Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

АЛЛЕРГИЯЛЫК ДЕРМАТИТ. САПАТСЫЗ КОСМЕТИКА, ИТ-МЫШЫКТАН АБАЙЛАҢЫЗ

№879 5-11-сентябрь, 2019-ж


Саламаттыкты сактоо министрлигинин маалыматына караганда, 2018-жылы Кыргыз өлкөсү боюнча тери оорулары менен 112 570 адам катталган. Булардын көбү аллергиялык дерматиттен жабыр тарткандар. Эгер сиздин жылмакай териңизде бир күнү бүдүрчөлөр пайда болуп кычыштырып баштаса, ал аллергиялык дерматит болушу мүмкүн. Аталган дарттын жаралуусу, дарылоо ыкмалары тууралуу айтып беребиз.

АЛЛЕРГИЯЛЫК ДЕРМАТИТ-БУЛ ТЕРИИН СЕЗГЕНҮҮСҮ

Дерматит – тери оорусу. Анын себореялуу (кебер каптагандай, кабырчыктуу), контакттык, аллергиялык жана атопиялык дерматит (псориаз) деген түрлөрү бар.

Аллергиялык дерматит – бул теринин аллергендерден улам сезгенүүсү. Курч кармаган жана өнөкөткө айланган түрү бар. Ооруну дарылап, айыктырбаса экземага өтүп кетет, ошондой эле ички органдардын иштөөсү бузулат.

Аллергендик зат алгачкы ирет организмге киргенде иммундук системде антителалар иштелип чыгып, ошол аллергенге сезимталдык жаралат. Кийинки ирет аллерген организмге киргенде териде аллергиялык реакция пайда болот. Башкача айтканда, аллерген организмге тери аркылуу гана эмес, тамак-аш, дары-дармек жана башка түрүндө да кирип, ооруну козгойт.

Аллергендер төмөнкүлөр:

  • Өсүмдүктөрдүн чаңчалары. Аллергияны чакыруучу өсүмдүктөр: алабата, шыбак, амброзия, чалкан, аюу балтыркан (борщевик), уулуу чырмоок, өлөң чөп (осока), примула, хризантема, нарцисс жана башка.
  • Жаныбарлардын жүнү, шилекейи.
  • Дары-дармектер.
  • Бардык дары-дармектер аллергиялык реакцияны пайда кылуусу мүмкүн. Көбүнчөсү курамында сульфаниламид заты барлар, витаминдер, антибиотиктер жаратат.
  • Тамак-аштар (көбүнчө тамак-аш боёгу, жыт жана даам берүүчү заттар кошулгандары), цитрус жемиштери, жер-жемиштер (эң коркунучтуусу кулпунай, андан кийинки орунда малина, кызыл карагат турат).
  • Тиричиликте колдонулуучу химиялык каражаттар (терезе, идиш жуучу жана башка).
  • Косметикалык жана парфюмериялык каражаттар (атыр, крем, жеке гигиена каражаттары, тиш пастасы, шампунь жана башка).
  • Курт-кумурскалардын чагуусу.
  • Металл (никель, кобальт, сымап, жез, хром).

Көбүнчө никель аллергияны чакырат. Ал сааттын корпусунда, арзан бижутерияда, чач кыпчыткычтарда, идиште жана башкаларда кездешет.

Кобальт чач жана татуировка боёкторунда, ал эми хром жууп-тазалоочу каражаттарда, бут кийим креминде жолугат. Сымап дезинфекциялоочу, жез болсо тыйындардын, курт-кумурскаларды жок кылуучу каражаттардын курамында кездешет.

  • Латекс (кол кап, презервативдер).
  • Формалин. Бул дезинфекциялоочу каражаттардын, парфюмериянын, тиш пастасынын, чач боёгунун, самындын курамында бар.
  • Чаң жана чаңда жашоочу кенелер.

ДАРТТЫН БЕЛГИЛЕРИ

  • Теринин кызарып, ачышып-кычышуусу.
  • Теринин калыңдап, шишип, кургашы (тери жарылышы да мүмкүн).
  • Тери үстүнө исиркектенген бүдүрчөлөрдүн чыгышы.


ДЕНЕНИН КАЙСЫ БӨЛҮГҮ КӨП ЧАЛДЫГАТ?

  • Кол (дезинфекциялоочу каражаттар, бензин, идиш-аяк жана кир жуучу каражаттар, шакек, билерик, кол үчүн кремдер, металл жана өсүмдүктөрдүн чаңчаларынан улам).
  • Бет жана моюн (дары май, косметика, цитрустардан улам).
  • Жука чурай (латекс презервативден).


ДИАГНОЗ

  • Кандын анализи
    1) Антителаны (IgE ) аныктоо үчүн
    2) Кандагы канттын өлчөмүн аныктоо үчүн
  • Тери үстүнө коюлуучу аппликациялык тесттер (бетине аллергендер сүртүлгөн жабышкак кагаз пластина). Бир пластинада 10 чакты же андан көбүрөөк аллерген болушу мүмкүн. Бул далыга жабыштырылып, 48 саат калтырылат. Адамдын терисинин кайсы аллергенге аллергиясы болсо тиешелүү пластина жабыштырылган жери кызарат же бүдүрчөлөр жаралуусу мүмкүн. Пластинаны алгандан кийин теринин кызарганы бат эле кетет.
  • Азыр “аллерготест” да колдонулат. Анда эң көп таралган 24 аллерген сүйкөлгөн 2 пластырь бар.
  • Заара анализи
  • Аллерголог жана иммунологдун да кеңеши керектелет
  • Калкан сымал без, өт баштыкчасы, ашказан-ичегини текшертүү


ДАРЫЛОО

  • Антигистаминдик дары, крем, гормоналдык дары майлар
  • Сезгенүүгө каршы дарылар
  • Диета
  • Эгер инфекция кошулуп кетсе антибиотик кошо жазылып берилет
  • Өнөкөт дерматитте санаториялык-курорттук дарылоо да сунушталат

Курч кармаган дерматитти дарылоо 1 айга жакын созулат. Дарылоо жакшы натыйжа бербей жаткан учурда иммунодепрессанттар (организмдин иммунологиялык реакциясын басуучу) жазылып берилет. Өнөкөткө өткөн түрүн дарылап айыктыруу кыйын. Андыктан оору белгилери билинер замат дарылануу зарыл.

БЕЙТАПТЫН ТАМАКТАНУУСУ ЖАНА ЖАШОО ОБРАЗЫ КАНДАЙ БОЛУШУ КЕРЕК?

Биринчи орунда дартты чакырган аллергендерди четтетүү турат. Айталы, латекс кол каптан аллергия болсо, винилден жасалган кол кап кийүү оң. Никелге аллергия болсо, ал курамында бар нерселерди колдонбоо (сөйкө, шакек, топчу, кийимдеги сыдырма) зарыл. Металлдан жасалган тарак, кайчынын сабы жыгач же пластмасса болсо туура. Ачкычтарды кармалабоо зарыл. Косметика, чач боёкторду аларда курамын карап, сизде аллергия чакырчу заты жогун алуу керек. Кир жуучу порошоктордун гипоаллергендүүсүн алуу оң. Учурда арзан, сапатсыз косметикадан, кооздук жасалгалардан, идиш жуучу каражаттардан, чач боёктордон аллергия болгондор көп. Синтетикалык кийимдерди албоо сунушталат. Денеге жабышкан, тар кийим кийүүгө болбойт. Андай кийим териге сүрүлүп, аллергияны күчөтөт. Үйдүн ичи ысык болсо да кычышуу көбөйөт, бөлмөнүн температурасы +24 градустан ашпашы зарыл. Мончо, саунаны унутуңуз. Жуунганда дене жышкычты эмес, губканы колдонуңуз. Тамактанууга жакшы көңүл буруу кажет. Аллергендүү азыктарды (козу карын, спаржа, шпинат, помидор, буурчак, жаңгак, мейиз, кабак, жумуртка, бал, кызыл өңдөгү алма, цитрус жана башка) жебей, нан, булочка, макарон дегендерди азыраак жеген туура. Консерваланган азыктар болбойт! Аллергия чакыруучу заттар менен иштегендер (мисалы, чач тарачтар, ашпоздор, идиш жуугучтар) башка жумушка өтүүлөрү керек.

Канымжан Усупбекова
densooluk@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(2)
09.09.2019. 14:07 
Тайпасы:
Жаран
Комментарийлердин саны:
172
Катталган:
16-02-2018
Соӊку аракети:
19-09-2019 19:56
Жынысы:
Белгисиз
Калаасы:
Бишкек
0
Урматтуу Админ , "атопический дерматит" жонундо да мыылымат берип коесузбу? Тиешелуу аллерголог адистердин да кенешин алсаныздар жакшы болмок. Алдын ала рахмат!
09.09.2019. 14:11 
Тайпасы:
Супермодератор
Комментарийлердин саны:
824
Катталган:
19-11-2013
Соӊку аракети:
20-09-2019 13:29
Жынысы:
Белгисиз
0
vikidiki, саламатсызбы! Сунушуңузга рахмат, тиешелүү бөлүмгө жеткирилди.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22895;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: