«Жылдын супер ырчы айымы»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

КЕМИНДЕ 14 ЖАШТАГЫ КЫЗ ӨЛТҮРҮЛДҮ

№882 26-сентябрь - 2-октябрь, 2019-жыл


Чүй облусунун Кемин шаарында 14 жаштагы өспүрүм кызды зордуктоого аракет кылып, ал каршылык көрсөткөндө өлтүргөн деп шектелип 20 жаштагы жаран кармалган. 22-сентябрь күнү кыздын жансыз денеси Кемин шаарындагы ээн калган үйлөрдүн биринен табылды. Маркум Аэлита Иманкадырованын жакындарынын айтымында, кыз самбо менен 2 жылдан бери машыгып келген. Кошуналары "ал кол салган адамга оңой эле жеңилип бермек эмес" деп жатышат.

«КЫЗДЫ ЭЭН ИМАРАТТА ЗОРДУКТООГО АРАКЕТ КЫЛГАН»

Чүй ОИИББинин маалымат кызматы бул окуя боюнча мындайча маалымат таратты.

– 22-сентябь күнү Кемин райондук ички иштер бөлүмүнө 57 жаштагы аял кайрылган. Ал арызында 20-сентябрда үйүнөн чыккан бойдон дайынсыз болуп жаткан 14 жаштагы небересин табууга жардам сураган. Ыкчам топ издөөгө чыгып, Кемин шаарындагы ээн калган үйлөрдүн биринен өспүрүм кыздын жансыз денесин табышкан. Ал денесинин бир нече жеринен жаракат алган. Бул кылмышка шектүү катары милиция кызматкерлери 20 жаштагы жигитти кармады. Ал мурда да бир нече жолу соттолгон К.А. аттуу Кашкелең айылынын тургуну экени белгилүү болду.
Тергөөнүн алдын ала жыйынтыктары боюнча, 20-сентябрда саат 21:30 чамасында кылмышка шектүү мас абалда келе жатып жолдон өспүрүм кызды көрүп калган. Ал кызды зордуктоо максатында күч менен ээн калган имаратка алып барган. Кыз ага каршылык көрсөткөндө, шектүү аны сабап салган. Мунун кесепетинен өспүрүм каза болгон. Бул факт Кылмыштардын жана жоруктардын бирдиктүү реестрине «Адам өлтүрүү» беренеси менен катталып, сотко чейинки өндүрүшкө алынды. Учурда тергөө жүрүүдө.

«БУЗУК ЭСКИ ҮЙДҮН ИЧИНЕН КЫЗЫМДЫН ЖАНСЫЗ ДЕНЕСИН ТАПТЫМ»


Маркум кызды багып чоңойткон таенеси Бүбира Асанова кыздын жансыз денесин ээн калган имараттан өзү тапканын айтат.

– Неберем 20-сентябрь күнү курбу кызыма барып келейин деп үйдөн чыккан. Ал курбусу жаныбызда эле, 2-3 үй ары жакта жашайт. Анын үйүндө 5-10 мүнөт эле отуруптур. Ал кызды да чоң энеси багат. Сүйлөшсөм «кызың 5 мүнөттөй туруп эле кеткен. Мен кызымды чыгарбай койгом» деди. Анан классташтары сейил бакка чогулалы деп телефон чалышыптыр. Бизге жакын жерде сейил бак бар, жаштар эс алып, чогулуп отуруп калышканын көрөбүз. Тиги курбусу чыкпагандан кийин кызым классташтары чогулган жерге барыптыр. Негизи кызым бир жакка бейчеки чыкпайт болчу, көзөмөлдөп турчумун. Алар менен жолугуп, үйгө кайтканда ушул окуя болуптур. Ал биздин подъездде жашаган бала деп эле коркпой жанынан өтө берсе керек.
Кызым түнү үйгө келбегенинен эртең менен милицияга барып арыз жаздым. Алар «эч кайда кетпей үйдө болуңуз, керек болсоңуз чалабыз» дешти. Анан бир аздан кийин «кызыңыздын күбөлүгүн, өзүңүздүн паспортуңузду алып келиңиз» деп чакырышты. Сурагандарын алып барып берип, кайтып келе жатып үйгө жакын калганда эмнегедир бир нерсе артка тартты. Кайрылып барып, чөптөрдү аралап өтүп таштанды имараттын подъездин карасам, кызымдын курткасы жатыптыр. Ала коюп тааныдым да, кошуна келинге телефон чалдым. Ал, дагы башка кошуналар болуп келип, менин жанымда болушту. Кызым жоголду деген күнү классташтары, уулумдун достору издеп, ал тамга кирбеген киши калбаптыр. Анда кызымдын денеси жок болчу экен. Жерди тытмалап карап жатып, телефонун, телефонунун сыртын көрүп калдым. Ички бөлмөлөрүнүн биринде канга боёлуп кызым жатыптыр...

«САМБО МЕНЕН МАШЫКЧУ, ЗӨӨКҮРДҮ ОҢОЙ ЭЛЕ ТҮРТҮП САЛМАК»
– Кызымдын денесинен тамтык калбаптыр. Башынын 4 жери жарылганын сөөгүн жууп жатып өзүм көрдүм. Моюну сынып же чыгып кеткен окшойт, жууп жатканымда шылкылдап жатты. Колунун бир манжасында тырмагы болсо, биринде жок. Жандалбастап жерди тырмалаган окшойт, байкуш кызым. Экспертиза дайындалып, сиңдилерим барып келишти. Милиция «эмне менен муунттуң?» деп сураса шектүү «бутум менен минтип бастым» деп көрсөтүп бериптир. Кызым өзү спорттун самбо түрү менен машыкчу. 2 жылдан бери мелдештерге катышып жүргөн, быйыл бутун оорутуп алып, 1 жумадан бери бара элек болчу. Өзү кичинекей арык болгону менен шамдагай эле. Мас жигитти оңой эле түртүп салып качып кете алмак.
Мен 58 жашка чыгып калдым. Күйөөмдүн көзү өтүп кеткенине 7-8 жыл болду. 5 уулум жана жалгыз кызым бар. Кызымдын биринчи турмушу жакшы болбой ажырашып кеткенде неберем Аэлитаны 14 күндүгүнөн баштап өзүм багып чоңойтком. Өзүм талаага чыгып ар кандай жумушта жалданып иштейм. Ушул неберемди эч кимден, эч нерседен кем кылбаганга аракет кылып жашап келгем. Эки уулум өткөн жылы удаа каза болуп калышты. Бир уулум өзүнчө жашайт, үй-бүлөлүү. Кенже уулум 11-класста окуйт, ошол уулум менен Аэлита менин колумда болчу.
Жашоо шартым ушундай, сыз үйдө жашайбыз. Аэлитам кол арага жарап, үй оокаттарын жасаган тирегим эле. Окутсам, келечегин куруп берсем деп ниеттенчүмүн. Мен көргөн азаптуу күндү көрбөсүн деп тырышчумун. Өзүнүн апасы менен эже-сиңдидей болчу, менин эле кызым болуп калган. Жаныбарларды жакшы көрчү, кичинекей балдар менен бакка чыгып ойноп, жаш бала эле болчу да. Өзү менен тең өспүрүм кыздардай боёнуп жигит жандаган да жок.
Кылмышка шектелип кармалган бала Кеминден эле болот. Жаныбызда аракеч кошунабыз бар. Ошонун үйүндө батирде турчу экен, кызыма көз салып жүрсө керек да. Элден жакында эле түрмөдөн чыккан экен деп уктум.

«ЭРКЕК МҮНӨЗ, ЖӨНӨКӨЙ КЫЗ БОЛЧУ»

Көзүнүн жашын тыйбай ыйлаган таенесине сабыр тилегенден башка эч нерсе дей албадык. Маркумдун мектептеги жетишкендиктери, кулк-мүнөзү тууралуу класс жетекчиси Чынаркүл Мурадилова буларды айтып берди.

– Класс жетекчи катары үй-бүлөсү менен тыгыз иштешчүбүз. 11-класста окуган байкеси, таенеси болуп үчөө жашашчу. Байкеси менен ынак болчу, экөө күрөшүп, чогуу машыгып жүрүшчү экен. Сабактан чыкканда да байкеси ээрчитип, чогуу кетишчү. Аэлита эркек мүнөз, тайманбас, жөнөкөй кыз болчу. Окуусу орто, бирок берген тапшырмаларды жакшы аткарып келчү. Классташ кыздары менен да, балдары менен да ынтымактуу болчу. Өзүнүн апасы келип турчу. Былтыр кызын сурап бир жолу жыйналышка катышып кеткен.

«ОШОЛ КҮНҮ 16 ЖАШАР ДАГЫ БИР КЫЗ КИШИ КОЛДУУ БОЛГОН»

Кылмыш катталган аймак бала-бакыра үчүн кооптуу экенин айтып, жергиликтүү тургундар окуя тууралуу көргөн-билгендерин баяндап беришти. Атын атагысы келбеген кошунасы кылмышка шектелип кармалган адам атайын жатак-мектепте тарбияланып чыкканын айтат.

– Каза болгон өспүрүм кыз жашаган батирдин маңдайында бир орус киши жашайт. Шектүү деп кармалган Аман аттуу жигиттин ошол үйгө кирип-чыгып жүргөнүн көргөм. Мен ал баланы жакшы деле тааныбайм, ата-энеси Кашкелеңде турушат. Атасы 2 жолу үйлөнүп, бул бала өгөй эненин колунда чоңойгон. Аны көрүп "бул жакта эмне кылып жүрөсүң?" деп сурасам, ошол үйгө батирге чыкканын айткан. Билишимче, акыл-эси кеч өөрчүгөн балдар тарбияланган жатак-мектепте окуп, ал жактан да айдалып кеткен экен. Ал буга чейин да «зордуктоо» беренеси менен соттолуп чыкканы маалым. Аэлитаны жоголду деп издеп жүргөн күнү ушул эле аймакта 2003-жылкы өспүрүм кызды жерге беришти. Аны да белгисиз бирөөлөр зордуктап, анан өлтүрүп кетишиптир деп уктук. Ал кыз да эшикке чыгып эле 3-4 сааттан кийин короосунун жанында жансыз денеси табылыптыр. Алып келип таштап кетишиптир дейт. Анын өлүмүнө шектүү кармала элек.

«БИЗДИН АЙМАК КООПТУУ БОЛГОНДУКТАН «13-РАЙОН» ДЕП КОЮШАТ»
– Милиция ишти аягына чейин тыкыр териштирсе экен. Мен шектүү бул ишти жалгыз өзү жасады дегенге күмөнүм бар. Карапайым элдин балдарын коргоого алуу деген бийликтин оюна келбейт. Биздин аймакта балдардын коопсуздугуна кам көрүү каралган эмес. Шаардын бул бөлүгүн «13-район» деп коюшат. Кылмыштуулук күч алган, таштанды аймакка окшош. Каралбай калган ээн жайлар көп. Өзүңөр көрдүңөр, кыздын жансыз денеси табылган имарат таштанды таштоочу жай, даараткана болуп бүткөн. Ушул эле жерден былтыр бир келиндин жансыз денеси табылган. Мурда бул имаратта мамлекеттик кызматта иштегендер жашачу. Бул район ушундай кооптуу экенине карабай, батир акысы арзан болгон үчүн гана жашайбыз. Боевик, согуш тууралуу тасма тарта тургандай эле коркунучтуу жер.
Ушул имараттарды жергиликтүү бийлик же баланска алып иштетип же болбосо элдин менчигине чечип берсе, биз да темселеп батирлебей оңдоп-түзөп, таштандыдан арылтып, иретке келтирип жашайт элек. Ушундай кароосуз калган имараттар көп болгондуктан кылмыштуулук күч алып жатат.


Айпери Хожаева
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -2 
Комментарийлер(12)
30.09.2019. 09:23 
Тайпасы:
Жаран
Комментарийлердин саны:
716
Катталган:
18-09-2018
Соӊку аракети:
21-11-2019 21:23
Жынысы:
Белгисиз
+17
Эркектер малдан жаман болуп кетишти. Атасы кызын зордуктаган,жада калса бир жаштагы наристени(Ибрагим) зордуктап деле коюшкан учурлар болуп атат. Анан дагы уялбай аялдарга акыл айтып коюшат"узун кий,андай бол,мындай бол " дешип.
30.09.2019. 10:55 
Тайпасы:
Жаран
Комментарийлердин саны:
38
Катталган:
08-04-2014
Соӊку аракети:
12-11-2019 04:51
Жынысы:
Белгисиз
Калаасы:
New York
+15
Ушундай адамар менен эле аралашып жашап жүрөбүз, эх Аллахым балдарыбызды сактаса экен.
30.09.2019. 12:20 
Тайпасы:
Жаран
Комментарийлердин саны:
198
Катталган:
14-04-2014
Соӊку аракети:
21-11-2019 10:49
Жынысы:
Белгисиз
Калаасы:
Ош-Москва
-22
Эркектер ушундай деп негрге тийип кете бергиле анда
30.09.2019. 21:42 
Тайпасы:
Жаран
Комментарийлердин саны:
9
Катталган:
09-08-2017
Соӊку аракети:
19-11-2019 11:50
Жынысы:
Белгисиз
+11
Ооба кошулам, зордуктаган адамды катуу жазалап, кесип эле салса жакшы болмок. Мына бул деле отуруп чыгыптыр зордуктоо боюнча, кайра эле кылып жатат. Ошондой закон чыкса, азаят болчу. Уруулардын манжаларын кесип, киши өлтүрүүну атууга келтириш керек. Мындай мыкаачы адамдардын коомго эмне кереги бар
30.09.2019. 22:09 
Тайпасы:
Жаран
Комментарийлердин саны:
333
Катталган:
28-09-2015
Соӊку аракети:
15-11-2019 17:01
Жынысы:
Белгисиз
Калаасы:
Бишкек
+5
Кайран өмүрлөр, жаткан жери жайлуу болсун
01.10.2019. 01:55 
Тайпасы:
Жаран
Комментарийлердин саны:
282
Катталган:
27-08-2016
Соӊку аракети:
18-11-2019 19:30
Жынысы:
Белгисиз
+3
Өтө өкүнүчтүү. Ыйладым окуп. Сөз жок. Сабыр
01.10.2019. 02:26 
Тайпасы:
Жаран
Комментарийлердин саны:
80
Катталган:
04-06-2011
Соӊку аракети:
21-11-2019 12:43
Жынысы:
Белгисиз
Калаасы:
россия москва
+7
Секелектерди зордогондор кийин коомго пайда келтиреби турмодон чыгып???
Канга кан болсун, олум жазасын киргизгиле, болбосо бычкыла!!!Качанга чейин наристелер зордолот?!!
Бактылуу балалыкта жашаш керек, балдар келечектер!!!
01.10.2019. 09:35 
Тайпасы:
Супермодератор
Комментарийлердин саны:
8468
Катталган:
19-11-2013
Соӊку аракети:
21-11-2019 19:54
Жынысы:
Белгисиз
-1
Avrora2017, этика нормаларын сактаңыз. Эскертүү!
01.10.2019. 19:13 
Тайпасы:
Жаран
Комментарийлердин саны:
15
Катталган:
08-05-2017
Соӊку аракети:
18-11-2019 17:47
Жынысы:
Белгисиз
+3
Окмот эмнеге ушуга окшогон кылмышкерлерди боштондукка чыгарат? Кайра мындай кылмышты кайталаары айдан ачык эле нерсе го! Алсыз аялдарды, жаш балдарды, оспурумдорду коргоонун ордуна, акчасын алып чыгарып жиберишет! Кандай олкодо жашап атабыз??? Кудайым озу сактасын ушундай зоокурлордон!
02.10.2019. 13:12 
Тайпасы:
Жаран
Комментарийлердин саны:
34
Катталган:
18-05-2016
Соӊку аракети:
19-11-2019 16:23
Жынысы:
Белгисиз
-1
14жаштагы кыздын жигит жандап коро элек болчу дегени кандай?
03.10.2019. 13:50 
Тайпасы:
Жаран
Комментарийлердин саны:
57
Катталган:
27-09-2011
Соӊку аракети:
21-11-2019 13:39
Жынысы:
Белгисиз
Калаасы:
Биш))
+3
Kalemkash,Мага сиздин суроонуз тан калычтуу болуп жатат. Жандабаса жандабады дейт да..мен мисалы мектепте окуганымда жигит менен суйлошуп коргон эмесмин...Тан калчу нерсеге тан калсанар..Кудай ай!
03.10.2019. 22:52 
Тайпасы:
Жаран
Комментарийлердин саны:
716
Катталган:
18-09-2018
Соӊку аракети:
21-11-2019 21:23
Жынысы:
Белгисиз
+1
Kalemkash,просто элдер тушунбой эле соз кылып жиберишпедиби. Неге кызы кечинде кочодо журот,аны муну дешип. Балким ошого жооп иретинде айтып жатышкандыр
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23227;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: