«Жылдын супер көк бөрүчүсү» (Добуш берүү токтотулган)


Манас Ниязов, «Достук»
70,9% (744)
Сейитбек Анарбек уулу, «Ынтымак»
5,8% (61)
Кубаныч Султан уулу, «Сары-Өзөн»
5,6% (59)
Нуржан Мелисбек уулу, «Ынтымак»
4% (42)
Эламан Нурболот уулу, «Сары-Өзөн»
3,7% (39)
Майрамбек Рыспеков, «Достук»
2,9% (30)
Рустам Тыналиев, «Сары-Өзөн»
2,6% (27)
Таши Майлибашев, «Достук»
2,4% (25)
Улан Насакеев, «Сары-Өзөн»
1,3% (14)
Султан Русланов, «Достук»
0,8% (8)

Жалпы добуш (1049)


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

АЛТЫН ТРАМПЛИН. КЫРГЫЗСТАНДЫН ЭКОНОМИКАСЫ КӨПТӨН КҮТТҮРГӨН ӨНҮГҮҮГӨ СТИМУЛ АЛДЫ

№881 19-25-сентябрь, 2019-жыл


Кыргыз Республикасынын Өкмөтү жана ири инвестор «Кумтөр» алтын кенинин айланасындагы узак дебаттарга чекит койгон жана өлкөдөгү инвестициялык климаттын жакшыруусуна түрткү болгон макулдашуулар күчүнө киргендиги тууралуу маалымдашкан.

Август – Кыргызстанда адатта сенсацияларга бай болбосо да, бул ирет сюрприз болду. Жайдын акыркы декадасында өкмөт Centerra Gold менен жаңы стратегиялык макулдашуу ишке ашканын жарыялады.

Бул келишимдин күчүнө кириши кендин ишмердүүлүгү менен катар тоо-кен өнөр жайына да оң таасирин тийгизет. Мамлекетибизде инвесторлордун кызыгуусун арттырган бир катар кен аймактары бар. Компаниялар тиешелүү лицензияларды алганы менен, кен казуу иштерине каражатын жумшабай күтүп жатышат. Ал эми «Кумтөр» менен түзүлгөн келишим инвестициялык чөйрөдө оң таасирин бермекчи. Бул макулдашуу тараптардын ортосундагы ишенимди билдирип, кетирген кемчиликтерди оңдоп, келечекте алардын кайталанбашына мисал болуп калат,- дейт Тоо-кен-металлургиялык профсоюзунун Борбордук комитетинин башчысы Эльдар Таджибаев.

Премьер-министр Мухаммедкалый Абылгазиевдин айтымында, «Кумтөр» кенин иштетүү мамлекеттин экономикасы үчүн зор мааниге ээ. Кенден жана ага тиешелүү тармактардан алынган салымдар ИДПнын жалпы үлүшүнүн 9 пайызын ээлейт. Эсептей келсек, «Кумтөр» кенине бардык чыгарылган өнөр жай өндүрүшүнүн бештен бир бөлүгү туура келет.

2019-жылдын биринчи жарым жылдыгында «Кумтөрдө» 9,37 тонна алтын өндүрүлгөн. Жыл башынан бери компания мамлекеттин эсебине салык жана милдеттүү төлөмдөрдү кошкондо 4,22 миллиард сомдон ашык каражат которгон,- деп эске салды Абылгазиев.

Стратегиялык келишимдин күчүнө кириши менен «Кумтөрдүн» өлкөнүн өнүгүшүнө кошкон салымы арта бермекчи. Инвестор менен өкмөттүн макулдашуусу экономикага жана ушул тармакка тиешелүү жактарга которулчу каражаттын
10 миллиард сомдон ашык суммага көбөйүшүн шарттайт. Бул сумманын жарымын мамлекет жакынкы айларда алууну көздөп турат.

Мурунку келишимге ылайык, 2026-жылга чейинки төлөмдөрдүн суммасы
87 миллион АКШ долларды түзчү. Бирок биздин өкмөт узакка созулган сүйлөшүүлөрдөн кийин бул сумманы, геологиялык чалгындоого жумшоолорду кошо алганда,
150 миллион АКШ долларына жеткизип, көбөйтө алды. Бул тараптардын иши конструктивдүү болуп, ушундай жыйынтыкка жетишкенин далилдейт,- дейт Кыргыз Республикасынын премьер-министри.

Күтүлгөндөй эле инвестициялык коомчулук бул жаңылыкты токтоолук ошол эле учурда оптимизм менен кабыл алды.

Стратегиялык келишимдин ишке киришин бизнес чөйрөсү жакшы кабыл алды. Өкмөт менен Centerra Gold’дун мамилеси Кыргызстандын бизнес-климатына түздөн-түз таасир этет. Бизнес чөйрөсү бүгүнкү күндө өлкөдөгү ири инвестордун айланасында эмне болуп жатканына көз чаптырып турат,- деп билдирет Эл аралык ишкерлер кеңешинин аткаруучу директору Аскар Сыдыков.

Баа берүүдөгү токтоолук – өкмөт менен инвестордун макулдашууларга жетүүсүн узакка созулганы менен түшүндүрсө болот. Өкмөттүн да, ишкерлер коомунун да жеңиши катары кабыл алынып жаткан стратегиялык келишимге мындан эки жыл мурун, 2017-жылдын сентябрында эле кол коюлган. Бирок эки тараптуу пайдалуу макулдашууларга жетүүдө тоскоолдуктар – эки тарап тең аткара турган шарттар болгон.

Шарттардын бири – «Кумтөр» долбооруна байланыштуу бардык соттук териштирүүлөрдү токтотуу эле. Эске салсак, эл аралык арбитраждык сот, андан сырткары жергиликтүү сот процесстери кайсы бир деңгээлде бийлик менен инвестордун мамилесин гана оорлотпостон, кен ишканага да тоскоолдук жараткан. Бул териштирүү иштеринин көпчүлүгүн мурунку бийликтин алтын өндүрүшчүлөрү менен жүргүзгөн саясатынын мурасы десек болот.

Жооп катары компания Жаратылышты өнүктүрүү фондуна, Кыргызстанга өтө зарыл Онкология кызматын каржылоого, андан сырткары коомдогу маанилүү тармактарга каржылык колдоо көрсөтүүгө милдеттенди. Сөз аймактарды өнүктүрүү үчүн жаңыдан түзүлгөн Социалдык өнөктөштүк фондуна которулган 10 миллион доллар, андан сырткары «Кумтөр Голд Компанинин» дүң кирешесинен ай сайын 0,4% өлчөмүндө которулчу каражаты тууралуу. Кыскача айтканда, кендин иштеши өлкө аймактарындагы түрдүү долбоорлорду каржылаган булак болмокчу. Бул өз кезегинде экономиканын өсүүсүнө, аймактарда жаңы иш орундарын түзүүгө жана албетте, жашоо-турмуштун сапатын жакшыртууга алып келет.

Стратегиялык келишимдин күчүнө кириши Centerra Gold менен Кыргыз өкмөтүнүн ортосундагы тыгыз мамилени айгинелейт. Бул макулдашуунун күчүнө кирүү мөөнөтү бир нече жолу жылдырылып келсе да, ошол эле учурда тараптар бардык тиешелүү милдеттерин аткаруу боюнча бирдиктүү иш-аракеттерди жүргүзүп келген. Өкмөттүн келечектеги тоо-кен өндүрүү иштери менен долбоордун коммерциялык туруктуулугун камсыздоо ниетинин аркасында гана бир келишимге келе алдык-, дейт компаниянын президенти Скотт Перри.

«Кумтөрдүн» ишмердүүлүгүнүн экономика үчүн эффективдүүлүгү артат. Биз элдин кызыкчылыгында экологиялык коопсуздукту сактоо менен кендин бардык потенциалын колдонушубуз керек. Фонддордун иш-аракети президент Сооронбай Жээнбеков демилгелеген аймактарды өнүктүрүү долбоорлору менен бирдиктүү иш алып барат. Бул өз кезегинде аймактарда маанилүү долбоорлордун ишке ашуусун камсыздайт,- дейт Мухаммедкалый Абылгазиев.

Чиновниктер убадалагандай, инвестор бөлгөн акчаны фонддор ачык-айкын керектүү багытта колдонот. Алардын ишмердүүлүгүн көзөмөлдөөгө парламенттин, андан сырткары коомдук уюмдардын, эксперттик коомчулуктун өкүлдөрү чакырылган. Айрым учурларда инвестициялык кирешелерди, акча каражатын кайтарып берүү механизми иштейт.

Социалдык өнөктөштүк фонду аймактарды өнүктүрүү, колдоо жана ишканаларды түзүү боюнча инвестициялык долбоорлорду каржылайт. Андан сырткары ал инфраструктуралык долбоорлордун ишке ашуусун, биоартүрдүүлүктү арттыруу, экологияны сактоо жана өнүктүрүү багытында «жашыл» демилгелер боюнча иш-чараларды жүргүзөт. Фонддо байкоочу кеңеш да иш алып барат,- дейт өз сөзүндө экономика министри Санжар Муканбетов.

Жаратылышты өнүктүрүү фонду өз кезегинде «Кумтөрдөн» жыл сайын
3,7 миллион доллар каражат алат. Кыргызстандын премьер-министри билдиргендей, мындай ири суммадагы каражат экологиялык иш-чараларга алгачкы ирет которулуп жатат. Ошол эле учурда фонд бир гана жаратылышты коргоо иштери менен алектенбейт. Айлана-чөйрөнү коргоо жана токой чарба мамлекеттик агенттигинин директорунун орун басары Эльдияр Шерипов билдиргендей, жаңы структура ресурстардын эффективдүү колдонулуусуна, айлана-чөйрөнү калыбына келтирүү жана жакшыртууга көмөк көрсөтмөкчү.

Фонддун ишмердүүлүгү, региондорду өнүктүрүү үчүн түзүлгөн структура сымал мультипликативдик касиетке ээ болот. Жаратылыш – Кыргызстандын эң маанилүү активи. Анын ар түрдүүлүгү жана байлыгы туристтик сектордун ошондой эле айыл чарбанын өнүгүүсү менен байланыштуу. Анткени республика өзүн экологиялык таза азык-түлүктөрдү чыгаруучу мамлекет катары позициялайт.

Дал ушундай бирдиктүү кадамдар жана талаш-тартыштарды тынчтык жолу менен жөнгө салуу өлкөдөгү инвестициялык климатты жакшыртуунун индикатору болушу керек. Бул Кыргызстанда иш алып барган инвесторлор үчүн маанилүү иш,- деп эсептейт Мухамметкалый Абылгазиев.

Жалпылап айтканда, бизнес жамааты божомолдогондой, стратегиялык келишимдин ишке кириши инвестициялык климаттын жакшы жакка өзгөрүүсүнө, демек, экономиканын өнүгүүсүнө алгачкы гана кадам болуп эсептелет.

«ЦЕНТЕРРА ГОЛД» КОМПАНИЯСЫНЫН МОНГОЛИЯДАГЫ БИЗНЕС БОЮНЧА РАСМИЙ КОММЕНТАРИЙИ

Ушул жылдын 13-сентябрында Кыргызстандын бир катар ЖМКлары монголиялык маалымат агенттиктерине шилтеме кылып, «Центерра Голд» компаниясы Монголия өкмөтүн геологиялык чалгындоо жана эксплуатациялоо лицензияларын жокко чыгаргандыгы үчүн сотко бергени жатат» деген маалымат таратышкан. Бул кабар чындыкка жатпайт жана расмий түшүндүрүүнү талап кылат.

«Центерра Голд» Түндүк Америкада, Азияда жана дүйнөнүн башка рынокторунда алтын кендерин алуу, чалгындоо, кайра иштетүү жана эксплуатациялоо менен алектенген Борбор Азиядагы эң ири батыш алтын өндүрүүчү компания. «Центерранын» эки негизги активи – Кыргыз Республикасында «Кумтөр» кени жана Канаданын Британ Колумбия провинциясындагы «Маунт Миллиган» кени, жана ошондой эле Түркияда «Оксут Голд» кенинде курулуш иштерин жүргүзүүдө. «Центерра Голд» акциялары Торонто фондулук биржасында (TSX) CG символунда жүгүртүлөт. Компания Канаданын Онтарио провинциясынын Торонто шаарында жайгашкан.

Буга чейин «Центерра Голд Инк» Монголияда эки туунду компанияга катталган бизнеске ээ болгон. Ал компаниялар «Centerra Gold Mongolia LLC» жана «Boroo Gold LLC» деп аталган.

2018-жылдын октябрында «Centerra Gold Inc.» монголиялык бизнесин толугу менен Сингапурда негизделген «OZD GROUP PTE Ltd.» менчик компаниясына саткан. Келишим боюнча бул эки компания - «Centerra Gold Mongolia LLC» жана «Boroo Gold LLC», толугу менен «OZD GROUP PTE Ltd.» компаниясына сатылган.

Келишим бүтүмдүн аткарылышы боюнча толук пресс-релиз менен шилтеме боюнча таанышууга болот

https://s3.amazonaws.com/centerragold/news/October2018/A6rvd5bxeVejnZsmpFAD.pdf

Ошентип, 2018-жылдын октябрь айынан бери «Centerra Gold Mongolia LLC» жана «Boroo Gold LLC» компаниялары «Центерра Голд Инк.» менен эч кандай байланышы жок жана азыркы учурда алар толугу менен «OZD GROUP PTE Ltd.» компаниясынын менчиги болуп эсептелет. Бул тууралуу «OZD GROUP PTE Ltd.» компаниясынын расмий сайтында көрсөтүлгөн (https://ozdgroup.com.au/our-portfolio#block-56422)

Тилекке каршы, учурда «OZD GROUP PTE Ltd.» өзүнүн милдеттенмесин аткарбай коомдук кайрылууларында «Центерранын» атын алышкан эмес, жана бул түшүнбөстүктөргө себеп болду. Буга байланыштуу «Центерра Голд» маселени чечүү үчүн «OZD GROUP PTE Ltd.» компаниясына кайрылды.

Кошумча маалымат үчүн бул жакка байланышууну суранабыз:

John W. Pearson

Vice President, Investor Relations

Centerra Gold Inc.

1 University Avenue, Suite 1500, Toronto, ON M5J 2P1

T +1 416-204-1241 | M +1 416-616-7180 | F +1 416-204-1954

Email: john.pearson@centerragold.com | centerragold.com

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23318;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: