«Жылдын супер клиби»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

БАТКЕНДЕГИ ПРОКУРОРДУН ӨЛҮМҮ. АЙЫПТАЛУУЧУ АЧКАЧЫЛЫК ЖАРЫЯЛАДЫ

№877 22-28-август, 2019-ж.


2018-жылдын 18-ноябрь күнү Баткен облусунун прокурору Анарбай Мамажакыповдун сөөгү тоо арасында, Таңги-Өтөк участкасынан табылган. Анын өлүмүнө шектелип Баткен облустук капиталдык курулуш башкармалыгынын ошол кездеги башчысы Мелис Калыков кармалган. Ага Кылмыш-жаза кодексинин «киши өлтүрүү» беренесинин негизинде иш козголуп, 7-майда сот жараяны башталган. Учурда Калыковдун жакындары сотко ишенбөөчүлүк көрсөтүп, ишти башка сот карасын деген талап коюшууда. Ал эми маркумдун туугандары бул айыпталуучу тараптын сот ишин созуп, мунапыс алууга болгон аракети деп баалашууда. Биз бул иш тууралуу тараптардын оюн уктук.

«ТЕРГӨӨДӨГҮ КАТАЧЫЛЫКТАРГА СОТ КӨЗ ЖУМУП КОЙДУ»

Айыпталуучу Мелис Калыковдун жакындары 14-16-август күндөрү Ош жана Баткен шаарларында сотко каршы нааразычылык акциясын уюштуруп, 450дөн ашык киши чогулган. Айыпталуучунун эжеси Дарика Калыкова нааразычылыктын себептерин мындайча түшүндүрдү.

– Иним Мелис Калыковду Анарбай Мамажакыповдун өлүмүнө шектүү деп кармап, 9 айдан бери Ош шаарындагы 25-СИЗОдо жатат. Тергөө учурунда бир топ каталарга жол берилип, сот аларга көз жумуп койду. Мыйзам боюнча иликтөө бүтүп, тергөө аяктаган соң протокол түзүлүп, иш менен айыпталуучуну, жактоочуларды тааныштырып анан сотко өткөрүш керек экен. Бизде андай болгон жок. Тергөөчү өзү сот учурунда жактоочуга "ишти тааныштырган жокмун, протокол түзө элекмин" деп айтып жатат. Сот болсо бир да жолу эмне үчүн деп кызыгып койгон жок. 17-ноябрда окуя катталса, эртеси күнү эле инимди кармап кетишти. Жүргүзүлгөн экспертизага да, анын жыйынтыктарына да ишене албайбыз. Сотто көрсөтмө бергенде «ооба, мас элем» деген балдар, анын ичинде менин иним да экспертизада ичимдик ичкен эмес болуп чыкты. Каза болгон прокурор эле иче берген имиш. Мамажакыповду менин иним өлтүрдү дегенге түз далил жок. Аны көргөн күбө да жок.

Тергөөчү тергөө учурунда аңчылыкка 4 эле курал колдонулган деп каттаган, сотто 6 курал менен чыгышканы маалым болду. Дагы ушундай кемчилик, каталар толуп жатат. Ошол бойдон иш сотко өткөрүлгөн. Инимди 6 прокурордун сөзү менен эле камап турушат. Тергөөчү өзү айтты, кылмыш жасалган жерден прокурорлордун бири Б. уулу Энин бармак изи табылыптыр. Ошондой эле Мамажакыпов менен чогуу жүргөн 6 прокурорго тыюу салынган жерде аңчылык кылуу, кызмат абалынан кыянаттык менен пайдалануу, прокурордук этиканы бузуу, шалаакылык сыяктуу жалпы 8 берененин негизинде иш козголушу керек экен. Бирок эмнегедир алар жоопкерчиликке тартылбай жатышат.

«ИНИМДИ КЫЙНАШЫПТЫР»

– Мелисти кармагандан кийин эч кандай протоколсуз, эч кандай далил да жок, баш коргоо чарасын карабай туруп, жактоочусуз 20 саат кармашты. Мыйзам боюнча 2 сааттан кийин чыгаруу керек экен. Ошол 20 саат убакыт аралыгында инимди тергөөчүлөр уруп-согуп, кыйнашыптыр. Биз бул боюнча арыздандык, бирок кайрылуубуз канааттандырылган жок.

Окуя болгон жерге кароо жүргүзгөндө да көп мүчүлүштүктөр кетиптир. Биз Баткендин тергөөчүлөрүн, эксперттерин да сотко чакыргыла деп жактоочу аркылуу өтүнүч келтирип жатабыз. Сотто такталбай калган жагдайларды бетме-бет туруп сурайлы десек, ишти карап жаткан сот Жолборс Кудаяров «аларды өзүңөр чакырып келип алгыла» деп жатат. Алар соттон чакыруу болмоюнча келип бербейт да. Бирок ишке алардын көрсөтмөлөрү тиркелген. Ошол протокол алынган жерде 5 адамдын, 3 унаанын изи бар экен, сүрөттөрү делодо тиркелүү дешти. Бирок аны бизге көрсөтпөй жатышат.

«СУДЬЯНЫН ӨЗҮНӨ КЫЛМЫШ ИШИ КОЗГОЛГОН ЭКЕН»

– Инимдин ишин карап жаткан соттун үстүнөн 3 кылмыш иши козголгон экен. Ал иштин экөө ИИМдин алдындагы аймактар аралык башкармалыкта, дагы бири Жогорку Сотто каралып жатыптыр. Анын үстүнөн кылмыш иши ачылганын тастыктаган Башкы прокурордун биринчи орун басары Н.Дардаңовдун колу коюлган кагазы да бар. Өзүнүн үстүнөн кылмыш иши ачылып, тергөөсү бүтө элек туруп, бирөөнү соттогонго моралдык укугу барбы? Конституциянын соттор боюнча мыйзамынын 5-беренесинде кылмыш иши козголгондон кийин сот иштен четтетилсин деп жазылып турат. Мен аны окуп чыктым. Кудаяров болсо бир жарым жылдан бери кызмат ордунда, биздин иштен башка дагы бир нече сот ишин карап, иштеп жүрөт.

Ушундай себептерден улам биз сотко беш жолу ишенбөөчүлүк көрсөттүк. Бирок аны кабыл алуу же четке кагууну да Кудаяров өзү чечет экен. Ошентип 5 жолу тең четке кагып койду. Кийин Ош шаардык сотунун төрагасына кайрылдык. Ал жактан канааттандырган жооп болгон жок. Айлабыз кеткенде Президенттин алдындагы соттордун дисциплинардык кеңешине 2 жолу кайрылдык. Андан азыркыга чейин жооп жок. Ошондон улам нааразычылык акциясына чыктык. 3 күн Ош шаардык сотунун имаратынын жанында турдук. Аны Баткенде да уланттык. Ишти карап жаткан сот Кудаяров мүмкүн акталып кетер. Акталганга чейин ишти башка сот алып барсын деген талап коюп жатабыз. Азыр аксакалдар баш болуп, 450 кол топтоп, Тартип комиссиясы, прокурор, Баткендин губернаторуна, Жогорку Сот, жадакалса президентке кайрылуу жасаганы жатабыз.

Ишти карап жаткан соттун үстүнөн козголгон кылмыш иши боюнча Башкы прокуратуранын маалымат кызматы менен байланыштык. Башкы прокуратура бул маалыматты четке каккан да, тастыктаган да жок. Ал эми колубузга тийген документтер аты аталган судьянын үстүнөн чындыгында 3 кылмыш иши козголгонун далилдеп турат.

– Сот бизге өчөшүп, ЖМК өкүлдөрүн отурумга киргизбей, инимди сот залынан күч колдонуп чыгарып, адвокаттарды да чыгарып салды. Кийин мамлекет тарабынан дайындалган убактылуу жактоочу келип, «мен иш менен таанышып чыгайын, 5 мүнөт убакыт бериңиз» деп суранса, «мен сизди дайындадым, отуруңуз, убакыт берилбейт» деп эле отургузуп койду. Бул аша чапкандык. Адам өлүмүнө байланыштуу иш каралып жатса кантип жактоочу иш менен 5 мүнөттө таанышсын? Ошондон улам нааразы болуп Мелис 5-августта ачкачылык жарыялады. Аны 16-августта ден соолугуна байланыштуу токтотту.

«АЙЫПТАЛУУЧУНУН ЖАКЫНДАРЫ ИШТИ АТАЙЫН СОЗУП ЖАТЫШАТ»

Ал эми маркум прокурор Анарбай Мамажакыповдун атасы Кутпидин Мамажакыпов кылмыш иши ачылгандан бери айыпталуучу эч нерсе айтпай, 2020-жылга жакын калганда чуу көтөрүп, ишти созуп мунапыс алууга далалаттанып жатат дейт.

– Уулум каза болгондон бери 9 ай өттү. Ушул убакыт ичинде Мелис Калыков эч нерсе айта алган жок. Прокурорлордун териштирүүсүнө караганда, Мелис менин баламды унаага жалгыз салып кетип, ошол бойдон тоого алып барып мылтык менен атыптыр, мыкаачылык менен бычактап, куйкалап күйгүзүптүр. Берки 6 прокурор болсо Баткенге кетти окшойт деп ойлоп, ошол жакка барып издешиптир. Биз башында 6 прокурордон да шекшип, маалымат каражаттарына бул пикирибизди айтканбыз. Бирок мына 9 айдан бери Мелис өзү да аларга эч нерсе айта алган жок го? Ал болбосо, асмандан бирөө түшүп келип өлтүргөн жок да?

Сот кайра-кайра жылып отуруп, 80 жашымда 13 жолу сотко бардым. Биринде жактоочусу келбей коёт, биринде шектүүнү ооруп жатат дешет. Булар ушинтип эптеп 2020-жылга чейин ишти созуп, мунапыс алууну көздөп жатышат деп ойлоп жатабыз. Мелис Калыков ачкачылык жарыялап, сотко ишенбөөчүлүк көрсөтүп, жакындары аны «үй камагына чыгарып бергиле» деп талап коюп, айтор, ишти создуктуруп жатышат. Биз уулумдун өлүмүнө күнөөлүү адам жазасын толук тартышын каалайбыз. Шектүүнү өмүр бою эркинен ажыратылсын деп талап кылганбыз. Жакындары митингге чыгыптыр, шектүү өзү сотко нааразы болгон үчүн ачкачылык жарыялаптыр. Ишти карап жаткан соттун үстүнөн кылмыш иши ачылган дегенди биз да уктук. Бизге эң негизгиси, кайсы сот болбосун, адилеттикти орнотуп берүүсүн эле суранабыз. Мен да 6 прокурорго уулум Анарбай менен кошо жүрүп, өзүңөр менен алып калбайт белеңер деп дооматтарымды айткам. Алар алтоо тең ошол окуядан кийин прокуратурада, укук коргоо органдарында иштегенге моралдык акысы жок деп эсептейм. Менин жеке пикиримде, алар адамдын тагдырын чече турган органдарда иштебеши керек.

«ОТУРУМДУН ЖАБЫК ӨТҮШҮНӨ АЙЫПТАЛУУЧУ ТАРАП СЕБЕПКЕР»

Ош шаардык сотунун маалымат катчысы Бекзат Осмонкулов менен байланышканыбызда буларга токтолду.

– Прокурордун өлүмү боюнча жазык иши Ош шаардык сотунда каралууда. Соттук отурумдардын башталышында тараптардын каршы болгондугуна карабастан соттук териштирүүлөрдү ачык-айкын жүргүзүү максатында ЖМК өкүлдөрүнө сүрөт, видеого тартууга уруксат берилип, бардык кызыккан тараптар катышып жаткан. Бирок 2019-жылдын 5-август күнү судья буга чейинки соттук отурумдардын жүрүшүндө соттолуучу жана анын жактоочулары жалпыга маалымдоо каражаттарынын катышуусунан пайдаланышып, соттук отурумдарда ишке тиешеси жок сөздөрдү айтып, судьяга негизсиз ишенбөөчүлүк өтүнүчтөрүн келтиришип, соттук отурумдарды создуктурууга аракет кылгандыктан кийинки соттук отурумду журналисттердин катышуусусуз өткөрүүнү туура көргөн.

Жазык иши боюнча жогорудагыдай чечим кабыл алынган соң 2019-жылдын 7-август күнүнө дайындалган соттук отурумга соттолуучу Калыков абактагы бөлмөсүнөн чыкпай коюп, отурум 13-августка жылдырылган. Ал күнкү соттук отурумга да соттолуучунун жактоочулары келбегендиктен отурум 21-августка жылдырылды.

Тергөө ишинде 51 күбө суралып, алардын кыркка жакыны сотко келип көрсөтмө беришкен. Келерки сот отуруму 21-августка белгиленген. Прокурордун өлүмүнө байланыштуу сот иши дагы кандай уланат, көз салып, маалымат берип турабыз.
 

Айпери Хожаева
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
26.08.2019. 11:38 
Тайпасы:
Жаран
Комментарийлердин саны:
138
Катталган:
02-07-2019
Соӊку аракети:
06-12-2019 12:50
Жынысы:
Белгисиз
+3
Соттолуучу Калыков абактагы бөлмөсүнөн чыкпай коюп дегенди кандай түшүнсө болот, ичинен бекитип алыптырбы))). Ушул да шылтообу?
26.08.2019. 15:34 
Тайпасы:
Жаран
Комментарийлердин саны:
20
Катталган:
18-07-2019
Соӊку аракети:
05-12-2019 14:40
Жынысы:
Белгисиз
+3
Акыйкаттык жок!
Канчалаган адамдар бироонун кылмышы учун камалып кетип жатышат
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23288;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: