бери көрбөй сагынып жүргөм. Ошондон уламбы, Шерхан кеткенде өзүмдү жалгыз калгандай сездим.

– Бир туугандарыңызга жакын окшойсуз?

– Мен жети бир туугандын бешинчисимин. Ата-энем дүйнөдөн өтүп кеткенден кийин экинчи агам бизге ата ордуна ата, эне ордуна эне болду. Ал үйлөнгөндөн кийин жеңем бизге апа болуп берди. Жеңебизди «жеңе» же «апа» дейбиз.

– Ата-энеңиз тууралуу айтып берсеңиз.

– Кичине кезибизде ата-энем Казакстанда иштеп жүрүштү. Биз эң улуу агамдын колунда калганбыз. Мен 1-курста окуп жүргөндө ал агабыз киши колдуу болуп каза болду. Анын сөөгүн 2 жарым айдан кийин суудан тапканбыз. Баласын жоготуу күйүтү ата-эне үчүн оор экен. Артында биз турсак дагы улуу агамдын күйүтүн көтөрө албай, кан басымы көтөрүлүп, агамдын өлгөнүнөн 8 айдан кийин эле апам көз жумду. Андан көп өтпөй атам да кан басымы көтөрүлүп каза болду. Андан кийин таенем менен чоң апам өтүп кетти. Жакындарымды катары менен жоготуп, өзүмдү тоголок жетим сездим. Мен үчүн оор болду, бирок аракет кылып жашадым. Ал кезде көптөр мени жаман жолго түшүп кетет деп ойлошту. Жок, мен ата-энемдин атын көтөргүм келди.

Ошондон кийин мен атамдын карындашынын үйүндө жашап калдым. Эжем менен жездеме ыраазымын,бирок эч ким өз ата-энеңдей болбойт экен. Аябай кыйналган учурларым болду. Үйдө ызы-чуу болмоюнча жашоо кызыксыз да. Ызы-чуу болгон күндөрү автобекетте, мейманканада түнөгөн күндөрүм болгон. Кийин Москвага барып кафеде, унаа жуучу жайда, жеткирүү кызматында иштедим. Ал жактан кыргыз балдар кыр көрсөтүштү. Рэкетчиликтен качып кайра Кыргызстанга келдим. Бул жактан курулушчу, официант, унаа жуугуч болуп иштедим. Ошол кезде ди-джей Назгүл Жамгырчиева эжеге жолугуп калдым. Ата-энемден кийин мага Назгүл эже тарбия, багыт берди. Ырдап чыгам десем, жардам берди, продюсерим болду. Ошону менен шоу-бизнеске аралашып калдым.

– Ырчылык балалык кыялыңызбы?

– Кичине кезимде атам "каратист болосуң" деп спортко кызыктырчу. Бирок өзүм кичинемден комуз, гитара, аккордеон ойноого кызыгып, ыр да жазчумун. Чоңойгондо талантым бар, таанышым жок жүрдүм. Назгүл эженин жардамы менен азыр бул чөйрөдө эмгектенип келатам.

– Сизди орусиялык ырчы Григорий Лепсти туурайт дешет?

– Тоголок көз айнек тагынып, кырылдап ырдаганым үчүнбү, ошентип айтышат. Менде ал кишиге окшошом деген ой болгон эмес. Бирок окшоштурса, сүйүнөм. Кичинемде Жеймс Браун, Боб Марлинин ырларын жакшы көрүп укчумун. Ошол ырчылардын таасири менен чыгармачылыгымда регги стилин тандап алдым.

– Кийинүү стилиңизге да көп сын айтышат...

– Ооба, «пижама кийип аласың» дешет. Бул пижама эмес. Атайын ушундай образды тандап алганбыз. Башында мындай кийингенден өзүм да уялдым. Эл корей ырчысы PSY`га, Индиянын полиция кызматкерлерине окшоштурушту. Азыр көнүп калдым, көчөдө деле ушундай кийинип жүрө берем. Элге да жагат, "башкаларга окшобогон стиль" деп айтышат.

– «Жылаңач баатыр» долбоорунан утуп алган 100 миң сомду эмнеге жумшайсыз?

– Башында бардык катышуучулар «утсам, акчаны таратып салам, баарына берип салам» деп сүйлөптүрбүз. Башында көп акча көрүнүп жаткан. Акчаны албай жатып жок кылдым окшойт. "Жууйсуңбу?" дегендер көп. Баарына жууп берем. Өзүм да бир туугандарым айтмакчы атамдай болуп, бир көргөн адам менен достошо берем, жок дей албайм. Ошол сапатымды өзгөртөйүн деп аракет кылдым, бирок болгон жок. Бирөө жардам сураса, башында баш тартып койсом дагы улам ойлоно берем да, кайра барып жардам берем. Бирөөнүн көңүлүн кыя албайм.

– Долбоордон эмне алдыңыз?

– Мурда мени «Аиданы» ырдаган Марс» деп таанышса, азыр көчөдөн колу менен көрсөтүшүп, «Жылаңач баатыр» деп таанып калышты. Ырчы болгондон кийин элге таанылыш үчүн аракет кылыш керек. Силер аркылуу мурдагыдан да таанымал болдум. Сиздердин жамаатка чоң ыраазычылык билдирем.

– Кыздар тууралуу сүйлөшпөсөк болбойт. Окурмандар «бул жигиттин жүрөгү бош бекен?» деп кызыгышат да...

– Жакында үйлөнөм деп бир туугандарыма айтып, даярдана баштагам. Анан эле сүйлөшкөн кызымды ала качып кетишти. Барып алып кетейин дедим, бирок ошол маалда шартым болбой калды.

– Жеке жашооңузда бакыт, чыгармачылыкта ийгилик болсун! Маегиңизге рахмат!

Перизат Музуратбекова
star@super.kg



Ырчы Марс: "Көчөдөгү эл "жылаңач баатыр" деп кайрыла баштады"

Автор: Айжан Нурманбетова
Оператор: Руслан Алыбаев

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
07.10.2019. 21:29 
Тайпасы:
Жаран
Комментарийлердин саны:
33
Катталган:
02-09-2015
Соӊку аракети:
14-10-2019 21:45
Жынысы:
Белгисиз
+1
Ийгилик!!!
07.10.2019. 21:58 
Тайпасы:
Жаран
Комментарийлердин саны:
330
Катталган:
27-11-2015
Соӊку аракети:
16-10-2019 03:09
Жынысы:
Белгисиз
+1
Салмагы 100
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23044;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: