Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ТУУГАНДАР ҮЙ ТАЛАШУУДА. МҮЛКТҮН ЧЫНЫГЫ ЭЭСИ КИМ?

№878 29-август - 4-сентябрь, 2019-ж


Туугандардын ортосундагы мүлк талашуу акыркы учурда көп кездешкен көрүнүштөрдүн бири болуп келет. Элзада Карыпбекова аттуу Тогуз-Торо районунун тургуну атасынын көзү өтүп кеткенден кийин алар жашаган үйдү атасынын бир тууган инилери менчиктөө аракетин көрүп жатканын айтат. Биз эки тарап менен тең байланышып, алардын жүйөлөрүн угуп, мыйзам боюнча мүлк кандай бөлүнөрүн иликтеп көрдүк.

“АТАМ КАЗА БОЛГОНДОН КИЙИН АГАЛАРЫМ ҮЙДҮ ТАЛАША БАШТАШТЫ”

– Биз 25 жылдан бери Жалал-Абад облусуна караштуу Тогуз-Торо районунун Казарман айылында жашап келгенбиз. Атам Бакытбек, апам Айнура 1995-жылы баш кошушкан. Мен үйдүн эң улуусумун. Төрт бир тууганбыз, жалаң кыздар. Мен жана эки сиңдим турмушка чыгып, апам эң кичүү сиңдим менен айылда турушат. Азыр апам менен сиңдим жашап жаткан үйдү атамдын инилери бизге караштуу деп, үйдүн жанындагы 6 сотых жерге унаа оңдоочу жай куруп алышты. Үй жана жер тилкеси кимдин наамында экенин сүрүштүрсөк, жер айыл өкмөттүн каттоосунда экен. Бул жерди жана үйдү чоң апам көп бала төрөгөнү үчүн мамлекет ага чегерип берген экен. Ошондон кийин менин атам бул үйдө жашап, үйлөнүп, ал арада биз төрөлүп, ушул жерде чоңойдук. Айыл жеринде үйдү менчикке чыгарып алуу, документтерин тууралап алуу деген ойго деле келбейт да. Атам көзү тирүүсүндө бир туугандарым кыздарымдан үй талашат деп ойлобосо да керек. Чыгынып деле өзүнө каттатып албаптыр.

Биз чоңоюп калганда апам ооруп Бишкекке барды. Андан кийин атам да иштеп, жанында болом деп Бишкекке кеткен. Бул арада мен жана сиңдилерим удаа турмуш куруп кеттик. Ошол учурда үйдө киши болбой калган.

“7 АЙДАН БЕРИ СОТТУН ЧЕЧИМИН КҮТҮП ЖАТАБЫЗ”

– Атам куда тосом деп үйдүн айланасын оңдоп-түзөп баштаган. Былтыр июль айында каза болуп калды. Кийин үйдүн чатырынан ичине суу тамганынан сиңдилерим менен акча чыгарып чатырды жаап коёлу деп барсак, атамдын иниси үйдү талашып баштады. Анын максаты – үйдүн алдына курган унаа оңдоочу жайын ишке киргизүү. Февраль айынан бери соттошуп келе жатабыз. Ишти караган сот үйдү бизге калтырып, алдындагы 6 сотых жерди агама өтөт деген чечим чыгарып берди. Биз нааразы болуп облустук сотко кайрылдык. Анткени үйдүн алдында унаа оңдоочу жайдын мыйзамсыз жайгашканын Архитектура жана курулуш башкармалыгы аныктап берди. Облустук соттон азырынча жооп келбей жатат.

“ҮЙДҮН ДОКУМЕНТТЕРИ МЕНДЕ”

Үйдүн мыйзамдуу ээси ким деген суроо менен башка каармандарды да издедик. Көп бала төрөгөнү үчүн мамлекет тарабынан үй менен сыйланган Калбүбү Жааналиева менен байланышсак, ал үйдүн документи өзүндө экенин айтып, буларга токтолду:

– Менин күйөөм укук коргоо органында иштечү. 6 эркек, 3 кыз болуп жалпы 9 баланы төрөп, тарбияладым. 36 жашымда күйөөм каза болуп калды, көп балалуу, анан жесир калды деп мамлекет тарабынан ошол үй берилген. Эң улуу балам үй-жайлуу болуп кеткенден кийин уулум Бакытбек үйлөндү. Аны үй-бүлөсү менен азыр талашка түшкөн үйгө киргиздик. Башында эле “жаңы үй-бүлө болуп жатасың, кийин кичүү иниңер үйлөнгөндө бошотуп бересиңер, ага чейин жашап тургула” дегем. Үйдүн ээси катары аны эң кичүү уулума калыш керек деп чечкен болчумун.

Мындай кырдаал жаралып калганынан жер тилкесинин картасын чийдирип, кызыл китеп алып, мыйзамдаштырып коёлу деп калдык. Муну уккан келиним үйдү ээлеп калуунун айласын издеп, тааныш-билиштерин ортого салып чуркап жүргөн кези. Биз аны үйдөн чыгып кет деп кууган жерибиз жок. Жашап турсун деп эле жатабыз. Бирок башында эле үйдү кичүү уулума берем деп чечкем.

Мен деле 36 жашымда жесир калдым, оюма үй менчиктөө, кайын журт менен тартышуу деген келбептир. Тынч эле балдарымды чоңойттум. 9 баланы төрөп кыйналган мен да? Ошол себептен үй негизи менин наамымда.

“ЖЕҢЕГЕ БАШКА ҮЙ АЛЫП БЕРЕЛИ ДЕСЕК БОЛБОЙ КОЙГОН”

Талашка түшкөн үй тууралуу маркум Бакытбек Карыпбековдун бир тууганы Доктурбек аттуу жаран да өз оюн билдирди. Ал үйдү талашып жаткан жеңеси анда жашабай эле, сатып жиберүүнү көздөөдө дейт:

– Үй бир нече жыл каралбай ремонту жок турду. Байкемдин биринчи аялынан бир уулу бар, ал үйлөнгөндө агам куда тосом деп калды. "Үйдү оңдоп-түзөп куда тосуп алайын, аны тосуп алган соң бошотуп берем" деди. Ага жетпей эле каза болуп калды. Биз агамдын көзү өтүп кеткенден кийин бүтпөй калган оңдоп-түзөө иштери үчүн каражат да бергенбиз.

Үйү жок калган жалгыз эле агамдын аялы жана кыздары эмес. Чындап келсе үй-бүлөлүү туруп биздин деле өзүбүзгө караштуу үйүбүз жок. Ар кимибиз өз алдынча батирлеп жүрөбүз. Агамдын кыздарын өзүбүздүн карындаштар болгондон кийин кантип талаада калтырмак элек деп көп кабаттуу үйдөн батир алып берели дегенбиз. Бирок ага жеңебиз көнбөй койгон. Анын максаты – үйдү сатып жиберип, акчасын өз керегине жаратуу экенин билип эле турабыз.

“БАРДЫК НЕРСЕ ҮЙДҮН МЫЙЗАМДУУ ЭЭСИНЕН КӨЗ КАРАНДЫ”

Жалал-Абад облустук сотунун басма сөз кызматына кайрылып, үй талашып соттошуп жаткандардын иши эмне себептен каралбай токтоп турганынан кабар алдык. Облустук соттун маалымат кызматы учурда сот иши турак жайдын жайгашкан орду так эмес болгондуктан убактылуу токтоп турганын билдирди. Ошондой эле сот иши кайра качан улантылары белгисиз деп кошумчалашты облустук соттон. Ал эми дегеле үй талашкандардын ортосундагы кырдаал боюнча юрист Такен Молдакулов төмөнкүчө жооп берди:

– Үйдө ким канча жыл жашаган, буга карап мүлк бөлүштүрүлбөйт. Үйдүн мыйзамдуу ээси кандай чечсе, мүлк ошондой менчиктештирилиши керек. Эгер үйдүн мыйзамдуу ээси балдарына мүлк бөлүштүрө турган болсо, үйдүн баасы бааланып, балдарынын санына жараша бөлүштүрүлөт.

Эгерде үйдө жашап көзү өткөн адам менен аялынын жарандык абалы мыйзамдуу акт түрүндө катталган болсо (ЗАГС), анда аялы маркумдун башка бир туугандары сыяктуу эле үлүшкө ээ болот. Мисалы, бир туугандары 8 киши болсо, аялы тогузунчу болуп кошулат да, ага да үлүш тиет. А эгер жубайлардын күбөлүгү жок болсо, аялына эч нерсе тийбейт. Башкача айтканда, күйөөсүнүн бир туугандары өз ара бөлүшүп алышат.

Каза болгон киши менен катар эле анын бир туугандары үйгө тең укуктуу мураскер болуп эсептелет. Кыз болобу, эркек бала болобу, мураскер болуп саналат.

Экинчи бир жагдайда, үйдүн документтери колунда турган киши керээз кылып үйдү балдарынын бирине калтырууну чечсе, калган балдары эч нерсе кыла албайт, башкача айтканда, алар мүлктү талаша алышпайт.

Маркум Бакыт Карыпбековдун жубайы Айнура Турдумамытова экөөнүн ортосунда нике күбөлүгү бар экенин алардын кызы маалымдады. Учурда эки тарап тең соттун чечимин күтүп жаткан учуру.

Айпери Хожаева
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(15)
02.09.2019. 09:12 
Тайпасы:
Жаран
Комментарийлердин саны:
196
Катталган:
18-09-2018
Соӊку аракети:
18-10-2019 23:45
Жынысы:
Белгисиз
+10
Кыргыздан пейил кетти.оз баласынан,агасынан уй талашып.
02.09.2019. 11:13 
Тайпасы:
Жаран
Комментарийлердин саны:
111
Катталган:
28-01-2014
Соӊку аракети:
02-09-2019 11:28
Жынысы:
Белгисиз
Калаасы:
Бишкек
+15
Агасынын арбагын сыйлап деле ушул уйду эркек бир туугандары талашпай эле койсо болмок. Тем более жалан кыздар экен. Агасы биздин деле уй-жайыбыз жок дептир. Унаа ондоочу жайды колунда жок адам кантип салсын?! Бул жон эле ач коздук! Эркек баласы болбогон сон женебиз баары бир кетет андан коро уйду алып калалы деген эле ой!
02.09.2019. 15:13 
Тайпасы:
Жаран
Комментарийлердин саны:
20
Катталган:
30-12-2016
Соӊку аракети:
19-10-2019 01:15
Жынысы:
Белгисиз
Калаасы:
жалал абад
+10
Агасынын арбагын чырылдатпай уй талашпай эле койсо болсок иниси олушун эле кутуп аткансып
02.09.2019. 16:23 
Тайпасы:
Жаран
Комментарийлердин саны:
7
Катталган:
13-11-2017
Соӊку аракети:
18-10-2019 22:03
Жынысы:
Белгисиз
+14
Атам отуп кеткенден кийин,озубуздун жашап аткан уйубузду,атамын минген машинасын бир тууган инилери талашып,атамын уй кой жылкыларын сатып болушуп алды.Иним,мен эки эле бир тууганбыз.30 жыл атам экоо чогуу жашап,заксы,документи колунда турган апамы инилери согуп,карындаштары каргап журушту.Атам козу барында баарына жардам берчу.Биз ыйласак апам Кудай бар буларга дечу,азыр балдары кырсыктап,оздору ооруп журушот.Жетим мн жесирдин коз жашын агызган ,акысын жеген адамдарды акыретте кандай жаза кутоо
asman.81 түзөттү 2019-09-02 16:36:20
02.09.2019. 16:35 
Тайпасы:
Жаран
Комментарийлердин саны:
16
Катталган:
23-08-2018
Соӊку аракети:
19-10-2019 10:45
Жынысы:
Белгисиз
+6
Энеси кичуу балама берём деп жатпайбы,демек кичуу баласыныкы болот да
02.09.2019. 20:37 
Тайпасы:
Тартип бузгандар
Комментарийлердин саны:
7
Катталган:
21-06-2019
Соӊку аракети:
17-09-2019 15:04
Жынысы:
Белгисиз
+2
Эмне баарынар билип билбей эле дооруй бергенсинер?!!

Биринчи уй кимдики, ошону такташ керек. Бул уйду маркум оз колу менен курган эмес экен. Маркумдун апасына Окмот берген экен. Аны маркумдун кыздары да ырастап отурат. Ошондуктан уйдун кожоюну 9 баланы тороп остургон чон эне...

Мыйзамга ылайык уй чон энеге караштуу болгон сон, ал уйду кимге берем десе анын иши...

05.09.2019. 12:02 
Тайпасы:
Жаран
Комментарийлердин саны:
196
Катталган:
18-09-2018
Соӊку аракети:
18-10-2019 23:45
Жынысы:
Белгисиз
+3
Dj.,Сен Ошо уй талашкан кайниси окшойсун,Жан далбастаганына караганда
02.09.2019. 20:39 
Тайпасы:
Тартип бузгандар
Комментарийлердин саны:
7
Катталган:
21-06-2019
Соӊку аракети:
17-09-2019 15:04
Жынысы:
Белгисиз
+1
Маркумдун 3 кызы турмуш куруп болунуп кетиптир, апасы кичуу кызы менен Бишкекте турса, айылдагы уй кароосуз турса, эми талашып эмне кылышат?!

Тиги юрист да ХХХХ калыптыр, маркум менен аялынын колунда ЗАГС куболугу болгон деп журот. Бирок уйду маркум менен аялы сатып албагандан кийин же оз колдору менен курбагандан кийин, ЗАГСтын эмне тиешеси бар, уй чон эненики болуп жатса...

Сотторго пара берсе любойнун пайдасына чече берет. Бирок чын-чынында уй,чон эненики!!!
Модератор admin_portal түзөттү 2019-09-03 09:47:24
02.09.2019. 20:43 
Тайпасы:
Тартип бузгандар
Комментарийлердин саны:
7
Катталган:
21-06-2019
Соӊку аракети:
17-09-2019 15:04
Жынысы:
Белгисиз
+2
Маркумдун кыздары, куйоо балдары окуп калсанар силерге кайрылып кетем. Силерде намыс болсо кичине уялгылачы...

Уйду Окмот чон энегерге чегерип берген сон, чон эненер тируу болгон сон, кайсы арынарга уй талашасынар?!! Чон эненер ушунча жыл жашатыптыр силерди мейли деп. Эми ээси келсе бээсин бер болуп, чон эненерден уй талашпагыла! Кайра чон эненердин батасын алып ошонун дашына жетели деп ниет кылгыла!

Чон эненер уйду кимге берсе озу билет. Силерде намыс болсо уй талашпа
03.09.2019. 00:22 
Тайпасы:
Конок
Комментарийлердин саны:
3
Катталган:
26-08-2019
Соӊку аракети:
02-10-2019 18:24
Жынысы:
Белгисиз
-2
Dj.,сен дагы бир байкуш экенсин да. Башынды оорутуп, ушунча соз жазып, эмне куч келди. Эмне болсо ошо болсун. Булар бир туугандар, урушат, талашат. Убакыт отуп баары ордуна келет.
05.09.2019. 15:56 
Тайпасы:
Жаран
Комментарийлердин саны:
991
Катталган:
14-11-2015
Соӊку аракети:
09-10-2019 02:21
Жынысы:
Белгисиз
Калаасы:
Ата-энемдин журогу...
+3
Dj.,Маркумду деле ошол чон эне торогонго, кичине баласына и так оздору жашап жаткан уй калат го.
05.09.2019. 03:41 
Тайпасы:
Жаран
Комментарийлердин саны:
0
Катталган:
03-03-2016
Соӊку аракети:
15-10-2019 15:35
Жынысы:
Белгисиз
Калаасы:
Нарын
+3
Эн оор ушул экен,, откондо эле досум тайатасына баоып жардамдашса,,туугандары соз чыгарыптыр,уйду алып алганы жатат деп,,,,,ото окунучтуусу ата-энеси тируу,бирок уй эмитен талашка тушту
05.09.2019. 15:37 
Тайпасы:
Жаран
Комментарийлердин саны:
991
Катталган:
14-11-2015
Соӊку аракети:
09-10-2019 02:21
Жынысы:
Белгисиз
Калаасы:
Ата-энемдин журогу...
+3
Каза болгон адамдын бир туугандары анын балдарына "АТАКА" жасоо кыргыздардын салтыбы?
06.09.2019. 20:02 
Тайпасы:
Жаран
Комментарийлердин саны:
7
Катталган:
13-11-2017
Соӊку аракети:
18-10-2019 22:03
Жынысы:
Белгисиз
+1
Pandora,чын.Биз эле окшойбуз десек,кийин турмуштан корсок мындай окуялар толтура экен.Бир тууганы каза болсо,балдарын,жесирин,чыркыратып,талашкандар акыретте Алланын алдында кандай жооп берээр экен ?
07.09.2019. 01:13 
Тайпасы:
Жаран
Комментарийлердин саны:
591
Катталган:
26-11-2016
Соӊку аракети:
18-10-2019 23:55
Жынысы:
Белгисиз
+1
Тообо арбак раазы болсун деп коетко,чон апада козу откон уулун акыбалын ойлобойт экенда карындаштарынар турмушка чыгып кетиптир Ошо жерге келип кетип Турар эле тууган болуп катташып, башка жакка кочурсонор такыр алыстап кетесинерго! Жененерде неберлеринен жанына алып жанынар жашай бергиледа
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23044;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: