Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

МАКСИМ ФАДЕЕВ МЕНЕН НАРГИЗ ЗАКИРОВА “АЖЫРАШТЫ”

№879 5-11-сентябрь, 2019-ж


Орусиянын “Голос” телешосунун финалисти, өзгөчө кебетеси, мүнөзү, үнү менен таанылган Наргиз Закирова продюсери Максим Фадеевден кетти. Ырчы менен продюсердин ортосундагы келишим бир тараптуу токтотулду. Наргиз Закирова мындан аркы ырчылык тагдыры “Malfa” лейблинен көз каранды эмес экенин жар салды.

“БУЛ ЭКӨӨ СОО ЭМЕС...”

2013-жыл. Наргиз Закированын багын ачкан Орусиянын “Голос” телешоусу. Америкадан келген 42 жаштагы таланттуу ырчыга бул долбоор экинчи дем берип атагын алыска таанытты. Өзүнүн айтымында, буга чейин өзбекстандык ырчы 1995-жылы Америкага кетип, ырчылык карьерасын ресторанда ырдап улантып жүргөн. Өзбекстандан кетип калуусуна анын чыгармачылыгын мекендештери менталитетке туура келбейт деп кабыл албаганы себеп болгон.

Долбоордун финалына чейин жетип, жеңүүчү боло албаса да өз күйөрмандарын топтой алган ырчынын гастролдук туру башталган. Бирок күйөрмандары Наргиздин англис тилиндеги ырларын жакшы кабыл алышкан жок. Мындан улам кийинки гастролдук турларда көрүүчү чогулта алган эмес. Бирок Наргиз 2014-жылы жаз айында ийгилик кушун кармап алды. Ал орустардын эң белгилүү, таланттуу продюсери Максим Фадеевдин канаты астында иштеп баштады. Бул тандемдин ийгилиги келишим түзүлөрү менен старт алды. Жай айы башталганда эле “Я не твоя” (“Мен сеники эмесмин”) деген ырын чыгарып, ал хитке айланды. Бул дебюттук ыры, арты-артынан жаралган кийинки хит ырлары Максим Фадеевдин калемине таандык. Ал эми “Ты моя нежность” деген ыры "үтүктөрдөн" да жаңырып жатты. Продюсер менен ырчы ажырагыс сүйүүнү даңазалаган “Вдвоём” (“Экөөбүз”) деген ырды дуэт аткарып чыгышты. Бул дуэттен “бул экөө соо эмес” деген ушак ээрчиткенге да жетишишти.

Фадеев менен келишим түзгөндөн кийин 1 жылга жетпей Наргиз тууралуу баары билип башташты. Ага “Жылдын дебюту”, “Жылдын ырчысы” деген наамдар ыйгарылды. Албетте, продюсердин таасири, тааныш-билиши башкы ролду ойнойт. Эң башкысы – ырчы үчүн жакшы ыр да маанилүү. Ыр жок болсо жылдыз да жок. Фадеев болсо Закировага жалаң хит ырлардан турган репертуар түзүп берди. Мындан улам Орусия, Германияда бүтпөгөн гастролдук тур башталды. Ырчы бир сезондо 2 миллион рублдан ашуун каражат таап, жемиштүү мезгилде кирешесин 10 миллионго чейин жеткире алды.

“Максим – дүйнөдөгү эң мыкты продюсер. Ал жаш куракка чектелбеген, улуту, дини жок музыкаларды жазат. Бул музыканы дүйнө жүзүндө уга берсе болот. Анын музыкасы аркылуу жан дүйнөмдү оорутуп жаткан сезимдерди жеткире алам. Фадеев ар бир артисттин мүнөзүнө, жаратылышына жараша текст жаза алат” деп билдирген Наргиз маектеринин биринде.

ТАНДЕМ 5 ЖЫЛ ӨМҮР СҮРДҮ

Таланттуу ырчы менен продюсердин ийгиликтүү тандеми, тилекке каршы, 5 гана жылга созулуп, таш талканы чыгып калды. Максим Фадеев менен Наргиз Закирова “ажырашты”.

Ырчы менен Максим Фадеевдин “Malfa” продюсердик борборунун ортосундагы көйгөй ушул жылдын май айында эле башталган. Анда аталган борбор ырчынын Америкада боло турган гастролдук турун үзгүлтүккө учураткан. Бирок продюсери ара жолдо калтырганына карабай ырчы иштешүүнү уланткан. Анткен менен 2 айдан кийин продюсердик борбор ырчы менен келишимди токтотуп жатканы тууралуу билдирүү жөнөтүп, эмне себептен экенин ачыктаган эмес.

Ырчынын айтымында, алар август айынын башында Орусиянын бир нече шаарларын гастроль менен кыдырмак. Гастролдук тур башталарына 2 күн калганда Максим Фадеевдин продюсердик борбору Воронеж жана Ростов-на-Дону шаарларындагы концерттердин уюштуруучуларына "Закирова гастролдук турга чыгуудан баш тартып жатат" деген билдирүү жиберишкен. Ырчы бул чындыкка коошпой турганын билдирди.

Учурда өз алдынча чыгармачылыгын улантып жаткан ырчы: “Менин эң башкы максатым – мурда пландалган шаарларды кыдырып концерт берүү. Гастролдук тур октябрь айынан башталат. Фадеев ырларын аткарууга тыюу салгандыктан жаңы концерттик программа, жаңы командам менен барам. Чын дилинен күйүп, мага жан тарткан күйөрмандарыма ыраазычылык билдирем”,- деди.

“ЫРЧЫ СПИРТ ИЧИМДИКТЕРИНЕ БЕРИЛИП КЕТКЕН”

Жакында концерттик турлардын уюштуруучусу Сергей Лавров келишимдин бузулушуна ырчынын жүрүм-туруму себеп болгонун билдирди. Анын айтымында, ырчы байланышка чыкпай жоголуп кетерин, сахнага чыгарда спирт ичимдиктерин ичерин, тыюу салынган жерлерде тамеки чегерин, бул үчүн концерттин уюштуруучулары айып пул төлөп келишкенин айтып чыкты.

Айтылып жаткан бул дооматтардын айрымдарын ырчы моюнуна алды. “Чындыгында акыркы убакта спирт ичимдиктерине берилип кеттим. Бирок мен эч качан гастроль учурунда ичип, концерттерди үзгүлтүккө учураткан эмесмин” деди жакында берген маегинде.

Күйөрмандар “Фадеев ырчынын “табытына” акыркы мыкты какты” деп жатышат. Эми ырчы Максим Фадеев жазып берген, аны популярдуу кылган хит ырларды аткаруу укугунан ажырады. Наргиз Закирова өзүнүн аты менен таанылганы да жакшы болду. Эгер продюсер ага сахнада каймана ат ойлоп тапканда ырчыга кыйын болуп калмак. Себеби айрым артисттер продюсери менен иштешүүнү токтотору менен, ал каймана атынан да кол жууп калышат.

Орусиянын шоу-бизнес өкүлдөрү кезинде аябай жакын дос болгон Наргиз менен Максимдин “ажырашуусун” катуу талкууга алышты. Бир тарабы продюсер жакка ооп, ырчыны спирт ичимдиктери менен достошуп, келишимдин милдеттерин аткарган эмес деп жатышат. Экинчи тарабы Закированы колдоп Фадеев канатына алган ырчыларды адам чыдагыс рамкага салып коёт дешүүдө.

Бул жаңжал тууралуу Максим Фадеев социалдык тармактагы баракчасына: “Өзүңдү калыбына келтирүүнүн эң ылдам жолу – эки кулагыңдагы кесмелерди, жан дүйнөңдөгү ташты, моюнуңдагы көөп кеткен адамдарды алып сал. Бул 100 пайыз жардам берет. Колдонуп көргөм” деген билдирүү жазды.

Белгилей кетсек, бул Максим Фадеев карамагына алган артисттер менен чырдашып, коштошуу биринчи жолкусу эмес. Алсак, анын продюсердик борборунан ырчылар Линда, Полина Гагарина, Елена Темникова жана Олег Майами да жаңжал менен кеткен. Эске салсак, “Серебро” тобунун мурунку солисти Елена Темникова ден соолугуна, топтогу кыздар менен тил табыша албаганына байланыштуу топтон кетип, келишимди мөөнөтүнөн мурда бузганы үчүн Фадеев ырчыдан миллиондогон суммадагы компенсация өндүрүп алган.

Динара Абдыкадырова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(3)
09.09.2019. 10:47 
Тайпасы:
Жаран
Комментарийлердин саны:
54
Катталган:
03-08-2013
Соӊку аракети:
13-09-2019 18:15
Жынысы:
Белгисиз
+1
Бул да кир бизнес экен да
09.09.2019. 13:10 
Тайпасы:
Жаран
Комментарийлердин саны:
76
Катталган:
09-01-2015
Соӊку аракети:
15-09-2019 00:19
Жынысы:
Белгисиз
0
Бир Кун болбосо Бир Кун жердин Астана баарыбыз киребиз!кудай сакта ырларын кызганышып жинди жинди болуп туболукко жашай тургандай болуп жашашкандарга тан калып бутпойм!баары убактылуу ,сый урмат,конул журокто суйуу Жашасын!
11.09.2019. 19:00 
Тайпасы:
Жаран
Комментарийлердин саны:
7
Катталган:
06-09-2018
Соӊку аракети:
13-09-2019 19:19
Жынысы:
Белгисиз
0
Полина Гагаринанын интервьюсун окугам, Максим мени менен жатасынбы же жатпайсынбы ачык айт дегенде, жатпайм деп жооп бергем деген Полинанын
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 2 колдонуучу (Катталган: 0, коноктор: 2) бул макаланы окуду:

Макалалардын саны:
22866;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: