«Жылдын супер ырчы айымы»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ӨЗГӨНДӨГҮ ТАБЫП АЯЛДЫН ӨЛҮМҮ. КЫЛМЫШКА ШЕКТҮҮ КАРМАЛА ЭЛЕК

№881 19-25-сентябрь, 2019-жыл


Өзгөн районундагы Мырза-Аке айылында 7-сентябрь күнү Надежда Чудакина аттуу 71 жаштагы улгайган аял мыкаачылык менен өлтүрүлгөн. Маркум бүткүл районго табып, сыныкчы катары таанылган аял болгон. Ош облустук милициясы табыптын өлүмүнө шектүүнү таба элек.

“АЛЫСТАН АТ АРЫТЫП, СЫНЫКЧЫ АПАГА ШЫПАА ИЗДЕП КЕЛИШЧҮ”

Маркум аялды аймакта эл Надя апа деп таанышат. Өзүн анын кошунасымын деп тааныштырган аял буларды айтып берди:

– Мен Надянын бир көчө ары жакта жашаган кошунасы болом. Ал небереси менен чогуу жашачу. Окуя болгон күнү небереси түтүндөн чочуп ойгонуп, сыртка чыгыптыр. Анткени кылмышкерлер аялды өлтүргөн соң үйүнө өрт коюп кетишкен экен. Кыз короодо жаткан чоң энесинин жансыз денесин көрүп, кошуналарын жардамга чакырыптыр. Жакын жашаган кошуналары өрттү өчүрүп, “Тез жардам” жана милиция кызматына телефон чалышыптыр. Надя көп жылдан бери бейтаптардын чыгып кеткен сөөктөрүн салып, сынык-жарактарын таңып, табыптык менен алектенчү. 70 жаштан ашып калса да көп бейтаптарды көрүп, шыпаа таап алдуу-күчтүү жүрчү. Атын уккандар алыскы райондордон бери жол арытып атайын келип көрүнүшчү, ошол себептен үйүнөн киши үзүлчү эмес. Эч кимге зыяны жок, элге пайдасы гана тийген аял болчу. Азыр көп адамдар кабарды угуп, ыйлап келип жатышат. Сөөгү 9-сентябрда жерге берилди.

“КОРООДО КӨМКӨРӨСҮНӨН ЖАТЫПТЫР”

– Милиция кызматкерлери кылмышкерди издеп жатышат, бирок дагы эле табыла элек. Үйдөгү небересинин айтымында, ал кырсык болгон күнү сырттан чоң энесинин "дагы келдиңби?" деген сөзүн угуптур. Андан соң уктап калып, качан гана үй өрттөнүп, түтүндүн жыты мурдуна келе баштаганда ойгонуп, кошунасына жардам сурап барыптыр. Коңшусу короого киргенде эле көмкөрөсүнөн жаткан аялды жана кан болгон бычакты көрүптүр. Ага ким кара санашы мүмкүн экенин билбейм. Акчасына кызыкканбы десек, эч нерсесине тийбептир.

Эки уул, бир кызы бар. Кызы Орусиядагы бир адамга турмушка чыгып кеткен. Бир уулу ушул эле айылда турат. Колундагы 12 жашар небереси кичүү баласынын кызы. Кичүү уулу каза болуп калган.

“АЙЫЛДЫН АРДАКТУУ ТУРГУНУ БОЛЧУ”

Мырза-Аке айыл өкмөтүнүн башчысы Райымберди Курманкуловго байланышып, үрөй учурган окуя тууралуу сурадык.

– Маркум Мырза-Аке айылынын ардактуу тургуну болчу, 1948-жылы туулган. Медициналык билими бар, кесиби медайым эле. Ошон үчүн мыкты сыныкчы аталган. Чындыгында элге аябай көп кызмат кылды. Бейтаптар бир эле бул аймактан эмес, Талас, Нарын, Ысык-Көлдөн, жадакалса кошуна өлкөлөрдөн келип көрүнүшчү. Анын минтип киши колдуу болору кимдин оюна келиптир. Бирөө менен жакшы-жаман айтышканын уккан эмесмин, ошол себептен касташкан бирөө-жарымы бар эле деп айта албайм. Калганы эми укук коргоо органдарынын иши да, алар дагы катуу аракет кылып жатышат. Элдин баарына шыпаа тапкан адамдын өлүмүнө күнөөлүү табылса деп отурабыз.

“КЫЛМЫШТЫН БИР НЕЧЕ ВЕРСИЯСЫ БАР”

Ош ОИИБинин басма сөз кызматынын маалымат кызматынын башчысы Жеңиш Аширбаев шектүүнү табуу оорчулук жаратканын жана иш боюнча бир нече версия каралып жатканын айтты:

– Учурда соттук-медициналык экспертизанын жыйынтыгы күтүлүп жатат. Аялдын сөөгүнөн 1,5 метр алысыраакта канга боёлгон бычак табылган. Ага да өзүнчө тиешелүү экспертиза дайындалды. Тилекке каршы, өлтүргөн киши табыла элек, издөө иштери жүрүп жатат.

Бул аял мурда медициналык кызматкер болуп иштеп жүрүп, пенсияга чыккан экен. Анын үйүнөн 200 миң сомдон ашык акча табылды. Бирок шектүүлөр мындан башка дагы чоң суммадагы акчаны алып кеткен болушу мүмкүн. Себеби табыпчылык менен алектенген аял көрүнгөнү келгендерден 1 күндө 15-20 миң сомго чейин каражат таап келгени айтылып жатат. Чыгып калган колун, бутун, белин салдырганы бир күндө бир нече, ар кандай киши келчү экен. Ошондуктан ар түрдүү версия менен иш каралып, шектүүнү аныктоо кыйынга турууда. Бул кылмышта кеминде эки киши болушу мүмкүн деген божомол бар. Кылмышкер аялга артынан 9 жолу бычак сайып, үйүн өрттөгөнгө жетишкен. Муну 1 эле адам кылганбы же жокпу аныкталып жатат.

Орусиядан кызы келген, окуяга күбө болгон небересин ошол кызы карап жатат. Бул факт Кылмыштардын жана жоруктардын бирдиктүү реестрине катталып, сотко чейинки өндүрүшкө алынды. Ошондой эле бардык соттук-медициналык экспертизалар дайындалды.

Айпери Хожаева
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(1)
27.09.2019. 05:57 
Тайпасы:
Жаран
Комментарийлердин саны:
9
Катталган:
06-08-2015
Соӊку аракети:
21-11-2019 11:23
Жынысы:
Белгисиз
+5
Жердин тубунон болсо да тапкыла.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23227;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: