Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

«Достук» - жеңүүчү! АКЫРКЫ МҮНӨТТӨ ТАГДЫРЫ ЧЕЧИЛГЕН КЛАСИКО

№879 5-11-сентябрь, 2019-ж


26-31-август күндөрү көк бөрү боюнча өлкөдөгү ири турнирлердин бири Президенттин Кубогу үчүн беттештер өттү. Көнүмүш адатка айлангандай, чечүүчү беттеште «Достук» менен «Ынтымак» кез келди.


БИРИНЧИ ЛИГАДАГЫ КЫЗУУ БЕТТЕШТЕР
Адаттагыдай мелдеш эки лигага бөлүнгөн. Биринчи Лиганын мыктысы аталуу үчүн өлкөнүн бардык бурчунан келген 15 команда ат салыша турган болду. Алар плей-офф системи менен иргелип алынды. Командалардын көпчүлүгү жаңы, оюнчулары көбүнесе жаштар болгондуктан беттештер кызыктуу болуп жатты. Кызуу кандуу эрлер күрөшкө тойбой кайра-кайра жулкунуп жатканы лиганын оюндарын андан бетер кызытты көрүнөт. Оюндардын жыйынтыгында жарым финалга «Алкан-Ата», «Бакубат Талас», «Жаш күч» жана «Ак-Суу» командалары чыгышты. Анда «Алкан-Ата» менен «Бакубат Талас» кез келип, оюн 1:9 эсеби менен «Бакубат Таластын» пайдасына чечилди. Экинчи жупта Баткендин «Жаш күч» командасы Чүйдүн «Ак-Суусу» менен кызуу беттешип, оюнду Чүйдүн командасы 4:2 эсебинде жеңип, финалга аттанды.
Ал эми финалдык оюнда «Бакубат Талас» мыкты даярдыкта чыгып, атаандашка 9 жоопсуз улак таштап, абсолюттук жеңүүчү аталды. Албетте, мурда Жогорку Лигада ойноп жүргөн бул жигиттерден мындай жыйынтыкты көпчүлүк күткөн. Ошентип Биринчи Лиганын мыктысы – «Бакубат Талас» болду.

ЖОГОРКУ ЛИГАДА 6 КОМАНДА АТ САЛЫШТЫ
Жогорку Лигада мыкты делген 6 команда катышып, эки тайпага бөлүндү.
Анда А тайпасында «Ынтымак», «Сары-Өзөн» жана «Сары-Өзөн Рассвет» болсо, В тайпасына «Достук», «Көл-Төр» жана «Кара-Буура» бөлүндү.
Тайпалык оюндардын жыйынтыгында жарым финалга «Ынтымак» – «Сары-Өзөн» жана «Достук» – «Кара-Буура» беттештери болмой болду. Мында Сейитбек Анарбек уулу менен Рустам Тыналиевдин тирешин көк бөрү сүйүүчүлөрү «финалга чейинки эле финал» деп аташты. Ооба, дал ошондой эле болду. Бул жарым финалдык оюн мелдештин эң кызыктуу оюндарынын бири болду көрүнөт.

«ЫНТЫМАК» – «САРЫ-ӨЗӨН». БУЛЛИТКЕ ЧЕЙИН ОЮН
Бул жарым финалдык оюн кызуу башталды. Эки команда тең бири-бирине улакты көп убакытка ээлик кылдырбай ойноп жатышты. Эсеп саны 16-мүнөттө ачылды. «Ынтымак» командасынын 11-номердеги оюнчусу Нуржан Мелисбек уулу таамайлыгын көрсөтө алды. Буга Чүйдүн командасы чабуулун күчөтүү менен жооп кайтарып, Улан Насакеев эсепти теңеди. Теңме-тең ойногон эки команда бири-биринин тай казанына бир кыйла убакытка чейин улак сала албай жатышты. Бирок эки жааттын чыңалуусу күчөп, үчүнчү бөлүктө Сейитбек Анарбек уулу «Ынтымакты» алдыга чыгарганга жетишти. Бул салымдан соң көпчүлүк «Ынтымак» финалга кетти деп эсептеп калган, бирок буга Улан Насакеев макул болгон жок. Оюнга бир мүнөт калганда эсепти 2:2 кылды. Жеңүүчү буллиттен аныкталмай болду. Мындай бурулуш көрүүчүлөргө майдай жага берди.
Буллит сериясын Сейитбек Анарбек уулу таамай таштоосу менен баштады. «Сары-Өзөндүн» мыкты ойногон оюнчусу Улан Насакеев шашып кеттиби, айтор, анын таштоосу таамай болбой калды. Анын ызасында чек жок эле...
Ошентип оюндун соңунда чечүүчү улакты Нуржан Мелисбек уулу таштап, «Ынтымакты» финалга чыгарды.
Көрүүчүлөр эки команданы кол чабуулар менен узатты.

«ЫНТЫМАК» – «САРЫ-ӨЗӨН» – 2:2

Буллит боюнча – 4:2

Ташталган улактар:
Нуржан Мелисбек уулу, 16 (1:0), Улан Насакеев, 21 (1:1),
Сейитбек Анарбек уулу, 36 (2:1), Улан Насакеев, 49 (1:1)

Буллит:

Сейитбек Анарбек уулу («Ынтымак»), 1:0
Улан Насакеев («Сары-Өзөн») улак тай казанга түшкөн жок
Дастан Сагынбек уулу («Ынтымак»), 2:0
Аскат Аскаров («Сары-Өзөн»), 2:1
Астаркул Табышев («Ынтымак»), 3:1
Таштемир Жекшенов («Сары-Өзөн»), 3:2
Нуржан Мелисбек уулу («Ынтымак»), 4:2
Экинчи жарым финалда «Достук» «Кара-Буураны» ири эсепте жеңип алды. Эсеп саны 11:1 жана Оштун командасы финалга аттанды.

ЭЛЬ-КЛАСИКО: «ЫНТЫМАК» – «ДОСТУК»
Финалга биз көнүп калгандай эле кайрадан Таластын жана Оштун командалары чыгышты. Бул экөө өз тарыхында 12-ирет жолугуп жатышат. Оор жарым финалдык беттеш өткөргөн «Ынтымак» бул оюнда эсепти 5-мүнөттө эле ачып, күйөрмандарына үмүт берип койду. Анын автору – Аудасбек Мырзабек уулу.
«Достук» көп убакыт бою эсепти теңей албай жатты. Бирок Манас Ниязов 28-мүнөттө айырмаланды. Экинчи бөлүктө Манас «Достукту» алдыга чыгарды. Буга «Ынтымактын» чабуулчусу Нуржан Мелисбек уулу өзүнүн кооз салымы менен жооп кайтарды. Оюн учурунда Сейитбек Анарбек уулунун аттан кулап түшүп, улакты кармап калганы күйөрмандар арасында түшүнбөстүк жаратты. Мындай жагдай оюнду бир нече убакытка токтотуп турду. Бул арада көрүүчүлөр да уу-дуу боло кетишти.
Бирок оюндан кийин Сейитбек милиция кызматкеринин ышкырыгын, калыстын ышкырыгы деп түшүнүп алганын моюнга алды.
Оюнга саналуу мүнөттөр калганда оомат «Достук» тарапка ооду. 6-номердеги Майрамбек Рыспеков финалдык ышкырыкка 15 секунд калганда алдына эч кимди салбай, тай казанды көздөй жалгыз барып, улак таштап, командалаштарына жана күйөрмандарына майрам тартуулады.
Эсеп саны – 3:2. Бул жолу «Достук» – жеңүүчү.

«ЫНТЫМАК» – «ДОСТУК» – 2:3

Ташталган улактар:

Аудасбек Мырзабек уулу, 5 (1:0), Манас Ниязов, 28 (1:1),
Манас Ниязов, 48 (1:2),
Нуржан Мелисбек уулу, 52 (2:2), Майрамбек Рыспеков, 60 (2:3)

ОЮНДАН КИЙИН...
Манас Ниязов
: – Бүгүнкү оюн оор болду. Эки команда тең өзүнүн мыкты экенин көрсөтүштү. Бирок бул ирет ийгилик бизге жылмайып, жеңишке жеттик. Кийинки оюнда Бойка менен чыгам. Бул жолу оюнга Бойка чыкмак, бирок жарааты толук бүтсүн деп чыгарган жокпуз. Ага карабастан Шторм да өзүнүн мыктылыгын көрсөтүп, Бойканын ордун басты.
Нияз Мадалбеков: – Нааразычылыктар болду. Эки команда тең өзүнүн мыктылыгын көрсөттү. Бирок акыркы мүнөттөрдө оюнду колдон чыгарып жеңилип калдык.

МЕЛДЕШТИН МЫКТЫЛАРЫ:

Жогорку Лигада

Мыкты улакчы – Манас Ниязов («Достук» командасы);
Мыкты аргымак – Геркулес («Ынтымак» командасы).

Биринчи Лига

Мыкты улакчы – Бакай Султан уулу («Жаш күч» командасы);
Мыкты аргымак – Аватар («Бакубат Талас» командасы).


Адилет Керимбек уулу
sport@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(1)
09.09.2019. 13:19 
Тайпасы:
Жаран
Комментарийлердин саны:
3
Катталган:
12-01-2019
Соӊку аракети:
14-09-2019 21:18
Жынысы:
Белгисиз
+2
Достук чемпион
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22866;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: