Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Мирлан Абдыкалыков, режиссёр: “АЛТЫНАЙДЫ КАЗАКТАРДАН КЫЗГАНЫП ҮЙЛӨНҮП АЛГАМ”

№880 12-18-сентябрь, 2019-жыл


Кино тармагында ата изи менен кеткен режиссёрлордун бири Мирлан Абдыкалыков жакында “Жөө күлүк” тасмасын тартып, элге тартуулайт. Фильмдин дүйнөлүк бет ачары октябрда Түштүк Кореяда, Пусан фестивалында болот. Эсиңизде болсо, анын “Сүтак” тасмасы Кыргыз өлкөсүнөн биринчилерден болуп Орусиянын абройлуу “Ника” сыйлыгын алган. Ал эми бул тасмалардын продюсери Мирлан Абдыкалыковдун жубайы Алтынай Койчуманова. Бирин-бири толуктап, ийгиликтүү иштешип келе жаткан жубайлар биздин гезитке кызыктуу маек куруп беришти.

– Саламатсыздарбы, Мирлан, Алтынай? “Жөө күлүк” тасмасынын дүйнөлүк бет ачары болорун уктук. Тасманы тартып, аны элдин назарына коюу оңой эмес болуш керек. Сезимдериңиздер кандай болуп жатат?

Мирлан Абдыкалыков:
– Саламатсыздар, кино тартуу оңой эмес. Бул менин толук метраждуу экинчи тасмам. Биринчиси “Сүтак”, өзүңүздөр билгендей, көп сыйлыктарга татыды. Ал эми "Жөө күлүк" тасмасы 24-Пусан эл аралык фестивалынын "New Currents" сынак программасына кабыл алынды. Фестиваль 3-21-октябрь күндөрү Түштүк Кореяда өтөт. Бет ачарын кылганга чейин бир нече эл аралык фестивалдарга катышууга жөнөткөнбүз. Албетте, сүйүндүк, жүзүбүз жарык болуп сиз менен маектешип отурган учурубуз. Кыргыз өлкөсүндө "Жөө күлүктүн" бет ачары 17-октябрда болот.

– Алтынай, сиз көп тасмаларда продюсерлик кыласыз. Билишимче, кесибиңиз башка.

Алтынай Койчуманова:
– Кесибим боюнча экономистмин. Атам (ред.: кайнатасы режиссёр Актан Арым Кубат) Төлөндү Тойчубаев менен биргеликте “Ой-Арт” студиясын ачып, мени жумушка алышкан. “Кыргыз кино тармагын дүйнөлүк деңгээлге чыгаруу мүмкүнбү?” деген ой менен жумушка орношком. Кино тармагы өзү кызыктуу болгондуктан, бул тармакта иштегенге аябай кызыгып калгам. Ошондон баштап кино тармагында эмгектенип келе жатам.

– Мирлан, атаңыз Актан Арым Кубаттын кесип тандооңузга салымы болдубу?

М.А.: – Менин кино тармагында билимим жок. Журналистика факультетинде окугам. Мектепти аяктап жатканда Кыргыз өлкөсүндө тасма тартылбай токтоп турган учур эле. Анан атам “кино тартылбаса да, телевидение көп убакыт жашайт болуш керек, тележурналист бол” деп Алматыга журналистика бөлүмүнө тапшырууга кеңешин берген. Ошондо тележурналистика менен кино окшош деген ой болгон эле. Бирок мен борбордо эле окуюн деп чечтим. Ошентип Кыргыз улуттук университетинин журналистика бөлүмүн бүтүрүп, телеканалдардын биринде иштеп жүрдүм. Кийин кино жаатына өтүп кеттим. Апамдын айтымында, атам 5 жашымдан эле кайсы жерде тасма тартса, ошол жакка алып кетчү экен. Балким, мени бир нерсе көрсүн дегенби же алып кетип апама жардам бергиси келгенби, ким билсин? Кандай ойлосо да атам мен үчүн жакшы иш кылган экен деп ойлойм. Анткени тасма талаасында жүрүп бул тармакты ийне-жибине чейин үйрөндүм.

– Атаңыз тасмаларынын көбүнө сизди тарткан. Уулу болгонуңуз үчүнбү же талантыңызданбы?

– Расмий тандоо болбосо да, үйдө атам кастинг кылып эле мени тандаса керек. Эсимде, бир жолу эжем экөөбүз отурсак “бакты туурагылачы” деди. Эжем тартындыбы, жакшы туурай алган жок. Мен эки колумду көтөрүп шуулдап, чайпалып, колумдагы чүкөлөрүмдү жалбырак кылып түшүрүп укмуш туурап бердим. Менимче, тандоодон ошондо өтсөм керек.

– Экөөңүздөргө тең суроо, автордук кино тартасыздар, бирок ага элдин кызыгуусу азыраак болуп калат, коммерциялык кино тартып элди чогулткан жакшы эмеспи?

А.К.: – Менин оюмча, автордук кино дагы, коммерциялык кино дагы болушу керек. Экөөнүн эки башка максаты жана талабы бар. Элге экөө тең керек, кээ бирөө жеңил тасма көргүсү келет, кээ бирөө орчундуу бир ойду берген тасманы көргүсү келет. Тасмалар тартыла бергени жакшы, кайсы бир мезгилде бир жылда бир да кино тартылбай калган. Азыр бир жылда 100 тасма тартылып жатат. Демек, элде талап бар, бул жакшы нерсе.

М.А.: – Автордук тасмалардын максаты – кыргыз элин дүйнөгө көрсөтүү. Мисалы, улуу муун Төлөмүш Океев, Болот Шамшиевдер тарткан кыргыз кереметтерин кийин Актан Арым Кубат, Эрнест Абдыжапаров, Темир Бирназаров сыяктуу режиссёрлор улап кетсе, алардын көчүн улап биз бара жатабыз. Ал эми коммерциялык багытта тартылган тасмалардын да баркын билишибиз керек. Анткени кинотеатрлар иштен чыгып, эч ким барбай калганда азыркы жаш режиссёрлор кинону жандандырышты. Элге кинотеатрга барып кино көрсө болорун көрсөтүштү. Эки тармак тең жашаганга, өнүккөнгө татыктуу.

– Бири-биринин оюн толуктаган жубайлар кантип таанышып калышты экен?

М.А.: – Атам менен Төлөндү байке студия ачышып, ал жакта Алтынай иштеп калды. Атам “кеңсеге Алтынай деген кыз келет, жардамдашып, билбегендерин үйрөтүп тур” деди. Мен улам кирип, Алтынайдын абалын сурап жаттым. Ошентип азыркыга чейин жардам берип келе жатам (күлүп).

А.К.: – Мен жумушка киргенде эле атам тарткан тасмалардын баарын көрүп чыккам. Мирлан анын баласы экенин, актёр экенин билчүмүн. Ага режиссёрдун баласы, актёр катары кызыгуу бар болчу. Мирлан атамдын көп кинолоруна тартылгандыктан, отурган кабинетимде жалаң анын сүрөтү илинип турчу. Күндө бул жигиттин сүрөтүн карап отурчумун (күлүп).

– Сүйүү качан башталды?

М.А.: – Бир жолу киночулар биздин үйгө мейман болуп келип калышты. Казакстандан да келгендер бар эле. Коноктордун бири “Алтынай жакшы кыз, биз Казакстанга алып кетип калбасакпы” дегендей тамаша кеп айтты. Мен ичимден “Алтынайдыбы? Эмнеге?” деп бир кызыктай боло түштүм. Коноктор кеткенден кийин апам “Алтынай жакшы кыз, ка-ап, биз эле келин кылып алсак жакшы болмок” деп калды. Ага чейин Алтынайды эмгекчил, өзгөчө дүйнөсү бар адам катары баалачу элем. Ата-эне баары бир багыт берүүчүлөрдөн болот окшойт, апамдын сөзүнөн кийин ойлонуп калдым. Анан жактырышып, кыз-жигит болуп сүйлөшүп баштадык. Мен анда 24 жашта болчумун, мындай караганда жаш элем. Бирок Алтынайдай кыз менен олуттуу мамиле кылышым керек экенин так билчүмүн. Экөөбүз эмдиги жылы баш кошобуз деп сүйлөшкөнбүз. Бир жолу кечинде тамак ичип отурганда атам менен апама “мен үйлөнөм” дедим. Тымтырс. Бир аздан кийин апам “кимге?” деди. “Алтынайга” дедим. Апам сүйүнүп кетти, атам унчуккан жок. Эмоциясын дароо билдирбеген адам да. Эртеси чай ичип ишке кеткени жатсам атам “отурчу, сүйлөшөлү” деди. Отургузуп алып “эмки жылы дебей эле, күзүндө баш кошо бергиле” деди. Ошентип атам менен апам датабызды жылдырып салышты, биз баш кошуп калдык.

– Алтынай, сиздин сүйүү сүрөттөн башталдыбы?

А.К.: – Дубалда илинген Мирландын сүрөттөрүнүн ортосуна кээде шоколад, гүл кыстарылып калчу. Столумда турган гүлдөрдү көрүп “ким алып келди?” десем, Мирлан “Лидия Фёдоровна алып келсе керек” деп койчу. Баары бир Мирлан алып келгенин билчү элем. Мен үйдөн чыкпаган, жигит менен ишим жок кыз элем. Анан Мирландын жылуу мамилеси, романтикасы жүрөгүмдү жылыта баштады. Эң негизгиси, үй-бүлөсүндөгү сыйга аябай суктанчумун. Атам менен Мирландын сый мамилеси, апасынын жылуу, сонун мамилелери мага аябай таасир берген. Өзү да жакшы жигит, эмнеге болбосун деп ойлодум. Ошол боюнча бул жакта иштеп калдым.

– Маянаңызды көтөрүштүбү андан бери?

– Жок, тескерисинче, бекер иштеп жатам (күлүп).

– Мирлан, эркек балдар апасына окшоштуруп жубай тандашат дешет, кайнене-келин окшошпу?

М.А.: – Апам шайыр, ачык, жүргөн жерин майрам кылган адам. Алтынай көбүрөөк атама окшош, атам бир мүнөз адам.Көпкө ойлонуп, бир нерсе айтышы мүмкүн.

– Алтынай айым токтоо экен, үй-бүлөдө чарт-чурт болобу?

М.А.: – Кыйкырышып же былчылдашып кеткенден Кудай сактасын, андай учур боло элек.

А.К.: – Кээде талашып-тартышабыз.

– Балдарыңыздарга кандай тарбия бересиздер?

М.А.: – Сезимай, Назик, Айзирек аттуу үч кызыбыз бар. Улуулары 4-5-класста окушат, кичүүбүз 2 жашта. Кыздарга катуу айтып албайын деп көп учурда апасына тапшырам. Байкашымча, Алтынай кыйкырбайт, баарын акырын айтып түшүндүргөнгө аракет кылат. Чоң атасы менен чоң энесине аябай эркелешет.

А.К.: – Чоң ата, чоң эне мээримдүү болот эмеспи. Ал эми ата-эне тарбияга бир аз бекем болушу керек. Бирок кыздарымды эркин тарбиялайм, дайыма алардын пикирин угуп, суроолоруна жооп бергенге убакыт табам.

– Маегиңиздерге рахмат, бактылуу болуңуздар!

Нуржамал Жийдебаева
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(5)
16.09.2019. 14:04 
Тайпасы:
Жаран
Комментарийлердин саны:
3
Катталган:
04-07-2018
Соӊку аракети:
18-10-2019 16:42
Жынысы:
Белгисиз
+10
Мына ёооу азыркы шоу бизнестин ырчылары уйронгуло кантип интервью беришти...
17.09.2019. 14:44 
Тайпасы:
Конок
Комментарийлердин саны:
18
Катталган:
18-07-2019
Соӊку аракети:
18-10-2019 19:07
Жынысы:
Белгисиз
+7
Жакшы маек болуптур.
Бактылуу болгула!
Башкалар га окшоп машинасынын маркасы андай
мындайсыз.
17.09.2019. 17:37 
Тайпасы:
Жаран
Комментарийлердин саны:
294
Катталган:
19-04-2011
Соӊку аракети:
16-10-2019 00:49
Жынысы:
Белгисиз
+8
Бешкемпирдеги бала го...Актан арым Кубат «финансы жакты бут келиним чечет,мен акча жагын ойлонбойм»-деди эле.Сонун келини бар турбайбы?!
18.09.2019. 13:28 
Тайпасы:
Жаран
Комментарийлердин саны:
117
Катталган:
22-07-2014
Соӊку аракети:
10-10-2019 21:12
Жынысы:
Белгисиз
Калаасы:
Ош
+6
Сонун маек ,жаш болсо дагы ушунчалык суктанып отуруп окудум.Кайната дебей атам деп жасалмасы жок суйлогон келинди биринчи корушум,значит кайын журту оз кызындай корот.
19.09.2019. 19:02 
Тайпасы:
Конок
Комментарийлердин саны:
50
Катталган:
28-07-2019
Соӊку аракети:
15-10-2019 16:03
Жынысы:
Белгисиз
+1
Бактыныздарга коз тийбесин.ийгиликтерди жарата бериниздер
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23044;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: