Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Курманбек Карабалаев, мигрант: «ПОЛ ЖУУП, ЖҮК ТҮШҮРҮП ИШТЕГЕН ӨСПҮРҮМДӨРДҮ КӨРҮП ИЧИМ АЧЫШАТ»

№878 29-август - 4-сентябрь, 2019-ж


Бир батирдин ичинде 20дан ашык адам. Бири алыста калган балдарын сагынып куса, бири иштеген акчасын ала албай бушайман, башкасы полициянын колуна түшүп, жакында депортация болуу алдында, дагы биринин иши жүрүшүп, ити чөп жеп турган маал... Бул мигранттардын тагдыры. Алардын баарынын башын жумушсуздук, оңой эмес тагдыр бириктирген. Элдин агымы менен Жалал-Абад облусунун тургуну 33 жаштагы Курманбек Карабалаев да Москвадагы мигранттардын катарына кошулган. Мигранттык жашоону жон териси менен сезип, көрүп-билген мекендешим көкүрөгүн өйүп жүргөн ойлору, аткарылбаган кыялдары тууралуу баяндап берди.

«ДОСТОРУМДУН БААРЫ МОСКВАДА»

– Тагдыр мени 2011-жылы Москвага айдап келди. Дипломумду колума алгандан кийин бир жерде иштөөгө кызыккан жокмун. Мунун себеби – биздин өлкөдөгү айлык акынын жарытпаган көлөмү. Кыргызстанда агасы депутат, таякеси министр болбосо, бир жумуштун башын кармап, карьера жасоо мага окшогон карапайымдарга куру кыял эле болуп калбадыбы. Бул жакта менин көп туугандарым бар. Досторумдун дээрлик бардыгы ушул жакта. Мен келгенге чейин мага туугандарым жумуш таап коюшкан. Ошондуктан келип эле жумушка кирип кеттим. Бирок ал жылдары жумуш табуу азыркыдай жеңил эмес болчу. Азыр кыргыздар бул жакта жумуш тандап иштешет. Айлыгы аз, үйүнөн алыс жумушка чакырса барышпайт. Өзүм бул жакка келип эмне деген гана жумуштарда иштебедим. Курулушчу, промоутер, курьер, жүк ташуучу, кассир болуп иштеп көрдүм. Азыр япон ашканасында ашпозчумун. Өзүм да билбептирмин ушунчалык колунан көп иш келген адам экенимди (күлүп).

«БАТИРДЕ 20дай АДАМ ЖАШАДЫК»

– Бул жактагы жашоо жаңылык болгон жок. Анткени келгенге чейин эле Москванын жашоосу кандай экенин досторумдан угуп калчумун. Келгенде үч бөлмөлүү батирде 20дай адам жашадык. Үйдүн ичиндеги абал өзүнчө эле театр: бирөө кейип жумушунан кыйналганын, бири милицияга акчасын алдырганын айтып жатса, дагы бири тамак жасап жатат, башкасы балдарын сагынып көңүлсүз терезени тиктейт.

Азыр батирлерде мурдагыдай көп адам жашабайт. Азыркы учурда 3 бөлмөлүү батирлерде болжол менен 9-12 адам жашайбыз. Батирде сиз элестеткендей уктаганда орун жетишпегени үчүн капталыбыздан жатпайбыз. Бир бөлмөдө 3-4 адам болуп кенен эле жашап жатабыз.

Москвада айрым учурда Кудай көрбөй тургандай эле кутурабыз. Мас болуп алып орустарды сабагандар бар. Ичкилик ичип, эки-экиден мушташып, мушташтын акыры кырсык менен бүткөн учурларды деле көрүп, билип эле жүрөбүз. Кыргыздардын кафеси көп азыр Москвада. Аты эле кафе, ичи түнкү клуб. Жаш улан-кыздардын баары ошол жерде. Мен ушунча жүрүп өзбек, тажиктерден кафеге, түнкү клубдарга баруу же бир маараке уюштура коюу дегенди көргөн жокмун. Акча табууну максат кылгандан кийин күнү-түнү иштеп, эч жакка чыкпай акча топтогон мекендештерим да көп.

«ЭЧ КИМ ЖЫРГАГАНЫНАН МИГРАНТ БОЛБОЙТ»

– Эч ким жыргаганынан мигрант болбойт. Мигранттардын баарынын көзүнөн кусалык байкалат. Ата-энеге, Ата Журтка, балага болгон сагынычты көтөрүп жүрүү жеңил эмес. Балалык доору бүтө электе Москванын метросунда чайпалып уйкусурап бараткан беш көкүл кыздар, боз уландарды көрүп ичим ачышат. Байкуштар колуна калем кармап жогорку билим алгандын ордуна башка элде идиш, пол жууп, жүк түшүрүп, чоңдор менен тең жарыша иштеп жүрүшөт. Бул ойлонтуучу чоң маселе. Эч болбосо бийлик жаштарды кармап калуунун чарасын көрүшү керек эле. Азыр кыргыздар бул жактан ипотекага үй алып башташты. Жыйырманын бири Орусияда биротоло калууну максат кылып жүрүшөт. Бала-чакасы ушул жерде окуп, чоңоюп жатышат. Бул балдар кийин Кыргызстанга барышпайт. Булардын тили, ойлонуусу, уйкудан ойгонуусу да орусча болуп калат. Бул мамлекетти ойлондурчу чоң көйгөй. Мунун баарын карап отуруп элдин эртеңкисин көп ойлоном. Биз өзү Кудайдын мээри түшкөн эле жерде жашайбыз. Бизге башка жактан мигранттар келип иштей турган мүмкүнчүлүктөрүбүз бар. Бийлик элди иш менен камсыз кылса эле бир топ маселелер чечилгени турат.

«КЕҢ КЕЛЕЧЕГИБИЗДИ КУРУУЧУ МУУН КЕЛЕТ ДЕП ИШЕНЕМ»

– Орустардын бизге болгон мамилеси жакшы. Алар ынсаптуу, кең пейил, ачык мүнөз эл келишет. ЕАЭБге киргенден кийин бизге көп жеңилдиктер берилди. Азыр полиция кызматкерлери менен тең ата айтыша турган болуп калганбыз, жолдон тоссо "где честь?" деп. Учурда 5-6 жыл мурункуга салыштырмалуу айлык акы, жашоо шарты боюнча мигранттардын абалы жакшы. Бирок бөтөн жерде жүргөндөн кийин баары бир мусапырсың.

Мектепти бүтүрүп, ЖОЖго аттанып жатканда чоң максаттарым бар эле. Бирок ал максаттарым менен бүгүнкүнүн айырмасы өтө чоң. Өзүбүздө жумуш, татыктуу айлык акы болсо ата кесибин улантмакмын. Атам, апам экөө тең мугалим болушкан. Азыркы максатым – ар бир мигранттай эле тууган-урукка эртерээк, эсен-аман кайтуу. Кыргызыма да жакшы күндөр, өнүккөн жылдар келет. Бөлүнбөй-жарылбай, биримдикте турсак, келечекти куруучу муун келет деп ишенем.

«МОСКВАДАГЫ МИГРАНТТАР ТУУРАЛУУ ЫР ЖАЗДЫМ»

– Москвадагы кыргыздардын абалы тууралуу көрүп-билгендеримди кагазга түшүрүп койгон элем. Бул жактагы жашоону ушул ыр аркылуу да түшүндүргүм келип жатат. Ырым тиешелүү жактарга коңгуроо кага алса, жакшы.


Келбеймин деп кеткенди

Тартып алган Москва.

Бир батирге отузу

Батып алган Москва.

Эркек-кызы аралаш

Жатып алган Москва.

Көчүп келген кыргызды

Катып алган Москва.



Төрт бурчтагы кыргызды

Боордош кылган Москва.

Улуу менен кичүүнү

Жолдош кылган Москва.

Жыйырмага кырк беш жаш

Ойнош кылган Москва.

Эмчектеги баладан

Эне айрылган Москва.

Эркектери алыстап,

Жеңе айрылган Москва.

Жалгыз болуп жаздыктар,

Дене айрылган Москва.

Бирөө тапкан акчасын

Катып жүрөт Москва.

Бирөө тапкан акчасын

Чачып жүрөт Москва.

Бирөө коркуп «менттерден»,

Качып жүрөт Москва.

Темир-тезек калтырбай

Ташып жүрөт Москва.

Бирөө жетпей үйүнө

Жашып жүрөт Москва.

Бирөө ала куржунду

Асып жүрөт Москва.

Бирөө, билбейм, жөн эле,

Басып жүрөт Москва.



Эри жокко эркекти

Таап берген Москва.

Аялсызга аялды

Алып берген Москва.

Жумушу жок карызга

Батып кеткен Москва.

Кыздар жүрөт сигарет

Тартып кеткен Москва.

Акча үчүн кээ бирөө

Жатып кеткен Москва.

Кыргыз душман кыргызга,

Сатып кеткен Москва.

Бирөө жүрөт никесиз

Төрөйүн деп Москва.

Бирөө келген насыя

Төлөймүн деп Москва,

Бүтсө эле мекенге

Жөнөймүн деп Москва.

Бирөө жүрөт сарсанаа,

Өлөйүн деп Москва,

Мынча болду көрчүсүн

Көрөйүн деп Москва.



Бирөө келген машине

Аламын деп Москва.

Бирөө келген үйү жок,

Саламын деп Москва.

Бирөө келген бактымды

Табамын деп Москва.

Бирөө жүрөт бир өмүр

Каламын деп Москва.

Бир туугандар акчаны

Эсептешкен Москва.

Акча кетсе абийир

Кетет дешкен Москва.

Ушул жерден байлыкты

Берет дешкен Москва.

Ата-энесин көмгөнү

Барбай калган Москва.

Абийир кетип адамдан

Калбай калган Москва.

Соо адамдар жалаңкыч,

Алдай калган Москва.



Юрист келип, дворник

Болуп кеткен Москва.

Тирүү келип канчасы,

Өлүп кеткен Москва.

Ажырашкыс досторду

Бөлүп бүткөн Москва.

Көргүлүктү кыргызың

Көрүп бүткөн Москва.



Мына ушундай Москва,

Мына ушундай Москва,

Куса толгон көздөрдө,

Көөдөн жакыр Москва.

Көз жаштарга ишенбейт,

Көзүң аккыр Москва.

Перизат Музуратбекова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(14)
02.09.2019. 14:41 
Тайпасы:
Жаран
Комментарийлердин саны:
101
Катталган:
27-08-2016
Соӊку аракети:
17-10-2019 14:31
Жынысы:
Белгисиз
+2
Ачуу чындык. Жаштар калбай калды Кыргызстанда.
02.09.2019. 16:03 
Тайпасы:
Жаран
Комментарийлердин саны:
64
Катталган:
29-05-2016
Соӊку аракети:
19-10-2019 09:25
Жынысы:
Белгисиз
+4
Азаматсын Ыр жакшы жазыпсын ушул ырдын ичинде баардык чындыкты айтып жазыпсын баракелде
02.09.2019. 17:41 
Тайпасы:
Жаран
Комментарийлердин саны:
147
Катталган:
15-02-2013
Соӊку аракети:
17-10-2019 21:03
Жынысы:
Белгисиз
Калаасы:
Бишкек Новосибирск
+5
Москвага барып иштеп келдим бирок кыргызга кыргыз душман дегенди ошол жаткан кордум оозум ачылды
02.09.2019. 17:45 
Тайпасы:
Жаран
Комментарийлердин саны:
199
Катталган:
11-08-2017
Соӊку аракети:
19-10-2019 02:26
Жынысы:
Белгисиз
0
Ооба мурункуга салыштырмалуу азыр жакшы, квартира кенен, иш жакшы,
02.09.2019. 23:04 
Тайпасы:
Жаран
Комментарийлердин саны:
15
Катталган:
02-12-2010
Соӊку аракети:
11-09-2019 01:08
Жынысы:
Белгисиз
Калаасы:
москва
0
Оссо турган жигит экен,азамат
03.09.2019. 02:10 
Тайпасы:
Жаран
Комментарийлердин саны:
78
Катталган:
04-06-2011
Соӊку аракети:
18-10-2019 22:05
Жынысы:
Белгисиз
Калаасы:
россия москва
+1
Сонун маек бериптир, туура айткандары, ыры да чындык!
03.09.2019. 15:52 
Тайпасы:
Жаран
Комментарийлердин саны:
70
Катталган:
12-04-2013
Соӊку аракети:
02-10-2019 11:35
Жынысы:
Белгисиз
Калаасы:
ОШ
+1
Куке озунун стилин бар бир нерсени баяндоодо, дайымкыдай эле кызык, айрыкча универсал адам экенини билдим дегенин )))))))))))))
03.09.2019. 21:06 
Тайпасы:
Жаран
Комментарийлердин саны:
3
Катталган:
09-03-2019
Соӊку аракети:
19-10-2019 07:30
Жынысы:
Белгисиз
0
менин ичим ачышпайт
билим албаса, акча менен бутурсо, ошону коросунор
а эгерде бандит болуп журсонор, андан да жаманын коросунор
05.09.2019. 01:22 
Тайпасы:
Жаран
Комментарийлердин саны:
89
Катталган:
16-01-2012
Соӊку аракети:
19-10-2019 11:12
Жынысы:
Белгисиз
Калаасы:
Кыргызстан
0
karabet, акчаны бербей бүткөндөрдүн канчасы жүрөт. Мен деле акча бербей эле окугам.Билим денгээлим кудайга шүгүр эле.Бирок АЛЛАХ таалам бешенеме мигрант болушту жазган экен барып көрүп келдим. Өкүнбөйм да.Эң негизгиси ак эмгек менен тапканың канчалык берекелүү болорун, уьакытты текке кетирбөөнү, эмгектин артында көп ийигилик жатаарын.Ошондой эле эң башкысы "Турмуш" деген мугалим эң күчтүү экенине ынанып көзүм ачылды. Талаалап кеткен мигранттын баарынын мээси көңдөй эмес.
04.09.2019. 02:28 
Тайпасы:
Жаран
Комментарийлердин саны:
66
Катталган:
25-02-2014
Соӊку аракети:
18-10-2019 18:39
Жынысы:
Белгисиз
0
Чындыгында кыргызстаныбыз эле соонун экен.Уруштардан жадаган элдер башка жакка кеткиси келип жатышат,ушундай кооз жерибизди кимге таштайбыз,баарыбыз кыргызстанды которолу,билим алалы осолу,келечек алдыда
05.09.2019. 16:36 
Тайпасы:
Жаран
Комментарийлердин саны:
59
Катталган:
06-05-2014
Соӊку аракети:
08-10-2019 13:11
Жынысы:
Белгисиз
+1
Менин дагы дипломум сандыкта жатат
08.09.2019. 12:56 
Тайпасы:
Жаран
Комментарийлердин саны:
12
Катталган:
24-10-2016
Соӊку аракети:
18-10-2019 09:32
Жынысы:
Белгисиз
0
Эх козуно жаш келет...
08.09.2019. 21:38 
Тайпасы:
Жаран
Комментарийлердин саны:
22
Катталган:
16-02-2016
Соӊку аракети:
18-10-2019 23:59
Жынысы:
Белгисиз
Калаасы:
Город 3722
0
Ээ тууганым, айтканын келсин Кыргызстанга да онуккон жылдар келсин.
16.10.2019. 01:19 
Тайпасы:
Жаран
Комментарийлердин саны:
1
Катталган:
24-05-2014
Соӊку аракети:
18-10-2019 16:48
Жынысы:
Белгисиз
0
Эх,Москва!
Москвада журомун мен темселеп
План толсо ,Озгонумо кетсем деп
Планымдын толо турган куну жок
Журо берем ,журо берем кетем деп
Корбой калдым аппак тандын атканын
Аз коромун кызарып кун батканын
Урун-баран метрого чуркаймын
Мунум менин жумушума шашканым
Ач койнунду,ананайын Москва
Мен барамын бир озуно тартыла
Кат койнуна кара кызын кыргыздын
Иштеп калсын ал-кучунун барында
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23044;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: