«Жылдын супер клиби»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

«КЫРГЫЗНЕФТЕГАЗ» ЖЫЛ САЙЫН ӨНДҮРҮМҮН ЖОГОРУЛАТУУДА

№881 19-25-сентябрь, 2019-жыл


Жыл сайын сентябрь айынын биринчи жекшембиси өлкөдө Кыргыз Республикасынын мунай жана газ өнөр жайынын кызматкерлеринин кесиптик майрамы катары белгиленип келет. Буга байланыштуу 13-14-сентябрь күндөрү Жалал-Абад облусунун Кочкор-Ата шаарында «Кыргызнефтегаз» ААКсы ири масштабдуу майрамдык кече уюштурду. Анын жүрүшү жана «Кыргызнефтегаздын» азыркы абалы тууралуу сурап аталган ишкананын Башкармалыгынын төрагасы Бостонов Рашид Абдумаликовичти кепке тарттык.

– Саламатсызбы, Рашид Абдумаликович, алгач сизди жана сиз жетектеген ишкананын кызматкерлерин кесиптик майрамы менен куттуктап кетейин.

– Рахмат, сиздерге да ийгилик болсун. Алгач ушул учурдан пайдаланып жалпы мунайчыларды, кесиптештеримди кесиптик майрамы менен куттуктап өтмөкчүмүн. Кыргыз Республикасынын мунай жана газ өнөр жайынын кызматкерлеринин кесиптик майрамын белгилеп жатып, сиздерге чың ден соолукту, тынчтыкты, бактылуу жашоону жана Кудайдын эки дүйнөлүк бактылуулугун каалап, Жараткан Аллахтан сурап кетер элем! Баарыңыздарды майрамыңыздар менен чын дилимден куттуктайм!

– Алгач сентябрь айында белгиленип жаткан мунай жана газ өнөр жайынын кызматкерлеринин кесиптик майрамы тууралуу сөз кылсак. Бул күн кантип жана кайсы убактан бери белгиленип жатат?

– Өткөнгө саресеп сала турган болсок, «Кыргызнефтисинин» тарыхы 1880-жылдарга туш келет. 1901-жылы V пласттан 5 миң тоннадан ашык нефть алынып, биринчилерден болуп «Майли-Сай» кени ачылган. 1940-жылдан «Майлуу-Суу-4», 1944-жылы «Избаскент», 1946-жылы «Восточный Избаскент» кендери ачылган. Ал эми 1952-жылы «Кыргызнефть» өндүрүштүк мекемеси түзүлгөн. Союз учурунда «Кыргызнефтегаз» өндүрүштүк мекемеси мунай өндүрүүнүн көлөмүн 1958-жылы 490 тоннага жеткирген. Чалгындоо, бургулоо, өндүрүү жумуштарына ири өлчөмдө каражат жумшалып келген. Ал эми 1980-1990-жылдардын аралыгында 218 миңден 155 миң тоннага чейин мунай алынып келген. Буюрса, биз ошол жылдагы деңгээлге жеткиребиз деген ишенимдебиз.

– Быйыл кандай жумуштарды аткардыңыздар жана жыл башында белгиленген пландар ишке ашып жатабы?

– «Кыргызнефтегаздын» Башкармалыгынын төрагасы катары 2019-жылы «Кыргызнефтегаз» ачык акционердик коомунун аткарган жумуштары жөнүндө бир аз маалымат бере кетейин. Көпчүлүккө белгилүү болгондой, мекеменин экономикалык көрсөткүчтөрү жыл сайын жогорулап келүүдө.

Мунай өндүрүү боюнча ушул жылдын 8 айында планда каралган 73 миң тоннанын ордуна 86 миң тонна мунай өндүрүүгө жетиштик. Биз мунайчылар коюлган планды 118 пайызга, ашыгы менен аткардык десек жаңылышпайм. Биздин акционердик коом 2019-жылы 115 миң тонна мунай өндүрөбүз деп алдыбызга чоң тапшырма койгонбуз. Алдыда дагы жыл жыйынтыктоого бир нече айлар бар, андыктан кесиптештерибиздин жигердүү эмгеги жана талыкпас мээнетинин алкагында биз пландалган 140 миң тоннадан кем эмес мунай өндүрүүнү максат кылуудабыз. Өлкөбүздө тынчтык жана стабилдүүлүк болсо, биздин алдыга койгон максаттар сөзсүз орундаларынан шек жок.

Бул максатты ишке ашыруу үчүн биз жаңы заманбап, ыкмаларды колдонуп, башкача айтканда, 2019-жылы 30 мунай кудугунда ГРП жумуштарын аткарууну пландаштырганбыз. 8 айдын жыйынтыгы менен 21 мунай кудугуна ГРП жасап, кошумча 3500 тоннадан ашык мунай өндүрүүгө жетиштик.

– Мунай менен бирге газ өндүрүүгө да өзгөчө басым жасасаңыздар керек? Бул багытта абал кандай, жакшы жылыштар барбы?

– 1970-жылдардан бери табигый газды өндүрүү, бургулоо жумуштары унутулуп калгандай. Акыркы 50 жыл аралыгында газ өндүрүүдө жаңы скважиналар ачылган эмес. Биз бул багытка өзгөчө көңүл буруп, ишти илгерилетүүгө аракеттенүүдөбүз. Кыш мезгилинде газды керектөөчүлөр көбөйүп бара жатат. Ошол себептүү ал муктаждыктарды чечүү үчүн жаңы газ кудуктарын бургулоо үчүн өзүнчө аянт бөлүндү. Газды өндүрүүнүн көлөмүн көбөйтүү жана элди, ошондой эле мекеме ишканаларды газ менен жетиштүү камсыз кылуу максатында бургулоо жумуштары башталды.

– Мунай өндүрүүнү жогорулатуу үчүн бургулоо жумуштарын көбөйтүү зарыл эмеспи? Бургулоо жумуштары боюнча токтоло кетсеңиз?

– Быйылкы жылы бургулоо иштерине өзгөчө көңүл бурулууда. Бул багытта иштерди жүргүзүү үчүн жалпысынан 493 миллион сом акча каражаты бөлүнүп берилди. Бургулоого керектүү болгон бардык шаймандар жана жабдуулар толугу менен алып келинген. 2019-жылы 23 800 пагоно метр бургулоо жумуштарын аткарууну пландаганбыз. Азыркы күндө 4 бургулоочу бригада иш жүргүзүүдө.

– Ишкананын техникалык абалы, жаңы техникалар менен толуктоо багытында кандай жаңылыктар бар?

– Мунайды өндүрүүдө, аны кайра иштетип чыгарууда техникалык база дагы күчтүү болуусу шарт. Техникалар да тынымсыз жаңыланып турушу керек. Бул багытта 2018-2019-жыл ичинде алгылыктуу жумуштарды аткарууга жетише алдык. Ушул жылдын башында жаңы техникалар алынды. Ошондой эле атайын адистешкен техникалар жана керектүү шаймандар менен толукталууда. Техникалардын жаңыланышы өндүрүштү өркүндөтүүгө, жумушчулардын ишин жеңилдетип, аларга жакшы шарттарды түзүп берүүгө өбөлгө болот.

– Өзүңүз билгендей, быйылкы жылды президент «Аймактарды өнүктүрүү жана өлкөнү санариптештирүү жылы» деп жарыялабадыбы. Президенттин бул демилгесине сиз жетектеген ишкана кандай салым кошууда?

– Туура айтасыз, быйылкы жылды президентибиз өз жарлыгы менен «Аймактарды өнүктүрүү жана өлкөнү санариптештирүү жылы» деп жарыялаган. Бул багытта ишканага таандык мекемелерге, мунай өндүрүүчү тилкелерде, адырдагы кудуктарга, жолдорго, өткөрмө пункттарга, мунайды сактоочу кампаларга онлайн түрдө көзөмөлгө алып туруучу видео камералар орнотулуп, иштей баштады. Бул уурулукка жол бербей, мунай өндүрүүчү, сакталуучу жерлерге адам факторун аралаштырбай, техниканын жардамы менен тыкыр көзөмөлгө алуу аракети болуп саналат.

«Кыргызнефтегаз» АККсы жергиликтүү бюджетке да өз салымын кошуп келет. Ноокен районунун өнүктүрүү фондуна жыл сайын 2 пайыздык салым катары 70 миллион сомдун тегерегинде акча которулууда. Бул каражаттын эсебинен район аймагында бир топ социалдык объекттер оңдолуп жатат. Быйыл районду өнүктүрүү фондуна 90 миллион сомго чейин каражат которобуз деген планыбыз бар. Ошондой эле 2018-жылдын 8 айынын жыйынтыгы менен республикалык бюджетке 399 миллион сом салыкка жана 148 миллион сом социалдык фондго котордук. Мындан сырткары 2018-жылдын жыйынтыгы менен Мамлекеттик мүлктү башкаруу фондуна 219 миллион сом дивиденд төлөнгөн.

Жалал-Абаддагы мунайды кайра иштетүүчү заводго чейинки мунай түтүктөрү дагы күчөтүлгөн тартипте көзөмөлгө алынган. Ошондуктан биздин акционердик коомдун кирешесинин жогорулашынын себеби биринчи кезекте жалпы жамааттын бирдиктүү жана тыгыз иш алып баруусунун жыйынтыгы десек туура болот. "Кайсы жерде ынтымак болсо, ошол жерде ырыскы болот" дейт эмеспи. Эмгек жамаатыбыздын бүгүнкүдөй ынтымагы, ишкананын өсүүсүнүн башкы фактору болуп эсептелет.

– Ынтымак деп айтып калдыңыз, «Кыргызнефтегаз» учурда 2,5 миңдей жумушчу эмгектенген чоң жамаат. 2010-жылдардан кийин ишкана бир топ ызы-чууларды да башынан өткөрдү. Атүгүл кызматкерлер иш таштоого чейин барышып, мунайгаз мекемесинин тагдыры татаал болуп калган эле. Азыр ал учурдагы жагдай ишканада толук жоюлду десек болобу?

– Ушул жерден бир нерсени айта кетейин. «Кыргызнефтегаз» жана Кочкор-Ата шаары ар дайым гүлдөп, өсүүсү үчүн «Кыргызнефтегазда» эмгектенген эки жарым миң адам, көп партиялуулукка, уруу-уруулукка, жердешчиликке, тууганчылыкка бөлүнбөстөн, бир жакадан баш, бир жеңден кол чыгарып, кайсы өкмөт болбосун ошол өкмөттүн саясатын колдоп, туура иш жүргүзсө, «Кыргызнефтегаз» дагы, Кочкор-Ата шаары дагы, ошондой эле мамлекетибиз да өнүгүп, өркүндөй берерине ишенем. Кызматкерге шарт түзүү максатында быйыл алардын маянасын 15 пайызга көтөрдүк. Учурда кызматкерлердин орточо эмгек акысы 26 миң сомду түзөт. "Кыргызнефтегаз" ААКсынын акыркы жылдары аткарып жаткан жумуштары өтө көп. Алгылыктуу иштерди атай берсек убакыт көп кетет. Биз жасап жаткан жумуштарды коомчулук көрүп, сезип, байкап турат. Ошондуктан мен ишкананын келечегине ишенем. Анткени Кыргыз өлкөсүндөгү жалгыз мунай өндүргөн ата мекендик ишкана катары саналган «Кыргызнефтегаз» өлкө бюджетине мындан да олуттуу салым кошо бермекчи.

– Жыл сайын Кочкор-Ата шаарында жогорку деңгээлде кызматкерлерге жана шаардыктарга майрамдык маанай тартуулайсыздар. Быйыл майрамды кандай өзгөчөлүктөр менен тостуңуздар?

– 13-сентябрда Кочкор-Ата шаарындагы стадиондо ири масштабдуу спорттук иш-чара уюштурдук. 14-сентябрда негизги майрамдык иш-чара 10 миңден ашык көрүүчүлөрдүн катышуусунда жогорку деңгээлде өттү. Булардын баары биздин жасап жаткан жумушубуздун жемиши десек болот.

– Рахмат, ишиңизде ийгиликтер болсун. Мындан ары да өлкөнүн өнүгүшүнө салым кошуп жүрө бериңиздер.

Ибрагим Жусуев



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23199;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: