Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

6 ОКУУЧУ УНААДАН АЖАЛ ТАПТЫ. ЖООПКЕРЧИЛИК КИМДЕ?

№881 19-25-сентябрь, 2019-жыл


Сентябрь айынын башында өспүрүмдөрдүн катышуусунда өлүм менен коштолгон 3 автокырсык катталды. Алардын бири 9-сентябрь күнү Бишкектин Чыңгыз Айтматов кең көчөсүндө орун алып, 4 бала каза тапты. Экинчиси 10-сентябрда Жайыл районунун Орто-Суу айылында, кийинкиси 11-сентябрь күнү Жалал-Абад облусунун Ала-Бука районунда катталды. Өкүнүчтүүсү – бул кырсыкта жапжаш балдардын өмүрүнүн кыйылганы.

АВТОБУС МЕНЕН СҮЗҮШКӨН УНААНЫН ЖАРТЫСЫ ЭЛЕ КАЛГАН

9-сентябрь күнү, саат 14:54 чамасында Бишкектин Чыңгыз Айтматов кең көчөсүндө, тактап айтканда, Киргизия-2 конушунун тушунда унаа кырсыгы катталды. Анда Skoda Octavia үлгүсүндөгү жеңил унаа менен №8 каттамдагы жүргүнчү ташыган автобус сүзүшүп, жеңил унаада бара жаткан 4 өспүрүм окуя болгон жерден мүрт кетишкен. Унаа мурду менен автобустун алдына кирип кеткен бул кырсыкта адамдын аман калышы деле күмөн болчу. ӨКМнын маалыматына ылайык, каза болгон 4 бала тең 17 жашта болгон. Алардан тышкары 19 жаштагы кыз оор жаракаттар менен ооруканага жеткирилип, 4 күндөн кийин каза болуп калды.

Бишкек ШИИББинин басма сөз кызматы билдиргендей, унаадагылар үлпөт тойдун кортежин коштоп жүрүшкөн. “Кырсыкка кабылган унаа үйлөнүү тойдун кортежинде болгон. Ал кортежден артта калып, шашып баратып, автобустун каршысына чыга калган”,- деп билдирет мекеме. Бизге жеткен маалыматтар боюнча, каза болгон балдар 22 жаштагы агасынын үйлөнүү тоюна кортеж коштоп чыгышкан. Алар борбор калаадагы №88 орто мектептин окуучулары экендиги маалым болду.

Кырсыктан №8 автобуста бара жаткан 6 жүргүнчү жана анын айдоочусу да жабыркаган. Натыйжада Травматология жана ортопедия илим изилдөө борборуна 3 адам, улуттук госпиталга 1 адам жана шаардык балдар клиникасына 2 өспүрүм жеткирилген. Жеңил жаракат алгандар биринчи медициналык жардам көрсөтүлгөндөн кийин үйлөрүнө чыгарылган. Ал эми автобустун айдоочусунун абалы туруктуу. Аталган жол кырсыгы Кылмыштардын жана жоруктардын бирдиктүү реестрине катталып, Кылмыш-жаза кодексинин 297-беренеси ("Автомототранспорт каражаттарынын кыймылынын жана аларды эксплуатациялоодогу коопсуздук эрежелерин бузуу") боюнча сотко чейинки тергөөгө алынды.

“БООРУ АЙРЫЛЫП КЕТИПТИР”

Травматология жана ортопедия илим изилдөө борборунун башкы дарыгери Алмаз Кубатбеков бейтаптар кандай абалда келип түшкөнү тууралуу айтып берди.

– Жабыркаган кыз окуя болгон күнү бизге саат 14:45те “Тез жардам” кызматы менен келген. Ал эс-учун жоготкон, кан басымы түшүп кеткен оор абалда болчу. Дароо жандандыруу бөлүмүнө киргиздик. Мээси катуу чайкалып, боору жана көк боору айрылып кетиптир. Шашылыш операция жасалып, жарылган боор тигилген. Ал эми көк боорун алып салууга туура келди.

Бейтап эсине келген эмес, ал жасалма дем алдыруучу аппаратта жаткан. 4 күн жаткандан кийин өзүнө келбей каза болду.

Ал эми автобустун айдоочусунун абалы учурда туруктуу экендигин нейрохирургия бөлүмүнүн башчысы Советбек Сатиев билдирди.

– Автобустун айдоочусу 30 жаштагы Акыл.Б. бизге 9-сентябрь күнү 16:35те келип түшкөн. Оор абалда келди. Мээси чайкалып, маңдайынын жумшак булчуңдары жанчылган. Тиешелүү дары-дармектерди берип жатабыз. Учурда ага басканга болбойт, башынын урулган жерлерин ооруп жатат дейт. Уйкусу жакшы, абалы туруктуу, денесинин айрым жерлериндеги жаракаттарды эске албаганда абалы жакшы.

“УУЛУМ 4 ЖЫЛДАН БЕРИ АЙДООЧУ БОЛУП ИШТЕЙТ”

Автобустун айдоочусунун апасы Бурул Искакова уулунун 4 жылдан ашык айдоочу болуп иштеп келе жатканын айтат.

– Баламдын абалын азыр туруктуу деп жатышат. Бирок табити жок, тамак ичпей, суу эле ичип жатат.

Машинанын бардык түрүн айдайт, атайын окуп, билим алган. 4 жылдан бери ушул тармакта иштеп келет. Үй-бүлө кура элек. Кырсык болгон күнү кортежге чыккан балдардын унаасын алыстан байкаган экен. Окуя тууралуу: “Жол тилкесинен ары чыгып, бери чыгып ойноп келатышкан. Андан кийин эмне болгонун билбейм, көзүмдү ачсам ооруканада экенмин”,- деди.

ЖАЙЫЛДА АГА-ИНИ ОКУУЧУЛАР МҮРТ КЕТТИ, ЖАЛАЛ-АБАДДА 3 ОКУУЧУ ООР АБАЛДА

10-сентябрь күнү Жайыл районунун Орто-Суу айылында жол кырсыгы болду. Анда 2 мектеп окуучусу каза болуп, дагы бири оор жаракат алып ооруканага жеткирилген. Алар унааны ата-энесинин уруксатысыз айдап чыгышканы, саатына 120 чакырым ылдамдыкта баратканы маалым болду. Бул тууралуу Чүй облустук Жол кыймылынын коопсуздугун камсыздоочу башкы башкармалыгынын басма сөз кызматы билдирди.

– Саат түнкү 12:20 чамасында Полтавка унаа жолунда кырсык катталып, 16 жана 7 жаштагы балдар каза болгон. Маркумдар ага-ини болушкан. Окуучу Nissan Cefiro үлгүсүндөгү унааны ата-энесинин уруксатысыз айдап чыккан. Улуусу унааны башкара албай калып, бакты сүзгөн. Учурда бул кырсык боюнча териштирүү иштери жүрүүдө. Ошондой эле жүргүнчү катары бара жаткан 17 жаштагы бала оор жаракат алып, Жайыл аймактык ооруканасынын жандандыруу бөлүмүнө жеткирилген.

Аталган оорукананын дарыгери Болот Майканаев: “Бейтап бизге оор абалда жеткирилди. Мээси чайкалып, баш сөөгү жана көкүрөк булчуңдары жабыркаган. Азыр атайын аппараттын жардамы менен жасалма дем алдырып жатабыз. Абалы туруктуу, бирок өзүнө келе элек”,- деди.

Ушундай эле окуучулар катышкан жол кырсыгы 11-сентябрда Жалал-Абад облусунун Ала-Бука районунда катталды. Жалал-Абад облустук Жол кыймылынын коопсуздугун камсыздоо башкармалыгынын басма сөз кызматы билдиргендей, кырсык саат 23:00 чамасында Падек айылында болгон. Анда 16 жаштагы Сафед-Булан айылынын жашоочусу атасынын унаасын айдап чыгып, рулду башкара албай унаа оодарылып кеткен. "Кырсыктын кесепетинен рулдагы жана жүргүнчү эки өспүрүм райондук ооруканага түшкөн. Учурда абалдары оор. Кырсык боюнча тиешелүү иш-аракеттер жасалууда",- деп билдирди басма сөз кызматы.

3 күн удаасы менен катталган кырсыктардан жалпы 6 окуучу жана 1 бой жеткен кыз каза таап 7 үй-бүлө сыздап калды. Үчөөндө тең мектеп окуучулары башкарган унаалар кырсыктаганы ата-энелердин балдарга карата көзөмөлү күч болушу керек экенин дагы бир жолу көрсөттү.

Айпери Хожаева
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(4)
23.09.2019. 09:05 
Тайпасы:
Конок
Комментарийлердин саны:
2
Катталган:
13-07-2019
Соӊку аракети:
23-09-2019 18:13
Жынысы:
Белгисиз
+5
Куноо кимде эле? Оздорундо Жана ата-энесинде
23.09.2019. 11:56 
Тайпасы:
Жаран
Комментарийлердин саны:
57
Катталган:
13-04-2013
Соӊку аракети:
18-10-2019 14:52
Жынысы:
Белгисиз
+1
Күнөө ата энеде. Башка кимде болмок эле.
24.09.2019. 19:54 
Тайпасы:
Жаран
Комментарийлердин саны:
2
Катталган:
04-03-2018
Соӊку аракети:
18-10-2019 16:46
Жынысы:
Белгисиз
+5
Каны суйук кезде унаа айдатпаш керекта өзү. Тиги автобустун айдоочусу өз жолунда келе жатып эле, не за что эле жабыркаптырда.
28.09.2019. 13:42 
Тайпасы:
Жаран
Комментарийлердин саны:
116
Катталган:
05-04-2017
Соӊку аракети:
18-10-2019 20:47
Жынысы:
Белгисиз
0
Жандары Жаннатта болсун.Орто сайда болгон кырсыкта болнисада жаткан балада каза болуп калдыго супер.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23044;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: