«Жылдын супер ыры» (Добуш берүү токтотулган)


Эрлан Андашев & Ирина Шотт, «Жаным»
31,2% (403)
Гүлжигит Сатыбеков & Улан Осмон уулу, «Өмүр»
26,1% (337)
Мирбек Атабеков, «Бай болгом»
15,7% (203)
Абир Касенов, «Принцесса»
6,1% (79)
Урмат & Неля, «Жанымда бол»
5,8% (75)
Сайкал Садыбакасова, «Жан кызым»
4,7% (61)
Айжамал Кабылова, «Сүйүү азабы»
4,6% (60)
4,1% (53)
Курал Чокоев & Назми, «Бул ким?»
1,6% (21)

Жалпы добуш (1292)


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

БИШКЕКТЕ САБАЛГАН 2 ЖИГИТТИН АБАЛЫ ООР. ШЕКТҮҮЛӨР КАМАКТА

№880 12-18-сентябрь, 2019-жыл


Өткөн айда 2 адам катуу сабалып, ооруканага түшкөн. Аларды аёосуз сабагандар 6-сентябрь күнү Бишкек ШИИББине келип, 2 айга тергөө абагына камакка алынды. Ал эми жабыркагандардын абалы оор бойдон калууда. Жакындары алар майып болуп калат деп кооптонуп жатышат.

ЗӨӨКҮРЛӨРДҮ КАЛКАЛАГАН ТУУГАНЫ КЫЗМАТЫНАН АЛЫНДЫ

28-август күнү таңкы саат 07:00 чамасында Бишкектин Жал кичи районунда үрөй учурган мушташ катталган. Ахунбаев менен Курчатов көчөлөрүнүн кесилишинде эки жаран катуу сабалып, оорукананын жандандыруу бөлүмүнө жеткирилди. Шектүүлөр 1985-жылы туулган Жаныбек Бапышов жана 1999-жылы туулган Калысбек Сейитбеков аттуу жарандар экени аныкталып, издөө жарыяланган. Бул факт Кылмыштардын жана жоруктардын бирдиктүү реестрине катталып, сотко чейинки өндүрүшкө алынган. Эки шектүүнүн үстүнөн Кылмыш-жаза кодексинин 39-130-беренеси (адам өмүрүнө кол салуу) менен кылмыш иши ачылган.

Жабырлануучуларды сабаган 2 жарандын тууганы милиция кызматкери болуп иштей турганы коомчулукка тарап, ИИМ ал маалыматты моюндаган. Шектүүлөрдү кармагандын ордуна аларды окуя болгон жерден алып кетип, кийин жабырлануучулардын үстүнөн арыз жаздырып, анан экөөнү коё берген адам Чүй ОИИББинин кызматкери, экөөнүн тең агасы Казыбек Бапышов экендиги аныкталып, ал 4-сентябрь күнү кызматтан четтетилди. Мушташ болуп жаткан жерге телефон чалуу боюнча ыкчам топ барган. Алардын катарында милициянын патрулдук-кайгуул кызматынын кызматкерлери да барган. Прокуратура бул окуядан кийин аталган кызматтын 3 кызматкерине жана облустук милициянын кызматкери Казыбек Бапышовго кылмыш ишин козгоду. Милиция кызматкерлери «кызмат абалынан кыянаттык менен пайдалануу» жана «кылмышты жаап-жашыруу» беренелери менен шектелип жатат. 9-сентябрь күнү патрулдук көзөмөл кызматынын айдоочусу жана курал атуучу кызматкери Биринчи Май райондук сотунун чечими менен 2-ноябрга чейин үй камагына чыгарылды.

Эки адамды чала жан кылып тепкилеген 2 жарандын бул ишине коомчулук кайдыгер карап турган жок. Социалдык тармактарда кызуу талкуу жүрүп, күнөөлүүлөрдү татыктуу жазалоо талабы менен 5-сентябрда Ак үйдүн алдына митинг уюштурулду. Ага милициянын кылмыштуу иштерди жаап-жашыруусуна каршы болгондор жана жабырлануучулардын жакындары катышты.

ШЕКТҮҮЛӨР ТҮН ЖАМЫНЫП МИЛИЦИЯГА КЕЛИШТИ

6-сентябрь таңкы саат 04:07 жана 05:12де шектүүлөр Жаныбек Бапышов менен Калысбек Сейитбеков Бишкек ШИИББинин имаратына өз ыктыярлары менен келишти деп маалымдалды. Ошол күнү алардын колго түшүп берген видеосу интернетке тарап, коомчулук тарабынан "атайын уюштурулган" деп талкууга алынды. Шектүүлөр тергөөдө көрсөтмө берүүдөн баш тартышты. 7-сентябрь күнү Свердлов райондук соту тарабынан аларды 2 айга камакка алуу чечими кабыл алынды.

Премьер-министр Мухаммедкалый Абылгазиев ички иштер министри Кашкар Жунушалиевге Бишкектеги бул окуяны тыкыр иликтөө, Саламаттыкты сактоо министрлигине жабыркагандарды керектүү дары-дармектер менен камсыз кылуу тапшырмасын берди.

«МЕНИ ДА УРА БАШТАГАНДА КАЧЫП КУТУЛДУМ»

Мушташ орун алган күнү «Тез жардам» кызматын чакырып, жабырлануучулар менен кошо ооруканага барган окуянын күбөсү Элдияр Т. буларды айтып берди:

– Окуя болгон жерде мен да бар болчумун. Видеого үчөөбүз түшүп калыптырбыз. Мен сабалгандардын айылдаш иниси болом. Ал күнү дагы бир айылдаш агабызды Орусияга узатканы жатканбыз. Ал байке окуя болгон жердеги үйлөрдүн биринде жашайт. Ал сумкасын алып чыкканы үйүнө кирип кеткен. Ал арада биздин маңдайыбыздан агрессивдүү жигиттер чыга калышты. Ай-буйга келбей эле, Улан байке менен Асылбек байкени экөө эки жактан башка, жаакка койгулап киришти. Видеодо көрүнүп тургандай, артынан кууп барып башка бир нече жолу тепкилешти. Эмне болуп кеткенин түшүнбөй, аларды арачалоого аракет кылдым. Сөзгө келбей коюшту. Мага да муштум кезеп бир-эки сокконунан жаныбыздагы дүкөндүн ичине кире качтым. Кирип эле дароо «Тез жардам» кызматына чалдым. Канча убакыт өткөнүн билбедим. «Тез жардам» келгенден кийин аларды салып түз эле Улуттук госпиталга жеткирдик. Биз ал жерден кеткенде милиция кызматкерлери келе элек болчу. Убакыттан пайдаланып «Тез жардамдын» кызматкерлерине ыраазычылык билдирип кетким келет. Улан байке эс-учун жоготкон абалда болчу. Өз убагында ооруканага жеткирип барышты. Тиги эргулдарды такыр тааныбайбыз. Мурда-кийин булар менен кез келген эмеспиз.

«ЖЕЗДЕМ АР КАЙСЫНЫ СҮЙЛӨП, ЖӨӨЛҮП ЖАТАТ»

Жабырлануучулардын биринин балдызы эс-учун билбей жаткан М.Асылбек өзүнө келип, бирок жөөлүп, акыл-эси толук калыбына келе электигин айтты:

– Жездем башында эч кимди тааныбай жаткан. Азыр эжем ооруканада карап жатат, аны бир аз таанып калды. Бирок көптөн бери көрбөгөн киши келсе тааныбайт, ыйлап, кетенчиктеп качып жатат. Апасы көргөнү келгенде аны да тааныбай ыйлап, дене табы көтөрүлүп, баарыбызды дүрбөлөңгө салды. Дарыгерлер тынчтандыруучу дары берип уктатышты. Ошондуктан туугандары, достору келип көрө албай жатышат. "Сүйлөгөнү да түшүнүксүз" дейт эжем. Ар 5 мүнөт сайын ар кайсыны сурап, булдуруктап түшүнүксүз бирдемелерди сүйлөп жатыптыр.

Баш мээси катуу жаракат алган көрүнөт, ар кайсыны сүйлөп, кээде туруп каткырып калат. Жездебиздин абалын эжемден батынып сурай албай жатабыз, анын жүрөгү ооруйт. Сурасак эле «ушинтип эс-акылын жоготуп, майып болуп калабы?» деп ыйлайт. Бөйрөктөрүн, көкүрөгүн көрсөтүп, «ооруп жатат» дейт экен. Баягы экөө үстүнө чыгып секирип, бөйрөктөрүнө тепкилешпеди беле. Мурду менен көзүнүн чарасындагы сөөктөрү сынып кеткен. Дарыгерлер «аны коё тургула, шишик тарасын, анан көрөбүз» деп жатышат. Азыр бир аз наар алып, тамак жеп калды.

Дары-дармегин болсо башында өзүбүз алып жатканбыз. Бир даана таблеткасы эле 260 сом турат экен. Азыр дарылануусун, койка акысын ооруканадан бекер дешти. Бирок ошол кымбат дарыларын туугандар өзүбүз алып берип жатабыз. Эжем менен жездемдин 3 жашар баласы бар. Ал азыр Нарында, туугандардыкында. Буларды сабаган тараптын жакындары кабар да алып коюшкан жок. Кандай таш боор немелер, түшүнө албай турабыз.

«ҮМҮТҮБҮЗ АЛДЫДА БОЛО ТУРГАН ОПЕРАЦИЯДА»

Баш сөөктөрү сынып, жаак сөөктөрү талкаланган Б.Уланга жакынкы күндөрү операция жасалат. Эжеси Э.Б. операция ийгиликтүү өтөт деп үмүттөнүп жатканын айтат:

– Инимдин бетиндеги шишиктерин таратуу аракетин көрүп жатышат. Азыр бир аз тарагансып калды. Бирок дагы эле чулдурап, түшүнүксүз сүйлөп жатат. Премьер-министр Мухаммедкалый Абылгазиев Саламаттыкты сактоо министрлигине жабырлануучуларга «медициналык кызматтар бекер көрсөтүлсүн» деп тапшырма бергенге чейин дары-дармекти өзүбүз сатып алып жатканбыз. Өзүнө келип, жок дегенде көзүн ачса экен деп болгон каражатыбызды жумшадык. Азыр оорукана жетекчилиги «операциясын бекер жасайбыз» деп жатышат. Айылдан атам келип ооруканада карап жатат.

Иним кишини таанып жатат. Бирок өзүнүн бети киши тааныгыс абалда болуп калган. 11-12-сентябрга операция белгиленген, ийгиликтүү өтсө экен деп турабыз, үмүтүбүз ошондо. Иним үйлөнө элек, биз анын али жакшылыктарын көрүшүбүз керек.

Жабырлануучулар классташтар болушкан, алар Ат-Башы районуна караштуу Казыбек айылынын тургундары. Шектүүлөр менен эч кандай тааныштыгы болгон эмес. Мыйзам сыйлаган өлкөдө милиция кызматкери шектүүнү калкалап, кылмыш ишин жашырса министр баш болуп токтоосуз кызматтан кетмек. Ушундай окуялардан улам тууганчылык, трайбализм, коррупция мамлекетибиздин түбүнө жетеби деп кооптоносуң.

Айпери Хожаева
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(11)
16.09.2019. 09:55 
Тайпасы:
Жаран
Комментарийлердин саны:
921
Катталган:
26-01-2017
Соӊку аракети:
14-12-2019 16:59
Жынысы:
Белгисиз
+14
Кудайым колдоп айыгып кетишсин,ден-моолугу бекем болуп узак жашашсын.
16.09.2019. 09:59 
Тайпасы:
Жаран
Комментарийлердин саны:
104
Катталган:
30-04-2013
Соӊку аракети:
15-12-2019 07:19
Жынысы:
Белгисиз
+12
Корсотмо бергизип эмне убара болушат, баарын видео далилдеп жататко дагы эмне керек? Журокторун ордунан козгоп, опколорун жула коюш керек, эки ай кутпой эле туз термир тор артына омур бою кучотулгон режимде эркинен ажыратыш керек. Бул эки буттуу адам кейпиндеги айбандар коомго зыян!
16.09.2019. 10:20 
Тайпасы:
Жаран
Комментарийлердин саны:
205
Катталган:
11-08-2017
Соӊку аракети:
14-12-2019 18:18
Жынысы:
Белгисиз
+13
Мага уруксат берсе туз эле барып атып салмакмын
16.09.2019. 10:48 
Тайпасы:
Жаран
Комментарийлердин саны:
47
Катталган:
27-06-2018
Соӊку аракети:
15-12-2019 10:33
Жынысы:
Белгисиз
+12
Кудайым шыпаасын берип айыгып кетишсин
Берки айбандарга сөз жок...
16.09.2019. 11:14 
Тайпасы:
Жаран
Комментарийлердин саны:
34
Катталган:
02-07-2019
Соӊку аракети:
14-12-2019 22:25
Жынысы:
Белгисиз
+14
Мыйзам иштеген өлкөдө министр кызматтан кетмек дейт. Кашкар деген неме кетиш үчүн дагы эмне болуш керек. Уже канчанчы жолу кетиш керек болуп жатат.Жабышты да калды креслосуна.
16.09.2019. 12:21 
Тайпасы:
Жаран
Комментарийлердин саны:
772
Катталган:
18-09-2018
Соӊку аракети:
15-12-2019 09:49
Жынысы:
Белгисиз
+9
Ии айланайындар,жакшы болуп кетишсинчи деп кудайдан тилек кылалы. Жон жерден эле майып болуп кала ташташты бул жигиттер
16.09.2019. 13:13 
Тайпасы:
Жаран
Комментарийлердин саны:
118
Катталган:
22-07-2014
Соӊку аракети:
15-12-2019 02:00
Жынысы:
Белгисиз
Калаасы:
Ош
+5
Колунан келген чондор,бизнесмендер дары дармегина жардамдашса сооп болот ,карапайым адамдар экен
.
16.09.2019. 13:26 
Тайпасы:
Жаран
Комментарийлердин саны:
772
Катталган:
18-09-2018
Соӊку аракети:
15-12-2019 09:49
Жынысы:
Белгисиз
+7
Окмот кыйын экен ушу балдарды Москва га жонотпойбу даарыланганы
17.09.2019. 10:45 
Тайпасы:
Жаран
Комментарийлердин саны:
44
Катталган:
19-04-2014
Соӊку аракети:
12-12-2019 23:39
Жынысы:
Белгисиз
Калаасы:
Ala-Buka
+5
Пожизненно отургузуш керек. Башкаларга да сабак кылып
17.09.2019. 12:53 
Тайпасы:
Жаран
Комментарийлердин саны:
5
Катталган:
30-05-2016
Соӊку аракети:
15-12-2019 03:23
Жынысы:
Белгисиз
+3
Сурап эмне кылат, ХХХХХ корсотуш керек,буттарына ийнелерди сайып койуп жанын козуно корсотуш керек, ошондо жаза кандай болгонун корот, же туугандарына откоруп бериш керек, алар кантип жазалашты оздору билишет, ушундай закон да кабыл алыш керек, катуу жабыркаса Адам, жакындарына ошондой кылып жазалоо боюнча,айдай адамдар майып болуп калышты го.........
Модератор admin_portal түзөттү 2019-09-17 16:44:00
17.09.2019. 17:52 
Тайпасы:
Жаран
Комментарийлердин саны:
125
Катталган:
06-05-2014
Соӊку аракети:
15-12-2019 03:48
Жынысы:
Белгисиз
+3
Мына результат! Чындык бар экенго ушундай иштесек тез эле онолобуз буйруса, призидентке данк жана дунк баардыгын козомолдоп жатканын ушундан билсек болот болбосо буга оушогон иштер акча менен жабылып эле журбойбу
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23318;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: